ကျောင်းတော်ရာ၏နိဒါန်း

>> Monday, December 10, 2007

ကျောင်းအကြောင်းရေးထားတဲ့ ဘလော့စာမျက်နှာလေးတွေဆီ မထင်မှတ်ဘဲရောက်မိတော့ တစ်ချိန်က ကျောင်းတော်ကြီးကို စိတ်ကရောက်သွားမိတယ်။ ဆရာမင်းလူတို့လို ရန်ကုန်တက္ကသိုလ်ကြီးမှာ မတက်ခဲ့ရပေမယ့် သူရေးလေ့ရှိတဲ့ ကျောင်းအကြောင်းနောက်ခံရေးထားတဲ့ ဝတ္ထုတွေဖတ်ရတိုင်း ကျောင်းသားဘဝကို ပြန်လည်လွမ်းမိတယ်။ မူလတန်းကျောင်းသားကလေးဘဝဆိုတာတော့ ဘာမှန်းကိုမသိအောင် မမှတ်မိတော့ပါဘူး။ အထက်တန်းကျောင်းသားဘဝမှာတော့ နောက်ဆုံးခုံမှာ ခပ်ကုပ်ကုပ်ထိုင်ရင်း အပေါင်းအသင်း တစ်ယောက်စ၊ နှစ်ယောက်စနဲ့ အချိန်ကုန်ရင်း အထက်တန်းကျောင်းသားဘဝကို ကုန်လွန်စေခဲ့တယ်။ လုံချည်အစိမ်း၊ အင်္ကျီအဖြူလေးနဲ့ အသားဖြူဖြူ ပါးဖောင်းဖောင်း ကောင်မလေးတစ်ယေက်ကိုလည်း တစ်ခါတရံ သတိတယရှိမိပါတယ်။ ခုတော့ သူလဲ ဘယ်သောင်ဘယ်ကမ်းမှာဆိုက်လို့၊ ဘယ်သူနဲ့နှစ်ပါးသွားနေလဲ မသိတော့ပါဘူး။
ဆောင်းကုန်စနွေအကူး
လေရူးတွေဝေ့တုန်းက
နီရဲရဲလက်ပံတွေနဲ့အတူ
စိတ်တွေလေခဲ့ဖူးတယ်….
ဆယ်ကျော်သက်အရွယ်က
ငါ့ရင်ထဲ ခုန်ဆွဆွလုပ်ခဲ့ဖူးတဲ့
တစ်ခါက ယုန်ဖြူလေးရေ
မုန်လာဥတွေမြင်တိုင်း နင့်ကိုသတိရတယ်။
အချို့ညနေခင်းတွေမှာ ရေဖြန်းထားတဲ့ ဖုန်သင်းနံ့လေးတွေကို ရှူရှိုက်ရင်း သူငယ်ချင်းတစ်ယောက်နဲ့အတူ သူလိုက်နေတဲ့ကောင်မလေးအိမ်ရှေ့မှာ စက်ဘီးခဏခဏ ဖြတ်စီးဖူးတယ်။ နှစ်ယောက်တစ်စီးစီးကြတာပေါ့။ သူကရှေ့ဘားတန်းကနေထိုင်လို့၊ အဲဒီအိမ်နားရောက်တယ်ဆိုရင်ပဲ ရင်တုန်ပန်းတုန်ဖြစ်တယ်ဆိုပဲ။ စက်ဘီးကို ဖြေးဖြေးနင်းဖို့လဲ ရှေ့ကနေတဖွဖွပြောတယ်။ ဘားတန်းပေါ်မှာစီးရင်းနဲ့ ခေါင်းက လမ်းညာဖက်ခြမ်းက ကောင်မလေးအိမ်ကို ခပ်စွေစွေကြည့်တယ်။ ကျွန်တော်မှတ်မိသလောက်တော့ ကောင်မလေးကို အိမ်ထဲမှာရိပ်ကနဲတွေ့လိုက်ရတဲ့အချိန်က စက္ကန့်ပိုင်းလောက်လေးပဲ။ ဒါပေမယ့် ကျွန်တော်နဲ့သူ ညနေတိုင်း အဲဒီအိမ်ရှေ့က စက်ဘီးဖြတ်နင်းတာ မပျက်ခဲ့ဘူး။ ဈေးသွားစရာရှိရင်လဲ အဲဒီလမ်းဖက်ကနေ မဖြစ်မနေသွားတယ်။
မန္တလေးမှာ ကျောင်းတက်နေတုန်းလဲ ကျွန်တော့်ဆီစာတွေရေးရင် အဲဒီကောင်မလေးအကြောင်း အမြဲပါတယ်။ နောက်တော့ သူ့ဆီကစာလဲမရတော့ဘူး။ သင်္ကြန်ရက်ကျောင်းပိတ်လို့ ကျွန်တော်အိမ်ပြန်တော့၊ သူငယ်ချင်းနဲ့တွေ့တယ်။ မင်းကောင်မလေးရောဆိုတော့ ယောင်္ကျားရသွားပြီတဲ့။ ဒီလိုနဲ့ ကိုယ်နဲ့တစ်စိတ်တစ်ပိုင်းပတ်သက်နေတဲ့ အထက်တန်းကျောင်းတော်က ဇာတ်လမ်းလေးတစ်ပုဒ် နိဂုံးချုပ်သွားခဲ့ရတယ်။
မန္တလေးကျောင်းတော်ကြီးကိုရောက်တဲ့နေ့၊ လွန်ခဲ့သော ကိုးနှစ်ခန့်ကာလကိုတော့ ခုထိမြင်ယောင်နေတုန်းပဲ။ အဖေရယ်၊ အစ်ကိုဝမ်းကွဲတစ်ယောက်ရယ်၊ ကျွန်တော်ရယ် သုံးယောက်သား မန္တလေးက အသိတစ်ယောက်အိမ်မှာတည်းကြတယ်။ အဲဒီအိမ်က ကျွန်တော်တို့ရောက်ရောက်ချင်း နာနတ်သီးတွေကို အိမ်မှာဖျော်တိုက်တယ်။ အဲဒီတည်းက မန္တလေးမှာ နာနတ်သီးပေါမှာပဲဆိုတာ သတိထားမိသွားတယ်။ မန္တလေးနေကလဲ အတော်ပူပါတယ်။ နေ့လည်ရောက်တော့ အသိက သူ့ကားလေးနဲ့ ကျောင်းကိုလိုက်ပို့တယ်။ ကျုံးဘေးကိုဖြတ်တော့၊ ကားပျက်ပြီး အချိန်ကြာလို့ စိတ်ပူမိတာ သတိရမိသေးတယ်။ ကျောင်းကလဲအတော်ဝေးတယ်။ လယ်ကွင်းတွေကို ဖြတ်မောင်းတော့ အခြားမြို့တစ်မြို့ကို သွားနေတာများလားလို့တောင် စိတ်ကထင်မိသေးတယ်။ ဒီလိုနဲ့ ကျောင်းဂိတ်ပေါက်ထဲဝင်တော့ တမာတန်းတွေ တစ်အုပ်တစ်မကြီးတွေ့လိုက်ရတယ်။ အိုး.. လမ်းဘေးဝဲယာ မြင်မြင်ရာမှာ တမာတွေချည်းပဲ။ တမာနံ့သင်းတဲ့လေကိုရှူရှိုက်ရင်း လမ်းပေါ်မှာပူခဲ့ရတဲ့စိတ်တွေ ပြေပျောက်ခဲ့ရတယ်။
တမာတောမှာ ပျော်တယ်ဆို
တမာတန်းကို လွမ်းတယ်ဆို
တမာနံ့က သင်းတယ်ဆို
ခုတော့
တမာပင်တွေအောက်ကသက်သေ
ခါးသက်လို့နေပြီလား…….
အဝေးကသူတစ်ယောက်ရေ။
ကျောင်းထဲရောက်တော့ ဘယ်အဆောင်မှာနေရမှန်းမသိ လိုက်ရှာရတာကအမော။ အဖေကတော့ အားပေးပါတယ်။ မင်းတို့နေရမှာကမဆိုးဘူး၊ တောရိပ်တောင်ရိပ်ရှိတယ်တဲ့။ ဒီလိုနဲ့ ဘီ-ဆောင်ဆိုတာကိုရှာတွေ့တယ် (အခုတော့ မန်းသီရိပေါ့)။ အဆောင်ပုပုလေးတွေ၊ ဟိုတစ်စုဒီတစ်စုနဲ့ ပုနေလိုက်ပုံများ ချုံတွေကြားထဲမှာ မြုပ်နေလားထင်ရတယ်။ တစ်ထပ်ဆောင်လေးတွေ။ အေ၊ဘီ၊စီ၊ဒီ စသည်ဖြင့် နာမည်လေးတွေပေးထားတာ။ ကျွန်တော့်နာမည်တွေလိုက်ရှာရင်း နောက်ဆုံး ဘီ-၅ ဆိုတာမှာ မျက်လုံးကရပ်သွားပြီ။ ဒါငါ့ဗိမာန်ပဲဆိုပြီး၊ အထဲကိုချင်းနင်းဝင်ရောက်လိုက်တော့၊ အထဲမှာက ဗိမာန်စောင့် နတ်သားတစ်ကောင်က ကြိုရောက်လို့။ ဒင်းကမန္တလေးသားဆိုတော့ အစောကြီးရောက်နေတာ။ အခန်းက ရှစ်ယောက်ခန်း။ ဒါပေမယ့် ကံကောင်းစွာပဲ တစ်ယောက်ကမလာတော့ ခုနှစ်ယောက်ပဲနေရတယ်။ ဒင်းက ဘီ-၅ကမဟုတ်ဘူး။ ဘီ-၇ က။ ဟိုဖက်မှာတစ်ယောက်မှမရှိလို့ ဒီဖက်ကိုလာခွေနေတာ။ ကျွန်တော်တို့လဲရောက်ရော၊ သူလဲဘုံပျောက်၊ သူ့ဗိမာန်ဆီသူယွန်းပေါ့။ (စိတ်ထဲကတော့ ဒီကောင့်ကို နှုတ်ဆက်လိုက်တယ်။ နာမည်ကလဲ မသိတော့ ဟယ်လို မစ္စတာပိန်၊ နေကောင်းလားပေါ့။ အဲဒီတုန်းက ဒီကောင်က ပိန်ပိန်လေး၊ ခုတော့ မစ္စတာပိန်မဟုတ်တော့ဘူး)
ပထမဆုံးအခက်အခဲက ကုတင်ကိစ္စ။ ကုတင်ကိစ္စစဉ်းစားနေတုန်း၊ တောင်ငူက မောင်ရင်က၊ ဖခမည်းတော်နဲ့ ကျွန်တော်တို့ဗိမာန်ဆီယွန်းလာပြန်တယ်။ အဲဒီတော့မှ၊ ဟိုဖက်က ဆရာမတွေနေတဲ့အဆောင်ရှေ့က အပြင်ထုတ်ထားတဲ့ ကုတင်ကို တောင်ငူသားနဲ့အတူ နှစ်ယောက်သားသွားမပြီး၊ ကျွန်တော်တို့ဗိမာန်ထဲသွင်းလိုက်တယ်။ ခြောက်ယောက်စာအတွက် စာကြည့်စားပွဲကတော့ တစ်လုံးပဲ။ ခြေတိုင်တွေကယိုင်နဲ့နဲ့။ နောက်တော့ ဘယ်သူမှလဲ အဲဒီစာကြည့်စားပွဲမှာ စာမကြည့်ကြပါဘူး။ တစ်ခါတလေ ညဖက်ပျင်းရင် စာကြည့်စားပွဲကို ဒရမ်လုပ်ပြီးခေါက်၊ သီချင်းတွေအော်ဆိုကြတယ်။ ကျွန်တော်တို့ဗိမာန်ရဲ့ တတိယမြောက်နတ်သားကြီးကတော့ အသားညိုညို၊ ပုဆိုးတိုတိုနဲ့၊ မင်းကင်းသား မောင်ဖိုးညို။ သူ့နာမည်က တိုက်တိုက်ဆိုင်ဆိုင် ကျွန်တော့်နာမည်နဲ့တစ်လုံးပဲကွဲလို့ ချက်ချင်းခင်သွားကြတယ်။ နောက်တစ်ယောက်က လောင်းလုံက လောရှည်။ ဒီကောင်က လူရည်လယ်တယ်။ လောင်းလုံလို မြန်မာပြည်အောက်ပိုင်း တနင်္သာရီတိုင်းကနေ မန္တလေးကို တစ်ယောက်တည်း ကျောင်းလာတက်တာ။ လိုအပ်တဲ့အသုံးအဆောင်တွေတောင်၊ မန္တလေးရောက်မှဝယ်တယ်။ သူကသေတ္တာကိုအခန်းထဲမှာထားပြီး ခြေစင်္ကြာဆန့်နေတာ။ နတ္တလင်းသားလေးတွေကတော့ နှစ်ယောက်ပါတယ်။ တစ်ယောက်က ညိုညိုတုတ်တုတ် ဖိုးဝရုပ်၊ နောက်တစ်ယောက်က ပိန်ပိန်ညှက်ညှက် ကိုပိစိ။ ကိုပိစိက ဂစ်တာတီးတော့ကောင်းတယ်။ နောက်ထပ်ပုဂ္ဂိုလ်က ကယားလေး။ ကယားလူမျိုးတော့မဟုတ်ဘူး။ ဒါပေမယ့် ကယားလေးပဲခေါ်ကြတယ်။ သိုင်းပညာမှာတော့ တစ်ဖက်ကမ်းခပ်တတ်တယ်။ ကျွန်တော်တို့တောင် သူ့ဆီက သိုင်းသင်ဖို့ကြိုးစားကြသေးတယ်။ ကျွန်တော်အကြိုက်ဆုံးကတော့၊ သူ့ဆီက ဖဲသားနဲ့ချုပ်ထားတဲ့ ရွှေရောင်သိုင်းဝတ်စုံပဲ။ နောက်တစ်ယောက်ကတော့ ကျွန်တော်တို့ရဲ့ခေါင်းဆောင်ကြီး၊ ကိုကိုချစ်။ ဗိုလ်အောင်ဒင်ဇာတ်လမ်းကို သိတဲ့သူတွေကတော့၊ ကိုကိုချစ်ဆိုရင် တာဝန်ဝတ္တရားနဲ့ပတ်သက်ရင် ချစ်သူကိုတောင် စွန့်လွှန့်နိုင်တဲ့ ရဲအရာရှိကိုကိုချစ်ကို သတိရကြလိမ့်မယ်။ ကျွန်တော်တို့ ကိုကိုချစ်ကတော့ အဲလိုမဟုတ်ဘူး။ မမြဝင်းလဲမရှိရှာပါဘူး။ သူ့ရဲ့ ”ချစ်”ဆိုတဲ့ စကားလုံးက လူရွှင်တော်ကြီးတစ်ယောက်ဆီကနေယူထားတာ။ ဒါတောင်သူကသိပ်လက်ခံချင်တာမဟုတ်ဘူး၊ အင်တင်တင်လုပ်သေးတာ။ ကျွန်တော်တို့က အတင်းထိုးပေးမှ မအီမလည်နဲ့ လက်ခံလိုက်ရတယ်။ ဒါတွေထားတော့၊ အသေးစိပ်တွေလျှောက်ရေးနေရင်၊ ကျွန်တော့်ကိုသတ်လိမ့်မယ်။ သူကလူတာအဝှာပြုတာ၊ စိတ်ကကြီးတယ်။ သူကအစွန်ဆုံးကုတင်မှာနေရတာရယ်၊ ကျွန်တော်တို့ထက် အသက်တစ်နှစ်ကြီးတာရယ်ကြောင့်၊ သူ့ကိုအဆောင်မှူးက ”အင်ချပ်”ခန့်လိုက်တယ်။
ညနေဖက် အဆောင်မှာထမင်းသွားစားရမယ်ဆိုတော့၊ အဖေက အမေလုပ်ပေးလိုက်တဲ့၊ အခြောက်အခြမ်းတွေယူသွားဖို့ပြောတာကို ကျွန်တော်ကမလိုပါဘူးဆိုပြီးသွားစားလိုက်တာ၊ ပဲဟင်းတစ်ခွက်၊ ဝန်ထမ်းဆန်တစ်ပန်းကန်နဲ့တိုးတော့တယ်။ မဆိုးပါဘူး၊ ပဲဟင်းက အရည်ကျဲတော့ ထမင်းနဲ့ရောပြီးမြိုချရင်၊ လည်ချောင်းမနင်တော့ဘူးပေါ့။
ညဖက်ရောက်တော့ ဘီ-၈ကသူငယ်ချင်းတစ်ယောက်နဲ့ မိတ်ဆက်ကြရင်း ချက်ချင်းလိုရင်းနှီးသွားတယ်။ သူတို့က ကောင်မလေးတွေနေတဲ့အဆောင်ရှေ့ ဂစ်တာတီးသွားကြမယ်ဆိုတာနဲ့၊ ရောင်လည်လည်နဲ့ပါသွားခဲ့တယ်။ ဒါပေမယ့် အဆင်မပြေပါဘူး၊ ဂစ်တာတီးတဲ့ပုဂ္ဂိုလ်ကအစွမ်းပြလိုက်တာ၊ ဂစ်တာကြိုးပြတ်သွားလို့ စောစီးစွာတပ်ခေါက်ခဲ့ရတယ်။ ဒီလိုနဲ့ ကျောင်းတော်ကြီးရဲ့ပထမနေ့ ပျော်ရွှင်စွာနဲ့ပြီးဆုံးခဲ့လေသတည်းပေါ့။
ဟိုးရှေ့ဖက်မိုးကုပ်စက်ဝိုင်းရဲ့အခြေ
တောင်တန်းရှည်ကြီးတွေလဲလျောင်းနေကြတယ်
ဘယ်ချိန်တည်းကလဲလျောင်းခဲ့ကြတယ်မသိ
ညောင်းပါဘိသနဲ့
ကိုယ်လုံးရှည်ကြီးတွေရဲ့အကြား
ဖြူတူတူအက်ကြောင်းလေး
ဟိုးအောက်ခြေအထိ
မြွေလိမ်ကောက်စီးသွားလေရဲ့။
ထုံးဖြူဖြူစေတီလေးတွေနဲ့
ငြိမ်းချမ်းပါ၏ သည်ဌာနေ…..
ကောင်းကင်ပြာကြီးထက်မှာပေါ့
တိမ်ဖြူတွေအဆုပ်လိုက်ပွင့်လို့
ခဲသားရောင်အနားသတ်မျဉ်းတွေနဲ့
ဦးတည်ရာမဲ့ လွင့်မျောနေလိုက်ကြပုံများ
ဂျစ်ပစီခရီးသွားကြီးတွေအလားပဲ…
အိပ်တန်းပြန်ငှက်တွေ တောင်ပံခပ်ကြရင်
ငါလေတကယ်လွမ်းမိပါရဲ့
တစ်ခါတုန်းက အမိရင်ခွင်ကြီးရယ်…..။
မောင်ဖြူ (8:00pm 10th Dec, 2007)

1 comments:

ပီဆာကျယ် December 12, 2007 at 10:11 AM  

ဇနိ စက်ဘီးပျောက်တဲ့အကြောင်းလေး ရေးပါဦး။ ရန်ကင်းတောင်တော်အောက် ထန်းရည်သောက်တဲ့အကြောင်းလေးရောပေါ့။

  © Blogger templates Shiny by Ourblogtemplates.com 2008

Back to TOP