ဆေးပေါင်းခတဲ့ည

>> Wednesday, November 12, 2008



“ချွင် ချလွန်”။ “ဟာ ဟိုဖက်မှာ ဟ” ။ “မဟုတ်ဘူး ဟိုကောင့်ခြေထောက်အောက်မှာ” “အမေရေ အီး ဟီး ဟီး သမီးခြေထောက်တက်နင်းခံလာရလို့” တချိန်က အသံတွေ ပြန်ကြားနေမိတာပါ။ တန်ဆောင်မုန်းလပြည့်ညရဲ့ လရောင်အောက်မှာ ကလေးတသိုက် ပျော်မြူးသံတွေနဲ့ မြို့လေးဟာ အသက်ဝင်နေတယ်။


အိမ်ကိုဖုန်းဆက်လိုက်တော့ မိသားစုတွေ မဲဇလီဖူးသုပ်စားဖို့ ပြင်ဆင်နေကြဆိုပဲ။ “သမီးလည်း စားချင်တယ် အမေ” လို့ ညည်းမိတော့ “ပြန်လာတော့ စားရမှာပါ သမီးရယ် အမေလည်း ကျွေးချင်တာပဲလေ”တဲ့။ “သမီးအမေက သမီးငယ်ငယ်တုန်းက ပိုက်ဆံကောက်၊ ဒူးပြဲပြန်လာတဲ့အကြောင်းတွေ အခုပဲပြောနေတာလေ” လို့ အဖေက ဆိုလာတော့ “ဟုတ် ငယ်ငယ်ကပါ အဖေ” လို့ ရယ်ပြောပြောရသေးတယ်။ အခုချိန်မှာတော့ ပြန်တွေးမိရင် နည်းနည်းရှက်တာပေါ့။ တကယ်ကို အိမ်ပေါက်စေ့လိုက်ပြီး ပိုက်ဆံတောင်းခဲ့ကြတာတွေ အသုပ်စားခဲ့ကြတွေ ပျော်ပါးလွတ်လပ်ခဲ့တာတွေပါ။

ကျွန်မတို့မြို့လေးမှာ ညနေစောင်းလာတာနဲ့ ကြေးစည်သံကြားလာရပြီ။ လူငယ်နှစ်ယောက်က ကြေးစည်လေးထမ်း၊ ဘေးက သူငယ်ချင်းတသိုက်က ထန်းလျှော်တောင်းထမ်း၊ တချို့က လွယ်အိတ်လွယ်ပြီး ပိုက်ဆံအပျော်တမ်းလိုက်အလှူခံကြပါတယ်။ “ကျွန်တော်တို့ ပျော်ပွဲစားချင်လို့ပါ ခင်ဗျာ” ဆိုရင် အိမ်တိုင်းက ပေးကြတယ်။ “ကျန်းမာပါစေ ချမ်းသာပါစေ တန်ဆောင်မုန်းလမှာ ဆေးပေါင်းခပါစေ” လို့ ဆုတွေတောင်းပေးသွားကြရင် အလှူလုပ်လိုက်ရတဲ့အိမ်က သဘောတွေကျလို့။ တချို့အိမ်ကလည်း ဆန်နို့ဆီတဗူး၊ တချို့အိမ်ကတော့ ကြက်သွန်ဖြူ၊ ကြက်သွန်နီပေါ့။ အိမ်မှာရှိတဲ့စားစရာ ဟင်းချက်စရာ ဘာပေးပေး ကျေနပ်နေကြတာပါပဲ။ အားလုံးက အပျော်လိုက်လုပ်နေကြတာကိုး။ ညဖက်ရောက်လာရင်တော့ အိုးစည်၊ ဒိုးပတ်တွေနဲ့ ကားတွေနဲ့ လည်အလှူခံထွက်ကြတယ်။ ကိုယ်နဲ့သိတဲ့အိမ်ဆို “ဦးလေးဝင်း ပျော်ပွဲစားချင်လို့ပါဗျို့” နဲ့ အိမ်ရှေ့ကနေ အော်ကြတယ်။ ဦးလေးဝင်းကလည်း မီးအားလုံးမှိတ်ပြီး အိမ်ထဲမှာ ပုန်းနေတတ်တယ်။ ဒါဆိုလည်း ထွက်မလာမချင်း အော်နေတော့တာ။ နောက်ဆုံးတော့ နားမခံသာတာနဲ့ မုန့်ဖိုးထွက်ပေးရတာပဲ။ “ဦးလေးဝင်းကြီး ကျန်းမာပါစေ ချမ်းသာပါစေ မိန်းမချောချောလေးရပါစေ” လို့ အိုးစည်တွေတီး ဆုတောင်းရင်းနဲ့ နောက်တအိမ်ကို ကူးသွားကြတယ်။

စတိုးဆိုင်တွေက ညနေဆို အကုန်ပိတ်တာများပါတယ်။ တချို့ဆိုင်တွေကတော့ ညဖက်မှာ ခဏဖွင့်ပြီး ပိုက်ဆံတွေကျဲတယ်။ မုန့်တွေ အလှပြင်ပစ္စည်းတွေကျဲတာလည်း ရှိတယ်။ ဒါမျိုးဆို မယ်မျှင်တို့က ညနေကတည်းက သတင်းစုဆောင်းထားရတယ်။ အိမ်နားက ကလေးတွေနဲ့ ညရောက်ရင် ပိုက်ဆံကောက်ဖို့ ဟန်ရေးတပြင်ပြင်ပေါ့။ ပြောသာပြောတာပါ ဘယ်တော့မှ ပိုက်ဆံမရခဲ့ပါဘူး။ လုကောက်လို့ရတဲ့နေရာမျိုးဆို မနေနိုင်ဘူး သွားလုကောက်တယ်။ အတွန်းခံရတဲ့အခါရှိသလို ခြေထောက်တက်နင်းခံရတဲ့အခါလည်း ရှိပါရဲ့။ မောင်လေးတွေမရှိတုန်းက အမေတို့ရဲ့ အသည်းကျော်ဆိုတော့ လူတိုးမှာ စိုးရိမ်ကြတယ်။ သမီးရယ် သွားတိုးမကောက်နဲ့နော်ဆို ဘယ်တော့မှတားမရဘူး။ လိုက်သွားတာ။ ငိုပြန်လာတာလည်း အခါခါ။ တချို့အလုပ်သမားတွေ အများကြီးနဲ့လုပ်ရတဲ့ စီးပွားရေးသမားတွေက ညဖက်မှာ သူတို့အလုပ်သမားတွေရော အပြင်လူတွေရော ပေးရတယ်။ ကြာတော့ မနိုင်တော့မှာစိုးလို့ တအိမ်လုံးမီးမှိတ်၊ သော့ခတ်ပြီး တခြားသွားပုန်းနေရတာတွေလည်း ရှိသေးတယ်။ ဒီည ပိုက်ဆံဘယ်လောက်ကုန်ရင် အိမ်တံခါးပိတ်မယ်ဆိုတာလည်း ရှိကြသေး။

ကျွန်မကတော့ လူလည်ကျတတ်တယ်။ ကိုယ့်ကိုချစ်တဲ့သူတွေအိမ်သွားတောင်းတယ်။ အကြွေစေ့ပေးလို့ကတော့ မယူဘူး။ အတန်ကြီးမပေးသရွေ့ အနားကပ်နေတော့တာနဲ့ သူတို့လည်း မနေသာ ပေးလိုက်ရတယ်။ ကိုယ့်ဟာကိုယ် ပိုက်ဆံသွားတောင်းနေရင်း အိမ်ကိုပြန်ပြေးလာ “အမေရော့ ယူထားနော်“ “အမေ ဘယ်လောက်ရနေပြီလဲ” နဲ့ ပေါင်းရတာ တွက်ရတာလည်း အမောပဲ။ အိမ်ကိုလာမုန့်ဖိုးတောင်းတဲ့ကလေးတွေလည်း ရှိတော့ အမေက သူ့လက်ထဲလွယ်တဲ့ ကျွန်မအပ်ထားတာလေးတွေ ပေးလိုက်ရင် ငိုရတာလည်း အမောပါပဲလေ။ အမေတို့က ညနက်လို့ အိပ်ချင်လှပြီဆိုလည်း မယ်မျှင်က လှစ်ဆို ပျောက်ပျောက်သွားလို့ လူကြီးတွေ မအိပ်ရရှာပါဘူး။ ကတ္တရာလမ်းပေါ်မှာ စက်ဘီးတွေနောက်ပြေးလိုက်ရင်း ပိုက်ဆံလုကောက်လို့ ဒူးပြဲရင်တော့ မချောင်ဘူး။ နောက်တနေ့လင်းရင် ဒူးပြဲက မခံမရပ်နိုင်အောင် နာလှတယ်။ အိမ်နဲ့မျက်စောင်းထိုးက အဒေါ်တယောက်ကို ညညဆို ချောင်းနေရတာ။ သူက ပိုက်ဆံတွေအများကြီး လက်ကိုင်ပ၀ါနဲ့ထုပ်၊ သစ်ပင်တွေပေါ်တင်တတ်တယ် “ပံ့သကူစွန့်တာ” တဲ့လေ။ အဲဒီအဒေါ်ကြီးအရိပ်အကဲကို ကလေးတသိုက် ဂျူတီချပြီး လိုက်ကြည့်ရတဲ့နှစ်တွေလည်း ရှိသေးတယ်။ ပိုက်ဆံသွားလုကောက်လိုက်၊ အိမ်ပြန်ပြေးလာ အမေ့ကိုအပ်ထားလိုက်၊ မဲဇလီဖူးသုပ်ကို ကမန်းကတန်းစား ရေသောက်လိုက်နဲ့ တယောက်ထဲအိမ်မှာ ဗြောင်းဆန်ခဲ့တာပါ။

ကျွန်မတို့မြို့က ကထိန်တွေ ရပ်ကွက်တိုင်းခင်းတော့ ပဒေသာပင်မှာ ပိုက်ဆံသီးတာတွေ ရှိတယ်။ တန်ဆောင်မုန်းညဆို ဘုန်းဘုန်းတွေက သူဌေးတွေပါ။ ဘုန်းဘုန်းတွေက သင်္ကန်းအိတ်ထောင်ထဲမှာ ပိုက်ဆံအသစ်အထပ်လိုက်ပါတယ်။ ကလေးတသိုက်ကလည်း သင်္ကန်းစဆွဲလိုက်ကြတာ။ ဘုန်းဘုန်းတွေက ပေးလိုက်ရင် အများကြီးပေးတာဆိုတော့ ပျော်တာပေါ့။ ကျွန်မကတော့ မနက်ကတည်းက အိမ်လာဆွမ်းခံကြွတဲ့ ဘုန်းဘုန်းဆီက ပံ့သကူပိုက်ဆံစွန့်ခိုင်းပြီးသား “ဘုန်းဘုန်း သမီးကို များများပေးနော် ညကျ သမီးက ဒူးပြဲမှာကြောက်လို့ မသွားရဘူးရယ်” နဲ့ ညာတောင်းထားသေးတယ်။ အမေတို့ကလည်း အတော်အတန် မုန့်ဖိုးတောင်းသူတွေကို ပေးပြီးရင် မီးမှိတ်နေရတယ်။ ကျွန်မက အိမ်ပြန်လာပြီဆို ဘေးဘယ်ညာတချက်လောက်ကြည့်၊ ဘယ်သူမှမလာရင် “အမေ သမီးပါ တံခါးဖွင့်ပေးအုံးနော်” လို့ တိုးတိုးလေးဆိုရတယ်။ အိမ်ကို ကလေးတွေ ၀ိုင်းအုံလာတောင်းမှာက ကြောက်ရသေးတာကိုး။ ကိုယ့်အိမ်ကို လာချောင်းနေတဲ့အုပ်စု ခပ်လှမ်းလှမ်းမှာရှိနေရင် “အမေရေ တံခါးမဖွင့်နဲ့နော် ပိုက်ဆံယူထားလိုက် ဟိုနားမှာ ဘယ်သူတို့အုပ်စုရှိနေတယ် သမီးပိုက်ဆံတွေ ပြန်မပေးရဘူးနော်” လို့ တံခါးကြားကနေ ပိုက်ဆံပေး ပြန်ပြေးခဲ့တာတွေလည်း ရှိတယ်။

ည (၁၂) နာရီတိတိမှာ မဲဇလီဖူးစားရင် ဆေးပေါင်းခတယ်ဆိုပေမယ့် မစောင့်နိုင်ပါဘူး။ ပြေးလွှားဒူးပြဲပြီး မောပမ်းအိပ်သွားတော့တာပါ။ အပျို၊ လူပျိုတွေ အသက်ကြီးသူတွေကတော့ ရလာတဲ့ မုန့်ဖိုးတွေနဲ့ ထမင်းတွေချက်စားကြတယ်။ အုန်းထမင်းနဲ့ ကြက်သားကာလသားချက်ပေါ့။ အရှေ့ဖက်အိမ်မှာ နှစ်တိုင်းထမင်းချက်စားကြတယ်။ အိမ်ကိုလည်း လာပေးပါတယ်။ ကျွန်မကတော့ ညစောစောအိပ်ပျော်သွားတာ အကြောင်းရှိတယ်။ မနက်စောစောနိူးပါလို့ အမေတို့ကို မှာပြီး အိပ်သွားတာပါ။ မနက်ကျတော့လည်း မနိုးပါဘူး။ မနက်အစောထပြီး လမ်းပေါ်ကို ပိုက်ဆံသွားကောက်ကြတာလည်း ကလေးတွေအများကြီးပါ။ ညက မမြင်လို့ကျန်နေတဲ့ ပိုက်ဆံတွေ သွားပြန်ကောက်ကြတာ။ စက်ဘီးတွေ ကားတွေပေါ်ကလည်းး ပိုက်ဆံကျဲသွားကြတာကိုး။ မနက်လင်းလာရင် လမ်းအရှေ့ထိပ်က တန်းလျားဟာ လမ်းအနောက်ထိပ်ကို ရောက်နေတတ်တာ။ အိမ်ရှေ့မှာ ပံ့သကူဘုရားဆိုပြီး ဘုရားလာချထားတာတွေနဲ့ အထူးအဆန်းမြင်ကွင်းတွေက ပျော်စရာကောင်းလှပါတယ်။ ဘုရားအိမ်ရှေ့မှာရောက်နေရင်တော့ ကျောင်းတိုက်ကိုပြန်ပင့်ဖို့ ဆွမ်းကပ်တာတွေ နောက်နေ့မှာ လုပ်ရပါတယ်။ သူငယ်ချင်းတို့ယောနယ်မှာတော့ မနက်လင်းရင် အပျိုအိမ်နဲ့ လူပျိုရှိတဲ့အိမ်ကို ထုံးတွေ တန်းပေးထားတာလည်း ရှိသတဲ့။ သူတို့ရွာထိပ်က သင်ပုန်းမှာ “ဖိုးမောင်+မယ်ချို” လို့ တွဲပေးထားတာတွေလည်း အများကြီးဆိုတယ်။

မန်းချယ်ရီအဆောင်ရောက်တဲ့အခါ ပလပ်စတစ်ရေပုံးကြီးတွေနဲ့ မဲဇလီဖူး၊ အာလူး၊ ကြာဇံ ရောပြီး သုပ်စားကြတယ်။ သူငယ်ချင်းတွေကို လိုက်ဝေကြတယ်။ အဆောင်ရှေ့မှာ ကောင်းလေးတွေဆိုတဲ့ “ဇော်ဝင်းထွဋ်ရဲ့ဆေးပေါင်းခတဲ့ည” ကို နားထောင်ပြီး ည(၁၂)တိတိထိ စောင့်ခဲ့ကြဖူးတယ်။ မန်းလေးတုန်းကလည်း မဲဇလီဖူးတွေ သိပ်ပေါတယ်။ အဆောင်ရှေ့က ထမင်းဆိုင်လေးမှာ မဲဇလီဖူးသုပ် ဒါနလုပ်လို့ တနေကုန်စားချင်သလောက်စား သွားစားလို့ရတယ်။ မန္တလေးကနေ ရန်ကုန်ကျောင်းလာတက်တဲ့အခါမှာတော့ မဲဇလီဖူးက သိပ်မပေါတော့လို့ ပန်းကန်လေးနဲ့ ဝေမျှစားခဲ့ကြရသေးတယ်။ ဒီည မဲဇလီဖူးသုပ်မစားရရင် ဆေးပေါင်းမခမှာ ကြောက်လို့ ငါ့လည်းကျွေးအုံးဆိုပြီး မဲဇလီဖူးသုပ်တပန်းကန်ကို အလုအယက်စားခဲ့ရတာ သတိရမိပါတယ်။ အခုတော့ တစ်ဇွန်းတောင် စားစရာ လမ်းမမြင်မိပါဘူး။ မဲဇလီဖူးရောင်းမည့်နေရာလည်း မသိလို့ ရနိုင်လား မရနိုင်လားကို မသိပါဘူး။ မဲဇလီဖူး ဘယ်လိုမှ မရနိုင်တော့လည်း “ကဲ ဆေးပေါင်းခချင်ခ မခချင်နေ” လို့ ကျိတ်မှိတ်မြိုသိပ် ပို့စ်လေးရေး အမြန်တင်လိုက်မိပါတယ်။ ဒူးပြဲချင်ရင်တော့ အခန်းထဲမှာ ကိုယ့်တယောက်ထဲ ပိုက်ဆံတွေကျဲ လိုက်ကောက်လုပ်ရမလား စိတ်ကူးနေမိတယ်။

မဇနိ

16 comments:

မြရွက်ဝေ November 12, 2008 at 3:22 PM  

ဒီနေ့အိမ်ကို ဖုန်းဆက်တာ အိမ်မှာလည်း မယ်ဇလီတာလပေါ့ ချက်တယ်တဲ့။ ဂလု ဂလု

ဒူးပြဲချင် ပြဲပါစေ မနိ ပိုက်ပိုက်ကျဲရင် လာကောက်မယ်။ အဟိ :P

တားမြစ် ထားသော... November 12, 2008 at 4:44 PM  

ဆေးပေါင်းခတဲ့ည။
ကျွန်တော်လည်း လွမ်းမိတာတွေရှိတယ်။ ငယ်ငယ်က ဘဝလေးတွေကိုပါ။ ပျော်စရာညလေးကို စိတ်မှာ မြင်ယောင်သွားပါတယ်။

ပျော်ရွှင်အဆင်ပြေပါစေ။

သုခမိန်(E-Journal)

PAUK November 12, 2008 at 5:16 PM  

နိနိရေ..
ပိုက်ဆံကျဲထားတယ်..
လာကောက်လည့်....
..............
မေးလိုက်ပါဦးမယ်..
တန်ဆောင်တိုင်ညက သူခိုးညပဲမဟုတ်လား..

khin oo may November 12, 2008 at 5:50 PM  

kom: ဒီဘက်လဲကြဲပါဗျို့။

ThuHninSee November 12, 2008 at 7:31 PM  

ပိုက်ဆံကြဲပါဗျို့။ မဲဇလီဖူးသုပ်တော့ မစားတော့ဘူးနော်။
မမွန်က အခါးမကြိုက်ဘူး။

Apprenticeship November 13, 2008 at 12:43 AM  

မဲဇလီဖူးသုပ်လေးကောင်းပါ့

မီယာ November 13, 2008 at 1:34 AM  

ငယ်ငယ်တုန်းကသိပ်ပျော်စရာကောင်းမှာပဲနော်။
မယ်ဇလီဖူးသုပ်စားရခြင်းအကြောင်းနဲ့ဘယ်လိုကျင်းပကြ
တယ်ဆိုတာသရုပ်ပေါ်အောင်ရေးထားလို့ကျေးဇူးပါမနိ။

mgngal November 13, 2008 at 1:00 PM  

မဲဇလီဖူး မရှိလို့  ကြက်သားကာလသားဟင်းပဲ ဖြစ်သလို
ချက်စားလိုက်တယ် ။ :D ဖတ်လို့ ကောင်းတယ် ။ ရေးတတ်
လိုက်တာ မြန်မာစာ အရေးအသား ။ ဂွတ်ထ ။ :)

May Moe November 13, 2008 at 1:07 PM  

ပိုက်ဆံကြဲပါဗျိုးးး မမနိ အဲဒါဘယ်မြို့လဲဟင် ပျော်စရာကြီးနော် :D

:P November 13, 2008 at 4:23 PM  

ပျော်စရာကောင်းလိုက်တာ..မဇနိရေးပြတာ....

Dr. Yi Yi Win November 13, 2008 at 7:04 PM  

ညီမလေးတွေ စားချင်နေမယ်ဆိုတာသိလို့ အစ်မ မဲဇလီဖူးသုပ်ပုံတွေမတင်တာ။ အိမ်မှာသူ
များလာပို့ တာတွေရော၊ ကိုယ်တိုင်သုပ်တာတွေရော စုံနေအောင်စားပြီး ဆေးပေါင်းတွေခ
နေတာလေ အိပ်ယာကနေမနည်း ထယူရတယ်။ မဇနိရေးတာလေးကောင်းတယ်။ မှတ်မိ
တယ်နော်..ငယ်ဘ၀လေးတွေ။

Moe Cho Thinn November 13, 2008 at 11:06 PM  

နိနိရေ
ဒီစာကို ဖတ်ပြီး အသေအချာ အလေးအနက် တခုပြောချင်တာ။ စာရေးတာ သိပ်ကောင်းလွန်းလို့ပါ။ ဘယ်နေရာ ရောက်ရောက် ညီမ စာကို မပြတ်ရေးပါနော်။ စာရေးဆရာမတယောက် အောင်အောင်မြင်မြင် ဖြစ်မယ်လို့ ယုံကြည်ပြီး အထူးအားပေးနေပါတယ်။
အမတို့က ရန်ကုန်မှာ မွေးခဲ့၊ ကြီးခဲ့ ဆိုတော့ ဒါမျိုး အညာ ဓလေ့လေးတွေ သိပ်မသိဘူး။ ညီမရေးပြထားတာ ရိုးသားပြီး သိပ်ချစ်စရာကောင်းတယ်။ ဘာမှဟန်လုပ်တာမပါ၊ ရိုးရိုးလေးနဲ့ ဖတ်သူ ပြုံးအောင် ရေးတတ်တယ်။ အမ အဖေသာရှိရင် ညီမ ပရိသတ် သေချာပေါက် ဖြစ်ပြီပဲ။
မအားတာ၊ စာကျက်ရမှာ နားလည်ပါတယ် မယ်မျှင်ကလေးရေ။ ဒါပေမဲ့ စာရေးသိပ်ကောင်းလို့ အမြဲ ဖတ်ချင်ပါရဲ့ ညီမရေ။

ဘလူးဖီးနစ် November 14, 2008 at 1:44 AM  

ဆင်တဲမှာ ပထမဆုံး စားဖြစ်ခဲ့တဲ့ ဆေးပေါင်းခတဲ့ မယ်ဇလီဖူးသုပ်လေးကို သတိရမိတယ်ဗျာ။ ကစလ က စက်ရုံတွေကို လေ့လာရေးတစ်လ ဆင်းရင်း ညဘက် စားလိုက်ရတဲ့ ကျေးလက် မယ်ဇလီဖူးသုပ်လေးရယ်ပါ။ လွမ်းတောင် လွမ်းမိသေးတယ် ဗျို့...

ဘလူးဖီးနစ် November 14, 2008 at 1:47 AM  

မြစ်ကြီးနားမှာ တုန်းကတော့ ကျွန်တော့် ရုံးအဖွဲ့တွေ က ညကြီးကြက်သားချက်ပြီး လာနှိုးတာနဲ့ စားလိုက်မိတယ်။ မနက်ကျမှ ကြက်ခိုးချက်ထားတာဆိုလို့ မျက်လုံးပြူးသွားရတယ်။ ကိုယ်လဲ စားမိနေတော့ ခက်နေတာပေါ့ အဟိ။ အခိုးခံရတဲ့သူပြောတာ ကြားယောင်နေသေးတယ်။ ခိုးတာ စိတ်မဆိုးပါဘူး၊ အကြီးဆုံးအကောင်ကိုမှ ရွေးခိုးသွားတာ ဆိုးတယ် တဲ့ ။ ဟီး....

RePublic November 14, 2008 at 5:17 AM  

မမကွိ ရေ ပို့စ်က တင်တဲ့နေ့ ကတည်းကဖတ်ပြီးပါပီ ၊၊ခုထပ်လာဖတ်တာ ၊၊ချစ်စရာ ကောင်းတဲ့ အလေ့အထ တွေအများကြီးသိလိုက်ရတယ်ဗျာ ၊၊ မမနိ ရေးတဲ့ စာတွေအားလုံး ကောင်းတယ် ၊၊ ကွိကွိ က တော်တယ်ဗျာ ၊၊

ကိုကြီးဝီ

nu-san November 14, 2008 at 7:00 PM  

မဇနိရေ.. တစ်ယောက်တည်းတော့ ပိုက်ဆံတွေ ကျဲပြီး မကောက်ပါနဲ့.. အမတို့ကို အဖော်ခေါ်ရောပေါ့.. အမတို့ဝိုင်းကောက်ပေးမှာပေါ့.. ဒီရောက်ကတည်းက လပြည့်လည်း မသိ လကွယ်လည်း မသိတော့ပါဘူး မဇနိရယ.်.. :(

  © Blogger templates Shiny by Ourblogtemplates.com 2008

Back to TOP