သင်ခန်းစာ

>> Friday, August 1, 2008


ကျနော် အရင်ရက်က ဘာသာပြန်ခဲ့တဲ့ မီးပွိုင့် အတိုလေးရဲ့စာရေးဆရာ Фазиль Искандер (ဖာဇီ(လ်) အီစကန်ဂျယ်) ရဲ့ Урок (သင်ခန်းစာ) ဆိုတဲ့ စာတိုတပုဒ်ကို ကျောင်းသင်ခန်းစာတုန်းက သင်ခဲ့ဖူးတာ နှစ်အတော်ကြာပါပြီ။ အခုအပုဒ်ကို ဖတ်ဖူးကြမဲ့ ကျနော့်ဘော်ဘော်တွေ များပါတယ်။ ရုရှားစာ သင်တုန်းက အလယ်အလတ်အဆင့်လောက်မှာ ဖတ်ခဲ့ရတဲ့စာဆိုတော့ အခုပြန်ဖတ်တော့ ဖတ်ရတာ သိပ်မခက်လှပါဘူး။ စာဖတ်ရ မခက်အောင်လည်း ပြင်ထားလို့ပါ။ မူရင်းအတိုင်းဆို ဖတ်ရတာ အနည်းငယ် ပိုခက်ပါလိမ့်မယ်။ မူရင်းတွေ့ချင်လို့ အင်တာနက်မှာ ရှာတာ မတွေ့ပါဘူး။ ဘာပဲပြောပြော ကိုယ်ဖတ်ဖူးတာလေးတခုကို အမှတ်တယအဖြစ် သိမ်းထားတယ်လည်း ဖြစ်အောင်ရယ် သူငယ်ချင်းတွေကိုလည်း ဝေမျှချင်တာရယ်ကြောင့် ဘာသာပြန်ပြီး ဒီဘလော့ဂ်မှာ တင်လိုက်ပါတယ်။


သင်ခန်းစာ

ဓလေ့ထုံးတမ်းတွေအရ ကျနော်တို့ မူဆလင်မိသားစု ဝက်သားကို ဘယ်တုန်းကမှ မစားကြပါဘူး။ လူကြီးတွေက မစားကြသလို၊ ကလေးတွေကို စာဖို့ခွင့်မပြုပါဘူး။ ကလေးတွေအနေနဲ့ကတော့ ဝက်သားကို မြည်းစမ်းဖို့ အခွင့်အလမ်းတွေရှိပါတယ်၊ ဥပမာ၊ မူကြိုကျောင်းမှာစားဖြစ်နိုင်သလို၊ ဧည့်သည်အနေနဲ့လည်း ဝက်သားကို စားဖြစ်နိုင်ပါတယ်။ ဒါပေမယ့် ကျနော့်အကို၊ ကျနော့်မမရယ် ကျနော်ကတော့ ဘယ်အခါတုန်းကမှ ဝက်သားကို မစားခဲ့ပါဘူး။ ဝက်သားကို မြည်းစမ်းစာချင်တဲ့စိတ်လည်း တခါမှ မပေါ်ခဲ့ပါဘူး။

အခုနှစ်ပိုင်း ကျနော်တို့အိမ်မှာ သူနာပြုဆရာမ အန်တီ ဆိုညာ နေတတ်ပါတယ်။ ကျနော်တို့မိသားစုတွေ အဆင်ပြေတဲ့ ဆက်ဆံရေးရှိပါတယ်။ ညနေပိုင်းတွေမှာ အန်တီဆိုညာ ကအိမ်ကိုရောက်လာပြီး သူ့ဘဝဇာတ်ကြောင်းပုံပြင်တွေ ပြောတတ်ပါတယ်။ လက်ဖက်ရည်အတူသောက်ကြ၊ ညစာတွေစားပြီးတဲ့အခါ သူမ သူမအိမ်ကို ပြန်သွားတတ်ပါတယ်။ အဲဒီအချိန်က သူ့အမျိုးသား ဦးလေးရှုရာ အလုပ်ကနေပြန်လာတဲ့အချိန်လေ။

ဦးလေးရှုရာက အလုပ်ကနေပြန်လာတယ်ဆိုရင်ပဲ တခုခုကို ပြင်ဆင်တော့တာပါပဲ။ စားပွဲတင်မီးအိမ်၊ နာရီ၊ ရေဒီယိုစသည်တွေကို ပြင်ပါတယ်။ ကျနော်က သူလုပ်ကိုင်နေတာကို ကြည့်ရတာပျော်သလို၊ သူ့ကို ကူညီညာလုပ်ပေးရတာကိုလည်း သဘောကျပါတယ်။ ဒီတော့ ညနေတွေမှာ သူတို့ အိမ်ကို မကြာခဏ ရောက်တတ်ပါတယ်။ ပစ္စည်းတခုခုကို မပြင်ခင်မှာ ဦးလေးရှုရာက အသေအချာကြည့်တယ်၊ ပြီးတော့ ဘယ်လိုပြင်ရင် ရမယ်ဆိုတာ ကျနော့်ကို ရှင်းပြလေ့ရှိပါတယ်။ ကျနော်တို့ အလုပ်လုပ်နေချိန်မှာ အန်တီဆိုညာ ညစာချက်ပြုတ်လေ့ရှိပါတယ်။

တစ်နေ့ ကျနော်ရယ်၊ မမရယ် အန်တီဆိုညာတို့အိမ်ကိုရောက်သွားတော့ ညစာစားဖို့ အန်တီဆိုညာက ကျနော်တို့ကို ဖိတ်ခေါ်ပါတယ်။ ညစာ ဝက်သားချက်ပါတယ်။ အန်တီနဲ့ ဦးလေးက ဝက်သားကို မကြာခဏ ချက်စားတတ်သလို၊ ကျနော့်ကိုလည်း စားဖို့ခေါ်လေ့ရှိပါတယ်။ ကျနော်ကလည်း မစားဘူးလို့ အမြဲငြင်းလေ့ရှိပါတယ်။ အခုတခါလည်း ကျနော်က မစားဘူးလို့ ငြင်းပါတယ်။ အဲဒီတော့ အန်တီဆိုညာက ဝက်သားအချပ်လေးတွေကို ပေါင်မုန့်မှာ ညှပ်ပြီး မမကိုပေးလိုက်ပါတယ်။ မမက အစပိုင်း နည်းနည်းလက်တွန့်နေပေမယ့် နောက်ကျ ယူပြီး စားပါတော့တယ်။ - " မင်းကတော့ကွာ ဘုန်းကြီးကျနေတာပဲ"လို့ ဦးလေးရှုရာက ကျနော့်ကိုပြောပါတယ်။

မမက အရသာရှိရှိကို စားနေတာလို့ ကျနော်ခံစားရပါတယ်။ သူမက ကလေးတွေ လုပ်နေကြအတိုင်းပါပဲ အရသာရှိမဲ့အပိုင်းအကြီးကို မစားဘဲ ဘေးမှာ ခဏချထားပါတယ်။ ပြီးတော့ ကျနော့်အကိုအကြောင်းကို ပြောပါတော့တယ်။ သူကျောင်းမှာ ဘယ်လောက်ညံ့တဲ့အကြောင်းပေါ့။ ကျနော်က ကျောင်းမှာ စာတော်တာ အားလုံးက သိကြတော့ သူမက ကျနော့်ကို ချီးကျူးချင်လို့ အဲဒါတွေပြောနေတာပါ။ အဲဒီအကြောင်းတွေ ပြောနေတုန်းမှာလဲ ကျနော် သူပြောနေတာကို နားထောင်နေသလား၊ နားမထောင်ဘူးလား၊ သူမဝက်သားစားတာကို ကျနော်မေ့သွားပြီးလား၊ မမေ့သေးဘူးလားဆိုတာကို ခန့်မှန်းချင်လို့ ကျနော့်ဘက်ကို မကြာခဏဆိုသလို မမက ကြည့်ပါတယ်။

ကျနော့်မျက်နှာပေါ်မှာတော့ သူမလုပ်တာကို မကြိုက်ဘူးဆိုတာကတော့ ပေါ်လွင်နေမှာပါ။ မမက ဘေးဝန်းကျင်ကို မျက်လုံးလေးဝေ့ကြည့်ပြီး ကျနော်က နားမလည်နိုင်တဲ့ အကောင်အဖြစ် ပြောနေတဲ့ပုံစံလုပ်ပါတယ်။

ပြီးတော့ သူမက အသားညှပ်မုန့်ကို အကုန်စားပြီး ဘာမှ မလုပ်ခဲ့သလို ဘာမှ မဖြစ်ခဲ့သလို ပုံစံနဲ့ လက်ဘက်ရည်သောက်ပါတယ်။ သူလက်ဘက်ရည်သောက်မယ်လုပ်ရင် ကျနော်က အသောက်ရပ်ပါတယ်။ သူ့ကို သဘောမကျဘူးဆိုတာ ပေါ်လွှင်အောင်လို့ပါ။ ကျနော့်စိတ်ထဲမှာလည်း မကြည်လင်ပါဘူး။ ညစာလည်း စားပြီးရော ကျနော်အိမ်ကို ပြန်ဖို့လုပ်ပါတယ်။ - " ကျနော်အိမ်စာတွေလုပ်စရာရှိလို့ ပြန်ဦးမယ်" ဆိုပြီး ဘဝမှာ ဘာအရေးအကြီးဆုံးလဲဆိုတာ နားလည်တဲ့ပုံစံရယ်၊ ကိုင်းတခြားလူတွေတော့ ကိုယ်စိတ်ဝင်စားတာ လုပ်ချင်ရာလုပ်ဆိုတဲ့ လူကြီးတစ်ယောက်ပုံစံနဲ့ ပြောလိုက်ပါတယ်။

အိမ်ကိုရောက်တော့ ကိုယ့်အခန်းကို သွားတယ်။ ခဏနေတော့ မမပြန်ရောက်လားပြီး၊ ကျနော်ဘယ်မှာလဲလို့ မေးပါတယ်။ " သူအိပ်မယ်ဆိုပြီး သူ့အခန်းထဲဝင်သွားတယ်၊ သူ့ကြည့်ရတာ သုန်သုန်မှုန်မှုန်နဲ့ ဒီနေ့ဘာတွေ ဖြစ်လာတာလဲ။" မေမေက မေးပါတယ်။ " ဘာမှ မဖြစ်ပါဘူး"လို့ မမက ပြန်ဖြေပါတယ်။ ကျနော်သူမကို နည်းနည်းသနားသွားပါတယ်။ ကျနော်က မိဘတွေကို အကြောင်းစုံပြန်ပြောမှာကို သူမသိပ်ကြောက်နေမယ်၊ ရှက်နေမယ်ဆိုတာ ကျနော်သိပါတယ်။ ဒါပေမယ့် ကျနော်ထင်တာ မှားသွားပါတယ်။ ခဏနေတော့ မမက မေမေ့ကို တခုခုပြောပြီး သူတို့နှစ်ယောက်ရဲ့ ခပ်အုပ်အုပ်ရီသံကို ကြားရပါတယ်။ အခုညနေခင်းမှာ သူမသိပ်ကိုပျော်နေတယ်ဆိုတာ ထင်ရှားနေပြီပေါ့လေ။ ဝက်သားကို စားခဲ့တယ်၊ ကျနော်က ဘာမှမပြောတော့ သူမက မေမေ့ကို အပျော်တွေပြောနေပြီပေါ့လေ။ " နေနှင့်ပါဦးလေ၊ ငါ့အချိန်လည်း ရောက်လာဦးမှာပါ" လို့ ကျနော် စိတ်ထဲမှာ တေးထားလိုက်တယ်။ နောက်နေ့ညနေခင်းမှာ မိသားစုဝင်တွေအားလုံး ထမင်းစားဖို့ ဖေဖေ့ကို စောင့်နေကြပါတယ်။ ကျနော်က မမဘာတွေလုပ်ထားတယ်တယ်ဆိုတာကို တိုင်မယ်လို့ ဆုံးဖြတ်ထားပေမယ့်၊ အလုပ်ကပြန်လာတဲ့ ဖေဖေ့မျက်နှာက ပင်ပန်းပုံပေါက်နေလို့ တိုင်ချိန်မကျသေးဘူးဆိုတာ သဘောပေါက်လို့ ကျနော် ဘာမှ မတိုင်ဖြစ်ခဲ့ပါဘူး။ ထမင်းစားပြီးတော့ ကျနော် မမကို မကြာခဏလှမ်းလှမ်းကြည့်ပြီး သူမအပြစ်တွေကို တိုင်းတော့မယ့်ဟန်လုပ်ပြပါတယ်။ မမက ကျနော်ပြန်တိုင်မှာကို ကြောက်နေတဲ့ပုံကို မြင်ရတာက ကျနော်မိဘတွေကို ပြန်တိုင်လိုက်ရတာထက် ပိုပျော်ပါတယ်။

စားသောက်ပြီးတော့ ကျနော်တို့ လက်ဘက်ရည်ထိုင်သောက်ကြပါတယ်။ ဖေဖေကနည်းနည်း ရွှင်ပြုံးလာတာနဲ့ မိသားစုဝင်တွေအားလုံးလည်း စကားတွေပြောရင်း ပျော်ရွှင်လာကြပါတယ်။ အထူးသဖြင့် မမပေါ့။ မမက ကျောင်းက ပျော်စရာတွေအကြောင်းပြောနေတော့ ကျနော်က သဘောမကျပါဘူး။ အပြစ်လုပ်ထားတဲ့သူက သုန်သုန်မှုန်မှုန်လေးဖြစ်နေရမှာ မဟုတ်လား။

ခဏနေတော့ ဖေဖေက သူ့အိတ်ထဲကနေ ဗလာစာအုပ်အသစ်တွေ ဆွဲထုတ်လိုက်ပါတယ်။ နွားနို့လို ဖြူဖွေးနေတဲ့ စာရွက်ထူထူ အဖုံးလှလှနဲ့စာအုပ်တွေပါ။ (၉)အုပ်ဆိုတော့ ကျနော်တို့တစ်ယောက်ကို (၃)အုပ်စီပေးပါတယ်။ ဒီလိုခွဲဝေတာ လုံးဝကိုမတရားဘူးလို့ ကျနော်ထင်ပါတယ်။

ပြောခဲ့တဲ့အတိုင်းပါပဲ ကျနော်က စာတော်တဲ့သူတစ်ယောက်ဖြစ်ပါတယ်။ တခါတလေဆို ကျနော် အဆင့်(၁)ရပါတယ်။ ကျနော့်အကိုဆိုရင် လူဆိုး စာညံ့တစ်ယောက်ပါ။ ကျနော့်လို စာတော်တဲ့သူတစ်ယောက်နဲ့ စာအုပ်အရေအတွက်အတူရတာ မတရားပါဘူး။ မနေ့က ဝက်သားစားထားတဲ့ မမကလည်း ကျနော့်လိုပဲ စာအုပ်အရေအတွက်အတူရပါတယ်။

-" ငါ့စာအုပ်တွေက အကောင်းစားတွေ" လို့ စာအုပ်တွေကို ကြည့်ရင်းမမက အော်လိုက်ပါတယ်။

ကျနော်ဘယ်လိုမှ သည်းမခံနိုင်လို့ နောက်ဆုံးထပြီး အော်ပြောလိုက်ပါတယ်။
- " သူ မနေ့က ဝက်သားစားတယ်"

အခန်းထဲမှာ တိတ်ဆိတ်သွားပါတယ်။ အဲသလိုဖြစ်သွားရမှာမဟုတ်ဘူးဆိုတာ ကျနော်နားလည်ပါတယ်။ ကျနော့်ကိုကြည့်နေတဲ့ ဖေဖေ့မျက်နှာကလည်း မသာမယာနဲ့ပါ။ ကျနော်ပြောလိုက်တာကများ နားမရှင်းလို့လား။ - " သူ မနေ့က အန်တီ ဆိုညာတို့အိမ်မှာ ဝက်သားစားခဲ့တယ်။" လို့ ကျနော့်စကားမှ မဆုံးခင် အဖေက ကျနော့်နားရွက်ကို ဆွဲပြီး ကြမ်းပြင်ပေါ် ပစ်ချလိုက်ပါတယ်။ " တို့အိမ်မှာ ဘယ်တော့မှ သစ္စာဖောက်မရှိရဘူးကွ" လို့ အဖေက အကျယ်ကြီးအော်လိုက်ပါတယ်။

ကျနော်လည်း ကြမ်းပြင်ပေါ်မှာ မှောက်ရက်ကြီးနဲ့ ဘာတွေဖြစ်သွားတယ်ဆိုတာကို နားမလည်နိုင်ပါဘူး။ ကျနော် ဖေဖေ့ကို အရမ်းချစ်ပါတယ်၊ အဲဒီနေ့အထိ ဖေဖေ ကျနော့်ကို အဲသလို အပြစ်တခါမှ မပေးဖူးပါဘူး။
အခုဆိုရင် နှစ်တွေလည်း ကြာခဲ့ပါပြီ။ ကျနော် ဝက်သားကို စားရရင် ပျော်တာမဟုတ်ပေမယ့်လည်း ဝက်သားကို စားခဲ့တာလည်း ကြာပါပြီ။ ဖေဖေပေးလိုက်တဲ့ သင်ခန်းစာကိုလည်း မမေ့ပါဘူး။ မည်သို့သော မြင့်မားတဲ့ အတွေးအကြံကမှ သစ္စာဖောက်မှုကို ခွင့်ပြုလိုက်တာ မဟုတ်ဘဲ၊ သစ္စာဖောက်မှုရဲ့အခြေခံဟာ အလွန်ကိုသေးငယ်တဲ့ မနာလိုဝန်တိုမှုဖြစ်နေတယ်ဆိုတာ ကျနော် တဘဝလုံး နားလည်ပြီး သဘောပေါက်ခဲ့ပါတယ်။

10 comments:

မြရွက်ဝေ August 1, 2008 at 4:20 AM  

ဖတ်လို့ကောင်းတယ်။ ဘာသာပြန်တဲ့သူ တော်လို့ဖြစ်မယ်။

Anonymous August 1, 2008 at 4:52 AM  

''သစ္စာဖောက်မှုရဲ့အခြေခံဟာ အလွန်ကိုသေးငယ်တဲ့ မနာလိုဝန်တိုမှုဖြစ်နေတယ်ဆိုတာ ကျနော် တဘဝလုံး နားလည်ပြီး သဘောပေါက်ခဲ့ပါတယ်''... သူက ကိုယ်တွေ့သင်ခန်းစာရသလို ညီမတို့လည်းကိုဇနိဘာသာ ပြန်ပေးလို့ စာတွေ့သင်ခန်းစာရလိုက်ပါတယ်...

တားမြစ် ထားသော... August 1, 2008 at 8:40 AM  

မည်သို့သော မြင့်မားတဲ့ အတွေးအကြံကမှ သစ္စာဖောက်မှုကို ခွင့်ပြုလိုက်တာ မဟုတ်ဘဲ၊ သစ္စာဖောက်မှုရဲ့အခြေခံဟာ အလွန်ကိုသေးငယ်တဲ့ မနာလိုဝန်တိုမှုဖြစ်နေတယ်ဆိုတာ ကျနော် တဘဝလုံး နားလည်ပြီး သဘောပေါက်ခဲ့ပါတယ်။
**************************
ကောင်းတဲ့စာလေးပါပဲ။ စဉ်းစားစရာလေးလည်း ပေးသွားပါတယ်။ သစ္စာဖောက်မှုရဲ့ အခြေခံဟာ အလွန်ကိုသေးငယ်တဲ့ မနာလိုဝန်တိုမှုတဲ့လား။ မနာလို ဝန်တိုမှုမဟုတ်တဲ့ တခြားအခြေအနေ တစ်ခုခုအပေါ်မှာ အခြေခံတဲ့ သစ္စာဖောက်မှုတွေရော ရှိမနေနိုင်ဘူးလားခင်ဗျာ။ ဒီစာလေးနဲ့ ဒီမှတ်ချက်ကတော့ ထိမိတဲ့ မှတ်ချက်ပါပဲ။ သစ္စာမဲ့မှုတွေ ပုံစံမျိုးစုံနဲ့ ရှိနေနိုင်ပါသေးတယ်။
ဆက်စပ်၍ တွေးကြည့်မိခြင်းလေးပါ။
အခုလို ဝေမျှတာ ကျေးဇူးပါ။

Anonymous August 1, 2008 at 9:06 AM  

ကိုဇနိရေ မနာလိုဝန်တိုမှုရဲ့ ကြောက်စရာ ကောင်းမှုကို ဘာသာပြန်ပြထားတာပါ့လား။ မောင်နှမအရင်းအခြာတွေကြားမှာလည်း ဒီစိတ်လေးက မသိမသာရှိနေတာပေါ့နော်။ သတိနဲ့ ဆင်ခြင်နိုင်အောင် ပြောပြပေးထားတဲ့ ပို့စ်ကောင်းလေးပါ။ ဘာသာပြန်တွေကို အားပေးနေပါတယ်။

Anonymous August 1, 2008 at 9:39 AM  

ကိုဇနိရေ
ဘာသာပြန်သင့်တဲ့စာကောင်းလေးတစ်ပုဒ်ပါပဲ။ ဒီနေရာမှာ သစ္စာဖောက်မှုဆိုတာက ဘာသာတရားကချမှတ်ထားတဲ့စည်းကမ်းတွေကိုဖောက်ဖျက်မိလို့၊ ဘာသာရေးကိုသစ္စာဖောက်တာရယ် (ဒါမှမဟုတ်စည်းကမ်းဖောက်ဖျက်တာလို့များပြောလို့ရမလား)၊ မောင်နှမအချင်းချင်းသစ္စာဖောက်တာရယ် နှစ်မျိုးရောထားတယ်ထင်တယ်။ သူတို့အဖေ၊အမေတွေလဲ ဝက်သားစားခဲ့ကောင်းစားခဲ့မှာပါ။ ဒါပေမယ့် ဘယ်သူ့ဘယ်သူမှပြန်မပြောဘဲ နှုတ်လုံခဲ့ကြတယ်ပေါ့။ သစ္စာဖောက်မှုက မနာလိုစိတ်ကနေလဲ အစပျိုးတတ်တယ်ဆိုတာကတော့ သတိထားစရာပါပဲ။

Anonymous August 1, 2008 at 11:42 AM  

ဘာသာပြန်တဲ့အပိုဒ်တိုင်းမှာ
တင်ပြပုံသပ်ရပ်ပြီး
ထိထိရောက်ရောက်ချပြနိုင်တာကို
အားကျလေးစားမိပါ၏။

Anonymous August 1, 2008 at 12:04 PM  

သစ္စာဖောက်မှုရဲ့အခြေခံဟာ အလွန်ကိုသေးငယ်တဲ့ မနာလိုဝန်တိုမှုဖြစ်နေတယ်ဆိုတာ ကျနော် တဘဝလုံး နားလည်ပြီး သဘောပေါက်ခဲ့ပါတယ်။

အဲ့ဒီ အဆုံးသတ်စာသားလေးကို အကြိုက်ဆုံးပဲ ဘာသာပြန်ပေးတာ ကျေးဇူး အထူးပါ ကိုဇနိရေ့း)

RePublic August 1, 2008 at 12:21 PM  

စာအရေးတော်တဲ့ကိုကြီးဇနိ ၊၊ ကောင်းတယ်ဗျာ ၊၊အနှစ်သာရရှိလှပါတယ် ၊၊ ကိုဇနိကြီးရဲ့ အရင်တုန်းကဘာသာပြန်ထားတဲ့ ဟိုးအရင်ကပို့စ်တွေကိုလည်း ကျွန်တော် လာလာဖတ်ဖြစ်ပါတယ် ၊၊ နှစ်ခြိုက်မိပါတယ် ၊၊

မင်းကျန်စစ်။ August 1, 2008 at 10:49 PM  

အတွေးအခေါ်လေး တစ်ခုရလိုက်တယ်ဗျာ။ ကျေးဇူးပါ။

pandora August 10, 2008 at 11:59 AM  

''သစ္စာဖောက်မှုရဲ့အခြေခံဟာ အလွန်ကိုသေးငယ်တဲ့ မနာလိုဝန်တိုမှုဖြစ်နေတယ်” မှတ်သားစရာ တွေးတောစရာ ဒီစာလေးကို ဘာသာပြန်ပေးတဲ့အတွက် အရမ်း ကျေးဇူးတင်ပါတယ်

  © Blogger templates Shiny by Ourblogtemplates.com 2008

Back to TOP