ဒီခေတ်ကြီးထဲမှာ

>> Tuesday, December 4, 2007

အိုင်တီခေတ်ကြီးမှာ အရှိန်အဟုန်နှင့် တိုးပြီးရင်းတိုးတက်လို့သာ လာနေချေပြီ။ (ကုန်ဈေးနှုန်းနှင့်အတူ တိုက်ရိုက်အချိုးကျနေခြင်းမှာတော့ ဖန်ဆင်းရှင်၏ ကျီစယ်မှုလေလားမပြောတတ်) အိုင်တီနည်းပညာတိုးတက်မှု၏ အဓိကအခန်းတွင် မဖြစ်မနေပါဝင်သရုပ်ဆောင်နေသူတစ်ယောက်မှာ အင်တာနက်ဖြစ်သည်။ ထိုပုဂ္ဂိုလ်၏အစွမ်းပကားဖြင့် ကမ္ဘာတစ်ခွင် ပြဲပြဲစင်အောင် ခြေစင်္ကြာဆန့်လို့ရပြီ။ GoogleEarth လိုအရာမျိုးဖြင့် ရွာမှာနေသော ဆွေမျိုးတွေ၏ နွားတင်းကုတ်ကိုပင် အလွမ်းပြေကြည့်လို့ရနေပြီ်။ အမေရိကားလိုနိုင်ငံမျိုးကိုတော့ maps.google.com မှ အပြင်မှာမြင်နေရသည့်အတိုင်း ကြည့်လို့ရနေချေပြီ။ ကျွန်တော်တို့မှာလည်း ထိုထိုသော ထူးဆန်းထွေလာ နည်းပညာခေတ်ကြီးတွင် မွေးဖွားကြီးပြင်းလာကြသူများနည်းတူ၊ ငါတို့လဲ တစ်ခန်းတစ်နေရာကတော့ ပါဝင်ကြမယ်ဟဲ့လို့ ကြွေးကြော်ကာ အင်တာနက်ဆိုတာကြီးကို လှန်လိုကလှန်၊ မှောက်လိုကမှောက်ဖြင့် သုံးစွဲနှိပ်စက်ကလူ ပြုမူနေကြသည်မှာ နှစ်အတော်ကြာပင် ခရီးပေါက်ခဲ့လေပြီ။ မကြာသေးမီခေတ်များကတော့ နိုင်ငံရပ်ခြား တိုင်းတစ်ပါးသို့ အလုပ်အကိုင်ကိစ္စဖြင့်လည်းကောင်း၊ ပညာရှာမှီးရန်အတွက်လည်းကောင်း ထွက်ခွာလာရသူများမှာ၊ အဆိုတော် ဒေါ်နွဲ့ယဉ်ဝင်း၏ “ရွှေပင်လယ်ကြီး ကာဆီးထားလို့ ဆုံဆည်းရဖို့ ဘယ်လောက်ထိစောင့်ရမယ်မသိဘူး” ဆိုသော သီချင်းစာသားလေးအတိုင်း ပြန်မလာခင်အချိန်အထိ ချစ်သူမျက်နှာတွေ့ဖို့မလွယ်တော့။ အသံလေးကိုပင် တစ်လမှ နာရီဝက်လောက် ကြားခွင့်ရနိုင်မည်။ (ဒါတောင် ထိုခေတ်ထိုအခါက ဖုန်းဘိုးမှာ နည်းမည်မဟုတ်) ရုပ်ဆိုရင်တော့ ဝေလာဝေး။ တချို့ချစ်သူရည်းစားတွေကတော့ ဓါတ်ပုံလေးတွေရိုက်ပို့ရသည်။ စာပို့ရတာလည်း သိပ်တော့မလွယ်လှ။ ဆယ်စောင်ပို့လျင် ငါးစောင်ခြောက်စောင်ရောက်ဖို့ပင် သိပ်မသေချာလှပေ။
ယခုတော့ ဒီလိုမဟုတ်တော့။ ပင်လယ်ကြီးကာဆီးထားလဲ ဂရုမစိုက်၊ သမုဒ္ဒရာကြီးဆီးတားထားလဲ စိတ်ပူစရာမလိုတော့။ ကမ္ဘာဆိုတာ ရွာကြီးတစ်ရွာလိုပင် ဖြစ်နေချေပြီဟု၊ ပညာရှင်တို့ ခေါ်ဝေါ်သမုတ်နေကြလေပြီ။ မြန်မာပြည်မှ စင်္ကာပူသို့ ကျောင်းသွားတက်သည်ဆိုလျင်ပင်၊ ရွာတောင်ပိုင်းမှ ရွာမြောက်ပိုင်းသို့ မန်ကျည်းရွက်သွားခူးသလို ဖြစ်နေသည်။ ချစ်သူရည်းစားဆိုလျင်လည်း၊ online မှာ အချိန်ပြည့်တွေ့လို့ရသည်။ ရွာမှာကောက်စိုက်သည့်လက်များသည်၊ ကီးဘုတ်ပေါ်မှာ တဖြောင်းဖြောင်း။ ရွာထိပ်က မန်ကျည်းပင်ရိပ်အောက်မှ အတင်းပြောသံများသည်၊ အွန်လိုင်းပေါ်မှာတညံညံ။ စာပို့လျင်လည်း ယခင့်ယခင်ခေတ်များကလို တစ်လကိုးသီတင်းစောင့်ဖို့မလို။ ကလစ်ဆိုတာနှင့် ရောက်သွားချေပြီ။ (တစ်ခါတလေ ကလစ်တာမှားပြီးပင် ရောက်တတ်သေးသည်)။ အသံလေးကြားဖို့ဆိုတာလဲ မခဲယဉ်းတော့။ (ခဲယဉ်းအောင်လုပ်ထားသော အချို့အချက်အလက်များကိုတော့ သည်းခံစိတ်ဖြင့်သာ မသိကျိုးကျွံပြုကြကုန်လော့) ဂျီတော့၊ ဒီတော့စသည်ဖြင့် တော့တွေက စုံလင်လှသည်။ ဒီတော့ဖြင့်အဆင်မပြေလျင် ဟိုတော့ကို ပြောင်းလို့ရသည်။ ဟိုတော့ကို ဟိုလိုလုပ်ထား၍ တော့မရလျင်၊ ဟိုလိုကျော်၍တော့ရပြန်သည်။ ဘယ်လိုပင်ဆိုစေကာမူ၊ တော့လို့ရနေတာတော့အမှန်ပင်။ တချို့က တစ်နေကုန်တော့သည်။ တချို့က အခန်းဖော်ကျောင်းသွားတုန်းတော့သည်။ တချို့က အလုပ်အားချိန်၊ ကျောင်းအားချိန်မှာတော့သည်။ တော့ရတာအားမရသူများကတော့ အလုပ်ဖျက်၊ ကျောင်းလစ်၍ပင် တော့နေကြလေပြီ။ တော့ကမ္ဘာကြီးသည်လဲ တော့သံများဖြင့် ဖုံးလွှမ်း၍နေလေပြီ။
လူ့လောဘဆိုတာလဲ အခက်သား၊ ဘယ်တော့မှ ရောင့်ရဲတင်းတိမ်နိုင်မှုမရှိကြ။ အသံလေးကြားရယုံနှင့် မကျေနပ်နိုင်။ သောတအာရုံခံစားမှုဖြင့် မတင်းတိမ်နိုင်ကြတော့။ စက္ခုအာရုံလေးလဲ ခံစားချင်လာကြသည်။ လူသားတို့၏လိုအပ်ချက်ကို စဉ်ဆက်မပြတ်ဖြည့်စွမ်းပေးရင် သတ္တလောကကြီးကို အကျိုးပြုနေကြသော ပညာရှင်များမှာ ဒီတိုင်းထိုင်နေလို့မဖြစ်တော့။ ရုပ်ပါမြင်ရသော “ဝက်ကန်” ဆိုတာလေးတွေတီထွင်လာကြသည်။ အသုံးပြုသူမောင်မင်းကြီးသား၊ မယ်မင်းကြီးသားတို့မှာလည်း၊ ရေငတ်တုန်းရေတွင်းထဲပြုတ်ကျ ဆိုသည့်နည်းတူ၊ အလုအယက်ဝယ်ယူသုံးစွဲကြလေပြီ။ ဗွီဇက်အို၊ ဒီဇက်အိုစသည်ဖြင့် အိုပေါင်းများစွာကလည်း၊ လူသားတို့၏လိုအပ်ချက်အလျောက် ပေါ်ပေါက်လာကြပြန်လေသည်။ ဤသို့ဖြင့် အိုင်တီခေတ်ကြီးတွင် အိုင်တီလူသားတို့မှာ တော့လိုက်၊ ကန်လိုက်ဖြင့်၊ တော့ကန်သဘောတရားထဲတွင် စီးမျောရင်း နည်းပညာ၏အသီးအပွင့်များကို မြိန်ယှက်စွာ ဆွတ်ယူစားသုံးလျက် နေကြလေပြီ။
သို့သော် တော့လိုက်၊ ကန်လိုက်ဘဝကို ရောင့်ရဲတင်းတိမ်နေကြလေပြီလောဆိုသော်၊ ထိုသို့မဟုတ်။ ပညာရှင်များကလဲ တချိန်ချိန်မှာ လိုအပ်လာမည့် အိုင်တီလူသားတို့၏ တောင့်တမှုများကို ကြိုတင်တွေးခေါ်ကြံစလာကြလေချေပြီ။ ယခုလည်း တော့ကန်ဖြင့်သာ မရောင့်ရဲနိုင်သူတို့အဖို့ ပညာရှင်တို့ တီထွင်လိုက်သည်မှာ ဂန္ဓာရုံကိုပေးစွမ်းနိုင်သော ကိရိယာလေးပင်။ ထိုကိရိယာလေးကို ကွန်ပြူတာနောက်ဖက်ပေါက်မှတပ်ဆင်လိုက်လျင် ကြိုးလေးတန်းလန်းနှင့် ကြိုးအဆုံးတွင် သံဇကာကွက်လေးတွေနှင့်ယက်ထားသော အဝအနည်းငယ်ကျယ်သည့် smelling sensor လေးကိုတွေ့ရမည်။ ထို sensor လေးနားတွင် အသုံးပြုသူ၏ခန္ဓာကိုယ်အစိတ်အပိုင်းတစ်ခုခုကို ကပ်လိုက်လျင်၊ ထိုခန္ဓာကိုယ်မှ အနံ့အသက်လေးမှာ sensor မှတစ်ဆင့် အသုံးပြုသူ၏ကွန်ပြူတာ၊ ထိုမှတစ်ဆင့် တစ်ဖက်လူ၏ receiver ထဲသို့တိုက်ရိုက်ရောက်သွားသည်။ receiver ၏ ကြိုးအဆုံးတွင် နှာခေါင်းနှင့်ဆင်တူသော အပေါက်နှစ်ပေါက်ပါသည့်ကိရိယာလေးရှိသည်။ အသုံးပြုသူက ထိုအရာလေးကို မိမိနှာခေါင်းတွင် တပ်ဆင်လိုက်လျင်၊ တစ်ဖက်လူ၏အနံ့ကို တိုက်ရိုက်ခံစားရပေလိမ့်မည်။ အသုံးပြုနေချိန်အတွင်းတွင်၊ နှာရှူဆေးဗူးမရှူရ၊ ဆေးလိပ်မသောက်ရ၊ ငပိတွေဘာတွေလဲမကြော်ရ။ ငပိချက်လိုမျိုးနှင့်ထမင်းစားထားလျင်လဲ၊ လက်တို့၊ ပါးစပ်တို့ကို စင်ကြယ်အောင်ဆေးပြီးမှ အသုံးပြုသင့်သည်။ သို့မဟုတ်ပါက၊ အနံ့ခံအာရုံမှားယွင်းမှုများနှင့် ကြုံတွေ့ကာ တစ်ဖက်လူ၏နှာခေါင်းကို ဒုက္ခပေးတတ်သည်။ ဤနည်းအားဖြင့် အသုံးပြုသူ မောင်မင်းကြီးသား၊ မယ်မင်းကြီးသားတို့မှာ၊ အသံလေးကြားရဖို့နှင့် ကိုယ်ကပြန်ပြောဖို့ headset လေးကို ခေါင်းမှာတပ်ထားရမည်။ screen ပေါ်မှာက “ဝက်ကန်” လေး ကန်ထားမည်။ smelling sensor ကို ခန္ဓာကိုယ်၏ အစိတ်အပိုင်းတစ်ခုခုတွင် ကပ်ထားမည်၊ receiver ကို နှာခေါင်းနှစ်ပေါက်တွင် တပ်ဆင်ထားမည်ဆိုပါက၊ တော့ကန်နမ်းလေးလုပ်လို့ရပေပြီ။
တီထွင်သူရှိတော့လဲ အသုံးပြုသူရှိပေမပေါ့။ မကြာသေးမီရက်တစ်ရက်က သူငယ်ချင်းတစ်ယောက်၏မွေးနေ့။ မွေးနေ့ဆိုတော့လည်း ချစ်သူရည်းစားကို တော့ကန်လေးလုပ်ချင်သည်။ ကျွန်တော်က တော့ကန်လောက်တော့လုပ်မနေနဲ့၊ ဟိုကိရိယာလေးပါထည့်လိုက်ပေါ့ကွာ၊ တော့ကန်နမ်းလေးလုပ်လို့ရတာပေါ့ ဆိုတော့၊ သူသဘောခွေ့ကာ နမ်းကိရိယာလေးကိုပါ တပ်ဆင်လိုက်သည်။ “ဝက်ကန်“မှာ ကောင်းကောင်း ကန်နိုင်အောင် အပြတ်ဖီးလိမ်းသည်။ အဆင်ပြေမပြေ “ဝက်ကန်”မှာ ကိုယ့်ရုပ်ကို ပြန်ကြည့်လိုက်သေးသည်။ သေချာပြီဆိုတော့မှ အသံစမ်းသည်။ ချောင်းလေးတစ်ချက်နှစ်ချက်ဟန့်လိုက်တော့ အသံက ဘောက်ကထွက်လာသည်။ ထိုအခါကျမှ ဘောက်ကိုဖြုတ်ပြီး headset တပ်ဖို့သတိရသည်။ အားလုံးအိုကေပြီလား၊ မဟုတ်သေး။ ဒီနေ့ကထူးခြားသည်။ smelling sensor လေးပါတပ်ထားတာဆိုတော့၊ အမွှေးအကြိုင်လေးကလဲ လိုသေးသည်။ ရှိသမျှရေမွှေးတွေအကုန်ဆွတ်သည်။ အော်ဒီကလုံး၊ ဒေါ်ကြည်ကလုံးစသည်ဖြင့် ကလုံးတွေစုံလင်လှသည်။ နောက်ဆုံးအားမရသဖြင့်၊ air fresher ဗူးလေးနှင့်ပင် ခန္ဓာကိုယ်တစ်ခုလုံး တရှူးရှူးဖြန်းလိုက်သေးသည်။ အဆင်ပြေပြီဆိုမှ ချစ်သူနှင့် တော့ကန်နမ်း ဇာတ်လမ်းစတော့သည်။ အစကတော့ အဆင်ပြေလို့။ ဒီဖက်ကလည်း တရှူးရှူး၊ ဟိုဖက်ကလည်း တရှူးရှူးနှင့် ချစ်လိုက်ကြတာ၊ ပညာရှင်များကိုကျေးဇူးတင်ဖို့ပင်မေ့နေမိသည်။ သိပ်မကြာလိုက်ပါ၊ ဟိုဖက်ကရည်းစားက အပြတ်ကောတော့သည်။ “ရှင်က ချစ်သူနဲ့စကားပြောနေတာတောင်၊ ထိန်းမထားနိုင်ဘူးလား၊ ထိန်းမထားနိုင်ရင်လဲ အပြင်လေးခဏထွက်ပြီး ကိစ္စရှင်းပါလား“ စသည်ဖြင့် ပြသနာရှာတော့သည်။ သကောင့်သားမှာ မျက်လုံးလေးကလယ်ကလယ်နှင့်၊ သူလဲဘာမှမလုပ်လိုက်ရ။ လေလည်ရအောင်လဲ၊ အဲလိုမျိုးဖြစ်မှာစိုးလို့ကို၊ စောစောစီးစီးတည်းက ရှင်းထားပြီးသား။ နောက်ဆုံးတော့ တရားခံပေါ်သွားသည်။ အခြားလူမဟုတ်၊ အိုင်တီခေတ်၏ မာန်နတ်မင်းသားကြီး ကိုကိုhacker ဖြစ်သည်။ ပစ္စည်းက ပေါ်ကာစဆိုတော့၊ ပညာရှင်များက လုံခြုံမှုကိစ္စကို သေချာမစဉ်းစားရသေး။ ဈေးကွက်ကလဲ တောင်းဆိုနေ၊ ထုတ်လုပ်သူကလဲလောနေသဖြင့်၊ အမြန်ထုတ်လိုက်ရခြင်းဖြစ်သည်။ hacker များက ထိုအခွင့်အရေးကို ကောင်းစွာအသုံးချလျက်၊ အနံ့ခံ code များကို ဝင် change သွားခြင်းဖြစ်သည်။ ဘုရားပွင့်တာတောင်၊ မာန်နတ်ကနှောက်ယှက်လေ့ရှိရာ၊ အကောင်းရှိလျင် အဆိုးရှိတတ်သည်မှာ လောက၏ နိယာမသဘောတရားတစ်ခုလေလောဟု ထင်မိလေမည်လား မပြောတတ်တော့ပါ။ ။
မောင်ဖြူ (2:20pm, 04.12.2007)

6 comments:

ဇနိ December 4, 2007 at 7:15 PM  

ကိုဖြူရေ
အဲဒီဆန်ဆာကြီးပေါ်လာရင်တော့ ရေမှန်မှန်လည်းချိုးဦးမှ။
အရင်ကလိုပျင်းနေလို့ဖြစ်သေးဘူး။
အရေးလည်းသွက်တယ်။ အတွေးလည်းညက်တယ်။
နောက်လည်းမျှော်နေမယ်။ ရေးပါဦး။

Anonymous December 4, 2007 at 9:19 PM  

Nga Pi nant lay bel ya nay chin dar!!! :D

နေရဉ္စရာ December 4, 2007 at 11:59 PM  

ကိုမောင်ဖြူ
ရွာမှာကျန်ခဲ့တဲ့ဂွက်ထော် ရေခတ်ဆင်းချိန်ကို
ဂျီအာ့သ်နဲ့လှမ်းလှမ်းကြည့်နေကျထင်တယ်...
မင်းလူကအဘခေါ်ရမယ့်အရေးအသားအတွက်...salute! {@_* }

ရွက်ဝါ December 5, 2007 at 7:00 AM  

ကိုမောင်ဖြူ ...ပညာရှင်တွေက ဒီထက်ပိုပြီး တီထွင်ကြရင် တော့၊ ဟင်း ..ကိုမောင်ဖြူ သူငယ်ချင်း အင်တာနက် ယူဆာကြီးလည်း ( ကို tmn ကြီးလားမသိဘူး။) တစ်ကိုယ်လုံး ဆင်ဆာတွေ တပ်ထာရမယ်ထင်တယ်။ အသံ၊ အရုပ်၊ အနံ့ ဆိုတော်လောက် ပြီထင်ပါတယ် နော်ဗျာ။

tmn December 5, 2007 at 7:10 PM  

ကိုဖြူရေ..
e ခေတ်ကြီးထဲမှာ e များများပေါက်နိုင်ပါစေ...
ဟဲဟဲ... များများတော့ကန်နန်းလေး လုပ်နိုင်ပါစေလို့ပြောတာ...
ကောင်းပဗျာ ဖတ်လို့...
နောက်လည်း ဒီထက်ပိုကောင်းတဲ့ ပို့စ်တွေရေးနိုင်ပါစေ..

Anonymous December 14, 2007 at 9:56 PM  

Brother,
I enjoy reading ur blog-post so much. Great! Funny! If the writers in here read ur post, they will sign out the literature world realising they are not as good as u. :P
Believe it?

  © Blogger templates Shiny by Ourblogtemplates.com 2008

Back to TOP