ဒိုင်ယာရီ (သို့) ဒဏ္ဌာရီ

- အားလပ်ရက်များထဲမှ ဖဲ့ထုတ်ယူငင်သွားခဲ့သောအချိန်များ
- ညဥ့်နက်သန်းခေါင်ယံများထဲမှ အိပ်မက်ကမ္ဘာထိတိုင် လွှမ်းမိုးအနိုင်ယူသွားခဲ့သော ကျူးကျော်မှုများ
- အပျင်းပြေဝါးထွေးခဲ့သောကွမ်းယာများအား အသည်းနှလုံးပုံချိုချဉ်များနှင့် အစားထိုးခံခဲ့ရမှုများ
- အဝင်မှာခါး၍ မြိုချလျင်မူးတတ်သော်လည်း၊ အပေါင်းအသင်းစုံလျင်သောက်ဖြစ်ခဲ့သော ယမကာများအား၊ စတစ်ကာရောင်စုံအနားသတ်အချိုဗူးများဖြင့် သွေးဆောင်ဖျားယောင်းခဲ့မှုများ
- ရေမွှေးနံ့မပြယ်သေးသည့် ပန်းနုရောင်ပို့စ်ကဒ်များပေါ်မှ၊ တန်ဖိုးစုံတံဆိပ်ခေါင်းများ
- ဟောင်းနွမ်းရိယော်နေပြီဖြစ်သော်လည်း၊ အချိန်နှင့်ရက်စွဲကို အတိအကျမှတ်ပေးထားသော ရုပ်ရှင်လက်မှတ်များ
- အပေါင်းလက္ခဏာပါသော လူနှစ်ယောက်၏ အလှူခံဖြတ်ပိုင်းစများ
- အရောင်ပြယ်လွင့်နေပြီဖြစ်သော်လည်း မကြာခဏထုတ်နမ်းခဲ့ဖူးသော တစ်ရှူးစလေးများပေါ်မှ ရေစိုခံနှုတ်ခမ်းနီရာလေးများ
- မှတ်စုစာအုပ်အချို့၏ ပထမဆုံးစာမျက်နှာမှ ဝိုင်းစက်သောလက်ရေးများနှင့် အနုပညာဆန်သောလက်မှတ်များ
- ရပ်နေပြီဖြစ်သော်လည်း တစ်နေ့လျင်နှစ်ကြိမ်တော့မှန်နေသေးသည့် အမျိုးသမီးလက်ပတ်နာရီဟောင်းလေးတစ်လုံး
- တယ်လီဖုန်းနံပါတ်အချို့…
- ဆံနွယ်စရှည်ရှည်လေးတွေ …
- ရယ်သံလွင်လွင်လေး …
- မာယာမပါသောအပြုံး …
- ကိုယ်သင်းနံ့ဖျော့ဖျော့လေး …
- နောက်ဆုံး……..မာဆတ်ဆတ်နဲ့ပြောလိုက်တယ်….
- နင့်ကိုငါအမုန်းဆုံးတဲ့….
- အဲဒါဒိုင်ယာရီရဲ့အဆုံး။ ။

မောင်ဖြူ