ကြောင်…လှည့်ကွက် (၁)

>> Friday, September 21, 2007

ဂျစ်…ဂျစ်…ဂျစ်
တံခါးကို ကုတ်ခြစ်နေသောအသံ
“ ဟေ့ ဘယ်သူတုန်းဟ … ဟာ….ငါ့နဲ့“
ကျွန်ုပ်တံခါးဖွင့်အကြည့် ဘယ်သူ့ကိုမှ မတွေ့ရ။ ခြေထောက်နှစ်ချောင်းကြားမှ ပြေးဝင်သွားသောအရာ။
“ငါ့အကောင်လေးက သူတို့အားလုံးကြားထဲမှာ အသန်ဆုံး… အထွားဆုံးပဲ၊ ငါ့လက်ထဲရောက်တဲ့ အကောင်ကတော့ ကံအကောင်းဆုံးပဲ”
“ ချစ်လေးလာစမ်း မင်းကို ကိုကြီးက အရမ်းချစ်တာကွ၊ ချစ်လေးသိလား“
ပြောလိုက်နမ်းလိုက်နဲ့။ချစ်သူနှစ်ယောက်ကျီစယ်နေကြခြင်းမဟုတ်၊ ကျွန်ုပ်၏ သူငယ်ချင်းနှင့် ကြောင်လေးတစ်ကောင် ဖြစ်၏။


တစ်နေ့သ၌
ရန်ကုန်မြို့ ခရေပင်လမ်းခွဲနေရာ၌ ချစ်သူနှစ်ဦး ရယ်ရယ်မောမောနှင့်လမ်းလျှောက်လာကြ၏။ လမ်းကလည်းကြမ်းလိုက်တာလွန်ပါရော၊ နေကလည်းပူ၊ လမ်းကလည်းကြမ်း၊ အမှိုက်ဆိုတာကတော့ပြောမနေနဲ့နေရာအနှံ့။ သူတို့ကတော့ ဒါတွေကို သတိထားမိမယ်မထင်။
ကျွန်ုပ်ကတော့ သူတို့နောက်မှကပ်ပြီး ပါလာ၏။ ကျွန်ုပ်လည်း ကိုယ့်စိတ်ကူနှင့်ကိုယ်။ အိမ်ပြန်ရန်ခြေလှမ်းကျဲကြီးများနှင့်။ (တစ်ခန်းရပ်)

မင်္ဂလာဒုံ-ဆူးလေ ဘတ်စ်ကားပေါ်တွင် ကျွန်ုပ်၏ ထိုသူငယ်ချင်းနှင့် သူ၏ချစ်သူဟုထင်ရသော ကောင်မလေး။
“ကားကလဲဗျာ ကျပ်လိုက်တာမှ လွန်ရော”
သို့သော်
ကျွန်ုပ်သူငယ်ချင်းနှင့် သူ့ကောင်မလေး ကြားတွင်တော့ ကလေးတစ်ယောက်စာ နေရာလွတ်နေ၏။ တိုက်ဆိုင်လိုက်တာများဗျာ ကျွန်တော်လည်း အဲဒီလွတ်နေတဲ့နေရာကို သတိထားမိလိုက်တယ်ဗျ။
“အမလေးကားသမားကလည်း အမောင်းကြမ်းလိုက်တာတော် ”
“ဟုတ်ပါ့တော် အမဲဖျက်နေတာကြလို့ ”
စသည်ဖြင့်ခရီးသည်များတစ်ယောက်တစ်ပေါက်ပြောနေကြချိန်မှာပဲ မမျှော်လင့်ထားသော စကားတစ်ခွန်းကြားလိုက်ရ၏။
“ကို…အသားယူမယ်မကြံနဲ့နော် ထပ်မတိုးနဲ့တော့။ လက်ကိုဟိုဘက်ပြန်ရွှေ့” ဟူ၍ဖြစ်၏။ ကျွန်တော့်သူငယ်ချင်းက ကားဘရိတ်အုပ်ချိန်ကို စောင့်နေသူတစ်ယောက်။
(တစ်ခန်းရပ်)

“ကို တိရိစ္ဆာန်ချစ်တတ်လားဟင် ဖြူကကြောင်လေးတွေကို သိပ်ချစ်တာ”
ကျွန်တော့သူငယ်ချင်းက အမှန်တော့ ကျားကျားယားယားနဲ့ ယောက်ျားပီသသူတစ်ယောက်ပါ။ သတ်ရဲဖြတ်ရဲ သေသေကျေကျေ ဆိုတဲ့လူမျိုး။ အခုတော့ ဒုက္ခရောက်ပြီ
“ဟင်ဖြူကလဲကွာ ချစ်တတ်ရောလားကွာ ကိုယ်ဆိုရင် အိပ်ယာထဲတောင် ထည့်အိပ်တာ။ ကိုယ့်အိမ်မှာဆို ကြောင်မကြီးကတစ်ကောင် ကြောင်သားလေးတွေဆို ငါးကောင်တောင်မှ အဲဒါကိုယ်နဲ့တအတူတူအိပ်ကြတာ” စသည်ဖြင့်…
အမှန်တော့ ကျွန်တော့်သူငယ်ချင်းက ချစ်သူအလိုကိုလိုက်၍ပြောချင်းဖြစ်၏။ မည်သို့ဖြစ်သွားသည် မသိချစ်သူနှစ်ယောက်လမ်းခွဲချင်းသို့ရောက်ရလေ၏။ ကျွန်ုပ်သူငယ်ချင်းမှာကား သူ့ရဲ့ချစ်သူ ဖြူက ကြောင်အလွန်ချစ်သူဟူ၍ သူလည်းချစ်တတ်အောင်ကြိုးစားရင်းကပင် ဤအဖြစ်သို့ရောက်လာခဲ့ရ၏။

ဇာတ်ပေါင်းချုပ်သော်….
ကျွန်ုပ်သူငယ်ချင်းက သူရဲ့ချစ်သူဖြူမှာ ကြောင်ကိုမုန်းသော ကောင်မလေးဖြစ်မှန်းသိခွင့်မရလိုက်ပေ……
“နူးညံ့တဲ့လက်ဖ၀ါးလေးတွေနဲ့
ငါ့ခြေထောင်ပေါ်တင်လာတယ်…
နှာငွေ့လေးမှုတ်ပြီးငါ့ပါးပြင်ကို ကပ်တယ်…
ကြည်စိမ်းလဲ့မျက်လုံးတွေက
ငါ့ကိုပြောတယ်
အပြင်ကိုထွက်ခွင့်ပြုပါတဲ့
မင်းက ဘယ်တုန်းက ဘယ်လိုနည်းနဲ့ အပြင်ထွက်ခွင့်တောင်းသွားတာလဲ ဖြူရယ်”

“ချစ်လေးကိုယ့်ဆီလာစမ်း။ ကိုကြီးကို ချစ်လား။ ကိုကြီးကချစ်လိုက်တာ။ ဈေးကပြန်လာရင်အစာကောင်းကောင်းဝယ်လာခဲ့မယ်နော် ”
သူငယ်ချင်းရေ လွန်တာရှိရင်တော့………………………

ဝန္တာမိ (စိတ်စေရာ)


1 comments:

ရွက်ဝါ September 23, 2007 at 1:23 AM  

ကိုမောင်ဖြူတို့ကတော့ လုပ်ပီ။ အကြောင်းသိတွေဆိုရင် နာမည်တွေပါ အတိအကျတောင် စဉ်းစားလို့ ရလောက်တယ်။ ဖတ်လို့ ကောင်း၏။ ဆက်အားပေးနေတယ်။

  © Blogger templates Shiny by Ourblogtemplates.com 2008

Back to TOP