၂-မှတ်

လမ်းလျှောက်ရင်း ငါသေဆုံးခဲ့တာ နှစ်တွေကြာပေါ့
အခက်အခဲတွေက ငါ့အပေါ်တစ်ရွက်ချင်း ကြွေကျနိုင်လွန်းတယ် ... ။
ဝဋ်ဒုက္ခဆိုတာ ၀ပ်နေတဲ့ဒုက္ခ မဟုတ်ဘူး
ဖေဖေက မေ့မေ့ကို ပြောနေတာ
(ငါ့ကိုမမွေးခင်ကတည်းက) နားစွန်နားဖျားတော့ ကြားမိသား။
ခွေးတွေပြေးသလို ယုန်လည်းပြေးတတ်ပါရဲ့
ဒါပေမယ့်
ခြေလေးချောင်းချင်းအတူတူ သူတို့က "အူ"လို့ရတယ်လေ
ကဲ ...
ငါကောက်ရထားတဲ့ ရွှေခါးပတ်နဲ့ ဘယ်သူ့ကို စိမ်ခေါ်ရင်ကောင်းမလဲ
ဖြစ်နိုင်မယ်ဆိုရင် မနက်ဖြန်နည်းနည်းလိုချင်တယ်။ ။

တာရာမင်းဝေ