ကြားဖူးနားဝ ရီစရာများ(၄)

>> Thursday, January 24, 2008

ကျွန်တော်တို့ ဘက်မှာ `တ` နဲ့` သ` မပီတဲ့ ရွာတစ်ရွာရှိတယ်။ အဲဒီရွာက လူတစ်ယောက်နဲ့ အသိမိတ်ဆွေဖြစ်တော့ သူ့ရဲ့အဖြစ်အပျက်ကို ပြောပြတယ်လေ။ ဒီလို… သူ့အမေက တစ်ခြားရွာမှာနေတဲ့ ဦးသောင်းတင်အိမ်ကို ပြောင်းဖူးမျိုးစေ့ သွားယူခိုင်းတယ်။ သူကအဲဒီရွာကို တစ်ခါမှမရောက်ဖူးဘူး။ ဘယ်နားမှာရှိတယ်…ဘယ်လိုသွားရတယ်ဆိုတာတော့ သိတာပေါ့။ အိမ်ကနေထွက်လာရင်း လမ်းမှာစဉ်းစားမိတာက ဦးသောင်းတင်အိမ်က ရွာရဲ့တောင်ဘက်ပိုင်းလား မြောက်ဘက်ပိုင်းလားဆိုတာ မမေးခဲ့မိဘူးလေ။ ဒီလိုနဲ့ ဦးသောင်းတင်နေတဲ့ ရွာကိုရောတော့…လမ်းမှာတွေ့တဲ့သူတိုင်းကို ဒီလိုမေးသတဲ့…´ဦးတောင်းသင် အိမ်က ဘယ်နားမှာလဲခင်ဗျာ´… သူ့အမေးကို ဘယ်သူမှမဖြေနိုင်ဘူး…ဘာလို့လဲဆိုတော့ အဲဒီရွာမှာ ဦးတောင်းသင် ဆိုတာ ရှိမှမရှိတာကိုး။ ဒါနဲ့ သူလဲ စိတ်ပျက်ပျက်နဲ့ ရွာလယ်က ဘုရားရှိခိုးကျောင်းမှာ ခဏအနားယူနေတာပေါ့။ အနီးအနားမှာ ကလေးတစ်သိုက်က ကစားနေကြတာပေါ့ဗျာ။ အဲဒီမှာ ကလေးတစ်ယောက် လေးနှစ်အရွယ်လောက်ရှိမယ်ထင်တယ်တဲ့… သူထိုင်နေတဲ့နေရာကိုရောက်လာပြီးး ´တူးတူး တားတားကို ကြက်တောင်ကွင်းပေးပါ`လို့ တောင်းတော့ သူ့လက်မှာရှိတဲ့ ကြက်ပေါင်ကွင်း ကိုပေးလိုက်တာပေါ့။ ဒါနဲ့ သူကလဲ အဲဒီကလေးကို `ဦးတောင်းသင် အိမ်ကို သိလား`လို့မေးတော့ ကလေးက `တိတယ်… ဦးတောင်းသင်က တားတား ဘဘ` ဆိုပြီးခေါ်သွားလို့ အဲဒီအိမ်ကို ရောက်ခဲ့ရတယ်တဲ့။
သူက တစ်ဆက်တည်းပြောသွားသေးတယ်… ဟေ့ကောင် ငါက သော်တလင်းလ ဒါမှမဟုတ် တသင်းကျွတ်ဆိုရင် မင်္ဂလာဆောင်မယ်တဲ့… အဲဒီအခါကျရင် သစ်ရွာလုံးကို ဗူးတီးနဲ့ဝက်တား ကျွေးမယ်ဆိုပဲ။

1 comments:

ဇနိ January 26, 2008 at 7:31 PM  

နီတွတ်ကြီးတောင် ပြေးသတိရသဗျာ ကိုကြီးလုံးရ။
း)

  © Blogger templates Shiny by Ourblogtemplates.com 2008

Back to TOP