ကြက်မြစ်ကြက်သည်းဟင်း

>> Tuesday, September 30, 2008


မဇနိနဲ့ ကျနော် အခုရက်ပိုင်းလေးမှာ အလုပ်တွေက နည်းနည်းလေးရှုပ်နေတော့ ဘလော့ဂ်ဖက်ကို မလှည့်နိုင်ဖြစ်နေကြပါတယ်။ ပို့စ်အသစ်မရှိတော့ အလည်လာတဲ့ မိတ်ဆွေတွေကို အားလည်းနာမိတယ်၊ အလည်လာလို့ ကျေးဇူးလည်းတင်ပါတယ်။ နောက်ထပ် အားနာရတဲ့သူတစ်ယောက်ကတော့ ကိုအန်ဒီပါ။ သူ့ ဝီရှီမီမှာ ကျနော်တို့ဘလော့အတွက် ရှယ်ယာသုံးနေရာပေးထားတော့ ကိုယ်က အခုအချိန် ပို့စ်မတင်နိုင်သေးတဲ့အချိန်မှာ စိတ်ထဲက အားနာနေတာပါ။ တဆက်တည်းပဲ အကယ်ဒမီပေး(မခင်ဦးမေ စတိုင်နဲ့ပြောတာပါ)တဲ့ ကိုအန်ဒီကိုလည်း ကျေးဇူးတင်ကြောင်း ပြောပါရစေ။

ဒီလိုနဲ့ ဟိုတစ်နေ့က မဇနိလုပ်စားဖြစ်တဲ့ ဟင်းလေးကို တင်လိုက်ပါတယ်။


ကြက်မြစ်ကြက်သည်းဟင်း

ပထမဆုံး ကြက်မြစ်ကြက်သည်းကို ရေးစင်အောင်ဆေးပါတယ်။ ကြက်မြစ်ကြက်သည်းထဲကို ဂျင်း၊ ကြက်သွန်ဖြူ ထောင်းထားတာရယ်၊ ငံပြာရည် ဆနွင်းမှုန့်အနည်းငယ်ရယ် ထည့်နယ်ပါတယ်။ ပြီးတော့ ရေမြှုပ်လောက်ရုံထည့်ပြုတ်ပါတယ်။ ရေခန်းသွားပြီဆိုရင် မီးဖိုပေါ်က ချထားလိုက်မယ်။ ငရုတ်ပွသီးကို လေးစိပ် စိပ်ထားပါတယ်။ ပဲသီးကို အနေတော်လေးတွေ သင်ထားလိုက်ပါတယ်။ ခရမ်းချဉ်သီး၊ ကြက်သွန်နီ၊ ကြက်သွန်ဖြူနဲ့ ခရမ်းချဉ်သီးလိပ်အောင် ဆီပူပူမှာ ထည့်လှိမ့်ပါတယ်။ ခရမ်းချဉ်သီးလိပ်ရင် ပြုတ်ထားတဲ့ ကြက်မြစ်ကြက်သည်းကို ထည့်မွှေပါတယ်။ ငရုတ်ပွသီးရယ်၊ ပဲသီးရယ်ကိုထည့်၊ ခပ်ဖွဖွ မွှေပြီး ရေစပ်စပ်လေး ထည့်ချက်လိုက်ပါတယ်။ ရေအတော်အသင့် ခမ်းလို့ ကိုယ့်စိတ်ကြိုက်အနေအထားရရင်၊ နံနံပင်လေးခပ်ပြီး ချလိုက်လို့ရပါပြီ။ ကြက်မြစ်ကြက်သည်းပြုတ်တုန်းက များတယ်ဆိုရင် ဟင်းချက်ဖို့ အတော်အသင့်ခွဲထားပြီး ကျန်တာကို ပါးပါးလေးတွေ လှီးပါတယ်။ ဆီမှာ ထည့်ကြော်ပြီး ကြက်သွန်ဖြူလေးပါအုပ်လိုက်ပါတယ်။ အစပ်ကြိုက်တတ်တဲ့သူတွေကတော့ ငရုတ်သီးအကြမ်းမှုန့်ပါထည့်ပြီး ကြွပ်ကြွပ်လေးကြော်ထားလိုက်ရင် ရက်ရှည်ထားလို့ရပါတယ်။ မနက်အစော ထမင်းပူပူလေးနဲ့ တွဲစားသလို၊ ရေနွေးလေးနဲ့လည်း မြည်းလို့ရပါတယ်။

9 comments:

မုဒိတာ September 30, 2008 at 5:33 PM  

ကြက်သည်းမြစ်ဆို သိပ်မချက် တက်ဘူး
အဲလို စတိုင်လေးချက်ကြည့်ဦးမှ

nu-san September 30, 2008 at 5:58 PM  

အလုပ်ရှုတ်နေတယ်ဆိုတော့လည်း ခွင့်လွှတ်ပါတယ် ကိုဇနိရယ်.. မဇနိနေများမကောင်းဘူးလားလို့.. :)
အခုတော့ ထမင်းစားပြီးမှ လာလို့ အိနြေ္ဒရရပဲ ပို့စ်လေး ဆုံးအောင်ဖတ်သွားတယ် မဇနိရေ.. :)

khin oo may September 30, 2008 at 6:00 PM  

တို.ကတော. သိတ် မင်္သကာဘူး . ဘာတွေ ကြိတ် ကြံနေ သလဲ လို. စဉ်းစားနေတယ်။ ပိုဥာဏ်ရွှင် အောင် ချက်ထားတာတွေ စားလိုက်တယ်။

ဝါ၀ါခိုင်မင်း September 30, 2008 at 6:12 PM  

Oh!!! Oishi so ..
မဇနိ ရေ... စားချင်စရာကြီးနော်.ပုံကြည့်ပြီး သွားရည်
တွေကျသွားတယ်..ဂလု.
ဝါ၀ါ လည်းချက်စားဦးမှပဲ.. ကျေးဇူး နော်။

Moe Cho Thinn September 30, 2008 at 8:06 PM  

ကြက်မြစ်ကြက်သည်းကို အမက ဒီလို ပုံစံ တခါမှ မချက်ဖူးဘူး။ တခြားနည်းတွေပဲ ချက်ဖူးတာဆိုတော့ ဒါလေးက အသစ်ပဲ စမ်းကြည့်အုံးမှ။

(တကယ်က ဘယ်လိုပုံစံမှ မချက်ဖူးဘူး နိနိရေ..:P)

Republic October 1, 2008 at 4:09 AM  

မမနိ ရေ စောကြီးထ ပြီး မနိ ဟင်းကိုပါဆယ် ဆွဲသွားမလို့ ၊၊
ဟင်းချက်လည်း တော်တဲ့ မမကွိ ၊၊ အမြဲပျော်ရွှင်ပါစေဂျာ ၊၊

ကိုကြီးဝီ

တန်ခူး October 1, 2008 at 5:41 AM  

နှစ်ယောက်လုံး အလုပ်ရှုပ်နေပုံ ထောက်တော့… အင်း…မဟုတ်မှ လွဲရော စားရတော့မယ်ထင်တယ်… ကြက်မြစ်ကြက်သဲဟင်းလေးက သွားရည်ယိုစရာပေမယ့် ပွဲကြီးဆို ဒီလောက်နဲ့ တော့ မရဘူးနော်…

မောင်မျိုး October 1, 2008 at 7:41 AM  

ဗိုက်ဆာတယ် အိမ်မှာဟင်းမကောင်းဘူးးး တကယ်စားလို့ ရ ဘယ်လောက်ကောင်းးးးးးးးးးးးး

မဇနိ October 7, 2008 at 6:08 PM  

ချက်ကြည့်ပြီးရင် လာမြည်းလှည့်မယ်နော မုဒီတာ

မမနုစံကတော့ လုပ်ပီဗျာ ညီမကလည်း မမထမင်းဗူးထဲက စားချင်နေတာပါ

ဘာမှမကြံရပါဘူး မမကေအိုအမ်ရယ်

မမ ၀ါဝါ အိုအိရှိ လားဗျ

မမချိုသင်း ရယ်စရာတွေ သိပ်မရေးနဲ့နော် ရယ်ရတာ အူနာလွန်းလို့ပါ

ပါဆယ်တော့ မပေးဘူးလေ ကိုကြီး ၀ီ

အမတန်ခူးရေ ပွဲကြီးဆို များကြီးကျွေးမယ်နော် စိတ်တော့ကူးနေပြီရယ်

တကယ်ယူစားလိုက် မောင်မျိုး။ ဗိုက်ဆာတယ်ဆိုတော့ ဘယ်သူ့ကိုလွမ်းလို့လဲ

  © Blogger templates Shiny by Ourblogtemplates.com 2008

Back to TOP