Prejudice

ကျနော် prejudice ဆိုတာကို ပြောချင်နေတာက ကြာပါပြီ။ prejudice ကို ရုရှားလို предрассудок လို့ခေါ်ပါတယ်။ မြန်မာလိုဆို ဘယ်စကားလုံးရှိသလဲဆိုတာ ကျနော် မသိပါဘူး။ သိတဲ့သူတွေ ပြောပြပေါ့နော။ အင်္ဂလိပ်-မြန်မာ အဘိဓာန်ထဲမှာတော့ ရေရေရာရာ မသိဘဲ တင်ကူးရမ်းဆ၍ ဆုံးဖြတ်ခြင်း (သို့) အဂတိ လို့ရေးထားတယ်။ ထားတော့၊ ပြောပြလိုက်ရင် ကျနော်ပြောနေတာ ဘာလဲဆိုတာကို သိသွားမှာပါ။ ကျနော်တို့ မြန်မာတွေမှာ အလေ့ရှိတယ် မဟုတ်လား၊ ရွှေကျီးသာရင် ဧည့်လာတယ်ဆိုတာ။ (အဲဒါကြောင့်ပြောတာပေါ့ သာတဲ့ကျီးကို မနက်က လောက်လေးနဲ့ပစ်ပါဆိုတာ၊ ရှင်နားမထောင်တော့ အခု ဧည့်သည်ရောက်နေပြီ ဆိုပြီး ဧည့်ခန်းထဲမှာ ဧည့်သည်ကိုထား၊ မီးဖိုထဲမှာ မိန်းမက ယောက်ျားကို ဆူနေတဲ့ပုံ ကာတွန်းလေးကို မျက်စိထဲ ပြေးမြင်မိတယ်။) အဲသလိုပေါ့ အကြောင်းအရာ အခြေအမြစ်မရှိဘဲ စိတ်ထဲမှာ သာမန်အားဖြင့် လက်ခံထားတာလေးတွေကို ပြောတာပါ။ ဒီလို လက်ခံတယ်ဆိုတာတွေကလည်း အတွေ့အကြုံတွေအရ “ဒီလိုဆိုရင် ဒါမျိုးဖြစ်တတ်တယ်” ဆိုတာတွေက မှန်တာများလာတော့ စိတ်ထဲမှာ လက်ခံလာကြတာတွေ ဖြစ်မယ်။


ရုရှားဆိုတာ စက်မှုပညာဘက်မှာ ထွန်းကားတဲ့ နိုင်ငံမဟုတ်လား။ ဒီတော့ ကျနော် ရုရှားကိုရောက်လာတော့ အဲသလို (Prejudice)တင်ကြိုခန့်မှန်းနိမိတ်ကောက်တာတွေ ရုရှားမှာ မရှိဘူးပဲ ထင်တာပေါ့။ နောက်မှ စာတွေသင်ရင်း အဲတာတွေ ပြောလာတော့မှ သူတို့လည်း ရှိတာပါပဲလားဆိုပြီး သိလာတာပါ။ ရုရှားမှာ တစ်ယောက်ယောက်က လမ်းသွားရင်းနဲ့ လမ်းမှာ သူ့ရှေ့က ကြောင်နက်တစ်ကောင်ကများ ဖြတ်ပြေးသွားရင် အဲဒီလမ်းကို ဆက်မသွားဘူးတဲ့၊ နိမိတ်မကောင်းဘူးလို့ ယူဆတယ်။ တခြားတစ်ယောက်ယောက်က သူ့ရှေ့က အဲဒီလမ်းကို မသွားမခြင်းပေါ့။ တခြားတစ်ယောက်က သူ့ရှေ့က ဖြတ်သွားပြီးပြီဆိုရင်တော့ ဆက်သွားတယ်။ မြန်မာတွေမှာလည်း ကိုယ်သွားမယ့်လမ်းမှာ ဖွတ်ဖြတ်ပြေးသွားရင် သွားမယ့်လမ်း ဆက်မသွားချင်တာတွေ၊ လုပ်လက်စ အလုပ်ရပ်ပြစ်လိုက်တာတွေ ရှိတယ်မဟုတ်လား။

နောက်တခုရှိသေးတယ် ဒီရုရှားမှာပေါ့၊ အပြင်ကနေ အိမ်ကို ပြန်လာရင်၊ အိမ်ထဲ မ၀င်ခင်၊ တံခါးဝမှာ မတ်တပ်ရပ်၊ ခေါင်းလေးကို စောင်း (ဘယ်ဖက်လား၊ ညာဖက်လားတော့ သေချာ မမှတ်မိတော့ဘူး။ ဘယ်ဖက်ဖြစ်ဖို့များတယ်။) ပုခုံးပေါ်ကို တံသွေးနဲ့ထွေးသလို “ထွီ၊ ဖွတ်၊ ဖတ်” နဲ့ လုပ်လေ့ရှိသတဲ့။ လူတိုင်းတော့ လုပ်ချင်မှ လုပ်မှာပေါ့နော။ ဘာလို့ အဲသလို လုပ်လဲဆိုတော့ မကောင်းဆိုးဝါးတွေက အဲဒီပုခုံးဖက်ပါ ကပ်ပါလာတတ်လို့၊ သူတို့ကို နှင်ထုတ်တာတဲ့။ ကျနော်တို့ မြန်မာမှာ ရှိတယ် မဟုတ်လား၊ နေ၀င်မိုးချုပ်ချိန် ကလေးတွေ အပြင်ကနေ ဆော့ကစားပြန်လာရင် အိမ်ထဲ တန်းမ၀င်ရဘဲ၊ လူကြီးတွေက “ဟဲ့ ဟဲ့ ဖွ ဖီ” လုပ်ဦးဆိုလို့ ခြေခါခါ လက်ခါခါနဲ့ ဖွ ဖီ ဆိုပြီးလုပ်ရတယ်။ မကောင်းဆိုးဝါးတွေ ကပ်ပါလာမှာစိုးလို့တဲ့။ နောက်ပြီး ကလေးပေါက်စနဲ့ လူကြီးတစ်ယောက်က ညဖက်အပြင်ထွက်ရင် ကလေးလေးနဖူးကို လူကြီးခြေဖနောင့်က ဖုန်မှုန့်လေးကို ယူသုတ်ပေးတတ်ကြတယ်၊ အပ မမှီအောင်လို့တဲ့။

ကျနော်သိတဲ့ ရုရှား Prejudice နောက်တခုရှိသေးတယ်။ တစ်ယောက်ယောက်က ကိစ္စတခုခုနဲ့ အပြင်ကိုသွားရင်း လမ်းမှာ ရေဆိုင်ထမ်းလာတဲ့ သူနဲ့တွေ့တယ်ဆိုပါတော့။ ရေဆိုင်းထမ်းလာသူရဲ့ ရေပုံးထဲမှာ ရေမပါလာဘူးဆိုရင် ကိစ္စနဲ့ အပြင်သွားတဲ့သူရဲ့ ကိစ္စရည်ရွယ်ချက် မအောင်မြင်ဘူးတဲ့။ ရေ အပြည့်ပါလာတယ်ဆိုရင်တော့ ရည်ရွယ်ထားတဲ့ ကိစ္စအထမြောက်အောင်မြင်တယ်လို့ ယူဆပါတယ်။ မြန်မာမှာတော့ အဒေါ်ကြီးတစ်ယောက် ပြောပါတော့၊ ပိုက်ဆံအကြွေးသွားတောင်းမလို့ ထွက်အလာ၊ တစ်ယောက်ယောက်က “ဒေါ်ကြီး ဘယ်သွားမလို့လဲ” မေးရင် အမေးခံရတဲ့ ဒေါ်ကြီးက အကြွေးတောင်း ဆက်မထွက်တော့ဘူးဆိုတာတွေပေါ့။

မြန်မာမှာတောင် အထက်ပိုင်း၊ အလယ်ပိုင်း၊ အောက်ပိုင်း ဒေသတွေကွဲတော့၊ အရပ်ဒေသ တခုနဲ့ တခု လက်ခံကြတဲ့ တင်ကြိုခန့်မှန်း နိမိတ်ကောက်တာတွေ တူကြမှာ မဟုတ်ပါဘူး။ ကျနော်က အဲဒါတွေကို အသိနည်းပါတယ်။ မွေးလာတဲ့ သားဦးက စနေသားဆိုရင် “သားဦးစနေ မီးလိုမွှေ” ဆိုပြီး အဖေလုပ်သူက ဒါးကြီးထမ်းပြီး သားပေါ် ဖြတ်လျှောက်တာတွေ ရှိတယ်မဟုတ်လား။ ဒါတွေလည်း Prejudice တွေနေမှာပေါ့။ သောကြာသား စကားများတယ်တယ်၊ အင်္ဂါသားသမီး သိပ်ကောက်တတ်တယ်တို့။ စောစောက ပြောသလိုပါပဲ တနိုင်ငံနဲ့ တနိုင်ငံ၊ နိုင်ငံတခုထဲမှာကို တဒေသနဲ့ တဒေသ၊ Prejudice တူတာတွေ ရှိသလို၊ မတူတာတွေလည်း ရှိမှာပါ။ ဒီတော့ ဘလော့လာဖတ်သူ ဘော်ဘော်တွေကို ကိုယ့်ဒေသက Prejudice တွေ၊ သိထားတာလေးတွေကို comment ရေးလို့ဖြစ်ဖြစ်၊ post ရေးလိုပဲဖြစ်ဖြစ် ပြောပြရင် များများသိရတာပေါ့နော။ မျှော်နေမယ်ဗျာ။