ကပွဲအပြီးမှာ

>> Tuesday, September 18, 2007


ကပွဲအပြီးမှာ
လဲ့(ဗ်) နီကိုလိုက်ရယ်ဗစ်(ခ်ျ) တော်(လ်)စတိုးအိ

- ခင်ဗျားတို့က ပြောကြတယ် လူဆိုတာက မိမိကိုယ်ကိုဘယ်အရာတွေက ကောင်းတယ်၊ ဘယ်အရာတွေက ဆိုးတယ်ဆိုတာကို နားလည်ဖို့ခက်တယ်လို့၊ ကျွန်တော်တို့ လူ့လောကမှာ အရာအားလုံးဟာ ဒီလောကကြီးရဲ့ ၀ါးမျိုမှုကိုခံလိုက်ရတာ၊ ပြီးတော့ ကျွန်တော်အမြင်ကတော့ အရာအားလုံးအား သူ့အလိုလိုဖြစ်လာတာ။ -လူအများကလေးစားရတဲ့ အီဗန် ဗာစီလီရယ်ဗစ်(ခ်ျ) က ပြောတယ်။- ကျွန်တော့်ဘ၀တစ်ခုလုံးဟာ တစ်ခုသောညမှာ ပြောင်းလဲခဲ့တယ်။


ကျွန်တော် အတော့်ကိုစွဲစွဲလမ်းလမ်းကိုချစ်ခဲ့ပါတယ်။ ကျွန်တော်ချစ်ခဲ့တာတွေ မနည်းပါဘူး။ ဒါပေမယ့် အဲဒီတစ်ကြိမ်ကတော့ အတော့်ကို ပြင်းပြင်းထန်ထန် ချစ်ခဲ့တာပါ။ ဗာရန့်ကာ က အသက် ၁၈-နှစ်လောက်ပေါ့။ အလွန့်ကို စွဲမက်စရာကောင်းတာပါ။ အရပ်အမောင်းကသွယ်လျလျ၊ တင့်တယ်လှပတဲ့အချိုးအဆစ်နဲ့၊ ကျက်သရေကလည်းရှိ၊တကယ့်ကို နန်းဆန်ဆန်လှတာပါ။ အဲဒီတုန်းက ကျွန်တော်က နယ်တက္ကသိုလ်တစ်ခုမှာ ကျောင်းသားပေါ့၊ပျော်ပျော်နေတယ်၊ လူချစ်လူခင်ပေါများတဲ့ လူခန့်တစ်ယောက်ပေါ့၊ ပြီးတော့ ငွေကြေးလည်းအတော်အတန်ရှိသပေါ့လေ။ ကျွန်တော့်မှာ သိပ်ကိုလှတဲ့မြင်းတစ်ကောင်လည်းရှိရဲ့၊ မိန်းမပျိုတွေနဲ့တောင်တွေပေါ်ကနေ နှင်းလျောစီးတဲ့အခါလည်းစီးရဲ့၊ အပေါင်းအသင်းတွေနဲ့ သောက်လိုက်စားလိုက်လည်း နေတာပေါ့လေ။ ကျွန်တော်က အကလည်းကောင်း၊ ရုပ်ရည်ကလည်း မဆိုးလှဘူးပေါ့လေ။

မာစလဲညီဆာပွဲတော်ပြီးကာနီးရက်တစ်ရက်မှာ အဲဒီနယ် အုပ်ချုပ်သူ၊ စိတ်နှလုံးကောင်းတဲ့ အဖိုးကြီးပါ၊ ချမ်းသာပြီး ဧည့်ဝတ်သိပ်ကျေတဲ့သူပေါ့၊ သူက ကပွဲကျင်းပပေးတယ်။ တီးမှုတ်တဲ့သူတွေကတော့ နာမည်ကြီးတွေပါ၊ နယ်ပိုင်ကြီးရဲ့ လယ်သမားတွေထဲကပါပဲ၊စားသောက်ပွဲဆိုတာကလည်း ခမ်းခမ်းနားနားနဲ့ ရှန်ပိန်ဆိုတာက ပင်လယ်ကြီးများသွန်မှောက်ထားသလားထင်ရရဲ့။ ကျွန်တော်ကတော့ ၀ိုင်မသောက်ဘဲ အချစ်စိတ်နဲ့ကို မူးနေပါပြီ။ ကတယ်ဆိုတာကလည်း မောလို့ပန်းလို့ လဲကျသွားမလောက်ပါပဲ၊ သိတဲ့အတိုင်းပါပဲ ဗာရန့်ကာနဲ့ပဲ ရသလောက်အခွင့်အလမ်းရှာပြီး တွဲကတာပေါဗျာ။ သူမကတော့ ပန်းနုရောင်ခါးကြိုးလေးပါတဲ့ အဖြူရောင်ဝတ်စုံနဲ့၊ အဖြူရောင်လက်အိတ်ပါးပါးလေးလဲ ၀တ်လို့ပေါ့၊ အဲ အဖြူရောင်ဖဲသား အကဖိနပ်ကလေးလဲ စီးထားတာ။ကျွန်တော်တစ်ယောက်တည်းတင်မဟုတ်ပါဘူး၊ အားလုံးက သူမကို ၀ိုင်းပြီးငေးကြတာပါ၊ သူမအလှက အားလုံးကို မှေးမှိန်စေပေမယ့် အမျိူးသားတွေရော၊ အမျိုးသမီးတွေရော အားလုံးက ချစ်ကြတာပါ။ ကျွန်တော်ကပဲ သူမနဲ့ အများဆုံးတွဲပြီးကတာ၊ အချိန်တွေ ဘယ်လိုကုန်သွားတယ်ဆိုတာတောင်သတိမထားမိပါဘူး။ ကျွန်တော် အပျော်ဆုံးလူသားပေါ့လေ၊ ဧဒင်ဥယျာဉ်ထဲရောက်နေသလားအောက်မေ့မိတယ်၊ သိပ်ကိုကြင်နာယုယနေလိုက်တာ ကျွန်တော်ဆိုတာ ကျွန်တော့်ကို မဟုတ်တော့ဘူး။ ဘယ်လိုပြောရပါ့၊ လူ့ပြည်ကမဟုတ်ဘဲ အချစ်ပြည်ကများ မွေဖွားလာခဲ့တယ်လို့ထင်ရရဲ့၊ ရုန့်ရင်းကြမ်းတမ်းတယ်ဆိုတာကို လုံးဝနားမလည်တဲ့၊ နူးညံ့ကြင်နာတာတစ်ခုတည်းသာကိုသိတဲ့ ထူးဆန်းထွေလာလူကြီးကိုဖြစ်လို့။

-ဗာရန့်ကာ- ဒီလာပါဦး။ ဧည့်ခံပွဲရှင်ရဲ့ အသံခပ်ကျယ်ကျယ်ကိုကြားလိုက်ရတယ်။- အဖေနဲ့စကားပြောရင်း လာကပါဦး။

ဗာရန့်ကာအဖေဆိုတာက ခန့်ညားပြီး၊ လေးစားစရာကောင်းတဲ့၊ အရပ်အမောင်းထောင်ထောင်မောင်းမောင်းနဲ့၊ နုပျိုဖျတ်လတ်နေတဲ့ အသက်ခပ်ကြီးကြီးတစ်ယောက်ပါ။ သူ့မျက်နှာက ပန်းသွေးရောင်တောက်နေပြီး၊ အဖြူရောင်နှုတ်ခမ်းမွှေးတွေဆို အပေါ်ကိုကော့ပြန်နေတာ။ နားသယ်မွှေးတွေဆိုလည်း နှုတ်ခမ်းမွေးတွေဆီကို သွယ်တန်းလို့၊ နဖူးနားကဆံတွေဆိုလည်း ရှေ့ကိုများ ကော့ပြန်လို့၊ ခပ်ရွှင်ရွှင်စွဲဆောင်နိုင်စွမ်းရှိတဲ့ အပြုံးတွေရယ်၊ တဖျတ်ဖျတ်အရောင်လက်နေတဲ့ မျက်လုံးတွေရယ်နဲ့ နှုတ်ခမ်းတွေကဆို သူ့သမီးအတိုင်းပဲ။ ခန့်ညားကျယ်ပြန့်တဲ့ ရင်ကို စစ်တပ်မှာအတိုင်းမတ်မတ်နေတာရယ်၊ တောင့်တင်းသန်မာတဲ့ ပုခုံးတွေရယ်၊ ရှည်လျားသန်မာတဲ့ခြေထောက်တွေရယ်နဲ့ ပေါင်းစပ်လိုက်တော့ ဆုတံဆိပ်အနည်းငယ်ချိတ်ဆွဲထားပေမယ့် အလွန့်ကိုခန့်ညားတည်ကြည်လှပါတယ်။

ဗိုလ်မှုး က ဘယ်လိုကရတယ်ဆိုတာမေ့ကုန်ပြီ - လို့ပြောရင်း ငြင်းပါသေးတယ်၊ ဒီလိုပဲ နောက်ဆုံးတော့ ခပ်ပြုံးပြုံးနဲ့ပဲ ညာလက်ကို ခန္ဓာကိုယ်ဘယ်ဖက် ဟန်ပါပါထုတ်လိုက်ပြီးတော့၊ ဘယ်ဖက်ဓားအိမ်ထဲက ဓားရှည်ကိုဆွဲနှုတ်၊ အခိုင်းစေလုလင်လေးကို ဓားလှမ်းပေးပြီး၊ သမီးလက်ကို အသာဆွဲပြီး ကဖို့ ခြေနှစ်ဖက်ကိုထောင့်မှန်ထားပြီး ဂီတတေးသွားအလိုက်ကို စောင့်နေလိုက်တယ်။ ထောင်ထောင်မောင်းမောင်းထွားကျိုင်းတဲ့ခန္ဓာကိုယ်ကြီး ကပွဲခန်းမတစ်ခွင်မှာ ညင်ညင်သာသာ ပျော့ပျော့ပျောင်းပျောင်းနဲ့ ကပါတယ်။ ကျွန်တော်ကတော့ ချစ်ခင်စွဲမက်တာထက် စိတ်ဝင်တစားနဲ့ကို သူတို့ကတာကိုလိုက်ကြည့်မိပါတယ်။

ကျွန်တော်အိမ်ပြန်ရောက်တော့ အ၀တ်အစားလဲပြီး အံ့စရာတွေတွေ့ခဲ့မြင်ခဲ့ရတာတွေကို အိပ်မက်လားအောက်မေ့ပြီး အပျော်တွေလွန်၊ ဘယ်လိုမှကို အိပ်လို့မရပါဘူး။ အပေါ်ရုံကုတ်အက်ျီကို ထ၀တ်၊ လမ်းမဖက်ကို ထွက်ခဲ့ပါရော။

သူမတို့အိမ်ရှိတဲ့ ကွင်းပြင်ကျယ်ဖက်ကို ရောက်တော့ ဘာမှန်းမသိတဲ့ ခပ်မဲမဲ၊ အုပ်အုပ်ကြီးကိုတွေ့ပြီး၊ အဲဒီဆီကနေ ပလွေသံတွေ၊ ဗုံသံတွေကြားရပါလေရော။ တကယ့်ကို ကြောက်လန့်စရာ တေးသံတွေပါ။ ခြေလှမ်းတစ်ရာလောက်လဲ လှမ်းမိရော၊ မြူတွေဆိုင်းနေတဲ့အထဲကနေ မည်းမှောင်နေတဲ့လူတွေကိုခွဲခြားပြီးမြင်ရပါတယ်။ အနက်ရောင်စစ်ဝတ်စုံတွေဝတ်ထားတဲ့ စစ်သားတွေ အတန်းလိုက်၊အတန်းလိုက်နဲ့ ဟိုဖက်ဒီဖက်မျက်နှာချင်းဆိုင်ပြီး ရပ်နေကြတာပါ။ သေနတ်တွေကို ခြေမှာကပ်ပြီး လုံးဝကို မလှုပ်မယှတ်ပါ။ တန်းစီပြီးရပ်နေတဲ့ စစ်သားတွေရဲ့ အလယ်လမ်းကြောင်းကနေ ကြောက်မက်ထိတ်လန့်စရာတစ်ခုက ကျွန်တော်ရှိတဲ့ဖက်ကို နီးကပ်လာပါတယ်။ ခန္ဓာကိုယ်အပေါ်ပိုင်းဗလာကျင်းပြီး ကြိူးနဲ့ချီတုတ်ထားတဲ့လူတစ်ယောက်ကို လက်နက်ကိုင်စစ်သားနှစ်ယောက်က ဖမ်းသယ်လာပါတယ်။ သူတို့အနားမှာ အရပ်ရှည်ရှည်၊စစ်အင်္ကျီဝတ်ပြီး စစ်ဦးထုပ်ဆောင်းထားတဲ့ ကျွန်တော်ရင်းရင်းနှီးနှီးရှိတယ်လို့ယူဆရတဲ့ ပုံပန်းရှိတဲ့လူတစ်ယောက် လမ်းလျှောက်ပြီးပါလာပါတယ်။ အဖြူရောင်နှုတ်ခမ်းမွေးတွေ၊ ဆံတွေဖြူနေတဲ့ ပန်းနုရောင်မျက်နှာပိုင်ရှင် ဗာရန့်ကာရဲ့ အဖေကြီးပါ။

ရိုက်လိုက်တိုင်း၊ရိုက်လိုက်တိုင်း ပြစ်ဒဏ်ခံရတဲ့သူက ဒဏ်ရာဒဏ်ချက်တွေကြောင့် အံကြိတ်ထားတဲ့ မျက်နှာကို ရိုက်ချက်ကျလာမည့်ဖက်ကို လှည့်ကြည့်ပြီး အကြိမ်ကြိမ်အော်ပြီးပြောပါတယ်။ - သူငယ်ချင်းတို့ ကြင်နာသနားကြပါဦး။ - ပြစ်ဒဏ်ပေးခံရတဲ့သူရဲ့ ကျောကုန်းကို ကျွန်တော်ကမြင်ရပါတယ်။ အညိုအမဲစွဲကာ၊စုတ်ပြတ်ပြီး သွေးတွေနီနီရဲရဲနဲ့ ရွှဲပြီးတော့ တကယ့်ကို အသားစိုင်တွေပဲ့ထွက်လို့ပါ။ ရုတ်ချည်း ဗိုလ်မှုးက ရပ်လိုက်ပြီးတော့ စစ်သားတစ်ယောက်နားကို ကပ်သွားလိုက်ပါတယ်။

- အေး မင်းကို သာသာလေးပွတ်သတ်ပေးရမယ်- ဒေါကြီးမောကြီးနဲ့ ပြောတဲ့အသံကို ကျွန်တော်ကြားလိုက်တယ်။ - ချောဆီသုတ်သလိုလုပ်ဦးမှာလားကွ ဟေ့ ပြောစမ်း။- ဆိုပြီး ဗိုလ်မှုးက လက်အိတ်ဝတ်ထားတဲ့ သူ့လက်ကြီးနဲ့ ကြောက်လန့်နေတဲ့ စစ်သားကို ရိုက်ချလိုက်ပါတယ်။

......... အပြန်လမ်းတစ်လျောက်လုံး ကျွန်တော့်နားထဲမှာ တဒိမ်းဒိမ်း ဗုံသံနဲ့၊ တစီစီ စစ်ပုလွေသံရယ်၊ ပြီး - သူငယ်ချင်းတို့ ကြင်နာသနားကြပါဦး။- ဆိုတဲ့အသံတွေသာကြားနေရတာပါ။ နှလုံသားထဲမှာလည်း တဆစ်ဆစ်နဲ့နာနေပြီး၊ ရင်ထဲမှာလည်း စက်ဆုတ်ရွှံပြီး အန်ချင်သလိုကိုဖြစ်နေတာပါ။ ဘယ်လိုလုပ်ပြီး အိမ်ကိုပြန်ရောက်ပြီး၊ အိပ်ရာထဲဘယ်လိုရောက်သွားမှန်းတောင် မမှတ်မိတော့ပါဘူး။ အဲဒီနေ့ကစပြီး အချစ်စိတ်ဆိုတာလည်း တဖြည်းဖြည်းယုတ်လျော့ကျဆင်းသွားတာပါ။ အပြုံးမျက်နှာလေးနဲ့ ဗာရန့်ကာ ကိုစိတ်ကူးထဲတွေးလိုက်တိုင်း အခုအချိန်ထိ ဗိုလ်မှုးကိုပဲ ပြေးပြေးမြင်ပြီး နေရထိုင်ရတာ ကိုးလို့ကန့်လန့်နဲ့ မအီမသာကြီးဖြစ်ဖြစ်လာတာပါ။ အချစ်စိတ်ဆိုတာကလည်း ကျွန်တော့်ဆီမှာ လုံးဝကို သုညအနေအထားကို ရောက်သွားတော့တာပါပဲ။

လဲ့(ဗ်) နီကိုလိုက်ရယ်ဗစ်(ခ်ျ) တော်(လ်)စတိုးအိ
မြန်မာပြန်-ဇနိ

3 comments:

NA September 18, 2007 at 11:05 AM  

ကောင်း၏
ဘုတ်က ကျီးကိုမြှောက်တာ

မောင်ဖြူ September 18, 2007 at 6:52 PM  

ဖတ်လို့ကောင်းပ။
အချိန်ပေးရကျိုးနပ်တာပေါ့ဗျာ။
နောက်ထပ် လတ်လတ်ဆတ်ဆတ်လေးတွေလဲ လုပ်ပါဦး။

tmn September 19, 2007 at 11:07 AM  

ဖတ်လို့ကောင်းတယ်....ကပွဲအပြီးမှာ အဆောင်ကိုပြန်အိတ်တာ ကိုဇနိပါ....

  © Blogger templates Shiny by Ourblogtemplates.com 2008

Back to TOP