သတိရခြင်းများ

သတိရခြင်းများ

တဒေါက်ဒေါက်နဲ့ လျောက်သွားကြတဲ့
အနောက်တိုင်းသူတွေရဲ့ ဒေါက်ဖိနပ်မြင့်မြင့်တွေမြင်တိုင်း
ကတီပါဖိနပ်ပါးလေးတွေစီးတတ်တဲ့
ကျွန်တော့်ချစ်သူကိုသတိရတယ်။
ဈေးကြီးပြီး အမွှေးလွန်ရနံ့တွေ
ကျွန်တော့်ဂန္ဓာရုံကို ၀င်ရောက်ကျူးကျော်ကြတိုင်း
ကံ့ကော်ပန်းခြောက်နံ့တွေရောနေတဲ့
ကျွန်တော့်ချစ်သူရဲ့ သနပ်ခါးနံ့လေးကို သတိရတယ်။
အလှတရားတွေ တန်ဆာဆင်ထားပေမယ့်
အသုံးမတည့်လှတဲ့ နှင်းပွင့်တွေ အဆုပ်လိုက်ကျတိုင်း
စပါးပင်လေးတွေကို မြတ်နိုးတတ်တဲ့
ကျွန်တော့်မြေက မိုးမင်းလေးကို သတိရတယ်။
ခြင်လုံသံဇကာတွေရဲ့ လှောင်ပိတ်မွန်းကြပ်မှုတွေ ခံစားရတိုင်း
ကျောင်းရှေ့ရေမြောင်းဘောင်ပေါ်မှာ အတူထိုင်ရင်း
ခြင်ကိုက်အတူခံခဲ့ဖူးတဲ့
ကျွန်တော့်သူငယ်ချင်းတွေကို သတိရတယ်။
ပိန်လှီလှီထင်းရှူးပင်တွေအောက်
လမ်းလျောက်ထွက်မိတိုင်း
တမာမြေရဲ့ လေရိုင်းလေးကို သတိရတယ်။
ပြင်းရှရှယမကာချိုတွေကို
ဟန်ဆောင်ပြုံးနေသူတွေကြား
မြိုချပြမိတိုင်း
ရန်ကင်းတောင်အခြေရဲ့
နေညိုချိန် ထန်းရည်တောလေးကို သတိရတယ်။
ဟန်ဆောင်မျက်နှာဖုံးတွေကင်းကွာ
သဘာဝတရားတွေနဲ့ပဲ တန်ဆာဆင်တတ်တဲ့
ရွှေဝါမြေက မိပန်းဝါရေ
အက်စစ်မိုးတွေစွေ
နြူကလီးယားဆောင်းတွေဝေနေတဲ့
ခရမ်းလွန်နွေဦးတွေအောက်က
အပြီးထွက်ခွာနိုင်မယ့်လမ်းက
လက်တစ်ကမ်းပဲ လိုပါတော့တယ်ကွာ။ ။

မောင်ဖြူ

Read more...

ကျွန်တော်နှင့်ပန်းသီးရာဇ၀င်

ပန်းသီးဆိုတာတော့ ကောင်းကောင်းမစားခဲ့ဖူးပါဘူး။ ကျွန်တော်တို့အရပ်မှာက ပန်းသီးရှားတယ်လေ။ ဒီရောက်တော့ ပန်းသီးပင်တွေပေါတာတွေ့တော့ အရမ်းဝမ်းသာမိတယ်။ ကိုယ်နဲ့လက်လှမ်းမမှီခဲ့တဲ့ အရာတစ်ခု ကိုယ့်လက်တစ်ကမ်းမှာ ရှိနေလို့ ပျော်ရွှင်တဲ့ ခံစားမှုမျိုးပေါ့။ ဒီမှာကတော့ ကျွန်တော် သတိထားမိသလောက် ပန်းသီးပင်တွေ အတော်ပေါတယ်။ အစကတော့ ပန်းသီးဆိုရင် အချိုပဲရှိတာလို့ ထင်ခဲ့တာ။ ဒီရောက်မှ ပန်းသီးဆိုတာ ချဉ်တာလဲရှိပါလားဆိုတာ သိလာရတယ်။ ရုရှားတွေ အနားယူလေ့ရှိတဲ့ ဒါချာလို့ခေါ်တဲ့ အိမ်လေးတွေဆီရောက်တော့လဲ ပန်းသီးပင်တွေက ရှိနေပြန်ရော။ ပန်းသီးပုံနဲ့ပါတ်သက်လို့ အကြိုက်ဆုံးကတော့ apple computer မှာပါတဲ့ ဒီဇိုင်းလေးပဲ။ နှုတ်ခမ်းလှတဲ့ ကောင်မလေးတစ်ယောက်ကို ကိုက်ခိုင်းပြီး ဆွဲထားသလားမသိဘူး။ အတော်ဆွဲဆောင်မှုရှိတယ်။ ကျောင်းမှာတုန်းကတော့ သူငယ်ချင်းတွေစုပြီး ကဗျာထုတ်ကြတော့ သူငယ်ချင်းတစ်ယောက်ရဲ့ ကဗျာမှာ နောက်ခံ ခဲသားပန်းချီလေးထည့်ဖို့ ပန်းချီတော်တဲ့ သူငယ်ချင်းတစ်ယောက်ကဆွဲပေးဖူးတာ သတိရတယ်။ အဲဒီပုံလေးကို ပေါ်အောင်တော့ ပြန်မရေးနိုင်တော့ဖူး။ မှတ်မိသလောက်ဆိုရင်တော့ နှုတ်ခမ်းဖူးဖူးလေးနဲ့ ကောင်မလေးတစ်ယောက်က ပန်းသီးလေးကို အသာကိုက်နေတဲ့ပုံ။ ကောင်မလေးရဲ့ နှုတ်ခမ်းဖူးဖူးနီနီလေးက ပန်းသီးရဲ့ အပေါ်ယံ အခွံရောင်နဲ့သွားဟပ်နေတယ်။ အဲဒီပုံကိုကြည့်တုန်းကဆို ကောင်မလေးကိုက်လိုက်တဲ့ ‘ဂွပ်’ ဆိုတဲ့အသံလေးတောင် ကြားမိလိုက်သလိုပဲ။ ဒါတောင် အဲဒီတုန်းကဆွဲတဲ့ သူငယ်ချင်းက ရည်းစားမရှိသေးဘူး။ ခုတော့လဲ စွံနေရောပေါ့။
ဒီနှစ်တော့ ပန်းသီးပင်တွေ အပွင့်တွေလှိုင်လှိုင်ပွင့်ကြတယ်။ ရာသီဥတု အပြောင်းအလဲကြောင့်လားတော့မသိဘူး။ ကျွန်တော်သတိထားမိသလောက် အဲဒီလောက် တစ်ခါမှ မပွင့်ဖူးဘူး။ မနေ့ညက ဆရာဇနိက သူတင်ထားတဲ့ ပုံလေးပြတယ်။ အစကမသိဘူး၊ တော်တော်လှတဲ့ အပင်တစ်ပင်လို့ပဲ သိလိုက်တာ။ သူပြောမှ ပန်းသီးပင်ဆိုတာသိတယ်။ တော်တော်လှတဲ့ပုံပဲ။
မောင်ဖြူ

Read more...

မောင်ပြူးတူး

ကျွန်တော့်နာမည်က ပြူးတူးပါ။ နာမည်ကြားလိုက်ရုံနဲ့ ပြူးတူးပြဲတဲ ဆိုတာ သိလောက်ရောပေါ့။ ငယ်ငယ်တုန်းကသာ ပြူးတူးပြဲတဲနဲ့ ၀၀လေးမို့ လူတွေကချစ်ကြတာ။ ခုတော့ ရပ်ကွက်ထဲမှာ ပြူးတူးဆိုတဲ့အသံကြားရင် နှာခေါင်းရှုံ့ကြပြီ။ ကျွန်တော်ကလဲ ဆိုးတာကိုး။ မူးလာပြီဆိုရင် ခုနှစ်အိမ်ကြား ရှစ်အိမ်ကြား အော်ဆဲတော့တာ။ တစ်ကယ်တော့ နာမည်အရင်းက ခင်စိုး။ ကျွန်တော်တို့မှာ ညီအစ်ကို လေးယောက်ရှိခဲ့တယ်။ ရှိခဲ့တယ်လို့ပြောရတာက ခုသုံးယောက်ပဲကျန်တော့လို့လေ။ သုံးယောက်ဆိုမှတော့ တစ်ယောက်ကသေပြီပေါ့ဗျာ။ ဘာကြောင့်သေလဲတော့မသိဘူး။ အဲဒီတုန်းက ကျွန်တော်က ငယ်ငယ်ပဲရှိသေးတာ။ အမေပြောတာတော့ တုပ်ကွေးဆိုလားပဲ။ ထားလိုက်ပါတော့ ဒါတွေ။ ကျွန်တော်ပြောချင်တာက ကျန်ခဲ့တဲ့ သုံးယောက်အကြောင်း။ သုံးယောက်ဆိုတော့ ကျွန်တော်လဲ ပါတာပေါ့။ ကျွန်တော်က အငယ်ဆုံး။ ကျွန်တော်ထက် အကြီးက ခင်ဝင်းတဲ့။ ဒီကောင်ကတော့ ၀၀ဖိုင့်ဖိုင့်။ တရုပ်ကားတွေထဲမှာပါတဲ့ အရက်ဆိုင်က တရုပ်ကြီးရုပ်မျိုး။ အကြီးဆုံးက ခင်တိုး။ ခင်တိုးကတော့ ကျွန်တော်တို့ ညီအစ်ကိုထဲမှာ အအေးဆုံး။ ရုပ်ကလဲ ခပ်သန့်သန့်။ စာကလဲတော်တယ်။ ဒါပေမယ့် ကြီးလာတော့ သူလဲ ဆယ်တန်းမအောင်ဘူး။ ကျွန်တော်နဲ့ ခင်ဝင်းကတော့ ရှစ်တန်းအထိပဲ နေရတယ်။ ကျွန်တော်တို့နှစ်ယောက်မှ ကျောင်းမထွက်ရင် အတန်းပိုင်ဆရာမက သူကိုယ်တိုင် ကျောင်းထွက်မယ့်အထိ ပြောလာတာနဲ့ ကျွန်တော်တို့ နှစ်ယောက် မထွက်ချင်ပဲ ထွက်လိုက်ရတာ။ ဟုတ်တယ်လေဗျာ ဘယ်ထွက်ချင်ပမလဲ။ ကျောင်းသွားမှ အိမ်ကအလုပ်လဲ လုပ်စရာမလိုဘူး၊ မုန့်ဖိုးကလဲ ရသေးတယ်။ ကျွန်တော့်အထင်တော့ ကျောင်းသားဘ၀လောက် ဇိမ်ကျတာဘယ်ရှိမှာလဲဗျာ။ အဲ အတန်းထဲရောက်ရင်တော့ နဲနဲစိတ်ညစ်ရတယ်။ အိမ်စာလုပ်မလာရင်ဆူတာနဲ့၊ စာမရရင် ဆူတာနဲ့ နားကိုငြီးရောဗျာ။ ရိုက်စရာရှိ ရိုက်လိုက်ရင် အိုကေနေတာ။ အလုပ်ရှုပ်လို့ ဆူနေရသေးတယ်။ အိမ်မှာဆိုလဲ အဲလိုပဲ။ အမေက တဆူဆူတညံညံလုပ်တယ်။ အဲလိုမျိုးဆိုရင် အဖေက ဘေးလွတ်ရာ သွားနေတော့တယ်။ အဖေနဲ့ အမေက ဘယ်လိုများ ရေစက်ပါလာကြလဲမသိဘူး။ အဖေက အေးသလောက်၊ အမေကတော့ တစ်ကယ့် ဒေါ်သွက်။ သူတို့နှစ်ယောက်လုံးက ကြို့ပင်ကောက်ဇာတိ။ ကြို့ပင်ကောက်တော့ ခင်ဗျားတို့ သိကြလားမသိဘူး။ ရန်ကုန် နဲ့ ပြည်ကြားထဲမှာဗျာ။ ဘယ်ကနေ မိုင်ဘယ်လောက်ဝေးလဲဘာလဲတော့ ကျွန်တော်မသိဘူး၊ ပြည်နဲ့တော့ ပိုနီးတယ်။ ကျွန်တော်တို့မြို့ကနေ ကားနဲ့လာရင် တစ်နာရီလောက်မောင်းရတယ်။ ကြို့ပင်ကောက်ကသာဆိုတယ်၊ သူတို့နှစ်ယောက်လုံးက မြို့ပေါ်က မဟုတ်ဘူး။ တူးကန်ချောင်းနားဆိုတဲ့ ရွာက။ အစ်ကို ခင်တိုးကို မွေးပြီးမှ ကျွန်တော်တို့က ဒီမြို့ကို ရောက်လာတာ။ ကျွန်တော်က ဒီရောက်မှမွေးတာဆိုတော့ မြို့သားပေါ့ဗျာ။ ညီအစ်ကို သုံးယောက်ထဲမှာ ကျွန်တော်နဲ့ ခင်ဝင်းနဲ့က တစ်တွဲ။ သောက်လဲအတူတူ။ ရပ်ကွက်လူကြီးကို သူ့အိမ်ရှေ့သွားပြီး ပေါက်ကရတွေအော်ဆဲ၊ စိမ်ခေါ် လုပ်လဲ အတူတူ။ အစ်ကို ခင်တိုးကတော့ ကျွန်တော်တို့နဲ့ အနေနည်းတယ်။ သူ့ ကျောင်းနေဖက်သူငယ်ချင်းတွေနဲ့ပဲ တွဲလေ့ရှိတယ်။ အရင်ကတော့ ကျွန်တော်တို့မှာ ရေစည်လှည်းတွေရှိတယ်။ ရေစည်လှည်းဆိုတာက လက်တွန်းလှည်းလိုမျိုးမဟုတ်ဘူး၊ နွားနဲ့ဆွဲရတာ။ လှည်းပေါ်မှာ သစ်သားစည်ကြီးတင်ပြီး အရပ်တကာ လှည့်ရေရောင်းရတယ်။ တစ်စည်ဆိုရင် အိမ်မှာသုံးကြတဲ့ ကျောက်စည် သုံးလုံးလောက်တော့ အပျော့ပဲ။ အရင်ကတော့ အဲဒီအလုပ်က တော်တော်အိုကေတယ်။ နောက်တော့ အ၀ီစိတွင်းဆိုတာတွေပေါ်လာတော့ ကျွန်တော်တို့ ရေစည်လှည်းအလုပ်လဲအ၀ီစိကိုရောက်တော့တာပါပဲ။ လှည်းတွေလဲ ဆွေးမြည့်ပြီး ခြစားကုန်ရော၊ အမေက အိမ်ကနွားတွေကို လယ်လုပ်တဲ့သူတွေဆီငှားစားဖို့ စီစဉ်တယ်။ အိမ်မှာ အမေက မန်နေဂျာဆိုရင် အဖေကတော့ အောက်ခြေသိမ်း ပျာတာပဲ။ အမေခိုင်းတာမှန်သမျှ လိုက်လုပ်ရတာ။ သူ့ဖာသာလဲ တစ်ကယ်က ဘာမှလုပ်တတ်တာမဟုတ်ဘူး။ ရွာမှာတုန်းကတော့ လယ်လေးဘာလေးလုပ်တယ်။ မြို့လဲရောက်ရော ထိုင်စားဖြစ်တော့တာပါပဲ။ ရေစည်လှည်းတွေ ခေတ်ကောင်းတုန်းကလဲ ကိုယ်တိုင်လှည်းမောင်းတာက ခပ်နည်းနည်း၊ သူများငှားစားတာက ခပ်များများ။ ပျင်းတာကလဲ တော်တော်ပျင်းတယ်။ တော်ပါပြီဗျာ။ ကိုယ့်အဖေမကောင်းကြောင်းမပြောတော့ပါဘူး။ ဒါပေမယ့် တစ်ခုတော့ ထပ်ပြောလိုက်ဦးမယ်။ သူက ရေနွေးတော့ အသေကြိုက်တယ်ဗျ။ တစ်နေ့ကို ရေနွေး လေးအိုးလောက် ကုန်တယ်။ ခုခေတ် လက်ဖက်ခြောက်ဈေးနဲ့ တွက်သာကြည့်ပေတော့။ ခုတော့ ကျွန်တော့အသက်ကလဲ ငါးဆယ်နားနီးပြီ။ သြော်အသက်လေးရလာလို့ လိမ္မာပြီလားမမေးနဲ့၊ မိုက်လို့ကောင်းတုန်း။ ညီအစ်ကို သုံးယောက်လဲ မိန်းမတွေ၊ ကလေးတွေရနေကြပါပြီ။ ကျွန်တော်ကတော့ မိန်းမနဲ့ကွဲနေတယ်။ ကွဲတာကလဲ ကြာပါပြီ။ ကျွန်တော့ သမီးအငယ်ဆုံးလေး သုံးနှစ်သမီးလောက်တည်းကဆိုပါတော့။ ခုဆိုရင် သူတောင် အပျိုဖြစ်နေပြီ။ သူက ဈေးက ကျွန်တော်တို့နဲ့ ရွေမျိုးနီးစပ်တော်တဲ့ ကုန်စုံဆိုင်မှာအလုပ်လုပ်တယ်။ အကြီးမနဲ့ အငယ်မနဲ့ကတော့ အိမ်ထောင်ကျနေကြပြီ။ သူတို့လဲ ကျွန်တော့လုပ်စာ ကောင်းကောင်းမစားဖူးခဲ့ကြဘူး။ ကျွန်တော်တောင် ခုချိန်ထိ အမေ့လုပ်စာ ထိုင်စားနေတုန်းလေ။ အကြီးမက ကလေးနှစ်ယောက်တောင်ရနေပြီ။ ကျွန်တော့်မြေးတွေပေါ့ဗျာ။ အလတ်မကလဲ ကလေးတစ်ယောက်နဲ့။ သူတို့လဲ မနဲရုန်းကန်နေရတယ်။ ကျွန်တော့်အလုပ်ကလား။ ပြောလို့တော့မကောင်းဘူး။ ကျွန်တော်တို့ရပ်ကွက်ထဲက သုံးလုံးရောင်းတဲ့လူဆီမှာ အလုပ်လုပ်တယ်။ ဘောင်ချာရေးပေးရတာမဟုတ်ဘူး။ လူရိပ်လူခြေကြည့်ပေးရတယ်။ ကိုယ့်ဆီမှာ အကွက်ကုန်နေပြီဆိုရင်၊ စက်ဘီးလေးနဲ့ တစ်ခြားဒိုင်တွေဆီ သွားထိုးပေးရတယ်။ ကာတာတွေဘာတွေကလဲ ရှိသေးတယ်။ ဥပမာဗျာ ဂဏန်းတစ်ကွက်ကွက်က ဟော့နေတယ်၊ ခေတ်စားနေတယ်ဆိုရင် အဲဒီအကွက်ကို ကိုယ်က တစ်ခြားဒိုင်မှာ ပြန်ထိုးထားရတယ်။ ဒါမှ အဲဒီအကွက်ပေါက်ရင် လျော်ရတာ သက်သာမယ်လေ။ တစ်ချို့အကွက်ဆိုရင် လုံးဝပိတ်လိုက်တာမျိုးတွေရှိတယ်။ ထိုးတဲ့လူကလည်း အပိုင်ကွက်ဆိုပြီး စပါယ်ရှယ်ထိုးတာ။ ထွက်လာရင်သာ တစ်လုံးမှ မတူချင်မတူမယ်။ မထွက်ခင်တော့ အပြီးပေါက်ဆိုလားပဲ။ ကျွန်တော့်လုပ်အားခကိုတော့ လခရယ်လို့တော့ မဟုတ်ဘူး။ ကျန်ရင်ကျန်သလိုပေးတယ်။ အဲဒါက အဓိကမဟုတ်ပါဘူး။ အဓိကက ကျွန်တော်ကြိုက်တတ်တဲ့ ယမကာလေး နေ့စဉ်မှီဝဲဖို့ ထောင့်ပံ့တယ်။ ကျေးဇူးရှင်တွေပေါ့ဗျာ။ အရင်ကတော့ သူတို့လဲ ကျွန်တော်တို့လို လက်လုပ်လက်စားပါပဲ။ နောက်တော့မှ သုံးလုံး ကော်မရှင်လေးရောင်း ဒိုင်ကိုင်နဲ့ ကြီးပွားလာတယ်ဆိုပါတော့။ ခင်ဝင်းကလဲ အဲဒီမှာလုပ်တယ်။ သူ့မိန်းမက ဈေးထဲမှာ အသုပ်စုံတွေဘာတွေ ရောင်းတယ်။ သူရတဲ့ငွေကလဲ သူပြန်သောက်တာနဲ့ ကုန်တာပါပဲ။ သူ့မှာက သားတွေချည်းပဲ နှစ်ယောက်ရှိတယ်။ ဒီကောင့်သားတွေကတော့ လိမ္မာကြတယ်။ ကျွန်တော်တို့နဲ့တော့ ကွာပ။ အစ်ကို ခင်တိုးကတော့ သားသမီးလေးယောက်တောင်။ သူက ကျွန်တော်တို့ထဲမှာ အိမ်ထောင် အစောဆုံးကျတာ။ ဒီကောင်ရတဲ့ မိန်းမက ငယ်ငယ်ချောချောလေး။ ချမ်းသာတယ်ပေါ့ဗျာ။ ဒါပေမယ့် ဒီကောင်လဲ ဟန်ပုံမပေါ်ပါဘူး။ သူ့ယောက္ခမကြီးတွေက ကပ်စီးနည်း ကော်တရာတွေ။ ဒီကောင်မိန်းမခိုးလာတုန်းက ကြို့ပင်ကောက်က အဖေ့အမျိုးတွေဆီ ခိုးပြေးတာ။ ကောင်မလေးက ကျွန်တော်တို့ထက်တောင်ငယ်တယ်။ အဲဒီတုန်းက ရှိလှမှ ဆယ့်ခြောက်နှစ်တောင်စွန်းရဲ့လားမသိဘူး။ ရွာက ကျွန်တော်တို့နဲ့ ညီအစ်ကို တစ်ဝမ်းကွဲက ချောင်းတွေဘာတွေကူးတော့ ကောင်မလေးလက်စွဲပြီး ရှေ့ဆုံးကပြေးလိုပ ကျွန်တော်တို့က မင်းခိုးလာတာလားလို့တောင် စရသေးတယ်။ ညားကာစကတော့ အမေတို့နဲ့အတူတူနေတယ်။ ကောင်မလေးက ဘာမှမလုပ်တတ် မကိုင်တတ်နဲ့၊ ကျွန်တော့်အမေ ဒေါ်သွက်နဲ့ တွေ့တော့တာပေါ့။ နောက်တော့ အိမ်ခွဲသွားတယ်။ ဒီကောင်တွေလဲ သုံးလုံးပေါက်ဖူးတယ်။ အဲဒါ ဒိုင်က မလျော်ဘူး။ ခင်တိုးကတော့ ဘာလုပ်မလဲ လူအေးပဲ။ ဒီတိုင်းပဲနေလိုက်တယ်။ ဟိုတိုင်ဒီတိုင်လဲ ရတဲ့ကိစ္စမဟုတ်ဘူးလေ။ အဲဒါကို ခင်ဝင်းက မရဘူး။ ဒိုင်အိမ်ရှေ့သွားပြီး ကော်ဆဲတယ်။ ဟိုကဓါးနဲ့ ထွက်ခုတ်တာ ပြဿနာတွေကို အကြီးအကျယ်တက်တော့တာပါပဲ။ ခင်ဝင်းကလဲ အဲလိုကောင်။ ဆေးတွေကလဲ ထိုးထားလိုက်တာ အစုံပဲ။ အထက်လမ်းတွေကော အောက်လမ်းတွေကော။ ပြီးတော့ အစားကမရှောင်ဘူး အကုန်စား။ ဒီကောင်မူးလာပြီဆိုရင် ကျွန်တော့်ထက်ပိုကြမ်းတယ်။ ကျွန်တော်ကတော့ အထက်လမ်းတို့ အောက်လမ်းတို့ နတ်တို့ ၀ါသနာမပါဘူး။ တစ်ခါက ခင်တိုးသား အလတ်ကောင် နတ်ပွဲသွားကြည့်တာ၊ ကိုကြီးကျော် အခြောက်က အရက်ပုလင်းကို လျှောက်ရမ်းလိုက်တာ။ ကွဲပြီး ဒီကောင့် မျက်ခုံးလာထိတယ်။ ကျွန်တော်က ဘယ်ရမလဲ။ အဲဒီ နတ်ဝင်သယ်တွေ သွားချဲတာ၊ ၀ီစကီ တစ်ပုလင်းပေးပြီး တောင်းပန်မှ ပြန်လာခဲ့လိုက်တယ်။ ကိုယ့်တူထိတာတော့ ဘယ်ခံပမလဲဗျာ၊ မဟုတ်ဘူးလား။
ကျွန်တော်တို့မှာ ခုခက်နေတာက အမေနဲ့အဖေနဲ့က အသက်ကြီးပြီဆိုတော့ ဘာမှမလုပ်နိုင်တော့ဘူး။ ကျွန်တော်နဲ့ ကျွန်တော့်သမီး အကြီးမမိသားစုက သူတို့ အဖိုးကြီးအဖွားကြီးအိမ်မှာနေရတာဆိုပေမယ့် သမီးက အိုးခွဲစားတယ်။ ကျွန်တော်ကတော့ သမီးဆီနှိုက်လိုက် အမေ့ဆီနှိုက်လိုက်ပေါ့။ တစ်ခါတလေတော့ အငယ်မဆီက ပိုက်ဆံချေးပြီး အရက်ဝယ်သောက်ရတယ်။ ခုက အမေကလဲ မချက်နိုင်မပြုတ်နိုင်တော့ဘူး။ ၀င်ငွေကလဲ မရှိဘူး။ ခင်ဝင်းတို့ကတော့ အဖေ့ကို သူတို့ဆီမှာစားဆိုပြီး ခေါ်ထားတယ်။ အမေ့တစ်ယောက်ကိုကျတော့ ဟိုကောင်ခင်တိုးကလဲ မိန်းမကြောက်ရတာနဲ့ ခေါ်မထားချင်ဘူး။ ကျွေးစရာရှိရင်တော့ ၀ယ်ချမ်းပြီး လာကျွေးပါတယ်။ ကျွန်တော့်ကိုတော့ အားကိုးလို့မရဘူး။ ကျွန်တော်က ကိုယ့်ဟာကိုယ်တောင် အနိုင်နိုင်။ အဖွားကြီးကလဲ ဇီဇာကြောင်တယ်။ တော်ရုံလူနဲ့မဖြစ်ဘူး။ အဖေကတော့ အိမ်ကို ပြန်မလာတော့ဘူး ခင်ဝင်းတို့ဆီမှာပဲနေနေတော့တယ်။ အမေသာခက်နေတာ။ ခုနောက်ပိုင်းတော့ ခင်တိုးတို့အိမ်ကို သွားနေတယ်။ ညနေမှပြန်လာတယ်။ သူမလာရင်တော့ ဟိုက ထမင်းချိုင့်ပို့တယ်။ သူစားလို့ တစ်ခါတလေကျန်ရင်တော့ ကျွန်တော့်အတွက်ပေါ့။ ဒီကောင်တွေကလဲ အမေ့ကိုအမြဲခေါ်မထားချင်တာက ကျွန်တော့်ကြောင့်လဲပါမယ်။ အမေ့ကို ခေါ်ထားလိုက်ရင် အမေ့ဗန်းပြပြီး၊ ကျွန်တော်အ၀င်အထွက်လုပ်မှာ ကြောက်ပုံရတယ်။ ခက်တာက အဖွားကြီးက မျက်လုံးကလဲ သိပ်မကောင်းတော့ မမြင်မစမ်းနဲ့ မနက်ဆိုရင် သူတို့အိမ်သွားလိုက် ညနေဆိုပြန်လာလိုက်နဲ့ ပင်ပန်းတာပေါ့။ ကျွန်တော်လဲ ကိုယ့်အမေဖြစ်နေတာ မကြည့်ရက်ပါဘူး။ ဒါပေမယ့် ဘာမှမတတ်နိုင်ဘူးလေ။ အရင်အပတ်ကတော့ ရတဲ့လုပ်အားခထဲကနေ အမေ့အတွက်ဆိုပြီး သုံးလုံးပြန်ထိုးလိုက်တယ်။ မပေါက်ပါဘူး၊ ကျွန်တော် အရက်ငတ်တာပဲ အဖတ်တင်တယ်။ အဲဒါနဲ့ အမေ့ကို သူများကန်တော့ထားတဲ့ ငွေထဲကနေ ယူသုံးလိုက်ရတယ်။ ဒီတစ်ခ်ါတော့ နှစ်လုံးစမ်းကြည့်မလို့ သူကကြာကြာမစောင့်ရဘူးလေ။ ရတဲ့ပမာဏကတော့ မများဘူးပေါ့ဗျာ၊ ဒါပေမယ့် ကျွန်တော်တို့အတွက်တော့ ဈေးဖိုးရလဲ မနည်းဘူးမို့လား။ ခင်ဗျားတို့လဲ အကွက်ကောင်းလေးတွေရရင် လုပ်ပါဦးဗျာ၊ အမေ့အတွက်လေ။ ကျွန်တော်က ကျေးဇူးမမေ့တတ်ပါဘူးဗျာ။ ။

မောင်ဖြူ

Read more...

ပန်းတွေနဲ့ဝေ

ပန်းတွေနဲ့ဝေ

ပြောရရင်တော့ ကျွန်တော်က ပန်းတွေအကြောင်းကို သိပ်သိလှတာတော့ မဟုတ်ပါဘူး။ ဒါပေမယ့် ပန်းတွေက လှနေရင်တော့ လှနေတယ်လို့ သိရုံမကပါဘူး၊ ခံလည်းခံစားတတ်ပါတယ်။ ကိုယ်က ကြည်နူးမှုကို ခံစားရတော့ သူငယ်ချင်းတွေကိုလည်း ကြည်နူးမှုကို ရစေချင်ပါတယ်။ မော်စကိုအကြောင်းကို ဒီဘလော့(ဂ်)မှာ ဖတ်ချင်တယ်လို့ ပြောတဲ့ visitor ရဲ့ဆန္ဒကိုလည်း ဒီပန်းတွေနဲ့ ဖြည့်စည်းပေးချင်လို့ပါ။ ကဲ ပန်းခြံထဲကို ကျွန်တော်နဲ့အတူ လိုက်ခဲ့ပေတော့။

ပန်းခြံကတော့ ကာလိုမန်ပန်းခြံပါ။ ကာလိုမန် မြေအောက်ဘူတာနားမှာပဲရှိတာပါ။
ပန်းခြံက မော်စကို မြစ်ကမ်းဘေးတလျှောက်မှာ တည်ရှိနေတာရယ်၊ ပန်းသီးခင်းတွေရှိနေတာရယ်၊ ပြီးတော့ ရှေးဟောင်းအဆောက်အဦးတို့၊ ရှေးဘုရားရှိခိုးကျောင်းတို့ကလည်းရှိနေတော့ လှည့်ပြီးကြည့်စရာတွေလဲ ပေါသပေါ့လေ။ ပန်းသီးခင်းကြီးရယ်၊ မြစ်ကမ်းဘေးမှာ လေဟုန်စီးနေတဲ့ မြင်ကွင်းရယ်ကို ကြည့်ပြီးတော့ ပျော်ရွှင်ကြည်းနူးကြပါဦး။

ဆောင်းရာသီမှာဆိုရင်တော့ ပန်းခြံကြီးက နှင်းတွေနဲ့ ဖွေးနေပြီးတော့ အပင်ကြီးတွေကလည်း အရိုးပြိုင်းပြိုင်းနဲ့ ကြည့်ရ မြင်ရတာ ကြည်းနူးစရာ မကောင်းဘဲနဲ့ အေးစက်စက်နဲ့ ရင်ထဲမှာ ခြောက်တောက်တောက် ဖြစ်နေတတ်ပါတယ်။ အခုလို နွေးဦးပေါက်ရာသီမှာတော့ ပန်းတွေကလည်း မိမိတို့ရဲ့အလှတွေကို အားတွေမာန်တွေနဲ့ အပြိုင်အဆိုင် လှစ်ဟပြသနေကြပါတယ်။ အခု ဒီပန်းတွေကတော့ ကျုးလစ်ပန်းတွေပါ။ ခံစားသာကြည့်ပါတော့။

Read more...

မင်းမရှိလဲနေပါ ရတယ်

မင်းမရှိလဲနေပါ ရတယ်

မိတ်ဆွေမရှိရင်နေပါ
မိတ်ဆွေတွေကနေဖြစ်လာတဲ့
ရန်သူမရှိရင် ကျေနပ်ပြီ။
ချစ်သူမရှိရင်နေပါ
အချစ်ကနေလာတဲ့
မုန်းသူမရှိရင် ကျေနပ်ပြီ။
ငြိမ်းချမ်းရေးမရှိရင်နေပါ
ငြိမ်းချမ်းရေးအဖြေရှာနေကြတဲ့
စစ်မက်တွေမရှိရင် ကျေနပ်ပြီ။
အောင်မြင်မှုတွေမရှိရင်နေပါ
ယှဉ်ပြိုင်ခြင်းကြောင့်ဖြစ်ပေါ်လာတဲ့
အရှုံးတွေမရှိရင် ကျေနပ်ပြီ။
အဖြူမရှိရင်နေပါ
ဆေးဆိုးထားတဲ့
ဖြူဖပ်ဖြူရော်အရောင်တွေမရှိရင် ကျေနပ်ပြီ။
ရှိခြင်းတွေ ရှိမနေရင်နေပါ
မရှိခြင်းတွေ ရှိမနေရင် ကျေနပ်ပြီ။
ကျေနပ်စရာတွေ မရှိခဲ့ရင်တောင်
မကျေနပ်စရာတွေ ရှိမနေဘူးဆိုရင်ဘ၀က ပျော်စရာကြီးပါ။ ။

မောင်ဖြူ
14.05.2007 13:04

Read more...

ပြုစားခဲ့တဲ့လူ

ပြုစားခဲ့တဲ့လူ

မနေ့ကမှ ကိုယ့်ကိုယ်ကို ငုံ့ကိုင်းကြည့်မိရဲ့
ကျွန်တော့်ရဲ့ ထွက်သက်ဝင်သက်ကလေးတောင် အရပ်အတော်မြင့်ခဲ့ပြီ။
လမ်းထိပ်က သွေးနွေးသတ္တ၀ါတွေအတိုင်းပါပဲ
လောကဓံ ခွန်းကြီးခွန်းငယ်တွေကြားမှာ
ကျွန်တော်ဟာလည်း ၀ူးဝူးဝါးဝါးနဲ့ လူ အဖြစ် ပွင့်ခဲ့ရတာပါ။
တကယ်ဆို ကဗျာဟာ
အချစ်ဦးမသိအောင် ရေးရတဲ့အရာပါ
ကံ့ကော်နဲ့ အဖူးရော အပွင့်ရော လွဲခဲ့ရသလိုမျိုး ဘာဘာညာညာ
အဲဒီလို မာယာအမှုကိုလည်း ကိုယ်တိုင်ကိုယ်ကျ ပြုခဲ့ဖူးပြီ။
တစ်ရံတစ်ခါ လေပူအဝေ့တွေမှာတော့
လမ်းလျှောက်သူတို့ရဲ့ ဘာသာဘာဝ တုန်ခါယိမ်းသွေ့ဖူးတယ်။
အဲဒါကလွဲရင် သူလိုကိုယ်လိုလောက်တောင် ကျွန်တော် မကွေ့ကောက်ခဲ့ပါဘူး။
ကျွန်တော်နဲ့ သိုးထိန်းတို့ ခုလိုမျိုး စကားစိမ်း ဆိုကြ
အော် တစ်ခုတော့ ရှိတယ်
ကျွန်တော် မပါဘဲနဲ့လည်း ဧရာဝတီဟာ စီးမြဲစီးနေလိမ့်မယ်
အဲဒါကို ပြောဖို့ ကျန်ခဲ့တယ်။

တာရာမင်းဝေ

Read more...

သြဂတ်စထရာ

သြဂတ်စထရာ

လောကကြီးအပေါ်မှာ
ဂြိုးဂြိုးဂြိမ့်ဂြိမ့်
ဒေါသတွေ ချိမ်းပြီး
မှောင်နေ မည်းနေခဲ့တယ်။

မကြာမီ အငွေ့ပျံလို့
တေးသံတွေ ရွာချပါ့မယ်။

သုခမိန်လှိုင်

Read more...

ဘ၀

ဘ၀

ငါးကို ငါးနဲ့ မျှားခဲ့ကြ
မျှားငါးက ကြီးပြီး
ဟပ်ငါးက သေးတော့
ဖော့ကလေး လှုပ်ရုံ
ရင်ခုန်ရုံနဲ့
တစ်နေသာ ကုန်ပါရောလား။

မောင်နေသစ်

Read more...

အလောင်းအစား(ချက်ဟော့(ဗ်))

အလောင်းအစား

အန်တွန် ပါဗလိုဗစ်(ခ်ျ) ချက်ဟော့(ဗ်)

ဇနိမြန်မာပြန်သည်။

(၁)
မှောင်မည်းနေသော ဆောင်းဦးညတစ်ညတွင် အသက်ကြီးကြီး ဘဏ်သူဌေးကြီးသည် မိမိ၏အခန်းတွင်းတွင် ခေါက်တုန့်ခေါက်ပြန် လမ်းလျှောက်ရင်း လွန်ခဲ့သော နှစ်ငါးဆယ်က ဆောင်းဦးပေါက်ကာလ ညနေခင်းဧည့်ခံပွဲတစ်ခု ကျင်းပပေးခဲ့သည်ကို ပြန်လည်သတိရနေလေသည်။ ယင်းညနေခင်းဧည့်ခံပွဲသို့ ဂုဏ်သရေရှိဧည့်သည်များစွာ တက်ရောက်ခဲ့ပြီး၊ အလွန်စိတ်ဝင်းစားစရာကောင်းသည့်အကြောင်းအရာများကို ပြောဆိုခဲ့ကြလေသည်။ သေဒဏ်ပေးခြင်းအကြောင်းကိုလည်း ပြောဆိုဆွေးနွေးခဲ့ကြသည်။ ဧည့်သည်များထဲမှ သိပ္ပံပညာရှင်များ၊ သတင်းစာဆရာများသည် သေဒဏ်ပေးခြင်းကို လွန်စွာမနှစ်မြို့ကြချေ။ ၄င်းပုဂ္ဂိုလ်များက ယင်းကဲ့သို့အပြစ်ဒဏ်ပေးခြင်းသည် ရှေးကျသော၊ ခရစ်ယာန်နိုင်ငံများအတွက် မဆီလျော်သော၊ ဆိုးဝါးလွန်းသော အခြင်းအရာတစ်ခုအဖြစ် ပြောဆိုကြလေသည်။ သေဒဏ်အစား တသက်တာထောင်ဒဏ်အဖြစ်သို့ နေရာတိုင်းတွေပြောင်းလဲသင့်ကြောင်း ထင်မြင်ချက်ပေးကြလေသည်။
- ကျုပ်သဘောမတူဘူးဗျာ။ - အိမ်ရှင်ဘဏ်သူဌေးက ပြော၏။ - ကျုပ်အနေနဲ့က သေဒဏ်ကိုရော၊ တသက်တာထောင်ဒဏ်ကိုရော မခံစားဖူးပါဘူး။ ဒါပေမယ့် ကျုပ်အမြင်ကတော့ သေဒဏ်ပေးတာက ပိုသိက္ခာရှိပြီး၊ လူပိုဆန်တယ်ထင်တာပဲဗျ။ သေဒဏ်ပေးလိုက်တယ်ဆိုတာက ချက်ချင်းသတ်လိုက်တာဗျာ၊ တသတ်တာထောင်ဒဏ်က တဖြေးဖြေးနဲ့ မျှင်းပြီးသတ်တာပဲဗျ။ ကိုင်း ဘယ်ဟာက လူပိုဆန်သလဲဗျာ။ မိနစ်ပိုင်းလေးအတွင်းသတ်တာနဲ့ တစ်ဘ၀လုံးတဖြေးဖြေးခြင်း သတ်တာက ကွာတယ်ဗျ။
နှစ်ခုလုံးကတော့ မကောင်းတာတော့တူသဗျ။ - ဧည့်သည်တစ်ယောက်က ၀င်ပြောသည်။ နောက်ဆုံးကျတော့လည်း လူတစ်ယောက်ရဲ့အသက်ကို သတ်တာပဲဗျ။ နိုင်ငံတော်ဆိုတာ ဘုရားသခင်မှ မဟုတ်တာ။ ပြန်လိုချင်ရင် မရနိုင်တဲ့ အသက်တစ်ချောင်းကို အဆုံးစီရင်ဖို့ သူ့မှာ လုပ်ပိုင်ခွင့် မရှိဘူးလေ။
ဧည့်သည်များထဲတွင် အသက်အစိတ်ခန့်ရှိသော ရှေ့နေလူငယ်လေးတစ်ဦးလည်း ရှိ၏။ သူ၏အမြင်ကို ၀ိုင်းမေးကြသောအခါ သူက - သေဒဏ်နဲ့တသက်တာထောင်ဒဏ်က နှစ်ခုလုံး မကောင်းတာတော့တူပါတယ်။ အကယ်၍ နှစ်ခုထဲက တစ်ခုကိုရွေးပါဆိုရင်တော့ ဒုတိယ ဟာကိုရွေးပါ့မယ်။ ဘယ်လိုမှ မနေရတာနဲ့ စာရင်တော့ ဘယ်လိုလေးပဲဖြစ်ဖြစ် အသက်ရှင်ရတာကပိုကောင်းပါတယ်။
အငြင်းအခုံသည်လည်း ပိုမိုအသက်ဝင်လာသည်။ ထိုစဉ်အခါက ဘဏ်သူဌေးသည် အရွယ်ကလည်းငယ်သေး၊ စိတ်ကလည်းအလွန်ဆတ်သောကြောင့် ဒေါသကိုမထိန်းနိုင်ဘဲ၊ စားပွဲခုံအား လက်ဖြင့်ရိုက်လိုက်ပြီး လူငယ်ဘက်သို့လှည့်ကာ အော်လိုက်လေသည်။
- မမှန်ဘူးကွ။ ငွေနှစ်သန်း အလောင်းအစားလုပ်မယ်ကွာ၊ မင်း အချုပ်ခန်းထဲမှာ ငါးနှစ်တောင်မနေနိုင်ပါဘူးကွာ။
- ခင်ဗျားတကယ်ပြောနေတယ်ဆိုရင်တော့ လောင်းမယ်ဗျာ။ ငါးနှစ်မဟုတ်ဘူး။ ဆယ့်ငါးနှစ်နေမယ်။ - ရှေ့နေကလေးမှ သူ့အား ပြန်ပြောသည်။
- ဆယ့်ငါးနှစ်။ သဘောတူတယ်။ လူကြီးမင်းတို့ ကျွန်တော် ငွေနှစ်သန်းနဲ့ လောင်းတယ်ဗျာ။ - ဘဏ်သူဌေးက အော်ပြောသည်။
- သဘောတူပါတယ်။ ခင်ဗျားက ငွေကြေးကိုတင်လောင်းတာပေါ့။ ကျွန်တော်ကတော့ ကျွန်တော့်ရဲ့ လွတ်လပ်မှုကို လောင်းကြေးတင်တာပေါ့ဗျာ။ - ရှေ့နေလေးမှ ပြောသည်။
အလွန်ရက်စက်ကြမ်းကြုတ်သော၊ အဓိပ္ပာယ်မရှိသော အလောင်းအစားတစ်ခု ဖြစ်သွားခဲ့လေသည်။ ထိုငယ်ရွယ်စဉ်က ငွေရှိန်ကြေးရှိန်ဖြင့် ပျက်ဆီးနေသော၊ အလေးအနက်စဉ်းစားဆင်ခြင် ခြင်းမရှိလှသော ဘဏ်သူဌေးသည် အလောင်းအစားပြုလုပ်ရသေးကြောင့် ၀မ်းသာလျက်ရှိနေလေသည်။ ညစာစားချိန်တွင်လည်း ရှေ့နေလေးအား လှောင်ပြောင်၍ ပြောဆိုလေသည်။
- နောက်မကျခင် ထပ်စဉ်းစားပါဦး ရှေ့နေလေးရဲ့။ ကျုပ်အတွက်က ပိုက်ဆံနှစ်သန်းဆိုတာ ဘာမှ မဖြစ်လောက်ပေမယ့်၊ မင်းအတွက်ကျတော့ လူဘ၀ရဲ့ အကောင်းဆုံးသုံးလေးနှစ် ဆုံးရှုံးသွားမှာနော်။ သုံးလေးနှစ်လို့ ပြောတာက မင်းလည်းဒီထက် ပိုပြီး နေနိုင်မှာ မဟုတ်လို့။ ကိုယ့်ဆန္ဒနဲ့ကိုယ် အချုပ်ခန်းထဲနေရတာက၊ ထောင်ကျလို့ မဖြစ်မနေအချုပ်ခံရတာထက်ပိုပြီး ဒုက္ခကြီးတယ်နော်။ ငါဆန္ဒရှိရင် ဘယ်အချိန်မှာပဲဖြစ်ဖြစ် အချုပ်ထဲကနေပြီး ထွက်လို့ရတယ်ဆိုတဲ့ အသိက မင်းအချုပ်ထဲနေတဲ့ကာလ တလျှောက်လုံး မင်းကိုနှိပ်စက်နေမှာ။ မင်းအတွက် ငါ တကယ့်ကို စိတ်မကောင်းပါဘူးကွာ။
ယခုအချိန်တွင် ဘဏ်သူဌေးသည် ဟိုမှဒီ လျှောက်နေရင်း ထိုစဉ်အခါမှ အကြောင်းအရာများကိုသတိရနေကာ မိမိကိုယ်ကို ပြန်လည်မေးခွန်းထုတ်မိလေသည်။
- ဘာ့အတွက်လဲ ဒီအလောင်းအစားက။ ရှေ့နေလေးမှာ ဘ၀မှာ ဆယ့်ငါးနှစ်ဆုံးရှုံးရတယ်၊ ငါ့မှာလည်း ပိုက်ဆံ နှစ်သန်း အလကားဖြစ်ရတဲ့ အတွက် ဘာများ အကျိုးရှိလို့လဲ။ ဒီလိုလုပ်တာနဲ့ပဲ သေဒဏ်က တသက်တာထောင်ဒဏ်ထက်ပိုကောင်းပါတယ် ပိုဆိုးတယ်လို့ လူတွေကို သက်သေပြလို့ရလို့လား။ မဟုတ်သေးဘူး၊ မဟုတ်သေးဘူး။ အနှစ်သာရမရှိ၊အဓိပ္ပာယ်မရှိတဲ့ အလုပ်တွေပဲ။ ငါ့နေနဲ့ဆိုရင်လည်း စိတ်အာသာပြေလုပ်သလို၊ ရှေ့နေလေးကြတော့လည်း ငွေကိုမက်တဲ့ လောဘ။
ထိုနောက် သူသည် ယင်းညနေခင်းဧည့်ခံပွဲအပြီးအကြောင်းအရာများကို ပြန်လည်သတိရနေလေသည်။ ရှေ့နေလေးသည် ဘဏ်သူဌေး၏ ပန်းခြံအတွင်းတွင်ရှိသော အိမ်ဆွယ်တစ်ခုတွင် အလွန်တင်းကျပ်သော စည်းကမ်းများဖြင့်အချုပ်ခံရပါမည်ဟု ဆုံးဖြတ်လေသည်။ ဆယ့်ငါးနှစ် အချုပ်နှောင်ကာလတွင် ရှေ့နေလေးသည် အချုပ်ခန်း၏နယ်နိမိတ်မှလုံးဝမကျော်ရ၊ သက်ရှိလူများကို မတွေ့မြင်ရ၊ လူသံသူသံအား အကြားမခံရ၊ စာ၊သတင်းစာများမရရှိစေရ ဟူသောစည်းကမ်းများကို သဘောတူရလေသည်။ ဂီတပစ္စည်းများရရှိခွင့်၊ စာအုပ်များဖတ်ခွင့်၊ စာရေးသားခွင့်၊ ၀ိုင်သောက်ခွင့်နှင့် ဆေးလိပ်သောက်ခွင့် စသော အခွင့်အရေးများကား ရရှိမည်ဖြစ်သည်။ အပြင်ကမ္ဘာနှင့်ဆက်သွယ်ရန်အတွက် အသေအချာတပ်ဆင်ထားသော ပြတင်းပေါက်မှတဆင့် သူသည် စကားမပြောရဘဲ အခြေအနေအရ ဆက်သွယ်ခွင့်ပြုသည်။ စာအုပ်များ၊ ဂီတသင်္ဂေတစာအုပ်များ၊ ၀ိုင် စသောလိုအပ်သည့်ပစ္စည်းများကို စာရေးကာ ယင်းပြတင်းပေါက်လေးမှတဆင့်သာ ရယူနိုင်လေသည်။ သဘောတူညီချက်အရ တစ်ယောက်တည်းချုပ်နှောင်ထားရန် အသေးအမွှားမှစ၍ လိုအပ်သည်များကို အသေအချာဖြည့်ဆည်းလုပ်ဆောင်ကာ ၁၈၇၀ ခုနှစ်၊နိုဝင်ဘာလ ၁၄ ရက်၊ ၁၂ နာရီမှစကာ ၁၈၈၅ခုနှစ်၊ နိုဝင်ဘာလ ၁၄ ရက်၊ ၁၂ နာရီထိ ၁၅နှစ်တိတိ ရှေ့နေလေးအား ချုပ်နှောင်မည်ဖြစ်သည်။ အကယ်၍ သတ်မှတ်ချုပ်နှောင်ကာလထက် တစ်မိနစ်၊နှစ်မိနစ်လေးပင်ဖြစ်စေကာမှု ရှေ့နေလေးမှ စည်းကမ်းဖောက်ဖျက်ပါက ဘဏ်သူဌေးအား ပိုက်ဆံနှစ်သန်း လျော်ကြေးပေးရခြင်းမှ ကင်းလွတ်ပေးရမည်ဖြစ်သည်။
အချုပ်နှောင်ခံ ပထမနှစ်တွင် ရှေ့နေလေးအား သူ၏စာအတိုများကိုကြည့်၍ဆုံးဖြတ်ရလျှင် အထီးကျန်ခြင်းနှင့် ပျင်းရိခြင်းဒဏ်ကို အလူးအလိမ့်ခံစားနေရသည်။ နေ့ရော ညပါ သူ၏အချုပ်ခန်းဆီမှ စန္ဒရားသံကို ကြားရလေသည်။ ဆေးလိပ်နှင့်ဝိုင်ကိုလည်းမတောင်းဆိုပေ။ ၀ိုင်သည် ဆန္ဒကို အားပေးအားမြှောက်ပြု၍ ဆန္ဒသည်ထောင်သားတစ်ယောက်အတွက် ပထမဆုံးသော ရန်သူဖြစ်လေသည်။ ၀ိုင်ကောင်းကောင်းကိုသောက်ပြီး မည်သူနှင့်မှ မတွေ့ရခြင်းလောက် ပျင်းစရာကောင်းခြင်းသည် မရှိ။ ဆေးလိပ်သည် သူ၏အခန်းအတွင်း လေကိုမသန့်မစင်ဖြစ်စေသည်။ ပထမနှစ်တွင် ရှေ့နေလေးဆီသို့  ရှုပ်ထွေးသော၊ အချစ်ဇာတ်လမ်းပါသော ၀တ္ထုများ၊ မှုခင်းဝတ္ထုများ၊ စိတ်ကူးယဉ်ပျော်ရွှင်ဖွယ်ဇာတ်လမ်းများကဲ့သို့သော ပေါ့ပေါ့ပါးပါးရေးထားသောစာအုပ်များကိုသာ အဓိကအားဖြင့် ပို့ပေးရလေသည်။
ဒုတိယနှစ်တွင် အချုပ်ဆောင်ဘက်မှ ဂီတသံတို့ဆိတ်ငြိမ်သွားလေသည်။ ရှေ့နေလေးသည် ဂန္ထ၀င်စာပေများကိုသာ စာတိုလေးများဖြင့်တောင်းဆိုတော့သည်။ ငါးနှစ်မြောက်တွင် ဂီတသံများပြန်လည်ကြားရပြီး အကျဉ်းစံသည် ၀ိုင်အားတောင်းဆိုသည်။ အကျဉ်းစံသည် တစ်နှစ်လုံး စားလိုက်၊ သောက်လိုက်၊ အိပ်ရာထဲတွင်ဝင်လှဲနေလိုက်၊ မကြာခဏ သန်းဝေလိုက်၊ ဒေါသတကြီးဖြင့်တစ်ယောက်တည်းစကားပြောလိုက်သာလုပ်နေသည်ဟု အချုပ်ခန်းပြတင်းပေါက်လေးမှ သူ့အားစောင့်ကြည့်သူများမှပြောသည်။ စာအုပ်များကိုလည်းမဖတ်ပေ။ တရံအခါတွင် ညအချိန်၌ ကြာရှည်စွာ စာထိုင်ရေးနေတတ်ပြီး နံနက်ခင်းရောက်လျှင် ရေးထားသမျှစာကို အပိုင်းပိုင်းဖြစ်အောင်ဆုတ်ဖြဲပစ်တတ်သည်။ ငိုကြွေးသော အသံကိုတော့ တစ်ကြိမ်တစ်ခါမှ မကြားရချေ။
ငါးနှစ်ခွဲနောက်ပိုင်းတွင် အကျဉ်းစံသည် ဘာသာစကားများ၊ အတွေးအခေါ်စာပေများ၊ သမိုင်းစာပေများကို အူလိုက် သည်းလိုက်လေ့လာသည်။ သူသည် ထိုသိပ္ပံပညာရပ်များဖြင့်သာ အလုပ်ရှုပ်နေပြီး၊ ဘဏ်သူဌေးသည်လည်း သူ့အတွက်စာအုပ်များကို ခက်ခက်ခဲခဲ မှာယူပေးရလေသည်။ လေးနှစ်အတွင်းတွင် ရှေ့နေလေး၏တောင်းဆိုချက်အရ စာအုပ်အတွဲပေါင်းခြောက်ရာခန့်မှာယူပေးရလေသည်။ ယင်း စိတ်အားထက်သန်စွာ စာဖတ်နေချိန်တွင် ဘဏ်သူဌေးသည် သူ၏ အကျဉ်းစံထံမှ စာတစ်စောင်ရလေသည်။
- ချစ်ခင်ရပါသော ကျွန်ုပ်၏ထောင်ပိုင်ကြီးခင်ဗျာ။ ထိုစာကြောင်းများကို ဘာသာစကား ခြောက်မျိုးဖြင့်ရေးပါသည်။ ကျွမ်းကျင်သူများအား ထိုစာများကိုပြပါ။ အသေအချာ ဖတ်ပါစေ။ အကယ်၍ သူတို့သည် ယင်းစာများထဲမှ အမှားတစ်ခုခု မတွေ့ခဲ့လျှင် ပန်းခြံထဲတွင် သေနတ်ဖြင့် ပစ်၍ အချက်ပြပေးရန် လူကြီးမင်းအား တောင်းဆိုပါသည်။ သေနတ်သံသည် ကျွန်ုပ်၏ အားထုတ်မှုများသည် အလဟသမဖြစ်ဟု ကျွန်ုပ်အားသိစေပါလိမ့်မည်။ ရာစုနှစ်အဆက်ဆက်၊နိုင်ငံအသီးသီးမှ ပါရမီရှင်တို့သည် ဘာသာစကားပေါင်းစုံဖြင့်ပြောဆိုကြပါသည်။ သို့သော် ၄င်းသူများအား တွန်းအားပေးသော တစ်ခုတည်းသော မီးတောက်ကလေးရှိပါသည်။ အလွန်ပင်ပျော်ရွင်ဖွယ်ကောင်းခြင်းများက ကျွန်ုပ်အားတွန်းအားပေးကာ၊ ယင်းအကြောင်းများကြောင့်ပင် ၄င်းစာများကို ကျွန်ုပ်နားလည်လာသည်ကိုသင်သိပါလိမ့်မည်။ - အကျဉ်းစံ၏ ဆန္ဒသည် ပြည့်ဝသွားလေသည်။ ဘဏ်သူဌေးသည် ပန်းခြံထဲတွင် သေနတ်သံနှစ်ကြိမ်ပေးရန် အမိန့်ပေးလိုက်လေသည်။
ထို့နောက် ဆယ်နှစ်နောက်ပိုင်းတွင် ရှေ့နေလေးသည် စားပွဲခုံရှေ့တွင် မလှုပ်မယှက်ထိုင်ကာ သမ္မာကျမ်းစာကိုသာ ဖတ်တော့သည်။ လေးနှစ်အတွင်းတွင် စာအုပ်အတွဲပေါင်း ခြောက်ရာခန့်ကို ကျွမ်းကျင်ပိုင်နိုင်သောသူသည် မထူသော၊နားလည်ရလွယ်သော စာအုပ်တစ်အုပ်တည်းကို တစ်နှစ်ခန့်အချိန်ယူကာ ဖတ်နေခြင်းက ဘဏ်သူဌေးအား အံ့အားသင့်စေသည်။ စာအုပ်အလဲတွင် သမ္မာကျမ်းစာအုပ်အား ဘာသာတရားများသမိုင်းနှင့်ထာဝရဘုရားသခင်ဆိုင်ရာများဖြင့် လဲလှယ်လေသည်။
အထိန်းသိမ်းခံ နောက်ဆုံးနှစ်နှစ်တွင် အကျဉ်းစံသည် ဆန်းစစ်ခြင်းအလျင်းမရှိဘဲ စာများကိုသာ အလွန်အကျွံဖတ်လေတော့သည်။ သူသည် သဘာဝသိပ္ပံများဖြင့်သာ အလုပ်ရှုပ်နေတတ်ပြီး၊ ဘေရွန်၊ ရှိတ်စပီးယားတို့ကိုသာတောင်းဆိုတော့သည်။ ဓာတုဗေဒဆိုင်ရာစာအုပ်၊ ဆေးပညာစာအုပ်၊ ၀တ္ထုစာအုပ်၊ အတွေးအခေါ်စာအုပ်တစ်မျိုးမျိုး၊ ထာဝရဘုရားသခင်ဆိုင်ရာ စာအုပ်တို့ကို စာတိုလေးများဖြင့်တချိန်တည်းတွင်ပင်တောင်းဆိုသည်။ သူစာဖတ်ပုံသည် ပင်လယ်အတွင်း သင်္ဘောပျက်အပိုင်းအစများအလယ်တွင်ရေကူးရင်း မိမိအသက်ကို မိမိကိုယ်တိုင် ကယ်တင်ရန်မျှော်လင့်ကာ သင်္ဘောပျက်အပိုင်းအစ တစ်ခုပြီးတစ်ခုကို အငမ်းမရ လိုက်လံဖမ်းဆီးနေသကဲ့သို့ပင်ရှိနေလေသည်။

Read more...

မောင်ချောနွယ်ရဲ့ လွဲချော်မှု

မောင်ချောနွယ်ရဲ့ လွဲချော်မှု

အချက်အလက်တွေ များလှတဲ့
ကမ္ဘာကြီးထဲ
အရာရာဟာ ငါတွေးတာတွေနဲ့
တလွဲတချော်ချည့်ပါလား။
ဘယ်အရာကိုမှ
ဘယ်လိုမှ
ပြောလို့မရတော့ပါလား။
ခွေးမွေးထားပြီး
ကိုယ်ကိုယ်တိုင်
ထ ထ ဟောင်နေရ
လက်က လက်ပါ
ဘာဖြစ်လို့ ခြေထောက်ဖြစ်သွားရတာလဲ။

မောင်ချောနွယ်

Read more...

နေလို့ကောင်းရင်ပြီးတာပဲ

သူငယ်ချင်း ဆူးနစ်ရင်က ကျနော် ဖတ်ဖို့ ကူးရေးပေးထားတဲ့ ဆရာမြင့်သန်းရဲ့ကဗျာတစ်ပုဒ်ပါ။

နေလို့ကောင်းရင်ပြီးတာပဲ

ငါ့တူတွေထဲမှာတော့
မင်းအလွန်ထူတာပဲရယ်လို့
ဘကြီးက ပြောရင်း ဆဲတယ်။
ဓါးတိုတစ်ချောင်းနဲ့ ယာမခုတ်တတ်သလို
စားလို့ကောင်းမယ့် မှိုများလည်း မရှာတတ်ဘူး တဲ့။
ဟိုဘက်ရွာက အပျိုတွေငမ်း
ဒီဘက်ရွာက လူပျိုတွေနဲ့ ဖြန်း
ကြမ်းကြမ်းရမ်းရမ်းတော့ ဘာမှ မလုပ်ဘဲ
ဖျာစုတ်တစ်ချပ်ပေါ်လှဲရင်း
ပျင်းပြီးရင်း ပျင်းနေတော့
ဖျင်းပြီးရင်း ဖျင်းသပေါ့ တဲ့။
ဘကြီးရာ
ကိုယ့်ထမင်းကိုယ်စား
ဘကြီးနွား ကျောင်းနေရတာထက်စာရင်
ဖျာပေါ်ကျောခင်း
ပျင်းပြီးရင်း ပျင်းနေရတာကတော့ဖြင့်
နာမည် ပျက်လောက်ပေတဲ့
နေလို့တော့လည်း အချောင်သား ဗျ။

မြင့်သန်း

Read more...

ဒုက္ခ

သူငယ်ချင်းကို သတိရလို့ သူရေးထားတဲ့ ကဗျာလေးကို တင်လိုက်ပါတယ်။

ဒုက္ခ

နေတုန်းထိုင်တုန်း
အချက်ပြတော့
သူ့ကို သတိရတယ်။
ခပ်သုတ်သုတ်လှမ်းရင်း
ရှိနှင့်မနေဖို့ကို
ကြိတ်ဆုတောင်းမိတယ်။
ရောက်ပြီ
မရှိဘူး
သူ့ကိုလှပ်ပြီး
ကိုယ့်ကို လှပ်တယ်
စိတ်ဒုန်းဒုန်းချပြီး
ဘေးဘီကို ကြည့်မိတော့
ရေမရှိ ဘာမရှိ။ ။

ဆူးနစ်ရင်

Read more...

ကိုလူဝ နှင့် ကိုပိန်လှီ (ချက်ဟော့(ဗ်))

ကိုလူဝ နှင့် ကိုပိန်လှီ

အန်တွန် ပါဗလိုဗစ်(ခ်ျ) ချက်ဟော့(ဗ်)
ဇနိမြန်မာပြန်သည်။

အန်တွန် ပါဗလိုဗစ်(ခ်ျ) ချက်ကော့
ဇနိမြန်မာပြန်သည်။
နီကိုလိုင်စကီးရထားဘူတာတွင် သူငယ်ချင်းနှစ်ယောက် တွေ့ဆုံမိကြလေသည်။ တစ်ယောက်သည်ကား ခပ်၀၀ဖြစ်၍၊ ကျန်တစ်ယောက်သည် ပိန်သောသူဖြစ်သည်။ လူဝကြီးသည် ဘူတာတွင် ညစာ စားပြီးစဖြစ်၍ သူ၏နှုတ်ခမ်းများမှာ ဆီများဖြင့်ပေကျံကာ မှည့်နေသော ချယ်ရီသီအနီရောင်ကဲ့သို့ အရောင်များပြန်နေသည်။ သူ၏ထံမှ ရှယ်ရီဝိုင် နှင့် လိမ္မော်အရက်နံ့ ထွက်ကာနေလေ၏။ ကိုပိန်လှီသည်ကား ရထားတွဲမှ ထွက်လာကာစဖြစ်ကာ သေတ္တာများ၊ အထုပ်များ၊ ပုံးများဖြင့်အလုပ်ရှုပ်နေလေသည်။ သူ၏ထံမှ ၀က်ပေါင်ခြောက်နံ့ နှင့် ကော်ဖီမှုန့်နံ့ကား သင်း၍နေလေ၏။ ၄င်းသူ၏နောက်ကျောဆီမှ မေးရိုးရှည်ရှည်၊ပိန်ပိန်ပါးပါး အမျိုးသမီးတစ်ယောက် ပေါ်လာလေသည်။ ထိုလူ၏မိန်းမဖြစ်လေ၏။ အရပ်ရှည်ရှည်၊ မျက်လုံးမှုန်ကုပ်ကုပ်ရှိသော သူ၏သား မောင်ကျောင်းသားတစ်ယောက်သည်လည်း ထိုသူ၏နောက်ကျောဆီမှ ထွက်လာလေသည်။
- ပရိုဖီရီ- ကိုပိန်လှီကို မြင်၍ ကိုလူဝသည် လှမ်းအော်ခေါ်လိုက်လေသည်။ - မင်းမှ ဟုတ်ရဲ့လားကွာ။ ဟင် ငါ့ကောင်ကြီး။ ဘယ်နှဆောင်း၊ ဘယ်နှနှစ် ရှိပြီးလဲကွာ။
- ဟေ့ကောင်ကြီး။ - တအံ့အသြနဲ့ ပြန်အော်လိုက်သည် - မီးရှာ၊ ငယ်သူငယ်ချင်းကြီး။ ဘယ်ချောင်က ပေါ်လာတာလဲကွာ။
ငယ်သူငယ်ချင်းကြီးနှစ်ယောက်သည် တစ်ဦးနှင့် တစ်ဦး သုံးကြိမ်၊ သုံးခါ ပွေ့ဖတ်နှုတ်ဆက်ကြပြီး၊ တစ်ဦးကို တစ်ဦး မျက်ရည်အရွှမ်းသားဖြင့်မျက်လုံးခြင်းစိုက်ကာကြည့်နေကြသည်။ တကယ့်ကို နှစ်ဦးလုံးသည်ု ကြက်သေ သေသကဲ့သို့ဖြစ်နေကြသည်။
- ငါ့ကောင်ရာ - ပွေ့ဖတ်နှုတ်ဆက်အပြီး ကိုပိန်လှီက ရုတ်တရက်စပြောသည်။ - တကယ့်ကို မျှော်လင့်မထားဘူးကွာ။ အံ့သြသွားတာပဲ။ ငါ့ကိုသေချာကြည့်စမ်း။ အရင်လို ခန့်ချောကြီးပဲ မဟုတ်လားကွ ဟေ။ အရင်လိုပဲ ပျော်ပျော်နဲ့၊စတိုင်ကျကျ ပုံစံရော မဟုတ်လားကွ။ ဟ မင်းကတော့ ဘုရားသခင်ကများ မစထားတာလား။ ဘယ်လိုလဲဟ မင်းက။ ချမ်းသာနေတာလား။ အိမ်ထောင်ရော ကြပြီးလား။ ငါကတော့ မင်းမြင်တဲ့အတိုင်းပဲ၊ အိမ်ထောင်ကျနေပြီ။ ဒါကတော့ ငါ့ဇနီး လူအိဇာ၊ ဗာန်တစယ်ဘာတ့် မှာမွေးတဲ့ လူသဲရန်ဘာသာဝင်ပေါ့ကွာ။ ဒါက ငါ့သား နာဖာနာအိ(လ်)၊ သုံးတန်းကျောင်းသားကြီး။ အေး သူက နာဖာညာ ဟ၊ ငါ့ရဲ့ ငယ်ငယ်တုန်းက သူငယ်ချင်း။ အခြေခံကျောင်းတုန်းက အတူတူပေါ့တက်ခဲ့ကြတာပေါ့။
နာဖာနာအိ(လ်)က ခဏစဉ်းစားပြီး ဦးထုပ်ကို ချွတ်လိုက်သည်။
အခြေခံကျောင်းတုန်းက အတူတူကျောင်းတက်ခဲ့တယ်။ - ကိုပိန်လှီက ဆက်ပြောသည်။ မင်းကို နာမည်ပြောင် ဘယ်လိုခေါ်သလဲ မှတ်မိသေးလားကွ။ မင်းက ကျောင်းပြဌာန်းစာအုပ်ကို မီးရှို့ခဲ့လို့ ဂယ်ရိုစတတ်လို့ ပြောင်ခေါ်တာလေ။ ငါ့ကျတော့ သပုပ်လေလွင့်ပြောတတ်လွန်းလို့ဆိုပြီး အဲဖီအ(တ်) လို့ခေါ်တာလေ။ ဟ ဟ တကယ့်ကို လူရှုပ်ကလေးတွေပေါ့ကွာ။ နာဖာညာ ကို မကြောက်ပါနဲ့ဟ။ သူ့နားကို တိုးခဲ့ကြပါအုံး။ ဒါ ငါ့အမျိုးသမီး လူအိဇာ၊ ဗာန်တစယ်ဘာတ့် မှာမွေးတဲ့ လူသဲရန်ဘာသာဝင်ပေါ့ကွာ။
နာဖာနာအိ(လ်)သည် ခဏစဉ်းစားပြီး သူ့အဖေနောက်ကျောတွင် ကွယ်၍နေလိုက်သည်။
- ဘယ်လို လဲ။ အဆင်ပြေလား သူငယ်ချင်း။ - သူငယ်ချင်းကို စိတ်ဝင်စားစွာကြည့်ရင်း ကိုလူဝက မေးလိုက်တယ်။ ဘယ်မှာ အလုပ်လုပ်တာလဲ။ အလုပ်ရော လုပ်တုန်းပဲ မဟုတ်လား။
- လုပ်တုန်းပါပဲ သူငယ်ချင်းရ။ ရာဖြတ်အလုပ်ပါပဲ။ လခကတော့ မကောင်းပါဘူးကွာ။ အမျိုးသမီးကတော့ ဂီတသင်တန်းပေးတယ်လေ။ ငါ စီးကရက်ဘူးတွေကို တရားမ၀င်လုပ်တယ်ကွာ။ သိပ်ကောင်းတယ်ကွ ဘူးတွေက။ တစ်ဘူးကို တစ်ရူဘယ်နဲ့ရောင်းတယ်လေ။ တကယ်လို့ ဆယ်ဘူးနဲ့ အထက်ယူတယ်ဆိုရင် လျှော့ဈေးနဲ့ပေါ့ကွာ။ ကြုံသလိုလုပ်ပြီး ဘ၀ကို ခရီးဆက်ရတယ်ဟေ့။ အရင်က ဌာနတစ်ခုမှာကွာ၊ အခု ဒီကို ဌာနကြီးမှုးအနေနဲ့ ပြောင်းလာတာကွာ။ အခု ဒီမှာ တာဝန်ထမ်းရမယ်။ မင်းကရော။ အလုပ်ထွက်လိုက်ပြီလား။ ဘယ်လိုလဲ။
- မဟုတ်ဘူးဟ သူငယ်ချင်းရ။ နည်းနည်းမြှင့်တွေးလိုက်ဦး။- ကိုလူဝက ပြောသည်။ - ငါ လျှို့ဝှက်အမှုထမ်းအရာရှိဟ။ နှစ်ပွင့်။
ကိုပိန်လှီသည် ရုတ်တရက် မျက်နှာ ဖြူဖတ်ဖြူရော်ဖြစ်သွားပြီး မလှုပ်မယှက်ဖြစ်သွားသည်။ သို့သော် ခဏအတွင်းပင် သူ၏မျက်နှာတွင် အပြုံးပွင့်များပေါ်လာကာ မျက်နှာနှင့်မျက်လုံးများမှ အရောင်များ တလက်လက်ထွက်လာသည်။ သူသည် မိမိကိုယ်ကို ရှက်လာ၍ သူ၏ခါးသည်လည်းကွေးညွတ်လာကာ လူသည်လည်း ထင်သည်ထက် ကျုံ့ဝင်လာလေသည်။ သူ၏ သေတ္တာများ၊ အထုပ်များ၊ ပုံးများသည်ပင် ရှုံ့ဝင်၊ကျုံ့ဝင်သွားသကဲ့သို့ ထင်ရလေ၏။ သူ့မိန်းမ၏ မေးရိုးကြီးသည်လည်း ပို၍ရှည်ထွက်လာသကဲ့သို့ဖြစ်လာလေသည်။ နာဖာနာအိ(လ်)သည်လည်း မတ်မတ်ကြီးဖြစ်လာကာ သူ၏ ၀တ်စုံကြယ်သီးများကို ကယောင်ကတမ်းဖြင့် တပ်နေလေသည်။
- ကျွန်တော် လူကြီးမင်းနဲ့တွေ့ရတာ အလွန်ဝမ်းသာပါတယ်ဗျာ။ ငယ်သူငယ်ချင်းကြီး အင်း ပြောလို့ရမလား။ ဒီလို သြဇာအာဏာကြီးတယ်လို့တော့ ထင်မိပါတယ်ခင်ဗျာ။
- ဟာ ရပါတယ်ကွ။ - ကိုလူဝသည် မျက်နှာရှုံ့ကာပြောသည် - ဘယ်လို လေသံကြီးလဲကွ။ တို့ ငယ်ငယ်တုန်းက သူငယ်ချင်းတွေလေကွာ။
- ဘာကိစ္စ ဒီလို လေးလေးစားစားကြီးတွေက။
- ခွင့်လွှတ်ပါဗျာ။ - ပိုပြီးရိုရိုသေသေကြီးနဲ့ ကိုပိန်လှီက အတင်းထပ်ပြောသည် - လူကြီးမင်းရဲ့ ကြင်နာတတ်တဲ့ ဂရုစိုက်မှုက တကယ့်ကိုပဲ ကျွန်တော့်ကို ကြည်နူးလန်းဆန်းစေပါတယ်။ လူကြီးမင်းခင်ဗျား။ သူကတော့ ကျွန်တော်၏သား နာဖာနာအိ(လ်) ဖြစ်ပြီး သူမကတော့ ကျွန်ုပ်၏ဇနီး လူအိဇာဖြစ်ပါတယ်။
ကိုလူဝသည် တစ်ခုခုကိုပြန်လည်ပြောဆိုချင်သော်လည်း ကိုပိန်လှီ၏မျက်နှာတွင် အံ့သြသောအရိပ်အရောင်များ၊ မျက်နှာချိုသွေးနေခြင်းများ၊ ခပ်ချဉ်ချဉ်လေးစားမှုအရိပ်အရောင်များက လျှို့ဝှက်အရာရှိအား မနှစ်မမြို့ဖြစ်စေလေသည်။ ကိုလူဝသည် ကိုပိန်လှီထံမှ လှည့်ကာ၊ ကိုလူပိန်အားလက်ဆွဲနှုတ်ဆက်ရန် လက်ကမ်းပေးလိုက်လေသည်။ ကိုပိန်လှီသည်လည်း ကိုယ်လုံးကြီးအားတစ်ကိုယ်လုံးကွေးညွှတ်ကာ သုံးကြိမ်၊သုံးခါ အလေးပြု၍၊ ပါးစပ်မှလည်း တဟီဟီဖြင့်ထွက်ကာနေလေသည်။ မိန်းမ၏မျက်နှာသည်လည်း ပြုံးစိစိဖြစ်နေလေသည်။ သားဖြစ်သူ နာဖာနာအိ(လ်)သည်လည်း ခြေတစ်ဖက်ဒရွတ်ဆွဲကာ ဦးထုပ်သည်လည်းပြုတ်ကျသွား၏။ သားအမိ၊သားအဖသုံးယောက်သည် ကမောက်ကမအနေအထားတွင် ရှိနေလေတော့သည်။

ပြီး၏။

Read more...