Blogging

လူတယောက်နဲ့တယောက် အမြင်တွေ ခံယူချက်တွေ မတူတာနဲ့ ပတ်သက်ပြီး ဒီနေ့တွေးမိနေတယ်။ ခံယူချက်ပေါ်မူတည်ပြီး တန်ဖိုးထားတာတွေလည်း ကွဲပြားကုန်ကြတာပါ။


စာရေးဝါသနာပါလို့ စာရေးဆရာ လုပ်စားနေတဲ့သူတယောက်ကို “ဟင် ရူးလိုက်တာ ပိုက်ဆံလည်းမရဘဲနဲ့ အူကြောင်ကြောင် အလုပ်ကြီး သူမို့လုပ်တယ်” ဆိုပြီး ကျွန်မသွားပြောမိရင် ဘာဖြစ်သွားမလဲ။ ရလာမည့်အကျိုးဆက်ကတော့ ကျွန်မမှာ စာပေအပေါ် တန်ဖိုးထားတဲ့ အမြင် မရှိလို့ဆိုတာ လူတိုင်းက ထောက်ခံကြမှာပါ။ စာရေးတာစိတ်ဝင်စားတဲ့သူအတွက် နာမည်ကြီးစာရေးဆရာတယောက်ကို အပြင်မှာ တွေ့ဖူးတဲ့အခါ အတိုင်းမသိ ဝမ်းသာမိမယ်။ အရမ်းသဘောကျလွန်းရင် ဒီလူတွေရဲ့ ဓါတ်ပုံလေးတွေပါ သိမ်းထားမယ်။ ကျွန်မရှစ်တန်းတုန်းက ဆရာလယ်တွင်းသားစောချစ်တို့ စာပေဟောပြောပွဲကို မှတ်စုစာအုပ်လေးနဲ့အတူ သွားတက်တော့ သူငယ်ချင်းတွေမေးတာ ခံရပါတယ်။ “နင် မပျင်းဘူးလား အဲဒီစာရေးဆရာတွေရဲ့ စာပေဟောပြောပွဲဆိုတာ သိပ်လေရှည်တာ ပျင်းစရာကောင်းတယ်” တဲ့။ ကျွန်မစိတ်ဝင်စားလို့ လေရှည်တယ်လည်း မထင်မိပါဘူး။ ဒါကတော့ ကိုယ်က ဒီပွဲကို စိတ်ဝင်စားမိသူဖြစ်နေလို့ပါ။

ကိုရီးယားဇာတ်ကားတွေ ခေတ်စားတုန်းက အဆောင်ကတီဗွီရှေ့မှာ နေရာဦးကြတယ်။ စာမေးပွဲတွင်းဆိုလည်း စာကြည့်ရင်း ခဏပြေးကြည့်ကြတယ်။ အဲဒီအချိန်က ကျွန်မဘာဇာတ်ကားမှ မကြည့်ဖြစ်ပါဘူး။ မကြည့်ချင်ဘူးဆိုတဲ့စိတ်က ရှိနေတော့ နေရာဦးရတာတွေကို စိတ်က မရှည်တော့ဘူး။ အခုနောက်ပိုင်းလည်း အားတဲ့အခါ မြန်မာဇာတ်ကားလေးကြည့်ဖြစ်တယ်။ စိတ်မရှည်ရင် ကျော်ပြစ်လိုက်တာပါပဲ။ ကိုဇနိက နိုင်ငံခြားရုပ်ရှင်ကားတွေ ပြချင်တယ်။ နာမည်ကြီးဇာတ်ကားတွေဆို ကြည့်စေချင်တယ်။ ကျွန်မက စိတ်မဝင်စားတော့ ပို့လာတဲ့ဖိုင်ကိုတောင် မယူပါဘူး။ ဖိုင်တခုပို့ရင် “ဘာပို့တာလဲ ဇာတ်ကားဆို ငါမကြည့်ဘူးနော်” လို့ ပြောတတ်တယ်။ မနေ့ညကလည်း ဆင်လိမ်မာနဲ့ ဆင်စိတ်ဆိုးကား ကြည့်ရတယ်။ ဆင်စိတ်ဆိုးကားကြည့်ပြီတော့ စိတ်ညစ်တာရော ကြောက်တာရောပေါင်းပြီး နောက်ထပ်ပို့တဲ့ ဆင်လိမ်မာကားကို မယူချင်ဘူးလို့ပြောမိတယ်။ သူကတော့ တခုခုဆို ယူကျုမှာ ချက်ချင်းရှာတယ်။ ကြည့်တယ်။ သူနဲ့ကျွန်မ တန်ဖိုးထားတာတွေ မတူနေတာကိုး။

ကျွန်မက တခုခုဆို မသိရင်လည်း နောက်တော့ သိလာလိမ့်မယ်။ မသေချာရင်လည်း “အင်း ဟုတ်လောက်ပါတယ်” လို့ ထားချင်သူပါ။ ကိုဇနိကတော့ မဟုတ်ပါဘူး။ တခုခုမသိရင် သူ့လက်က ကီးဘုတ်ပေါ်နှိပ်ပြီးသား။ ဝီကီမှာ ရှာဖတ်ပြီးသားပါ။ နေရမသိရင် Google earth နဲ့ရှာတယ်။ မြေပုံတွေရှာတယ်။ သူ့ဟာသူကြည့်ရုံတင်မကဘူး ကျွန်မကိုလည်း ကြည့်ခိုင်းတယ်။ စိတ်ကြည်နေရင် အတူတူလိုက်ကြည့်ပေမယ့် ကျောင်းစာတွေ အဆင်မပြေဖြစ်နေတဲ့အခါဆို မကြည့်ပါဘူး။ လာပြတဲ့ သူ့ကိုပါ စိတ်ဆိုးတယ်။ စကားပြောနေရင်း တခုခုဆို သူက ဂျောက် ဂျောက်နဲ့ ဂူဂယ်မှာရှာဖို့ပြင်ရင်ကို ကျွန်မက “ဟိတ် ဘာမှ ရှာဖတ်မနေနဲ့နော်” လို့ တားလိုက်တယ်။ သူက “ဘယ်နားမှာလည်း သိချင်လို့ မြေပုံရှာတာပါ”လို့ ပြောလာရင်း “အင်း ဒါဆို ဒီဖက်ကို လာမပြနဲ့ တနေကုန်ကွန်ပြူတာကြည့်လာရတာ ဘာမှ မကြည့်ချင်တော့ဘူး” လို့ ညစ်ကျယ်ကျယ်တတ်တယ်။ သူက ရှာဖွေစူးစမ်းချင်တယ်။ တိကျချင်တယ်။ သူက ဂူဂယ်ကို တန်ဖိုးသိပ်ထားတာ။

ဒီလိုပဲ ကျွန်မက “ဘာဟင်းကိုလေ ဘယ်လိုချက်တာ သိလား” နဲ့ ကိုဇနိကို သွားမပြောလေနဲ့ သူစိတ်မဝင်စားပါဘူး။ ဝက်သားနဲ့ ခရမ်းသီးလိုမျိုးဆိုရင်တော့ သူနည်းနည်း များ စိတ်ဝင်စားမလား မသိပါ။ တနေ့ကလည်း ကျွန်မက ချဉ်ပေါင်ချက်စားချင်နေလို့ အိမ်ကို ချဉ်ပေါင်ပို့ခိုင်းနေတာ။ သူသိသွားတော့ “မင်းကွာ ချဉ်ပေါင်များ မက်မောနေတယ် ငါ့ဆီကနေပို့လိုက်မယ်” တဲ့။ သူ့အတွက် သူ့အိမ်က ပို့ထားတာတွေကို ကျွန်မဆီပြန်ပေးဖို့ စိတ်ကူးနေတာ။ ကျွန်မက တကူးတကရတဲ့ မြန်မာစာတွေကို ကြိုက်တယ်။ မက်မောတယ်။ သူကတော့ စိတ်မဝင်စားပါဘူး။ သူ့အိမ်ကပေးထားတဲ့ ပုဇွန်ခြောက်တွေ ချဉ်ပေါင်ခြောက်တွေက ဒီတိုင်းပစ်ထားတာ များပါတယ်။ ကျွန်မက မြန်မာပြည်ကနေ အပင်ပန်းခံပို့လိုက်တဲ့ ငါးရံ့ခြောက်တွေလည်း မှိုတက်အောင်ထားတာပါ။ အစတော့ သူလည်း အားနာလို့ မပြောပါဘူး။ နောက်ပိုင်းမှာ “မင်း ငါးခြောက်တွေ မြန်မာဟင်းချက်စရာတွေ မပို့ပေးနဲ့ ငါက မစားဘူး၊ တန်ဖိုးလည်း မထားဘူး” လို့ ပြောလာပါတယ်။ သူ့စကားတွေက စိတ်နာစရာကောင်းပေမယ့် အကြိုက်မှမတူတာလို့ပဲ ဖြေလိုက်ရတယ်။

နိုင်ငံခြားမှာ ရောက်နေတဲ့အခါ (၂၄) နာရီ အချိန်ပြည့် စာပြီးရင်း စာ မလုပ်နိုင်ပါဘူး။ သူငယ်ချင်းဆိုတာလည်း လူမျိုးမတူတော့ ထဲထဲဝင်ဝင် ပေါင်းသင်းလို့ မရပါဘူး။ ကျွန်မရဲ့ ကျောင်းခန်းမှာ နိုင်ငံခြားသားလည်း သုံးယောက်ရှိပေမယ့် သူတို့တွေက အသက်လည်းကြီးတယ်။ အိမ်ထောင်ရှင်တွေဆိုတော့ သူတို့လည်း ကိုယ့်ကို အချိန်ပေး စကားသိပ်မပြောနိုင်ပါဘူး။ အကြောင်းကြီးငယ်ရှိမှ ကူညီတာလောက်ပဲ ရှိတာပါ။ ငယ်ငယ်ကတည်းက စာဖတ်ချင်တော့ ဘလော့ဂ်တွေဖတ်တယ်။ ကိုယ်မရောက်ဖူးတဲ့နေရာတွေ ရောက်ရတယ်။ မကြားဖူးတာတွေ သိရတယ်။ အချင်းချင်း မမြင်ဖူးဘဲ သံယောဇဉ်လေးတွေနဲ့ ခင်မင်နေကြတာ တယောက်ထဲနေရတဲ့သူကျွန်မအတွက် စိတ်ပျော်ရွှင်ပါတယ်။ ကိုယ်ဖတ်ချင်တာတွေဖတ်ရ ကိုယ်သိချင်တာတွေ သိနေရတဲ့အတွက် အချိန်ရတဲ့အခါ ဘလော့ဂ်တွေ လည်တယ်။ ကိုယ်လုပ်ချင်တာ လုပ်ရတဲ့အတွက် စိတ်ချမ်းသာတယ်။ ကိုယ်ပြောချင်တာလေးတွေ ကိုယ်တတ်သလောက်နဲ့ မှတ်တမ်းသဘောမျိုးရေးတယ်။ ဘယ်သူ့ကိုမှ ထိခိုင်စေမည့် အကြောင်းအရာမျိုး မရေးပါဘူး။

ကျွန်မက စာရေးဆရာမလည်း မဟုတ်ဘူး။ ဒီဘလော့ဂ်ရေးဖြစ်တာလည်း တကယ်တော့ ကိုဇနိကို တယောက်ထဲသနားလို့ လိုက်လုပ်ရင်း ပျော်မွေ့နေတာပါ။ ဒီဘလော့ဂ်ထဲမှာ သူတယောက်ထဲ တလည်လည်ဖြစ်နေတယ်။ စကားနဲတဲ့သူဆိုတော့ လိုက်လည်း နှုတ်မဆက်တတ်ဘူး။ သူ့ကို ခင်တဲ့သူကလည်း နည်းတယ်။ သူငယ်ချင်းတွေကလည်း အလုပ်များနေကြတော့ ပို့စ်တွေ မရေးနိုင်ကြဘူး။ မှတ်တမ်းမှတ်ရာလုပ်ချင်တာ ဝါသနာပါတဲ့သူ၊ စာဖတ်ချင်တဲ့သူကတော့ ပင်တိုင်ဒီဘလော့ဂ်ထဲမှာ သူတယောက်ထဲ တကုတ်ကုတ်လုပ်နေတတ်တယ်။ နောက်ပိုင်းတော့ “ဘယ်သူတွေဆီ သွားလည်ပါ၊” “ဘယ်ဘလော့ဂ်လေးက ကောင်းတယ် မဇနိဖတ်ကြည့်” နဲ့ သူက ကိုယ့်ကိုပြောလိုက်၊ ကိုယ်ကသူ့ကိုပြောလိုက်နဲ့ ကျေနပ်နေကြတာပါ။ ကိုယ်နေခဲ့တဲ့အကြောင်းအရာလေးတွေကို မှတ်တမ်းလုပ်ချင်တယ်။ ခင်မင်ရတဲ့မိတ်ဆွေတွေနဲ့ ပျော်ပျော်ပါးပါးတွေ့နိုင်တယ်။

“အချိန်တွေအားနေလို့များ ဘလော့ဂ်နေတာလား” လို့ လာမမေးပါနဲ့လေ။ ကျွန်မပြောခဲ့ပါတယ် (၂၄) နာရီလုံးလုံးတော့ စာမကြည့်နိုင်ပါဘူးလို့။ ကျွန်မကပဲ အချိန်ပြည့်စာမကြည့်နိုင်တာလားတော့ မသိဘူး။ ဘလော့ဂ်ရေးနေတဲ့သူတွေအားလုံးလည်း ကိုယ့်အလုပ်တွေနဲ့ကိုယ်၊ တချို့လည်း အိမ်ထောင်မှုကိစ္စတွေလုပ်ရင်း ရတဲ့အချိန်လေးတွေ စာပေလေးတွေ ရေးကြတယ်။ သိထားတဲ့ အကြောင်းအရာလေးတွေ ဝေမျှကြတယ်။ ခင်မင်စရာကောင်းသလို၊ လေးစားစရာလည်းကောင်းပါတယ်။ ကိုယ့်ထက်အသက်ကြီးတဲ့သူတွေဆီက လူကြီးအတွေး၊ အသိအမြင်တွေရသလို၊ ကိုယ့်ထက်အသက်ငယ်တဲ့ဘလော့ဂါတွေဆီကနေ ငယ်ရွယ်သူအတွေးတွေလည်း သိခွင့်ရပါတယ်။ ကဗျာဥာဏ်ကွန့်မြူးတတ်သူတွေဆီက ကဗျာလေးတွေ ဖတ်ရတယ်။ သူတို့တွေမအားတဲ့ကြားက တက်လာတဲ့ ပို့စ်တိုင်းက ကြည်နူးမှု၊ ဝမ်းနည်းမှု၊ အကောင်း၊ အဆိုးတွေ မြင်တွေ့ခွင့်ရတယ်။ သူတို့တွေက ကြည်နူးစရာတွေရေးရင် ကိုယ်လည်းဖတ်ပြီး ကြည်နူးမိတယ်။ ဝမ်းနည်းစရာတွေရေးရင် ဝမ်းနည်းမိတယ်။ အလုပ်များတဲ့သူတွေဆို ပို့စ်တပိုဒ်နဲ့တပိုဒ် အချိန်အတော်ကြာအောင် စောင့်ဖတ်ရတယ်။ တချို့လည်း မအားလပ်ပေမည့် လာဖတ်တဲ့သူတွေအတွက် ပုံမှန်လေးတွေရေးကြတယ်။ ပေါ့ပေါ့ပါးပါးလေးတွေဖတ်ရတဲ့အခါရှိသလို လေးနက်တာတွေဖတ်ရတာလည်းရှိတယ်။ ကိုယ်ဥာဏ်မှီတာလေးဆို လိုက်စဉ်းစားလိုက်၊ ဥာဏ်မမှီတာမျိုးဆို ထားခဲ့လိုက်တယ်။ ကိုယ်ဖတ်ချင်တဲ့အချိန်သွားဖတ်နိုင်တဲ့ လွတ်လပ်နယ်မြေလေးတွေပါ။ ကိုယ်ကြိုက်ရင် သွားဖတ်လိုက်တယ်။ မကြိုက်ရင် မကြိုက်တဲ့အပိုင်းမှာ လှည့်ပြန်လာခဲ့တယ်။ စိတ်ဝင်စားရင် ပို့စ်အဟောင်းတွေပါ ရှာဖတ်လိုက်တယ်။ ကွန်းမန့်ပေးချင် ပေးလိုက်မိတယ်။ မပေးလို့လည်း ဘယ်သူကမှ စိတ်မဆိုးပါဘူး။

ကျွန်မ အခုဆိုရင် ဟင်းတွေချက်ပြီး ဒီမှာ ဓါတ်ပုံတွေတင်တယ်။ တကယ်တော့ ကျွန်မချက်တဲ့ဟင်းတွေက ကိုယ်တတ်သလို ချက်တာပါ။ အညာချက်လို့ပြောလည်း ရပါတယ်။ ဘာကိုရည်ရွယ်တယ်မဟုတ်ပေမယ့် ကိုယ်နေ့စဉ်ချက်စားတာကို စိတ်ကူးရတဲ့အခါ ဓါတ်ပုံရိုက်ထားလိုက်တယ်။ ပြီးရင် ဒီမှာ တင်လိုက်တယ်။ အမှတ်တရ အပျော်လုပ်နေတာပါ။ ဒီဘလော့ဂ်ပေါ်မှာ တင်ဖို့အတွက် သီးသန့်မချက်ပါဘူး။ မပြင်ဆင်ပါဘူး။ သီးသန့်ချက်လောက်အောင်လည်း ကျွန်မ အချက်အပြုတ် မပိုင်ပါဘူး။ ညီမ မြရွက်ဝေ စကားယူသုံးရရင် ရမ်းသမ်း cook အဆင့်ပါ။ ကိုယ်လုပ်ချင်တာကို လွတ်လွတ်လပ်လပ် လုပ်နေရတဲ့အတွက် ကျေနပ်ပါတယ်။ မအားလပ်ရင်လည်း ဘလော့ဂ်ကို ပစ်ထားမိတယ်။ တခါတလေ သုံးလေးရက်လောက် ဝင်မကြည့်မိတာလည်း ရှိပါတယ်။ “အလုပ်တွေ အရမ်းများတာပဲ” လို့လည်း မပြောနေတော့ပါဘူး။ ဟိုတလောက စာအဆင်မပြေလွန်းလို့ ခင်တဲ့ ကိုကြီး ဝီ၊ မမဂွိ၊ ခွိခွိတို့ကို ညည်းမိပါသေးတယ်။ တော်တော်တန်တန် မညည်းမိအောင်နေတာပါ။ ကိုဇနိကိုလည်း မအားလွန်းမှ ထုတ်ပြောတာပါ။

နောက်ဆုံးတော့လည်း ကိုယ်စိတ်ဝင်စားတာလေးကို ကျေကျေနပ်နပ်လုပ်နေအုံးမှာပါ။ မအားတဲ့အခါ မရေးဘူးပေါ့။ အားတဲ့အခါ ပြန်ရေးလိုက်မပေါ့။ ဘာပဲဖြစ်ဖြစ် ကျွန်မတို့ ပျော်ရွှင်မှုတွေ ၀မ်းနည်းမှုတွေကို မျှဝေခံစားရင်း လာလည်ကြသူတွေ ကွန်းမန့်ပေးကြသူတွေကို အထူးကျေးဇူးတင်မိပါတယ်။ လာလည်တဲ့ မိတ်ဆွေသူငယ်ချင်းတွေကြောင့် ဒီဘလော့ဂ်လေးလည်း သက်ဝင်လှုပ်ရှားနေတာပါ။

မဇနိ