ဒေါက်လုံး၊ မာမြင်း၊ မာဖြူ နှင့် မစ်ရှင်

တတီတီအသံကြား၍ လက်ကိုင်ဖုန်းအား ထောင်ကြည့်လိုက်ရာ၊ ဖုန်းစကရင်ပေါ်တွင် စာတိုတစ်ကြောင်းပေါ်လာသည်။
"စု ခန်း မစ်"

အော် မစ်ရှင်တစ်ခုရှိ၍၊ ခေါင်းဆောင်ကြီး၏ အခန်းထဲတွင် လူစုရန်အကြောင်းကြားသော မက်ဆေ့ရောက်လာခြင်းဖြစ်လေသည်။ ခေါင်းဆောင်ကြီးမှာကား ဒေါက်လုံးဟုခေါ်သတတ်။ ဒေါက်သည်ကား ဒေါက်တိုင်ကြီးကဲ့သို့ မယိုင်မလဲထောက်ကန်ပေးမည့် ခေါင်းဆောင်ကြီး သူ့အား ဂုဏ်ပြုသည့် အနေဖြင့် အထက်အမိန့်ဖြင့်ပေးအပ်ခြင်းခံရသည်ဟု သူဟာသူပြောကာ သူ့ဟာသူခေါင်းဆောင်လုပ်နေပေတော့၏။ ဘယ်အထက်ကမှန်းမသိသော်ငြား ကျွန်ုပ်တို့သည်လည်း သူ့ထံမှ ယူထားသော အကြွေးများကလည်း ပြန်မဆက်ရသေးသည်ကတစ်ကြောင်း၊ အပြင်သွားစရာရှိ၍ ၀တ်စရာမရှိလျှင်လည်း သူ့ထံမှ အ၀တ်အစားများကို ငှား၍၀တ်လို့ရသည်ကတဖုံ၊ အိမ်တွင်တင်ကာ ကျွေးမွေးထားသည်ကို မျက်နှာထောက်ရသည်ကတစ်မျိုးနှင့် သူ့အား မျက်နှာသာပေးထားရလေသည်။ သူကလည်း အလိုက်သိပေသည်။ မနက်မနက်လည်း စောစောထကာ တပည့်ကျော်များ စားသောက်ရန်အတွက် အရံသင့်ချက်ပြုတ်ထားတတ်လေသည်။ ပေးကျွေးထားမှသာ ကျွန်ုပ်တို့ သူ့ထံမှာ ကြာကြာမြဲပေလိမ့်မည်ကို ဒေါက်လုံးကြီး သိထားလေသည်။

" ဒေါက် ဒေါက် ဒေါက်"
"မာဖြူ ၀င်ခဲ့"
ဒေါက်လုံးကား ဤကဲ့သို့တော်လှပေသည်။
ဘယ်နှချက်ခေါက်လျှင် မည်သူဆိုတာအတပ်သိလေသည်။
အခန်းထဲတွင်ကား အင်္ကျီကြယ်သီးများ အပြည့်အစုံတပ်ထားသော မတ်မတ်ကြီးလုပ်ကာ ရင်တကော့ကော့နဲ့ မာမြင်းအား မြင်ရပေသည်။
"မာဖြူ၊ ဒီမြင်းကို စီးသွား၊ ဟာ ဟုတ်သေးပါဘူး။ မာမြင်းနဲ့အတူ မစ်ရှင်တစ်ခုကို ပြီးအောင်လုပ်ရမယ်။"
ဒေါက်လုံးပြောသည်မှာကား ကျွန်ုပ်တို့အား မာမာချာချာရှိစေရန်၊ မာဘွဲ့များနှင်းအပ်ထားသည်ဟူ၍ု။ မာဖြူသည်လည်း ခေါင်းလေးတငြိမ့်ငြိမ့်လုပ်ကာ "Yes ဒေါက်လုံး" ဟုဆိုကာ မည်သို့သော မစ်ရှင်ဖြစ်သည်ကို မမေးမြန်းတော့ဘဲ၊ အကျင့်ပါနေသော ခေါင်းကြီးအား တစ်ငြိမ့်ငြိမ့်လုပ်နေလေသည်။

ဒေါက်လုံးသည်ကား အလုပ်လုပ်လျှင် အလွန်တိကျပေသည်။ တိကျမှန်မြန် - သည် သူ၏ လက်ကိုင်ဆောင်ပုဒ် ဖြစ်လေသည်။ ကျွန်ုပ်တို့က ယင်းဆောင်ပုဒ်၏ နောက်တွင် "ပြန်"တစ်လုံးလည်းထပ်ထည့်ပေးထား၍ ယခုအခါတွင် တိကျမှန်မြန်ပြန် ဖြစ်နေလေပြီ်။ အလုပ်ပြီးလျှင် သတင်းပြန်ပို့ မှ ပြန် အား ထပ်ထည့်သည်ဟု ဒေါက်လုံး ထင်နေလေသည်။ အမှန်ကား သူငယ်စဉ်အခါ ကျောင်းတက်တုန်းက အိမ်ကိုပို့သော စာအိတ်မှ "သို့"နေရာတွင် သူနေထိုင်ရာလိပ်စာထည့်ကာ၊ "မှ"နေရာတွင် အိမ်လိပ်စာထည့်မိသဖြင့် သူထည့်သော စာတစ်စောင်၊ သူ့ထံပြန်ရောက်လာသည်ကို ဂုဏ်ပြုထားသောအားဖြင့် "ပြန်"ထပ်ထည့်ခြင်းသာဖြစ်လေသည်။

" မင်းတို့ မျက်လုံးတွေ၊ နားတွေကို ဖွင့်ထားကြ"
"Yes ဒေါက်လုံး"
ဘာပြောချင်မှန်းမသိသော်လည်း မာမြင်းနှင့် မာဖြူ သည် "Yes ဒေါက်လုံး" ဟု အသံပြိုင်ထွက်သွားကြသည်။
မာဖြူသည် ငါက မျက်လုံးဖွင့်လျှက်လည်း အိပ်တတ်တယ်ဟု စိတ်ထဲတွင်တွေးနေသေးသည်။
ဆက်ပြောသေးသည်။
"လူ့ပြည်က သတင်းတွေ အဆက်မပြတ်စေနဲ့"
ခက်ပါရောလား။ လူပြည်ကလို့ ပြောရအောင် သူနေတာ လူပြည်မှာမဟုတ်လို့ ဘယ်ပြည်သွားနေသလဲမသိဘူး။ ဘ၀င် လေ... ဘ၀င်။ သူ့ကို အကောင်ကြီးနေရာပေးထားလို့ ဘ၀င်လေဟပ်နေတာ။ သူ့ဟာသူဆို ဘာမှဖြစ်အောင်လုပ်တတ်တာမရှိဘူးရယ်။ မာမြင်းရယ်၊ မာဖြူရယ်ပဲ။ ဟိုဆိုသွားလိုက်ရ၊ ဒီဆိုသွားလိုက်ရ။ ဟိုဟာဆိုလုပ်လိုက်ရ၊ ဒီဟာဆိုလုပ်လိုက်ရ။

မာဖြူဆိုတာကလည်း ဒေါက်လုံးနဲ့နေလာတာကြာပြီ။ ဒေါက်လုံးက ဤကဲ့သို့ ကွေ့ပတ်ပြီး၊ အူကြောင်ကြောင်တွေ ပြောနေလျှင် အရေးမကြီးတဲ့ ကိစ္စသာဖြစ်ရမည်ဆိုတာကို အတတ်သိပြီးသားဖြစ်လေသည်။ ရှည်ရှည်ဝေးဝေးပြောနေလျှင် ကြောင်ရေချိုးနေသည်ဟု အလိုလိုသိပေသည်။ သူ၏ မွေးသမိခင်နှင့်ဖုန်းဆက်လျှင်လည်း ကြောင်ဖြူလေးဘယ်နှကောင်၊အမည်းလေးကဘယ်လို၊ အထီးလေးကဘယ်နှကောင်း၊အမလေးကဖြင့်မည်သို့ အရေးမပါအရာမရောက်သည်များကို အရေးတကြီးလုပ်တတ်သေးသည်။ ဒေါက်လုံးသည် ဤသို့သော အရေးမကြီးသော ကိစ္စများကို စကားလုံးခန့်ခန့်ထည်ထည်များသုံးကာ ပြောတတ်ဆိုတတ်ဖြစ်နေပြီမှာ ကြာလေပြီ။ ဥပမာဆောင်ရသော် သူချစ်ကြိုက်နေသော ကောင်မလေးအား ရင်တုန်၊ ပန်းတုန်အောင် ချစ်ရပါသော သက်လျာခင်ထိပ်ထား ဟု စကားလုံးဖောင်းကားအောင်ခေါ်တတ်သလို၊ အချိန်ကုန်ခံ၍ သူရထားသောဘွဲ့ကြီးအားလည်း သုတစုံလင်နည်းပညာတခွင်မှာ လူတွင်ကျယ်လုပ်စေဖို့၊အဟုတ်တကယ်မတတ်သော်လည်း၊ အမှန်တကယ်၊ ဟန်ထည်စေဖို့ရည်ကာမှန်း၊ ဆွတ်ယူလှမ်းထားတဲ့ ဘီအီး(အိုင်တီ)ရယ်ဟုပြောတတ်လေသည်။

မာဖြူသည်ကား ပြောရလျှင် အကုန်သိ၊ အကုန်တတ်သော်လည်း လူမုန်းဘယ်တော့မှ မခံ။ လူတိုင်းသည် သူဟန်နဲ့သူ သူ့ဆန်စားပြီး သူဟာသူသွားမည်ဟု ခံယူထားလေသည်။ အားလုံးကိုထောက်ခံသည်။ မာဖြူထံတွင် ငြိမ့်တာကိုအကျင့်ပါနေသောခေါင်းနဲ့၊ ကွမ်းများအပြည့်ထည့်ပြီးဝါးနေကာ စကားမပြောရအောင် အလုပ်ရှုပ်ချင်ယောင်ဆောင်ထားသော ပါးစပ်ကြီး တစ်ပေါက်ရှိလေသည်။ ထိုခေါင်းနဲ့၊ ပါးစပ်သည် အလုပ်အတော်ဖြစ်၏။ တစ်ယောက်ယောက်ကပြောလို့ ကွမ်းဝါးကာ ခေါင်းတငြိမ့်ငြိမ့်လုပ်နေလျှင် လူအများက သူအား ပညာရှိကြီးဟု ထင်ကြလေသည်။ ခေတ်ကာလနှင့်ကိုက်ညီသော အကျင့်များကို ရထားခြင်းဖြစ်လေသည်။

မာမြင်းသည်ကား မာဖြူကဲ့သိုမဟုတ်။ မြင်သမျှလူကိုဆရာလုပ်တတ်သည်။ ကာလ၊ဒေသ ကလည်း လုပ်လည်းလုပ်လောက်သည်။ တပည့်ခံမည့်သူများကလည်း ပေါများပေသည်။ ပိုက်ဆံရလျှင် အကုန်လုပ်မည်ဆိုသော လူစားများ ပေါများသော ခေတ်ကြီးတွင် ဘိုးတော်လေသံဖမ်းကာ ၁ လုံးမှစကာ၊ ၂ လုံး၊ ၃ လုံး ဂဏန်းများပေးကာ ဆရာအခေါ်ခံရနိုင်သောခေတ်ကြီးပေကိုး။ သူဟာသူမထိန်းနိုင်လို့ "ဘူ"ကနဲ အသံထွက်သည်ကိုပင် ဒီနေ့ ၀မ်း၊ ဇီးရိုးကွာ ဟုမှတ်ယူသူကယူသည်။ ယတြာလည်း အပေးကောင်းလှပေသည်။ "ဒါန်းကလေးပေါ်စီးနေတဲ့ မိန်းကလေး၏ အချစ်ကိုလိုချင်လျှင် ဒါန်းညွှန့်ကို ဘုရားသွား၊ကိုယ့်မွေးနေ့ထောင့်မှာသွားလှူ" ဆိုတာမျိုးတွေကလည်း တတ်သည်။ သူများသာ ယတြာ ပေးသည်၊ သူ့ယတြာက သူအားပင် အကူအညီမပေးသည်ကို မိတ်ရင်း၊ဆွေရင်းများက သိပြီးသားဖြစ်လေသည်။

ဆက်ပါဦးအံ့။
ကျွန်ုပ်တို့တွေ စုံလင်သောအခါ ဒေါက်လုံးသည်ကား မျက်စိများ၊ နားများကို အဖွင့်ခိုင်းပြီးသကာလ လူပြည်ကိုလည်း အဆက်မပြတ်စေနဲ့ဟုပြောပြီးကာ လိုရင်းကိုဆက်ပြောလေသည်။
" ငါ့မှာ အကုန်ရှိတယ်။ မရှိသေးတာက အချစ်။ ငါဘယ်လိုသူကို ချစ်တယ်ဆိုတာလည်း မင်းတို့ အသိ။ ဘယ်လို စကားပြောပြီး၊ ဘယ်လို ချစ်သူရအောင်လုပ်ရမည်နည်း။ ငါ့မိတ်ဆွေကြီး မာနိဆီသွားပြီး နည်းနာခံစေ။"
မာနိဆိုသူကား သူ၏ဆရာကြီးများဖြစ်သော ဒေါက်ငြိမ်း၊ ဒေါက်ဝင်းတို့ထံတွင် နည်းနာခံကာ မိမိကိုယ်ကိုယ် အချစ်ရေးရာ ကျွမ်းကျင်သူဟု အထင်ရောက်နေသော သူတစ်ယောက်သာဖြစ်လေသည်။ အထင်ကြီးမည်ကလည်း ထင်လောက်ပေသည်။ မာနိ၏ဆရာကြီးများသည် အိုကြီးအိုမ အရွယ်ရောက်ကာမှ ချစ်ပန်းများဖုးပွင့်ကြသူများ ဖြစ်လေသည်။ ဆရာကောင်းတပည့်ပန်းကောင်းပန် ဆိုသည့်စကားကလည်း ရှိသောကြောင့် မာနိအားလည်း ပန်းကောင်းပန်နေမည့်သူဟု ဒေါက်လုံးအထင်ရောက်နေခြင်းသာဖြစ်သည်။
မာမြင်းနှင့် မာဖြူကလည်း တကယ်တမ်းတော့ မာနိထံတွင် နည်းနာခံဟုသွားလျှင်လည်း မာနိက ကြီးကြီးကျယ်ကျယ်တွေ ပြောဆိုကာ ပန်းတိုင်မရောက်နိုင်သော အချစ်လမ်းပြမြေပုံအား အဆင့်ပေါင်းများစွာထည့်ရေးပေးမည်သာ ဖြစ်လေသည် ကို သိပြီးသားဖြစ်လေသည်။
ဤသို့ဖြင့် "Yes ဒေါက်လုံး" ဟုပြောကာ မအောင်မြင်မည်မှန်းသိပြီးသားဖြစ်သော မစ်ရှင်တစ်ခုအား ဦးဆွေးဆံမြည့်ထမ်းဆောင်မည့် ရုပ်ကလေးများဖြင့် ဒေါက်လုံးအခန်းမှထွက်လာခဲ့ကြလေတော့သည်။