Kust Sireni - 2
>> Wednesday, July 16, 2008
နှင်းပန်းခြုံ (၂)
အလက်ဇန်းဒါ ကူပရင်
နှင်းပန်းခြုံ (၁) က ဒီမှာ။
- ဘယ်လို ဆေးစက်လေးလဲ ကိုဖြူ။ - သူမက နောက်တခေါက်ထပ်မေးတယ်။
- ဟာ ကွာ ရိုးရိုးဆေးစက်လေးပါ အစိမ်းရောင်လေး။ မင်းနားလည်လား၊ မနေ့ညက ငါ သုံးနာရီအထိ မအိပ်ဘဲနဲ့ ပြီးအောင်လုပ်ရတာလေ။ ပုံကို လှလှပပဆွဲထားပြီးသား။ အခြားလူတွေက ပုံက အတော်လှတယ် သေသပ်တယ်လို့ပြောကြတာပဲ။ ညဥ့်နက်သည်အထိ ထိုင်ပြီးလုပ်ရတော့ ပင်ပန်းလာတာပေါ့၊ ပြီး လက်တွေလည်း တုန်ယင်လာတယ်။ အဲဒီအချိန်မှာ ဆေးစက်က ကျသွားတာ။ ဆေးသားထူထူ အရောင်လွင်လွင်နဲ့ အစက်ချမိတာပေါ့။ ဖျက်ရင်းဖျက်ရင်းနဲ့ ပိုပိုကြီးသွားတာ။ အဲဒါကြီးကို ဘာလုပ်ရမလဲဆိုတာ စဉ်းစားရင်နဲ့ အဲဒီနေရာမှာ သစ်တော့အုပ်ပုံဆွဲဖို့ ဆုံးဖြတ်လိုက်တာ။ အတော့်ကို ကောင်းကောင်းကန်းကန်းဆွဲထဲ့လိုက်တာများကွာ၊ အဲဒီနားမှာ ဆေးစက်ကျခဲ့တယ်ဆိုတာတောင် သိဖို့မလွယ်ဘူး။ ဒီနေ့ ပရော်ဖက်ဆာဆီကို ပြဖို့ယူသွားတယ်။ - အင်း စစ်ဗိုလ်လေး ဘယ်လိုလုပ်ပြီး ဒီနားချုံပုတ်ကြီးကက ပေါ်လာရတာလဲ။ - ငါ့အလုပ်က ဘယ်နားမှာ ဘာရှိတယ်ဆိုတာကို တိတိကျကျ ရှိတဲ့အတိုင်းတင်ပြရမှာမဟုတ်လားကွာ။ သူရယ်မလား မရယ်ဘူးလား မသိပါဘူးကွာ၊ သူက သိပ်တိကျတဲ့ ဂျာမန် ပညာတတ် လူကပ်ကြီး။ ငါက သူ့ကိုပြောတာပဲ - ဒီနေရာမှာ အဲဒီချုံပုတ် အသေအချာကို ပေါက်ပါတယ်ခင်ဗျာ။ သူကလည်း ပြန်ပြောတာပဲ - မဟုတ်သေးဘူး၊ ဒီနေရာကို ငါ့လက်ချောင်းလေးတွေကို သိသလိုသိနေတာ၊ ဒီချုံပုတ်တွေ ရှိကိုမရှိဘူး။- ပြောရင်ပြောရင်းနဲ့ ဆရာနဲ့ ငါ့ကြားမှာ စကားက အခြေအတင်ဖြစ်လာရော။- အခန်းထဲမှာက တခြားအရာရှိတွေလည်းရှိနေတာကိုး။ - ကဲ မင်းက အဲဒီနေရာမှာ ခြုံပင်ကြီးရှိနေတာဆိုတာ ဒီလောက်တောင် သေချာနေရင် မနက်ဖြန်ကျ မင်းနဲ့ငါ အဲဒီနေရာကို မြင်းစီးပြီး သွားကြတာပေါ့။ မင်းပဲ အလုပ်ကို ပေါ့ပေါ့ဆဆလုပ်သလား၊ အရှိအတိုင်းပဲ ပုံကိုဆွဲသလားဆိုတာ ငါ မင်းကို သက်သေပြရသေးတာပေါ့။
- သူကရော အဲဒီနေရာမှာ ခြုံပင်မပေါက်ဘူးဆိုတာ ဘာလို့ ဒီလောက်သေချာနေရတာလဲရှင့်။
- ဟ ဘုရားရေ ဘာ့ကြောင့်သိရတယ်။ မင်းကလည်း ကလေးကလားမေးခွန်းတွေလာမေးနေသေးတယ်။ အေး ဒီနေရာမှာ သူအလုပ်လုပ်နေတာ နှစ်ပေါင်း (၂၀) ရှိနေပြီ။ သူ့အိပ်ခန်းထက် ဒီနေရာတွေကို ပိုသိတယ်ကွ။ အလွန်ရစ်တဲ့ လူကပ်ကြီး၊ လောကမှာ အဲသလိုလူမျိုး သိပ်ရှားရတဲ့အထဲကွာ၊ လူက ဂျာမန်အပေါက်ဆိုးကြီး။ နောက်ဆုံးတော့ ငါလိမ်ထားတာပေါ်သွားပြီး၊ အဆူအကြိမ်းခံ - ပြီးတော့ မတွေးရဲစရာပါပဲကွာ။
စကားပြောနေတဲ့ အချိန်မှာ သူ သူ့ရှေ့မှာရှိတဲ့ ပြာခွက်ထဲက လောင်ပြီးသားမီးခြစ်ဆံတွေကို ကောက်ပြီ အပိုင်းပိုင်းလေးတွေချိုး၊ စကားတိတ်သွားတဲ့အခါကျတော့ စိတ်ဆိုးမာန်ဆိုးနဲ့ ချိုးထားတဲ့ အပိုင်းအစတွေကို ကြမ်းပြင်ပေါ်လွှင့်ပစ်နဲ့ ယောက်ကျားရင့်မာကြီးခမျာမှာ ငိုချင်နေတာ သိသာလွန်းလှတယ်။
လင်မယားနှစ်ယောက် အချိန်အကြာကြီး ဘာစကားမှ မပြောဘဲ ခပ်တွေတွေကြီးထိုင်နေကြတယ်။မလုံးက ရုတ်တရက် အားမာန်ပါပါနဲ့ ထိုင်ခုံကနေ ၀ုန်းကနဲထလိုက်တယ်။
- နားထောင်စမ်း ကိုမောင်ဖြူ၊ အခုပဲ သွားမှဖြစ်မယ်။ အ၀တ်မြန်မြန်သွားဝတ်ချည်။
ကိုမောင်ဖြူတယောက် သည်းမခံနိုင်လောက်တဲ့ ရုပ်ပိုင်းဆိုင်ရာ ဒဏ်ချက်ကြောင့် ဆတ်ခနဲ့ ရှုံ့သွားသေးတယ်။
- အရူးစကားမပြောစမ်းပါနဲ့ မလုံးရယ်။ ငါက မှားပါတယ်ခင်ဗျာ၊ ခွင့်လွှတ်ပါဆိုပြီး သွားတောင်းပန်မယ်ထင်လို့လား။ အဲဒါမှ ၀န်ခံဂတိလက်မှတ်ပါ တခါတည်းတန်းထိုးနေရမယ်။ မမိုက်စမ်းပါနဲ့ဟ။
- ရှင်ကလည်း အဲသလိုလုပ်မှာမဟုတ်ပါဘူး။ - မလုံးက ခြေဆောင့်ပြီး ငြင်းလိုက်တယ်။ - ရှင့်ကို သွားပြီး အတောင်းပန်ခိုင်းနေတာ မဟုတ်ဘူးရှင့်။ အဲဒီနေရာမှာ သစ်ပင်ခြုံမရှိရင် အခုချက်ချင်းရှိအောင် သွားစိုက်ရမယ်လို့ပြောတာ။
- သစ်ပင်ခြုံ သွားစိုက်ရမယ် ဟုတ်လား။ - ကိုဖြူက တအံ့တသြကြည့်ရင်းနဲ့ မေးလိုက်တယ်။
- အင်းလေ စိုက်ရမှာပေါ့။ မဟုတ်မမှန်တာကို ပြောထားရင် မှန်အောင် ပြန်ပြင်ရမယ်လေ။ မြန်မြန်လုပ်စမ်း၊ ပေး ဦးထုပ်၊ အိတ်ရော၊ သွားသွား ထီးက ဒီမှာ မရှိဘူး ဘီရိုထဲသွားရှာပါဦး။
- ကိုဖြူက အက်ျီပဲရှာသလိုလို၊ ဦးထုပ်ပဲရှာသလိုလိုနဲ့ နားမထောင်သလိုလိုပုံ လုပ်နေတယ်။
မလုံးက တော့ အံ့ဆွဲတွေကို အမြန်ဆွဲလှပ်၊ ဗူးတွေ အိတ်တွေကိုဆွဲထုတ်၊ အထဲကပစ္စည်းတွေကို ကြမ်းပြင်ပေါ် အကုန်မှောက်ချပစ်တယ်။
- ဒီနားကပ်က ဘယ်လောက်မှ သူတို့ကပေးမှာ မဟုတ်ဘူး။ လက်စွပ်က တန်ဖိုးတော့ကြီးတယ်။ ပြန်ရွေးရမယ်။ ပြန်မရွေးနိုင်ရင်တော့ နှမျောစရာကြီးပေါ့။ လက်ကောက်ကို သူတို့က နည်းနည်းပဲ ဈေးပေးမှာ။ ဟောင်းလည်းဟောင်း လိမ်လဲနေတာကိုး။ ရှင့်ငွေရောင် စီးကရက်ဗူးက ဘယ်မလဲ ကိုဖြူ။
နောက်ငါးမိနစ်လောက်ကြာတော့ ရှိသမျှရတနာတွေကို လက်ဆွဲအိတ်ထဲ အကုန်ထည့်ပြီးပြီ။ မလုံးက အ၀တ်အစားကလည်း ၀တ်ပြီးသား အဆင်သင့်၊ ဘာပစ္စည်းများ အိမ်မှာကျန်ခဲ့သလဲဆိုတဲ့ အကြည့်နဲ့ ဘေးဘီကို တချက် ဝေး၀ိုင်ကြည့်လိုက်သေးတယ်။
- သွာစို့ - ပြတ်သားတဲ့လေသံနဲ့ သူမကပြောလိုက်တယ်။
- ဘယ်ကိုသွားမှာလဲဟ။ - ကိုဖြူက ကန့်လန့်လုပ်ချင်တဲ့ လေသံနဲ့ မေးလိုက်တယ်။ အခုပဲ မှောင်တော့မယ်။ ငါ့ပုံထဲကနေရာက ဒီကနေဆို အဝေးကြီးမှာ။
- ပြောမနေနဲ့ လာသွားမယ်။
နောက်ဆုံးတပိုင်းပဲ ကျန်တော့တယ်။
