အမည် …နာမ..၀ိသေသ

''ဇေသော်''ဆိုသောနာမည်မှာ ဖေဖေဆီမှ သော် ပထမဦးဆုံးရရှိခဲ့သည့် အမွေတစ်ခုဖြစ်သည်။ နာမည်များ၏အဓိပ္ပါယ်ကို သော်စဉ်းစားတတ်သောအရွယ်ရောက်တော့ ``ဖေဖေသော့်နာမည်ရဲ့ အဓိပ္ပါယ်ကို သော်မရိပ်မိဘူး။ ပြောပြပါ။``ဟုပြောသည်။`မရိပ်မိဘူးလို့မပြောရဘူးသမီးရဲ့ နားမလည်ဘူး မရှင်းဘူးလို့ ပြောရတယ်`ဟု ဝေါဟာရကိုအလွန်တန်ဖိုးထားသောဖေဖေက ပြောခဲ့သေးသည်။ ပြီးမှဖေဖေက``သမီးနာမည်ရဲ့ရှေ့မှာ ၀ှက်ထားတဲ့အဓိပ္ပါယ်တစ်ခုရှိတယ်။ ဆိုပါတော့သမီးရယ် သမီးကိုမွေးလာတော့ သမီးလေးကိုဖေဖေက ကျန်းမာစေချင်တယ်၊ အဲဒီတော့ သမီးနာမည် မာစေသော်ပေါ့ သမီးမေမေကသမီးကို ချောချောလှလှလေး ဖြစ်စေချင်တယ် ဒီတော့ ချောစေသော် လှစေသော် ပေါ့ ။`စေ`ကိုအသံအတိုင်း `ဇေ`လို့ ပြောင်းထားတာ။ အဲဒီလိုစဉ်းစားကြည့်လိုက်။ ပြီးရင် သမီးစဉ်းစားတဲ့နာမည်လေးတွေဖေဖေ့ကိုစာရွက်တစ်ရွက်မှာရေးပြ``ဟုပြောပါသည်။ ဒီတော့မှ သော်သဘောပေါက်လာပြီး ဆယ်တန်းစာမေးပွဲကိုအောင်တော့မှာဆိုတော့ အောင်ဇေသော် ဟုသောနာမည်ကိုပထမဆုံးရေးသည်။ သူငယ်ချင်းများအတွက် ချစ်ဇေသော် ခင်ဇေသော်မြတ်နိုးဇေသော် စသဖြင့်ကောင်းကောင်းလေးများပဲမှည့်လိုက်သည်။ သော့်မောင်လေးက`မင်္ဂလာရှိဇေသော် မင်္ဂလာရှိဇေသော် ` ဟု ဘိသိတ်သွန်းလောင်းသည့် ဆရာကြီးဟန်ဖြင့် နောက်ပြောင်ခဲ့သေးသည်။ သော်သည် ကျက်သရေရှိလှသော သော့်နာမည်လေးကို တိတ်တိတ်လေးကိုယ်တိုင် နှစ်ချိုက်ခဲ့ ပါသည်။
******** ******** *******
သမီးနာမည်က`ရတနာ` ပါ။ အိမ်က တာမွေထဲကပေမဲ့ သမီးအိမ်မှာအိပ်ယုံပဲအိပ်ရပါတယ်။ နေတာကတော့ မနက်ခင်း အမဲဈေးလို့ခေါ်တဲ့မင်္ဂလာတောင်ညွန့် ဈေးမှာပါ။ ငါး(စိမ်း)ရောင်းပါတယ်။ (အမဲဈေးလို့ ဘာလို့ခေါ်မှန်းမသိပေမဲ့ သမီးအတွက်တော့ ဒီဈေးဟာ သမီးဘ၀ကို မဲမှောင်သွားစေလို့ ဒီနာမည်နဲ့သိပ်လိုက်တယ်လို့ထင်ပါတယ်။) ညနေပိုင်းမှာတော့ ကုန်ရှာရင်းဆိပ်ကမ်းတွေဘက်ကိုပဲအနေများပါတယ်။ ကျောင်းမှာစာတော်ခဲ့ပေမဲ့ ကိုးတန်းရောက်တဲ့နှစ်မှာ ငါးရောင်းတဲ့အမေကလေဖြတ်သွား လို့ သမီးကြီးဖြစ်တဲ့ သမီးကကျောင်းထွက်ခဲ့ ရပါတယ်။ ကျောင်းကထွက်ပြီး အမေရောင်းတဲ့ ဒီအမဲဈေး မှာသမီးလဲအမေ့ အမွေကိုခံယူပြီး အလုပ်သင်စလုပ်ခဲ့ရတယ်။ သမီးဟာညဏ်ကောင်းသူတစ်ယောက်ဖြစ်တဲ့အတွက် အလုပ်ကိုကြာကြာမသင်လိုက်ရဘူး။ အချိန်တိုအတွင်းမှာပဲ အလေးချိန်ခွင်ပညာရယ် အရှင်လတ်လတ်ငါးတွေကို စားဖို့ အဆင်သင့်ဖြစ်အောင်လုပ်တဲ့နေရာမှာရယ် သူမတူအောင်ကျွမ်း ကျင်လာခဲ့တယ်။
သမီးရဲ့ဖောက်သည်တွေဟာ ကျန်းမာရေးကိုအင်မတန်လိုက်စားသူတွေလား ရက်စက်လှတဲ့ အသဲနှလုံးပိုင်ရှင်တွေလား သမီးမခွဲခြားတတ်ပါ။ ဒါပေမဲ့ ရေဇလုံထဲကငါးအရှင်တွေကိုလျင်လျင်မြန်မြန်ရက်စက်တတ်သူကတော့ သမီးပဲဖြစ်ပါတယ်။ ပုံစံမပျက်ပဲဘ၀ပြောင်းသွားတဲ့ငါးတွေနဲ့သမီးကရော ဘာများကွာခြားလို့လဲဟု တစ်ခါတစ်ခါတွေးဖြစ်ပါတယ်။ ``ကောင်မလေး အကောင်လတ်လတ်တစ်ပိဿာ လတ်ပစေနော် ဟိုအကောင် ဟိုအကောင် ``လက်ညှိးတထိုးထိုး မျက်လုံးတ၀င်းဝင်းနဲ့ ရွှေဆိုင်ကအန်တီကြီး။ ကူးခတ်နေတာမမြင်လို့နေမှာပေါ့လေ တစ်ကောင် နှစ်ကောင် …...တစ်ပိဿာပြည့်ပြီဟုအသိကြောင့်ရပ်လိုက်၏။``အန်တီက ရတနာရွှေဆိုင်ကမို့လား၊ ကျွန်မတို့က ရတနာမှာပဲ ပစ္စည်းအပ်နေကြပါ။ အရင်နေ့တွေကလဲ မြင်တယ်။ တူပါတယ်လို့တော့ထင်သား`အမျိုးသမီးငယ်ငယ် နှစ်ယောက်ရောက်လာပြီး အန်တီကြီးနှင့်မိတ်ဖွဲ့ကြ၏။` သမီးဖောက်သည်အန်တီကြီးရွှေဆိုင်နာမည်က`ရတနာ` ဆိုပါလား။ သူတို့ဆိုင်နာမည်က ဘာအဓိပ္ပါယ်နဲ့ `ရတနာ` လို့မှည့်တာလဲ။ စိန်ရွှေ ရတနာတွေပြည့်စုံတဲ့သဘောပေါ့နော်။ သမီးရဲ့နာမည်ကရော`ရတနာ`လို့ ဘာဖြစ်လို့မှည့်ပါလိမ့်။ အန်တီကြီးအတွက် ပူပူနွေးနွေးငါးတွေကို အင်ဖက်ထဲထည့်ပြီးထုပ်မယ်လုပ်တော့ ငါးတွေက ပါးစပ်တွေဟပြီး ``အပါယ်ရတနာ`` တဲ့ ………..သမီးကို။

မေအောင်