ကွန်နာဂစ်

>> Saturday, May 17, 2008


ကွန်နာဂစ်

ကျွန်မဘယ်လိုပင် မြန်မြန်အရောက်သွားဖို့ ကြိုးစားခဲ့ပေမဲ့ တကယ်တမ်း ကျွန်မရောက်ရှိသွားချိန်မှာတော့ လယ်စပ်ချောင်းစပ်နှင့် မြစ်ရိုးတစ်လျှောက်တွင် သနားစဖွယ်အသံလေးဖြင့် အော်မြည်နေသော ကွန်နာဂစ်ငှက်ကလေးများစွာကိုပဲ တွေ့မြင်ခွင့်ရခဲ့တော့သည်။ ကွန်နာဂစ်ငှက်ကလေးများမှာ အဖို၊ အမ၊ ငှက်ပေါက်စသည်ဖြင့် အရွယ်စုံပင်။ သားငယ်သမီးငယ်ရှာသူအသံကတစ်မျိုး၊ အဖေအမေပျောက်ရှာသူအသံကတစ်ဘာသာ၊ တပည့်ပျောက်ဆရာ့အသံကတစ်ဖုံပေမဲ့ အလုံးစုံသောအသံများ၏ တူညီသောကာရန်မှာ ကြေကွဲခြင်းသာဖြစ်နေ၏။ “မြစ်တစ်စင်းမှ၊ ချစ်ခြင်းအားဖြင့် ချောင်းကိုဆင့်ရာ.. “အစရှိသည့်မြစ်နှင့်ချောင်းတို့၏ လူသားများအပေါ် အကျိုးပြုပုံကိုဖွဲ့ထားသော ကျွန်မကဗျာတစ်ပုဒ်သည်လည်း ကွန်နာဂစ်ငှက်ကလေးများ၏ မျက်ရေဖြင့် ဆွေးမြည့်စုတ်ပြတ်သွားခဲ့ပြီ။



ကွန်ဂဒူး
မင်းသုဝဏ်

ချောင်းရေကလျှံ ကန်ရေကတိုး၊ ကြိုလာပါနဲ့ ရွှေရောင်ရစ်ကယ်၊ ရေနစ်မှာပါတဲ့စိုး။ ။
သားငယ်ကလေးကို ခါးထစ်ခွင်ချီ၍လည်းကောင်း၊ ကောက်စိုက်တံကို လက်တစ်ဖက်တွင် စွဲကိုင်၍လည်းကောင်း၊ ပီလမခေါ်သော ဂဒူးကြီးကို ဦးခေါင်းထက်တွင်အုပ်ဆောင်း၍လည်းကောင်း မွန်ကောက်စိုက်မလေးသည် သီချင်းကလေးတကြော်ကြော်နှင့် တော်ထနီးရွာကလေးမှထွက်လာသည်ကို မွန်လူမျိုးတို့ မတိမ်ကောသေးမီရှေးအခါက တွေ့ရပေသည်။ သီချင်းကလေးတအေးအေးနှင့်ပင်ဖြစ်သော်လည်း အဆိုပါမွန်မလေးသည် ပျော်ပါးရွှင်ပျနေသည်မဟုတ်၊ နှလုံးအတွင်း၌ တောက်လောင်လျက်ရှိသော ပရိဒေဝမီး၏ အေးယောင်ယောင်နှင့် ပူလောင်လှသောမီးလျှံသည် သီချင်းအဖြစ်နှင့်ထွက်ပေါ်လာခြင်းဖြစ်သည်။ အနောက်တောင် ဒီဆိုင်ကျွန်းညို့ကြီးမှ တမည်းမည်း တက်ရောက်ပွားများလာသော တိမ်တောင် တိမ်လိပ် မိုးသားမိုးသွေးတို့က လွမ်းဟောင်းတွင် လွမ်းသစ်ကို လောင်းလေသောကြောင့် ကွယ်လွန်သူယောက်ျားသည် အချစ်ဦးအား တမ်းတလျက် စိတ်ရူးပေါက်တိုင်း သီဆိုခြင်းဖြစ်၏။ မိုးသည်အလွမ်းဓာတ်ကို ပွားများစေတတ်၏။ ထို့ကြောင့်ပင်လျင် ရှေးစာဆိုကဝိကြီးများက မိုးရာသီရွာသွန်းသောမိုးကို “လွမ်းတုန်းရွာသောမိုး“ဟု ခေါ်ဝေါ်သမုတ်၍ အသိအမှတ်လုပ်ကြလေသည်။ စစ်ပွဲသဘင်စံရွှင်တော်မူခိုက် ခေတ္တမျှကွဲကွာနေသော တောင်ငူဘုရင်နတ်ရှင်နောင်ကို မြောက်သားတော် ရာဇဓာတုကလျာက “ညွှတ်ရုံးကြာတူ၊ ဖော်နည်းသူကို၊ သည်းအူပြတ်ခေါင်၊ ကြွေလွယ်အောင်လျင်၊ လေဆောင်ပြင်းထန် ကြောက်ဖွယ်လွန်စွ“ စသည်ဖြင့် ဖွဲ့နွဲ့လွမ်းဆွတ်ပါလျင် မပြန်သောခရီးကို တစ်ကိုယ်တည်းသွားရရှာသော ခင်ပွန်းသည်အား အဆိုပါမွန်မုဆိုးမလေးသည် မည်မျှလွမ်းဆွတ်တသမည်ကို မတွေးတတ်အောင်ရှိတော့သည်။ လွန်ခဲ့သောမိုးရာသီက ဤသို့မိုးညို့သောအခါတွင် ဤရွာထွက်ခရီး၌ မိမိတို့မောင်နှံစုံတို့သည် ပျော်ပျော်ပါးပါးခရီးသွားခဲ့ကြဖူး၏။ ထိုမျှမကသေး၊ ငယ်စဉ်တောင်ကျေးကလေးဘဝစဉ်ကလည်း ဤခရီးတွင် နှစ်ယောက်တွဲ၍ အကြိမ်ပေါင်းများစွာရွှင်နွှဲခဲ့ဖူးကြ၏။ ယခုအခါတွင်ကား သားငယ်နှင့်မိမိသာရှိ၏။ သားငယ်၏ဖခင်ကား ရွာပြင်ကထိန်ပင်အောက်တွင် တစ်ယောက်တည်းဆွေးမြည့်ရှာလေပြီ။ မြေသြဇာဖြစ်ရလေပြီ။ ထို့ကြောင့်ပင်လျင် အသည်းအူပြောင်းပြန်လန်လောက်အောင် လွမ်းဆွတ်ကြေကွဲရခြင်းဖြစ်၏။ မိခင်၏တေးသံဖြင့် ဘာမသိညာမသိမြူးထူးနေသော သားငယ်သည်ကား မိခင်၏ဆံပင်ကို ဆွဲလိုက်၊ တွတ်တီးတွတ်တာပြောလိုက်၊ ပြုံးလိုက်ရယ်လိုက်ရှိရှာ၏။ မိုးသာလျင် မွန်မလေး၏အလွမ်းကို ပွားများစေသည်မဟုတ်။ သားငယ်ကလေးသည်လည်း ပွားများစေသည်ဖြစ်သည်။ မိုးနှင့်သားငယ်သာမဟုတ်သေး။ ဤရပ်ဤရွာ ဤခရီး ဤလမ်း ဤလယ် ဤတောတို့သည် မိမိတို့၏ ရှေးဖြစ်ရှေးဟောင်းရာဇဝင်ကြောင်းကို ကွက်ကွက်ကွင်းကွင်း ဇာတ်ခင်း၍ပြလေသောကြောင့် အလွမ်းအားဆေးကြီးဖြစ်တော့သည်။ တဖြည်းဖြည်းနှင့်ပင် မွန်မလေး၏မျက်နှာသည် မိုးမင်းကို ဂုဏ်ပြိုင်၍ ညှိုးမှိန်လာလေ၏။ မိုးရွာလျင် ရွာချင်းယိုထွက်ပါအံ့ ဟူသော အဓိဋ္ဌာန်ကြီးဖြင့် အခါလင့်၍ ရှိသောမျက်ရည်တို့သည်ကား ပန်းပြေးပွဲတွင် တာစူနေသောသူတို့နှင့်သာ တူတော့၏။
ထိုသို့လွမ်းတစ်ခါဆွေးတစ်လှည့်နှင် တေးဖွဲ့၍့လာခဲ့ရာ မိမိတွက်တာဝေပုံချထားသောငန်းဦးသို့ ရောက်လာလေ၏။ ကူညီမည့်သူလည်းမရှိ၊ အားပေးမည့်သူလည်းမရှိ။ အားငယ်ဖွယ်ပင်ဖြစ်တော့၏။ အလုပ်တွင်စိတ်မပါတော့။ ကန်သင်းပေါ်တွင် ထိုင်၍ချောင်းပေါက်အောင် ငိုကြွေးချင်တော့၏။ တစ်မိုးလုံးပြည့်နေသောတိမ်တိုက်များ လွှင့်စဉ်ပျောက်ပျက်သွားအောင် ဟစ်အော်လိုက်ချင်တော့၏။ သို့ပါသော် လည်း သားငယ်နှင့် မိမိအတွက်ဝမ်းစာရေးက ရှိလေသေးသည်။ ပြည်တွင်းရေးထက်ဝမ်းရေးခက်၊ ဝမ်းရေးထက် လွမ်းရေးခက်ဟုဆိုသော်လည်း ဝမ်းရေးကို လုံးလုံးလျစ်လျူမရှု့နိုင်။ မိမိတစ်ကိုယ်အတွက် မထောင်းသာသော်လည်း ဖတဆိုးသားလေးအတွက် အရေးကြီးလေသည်။ လွမ်းဆွေးနေ၍ မည်သူကမျှ ကြင်နာမည်မဟုတ်။ ပြည့်စုံခြင်း သမတ္တိသာ အရသာကို ခံစားနေရသော လောကကြီးကား မိမိ၏ပရိဒေဝမီးကို နားလည်နိုင်မည် မဟုတ်ပေ။ အရိပ်အမြွက်မျှ သိဖို့ပင်လျင်ခဲယဉ်းလှ၏။ ဆင်းရဲသူ မုဆိုးမကလေးဖြစ်လေသောကြောင့် အထူးတလည် လျစ်လျူရှု့ကြမည်ဖြစ်၏။ ထို့ကြောင့် လမုပင်ကြီးတစ်ခု၏ အရိပ်အောက်မြေညီ၌ သားငယ်ကလေးကိုဂဒူးထဲတွင် သိပ်ထား၍ နောက်ဆံတငင်ငင်နှင့်ပင် လုပ်ငန်းသို့ ဝင်ရလေတော့၏။ လုပ်ငန်းသို့ဝင်ရသော်လည်း အလုပ်တွင်စိတ်မရှိ။ ကောက်စိုက်တံနှင့် ပျိူးပင်ကလေးတို့သည်လည်း မိမိတို့ဘာဝအလျောက် စိုက်သူကစိုက် ပေါက်သူကပေါက်လျက် အကွက်ကျကျ ဖြစ်နေကြကုန်၏။ မတည်သောစိတ်သည်ကား အရပ်ဆယ်မျက်နှာတွင် လွင့်ပါးလျက်ရှိ၏။ ဗျိုင်းဖြူကလေးများ ပျံသည်ကိုမြင်လျင် သူတို့နှင့်ရော၍ပျံ၏။ တိမ်တိုက်ကြီးများလွင့်နေသည်ကို မြင်လျင် သူတို့နှင့်ရော၍လွင့်၏။ လယ်ကတွတ်ပေါက်မှ တသွင်သွင်စီးကျနေသော ရေသံကိုကြားလျင် ယင်းတို့နှင့်ရော၍ ကြွေးကြော်သီဆို၏။ လောကဓာတ်တစ်ခုလုံးတွင် မည်သည့်အရာကိုမျှ အတည်တကျ သတိရသည်မရှိ။ သားငယ်ကလေးကိုပင်လည်း တစ်ချက်တစ်ချက် မေ့လျော့မိတော့၏။ ပရိဒေဝမီးကား ပူပြင်းလေစွတကား။ သို့ဖြင့် မွန်းတည့်ရာတွင်မှ မွန်းတိမ်း၊ မွန်းတိမ်းရာမှ နေစောင်းခဲ့၏။ အလုပ်ချိန်လည်းကုန်လေပြီ။ တစ်ကိုယ်လုံးလည်း အေးစက်တောင့်တင်း၍ မောပန်းနွမ်းလျလေပြီ။ သားငယ်ကိုပိုက်၍ အိမ်ပြန်ဖို့သာ ကျန်တော့သည်။ ကန်သင်းမျှမပေါ်နိုင်။ တက်ရေဖြင့်ဖွေးလျက် ပင်လယ်ပြင်နှင့်တူသောလယ်ကွင်းကို ဖြတ်ကျော်၍ သားငယ်ရှိရာသို့ မျှော်ကြည့်လေ၏။ မြေပြင်ကိုမမြင်ရ။ ရေပြင်ကိုသာမြင်ရလေတော့၏။ ထိုအခါမှမျက်လုံးမျက်ဆန်ပြူး၍ ပူပန်ခြင်းပြင်းစွာနှင့် ပြေးသွားရှာဖွေသော်လည်း မတွေ့ရတော့ချေ။ သားငယ်နှင့်တကွသော ဂဒူးကြီးသည်ကား တက်ရေတွင် မျောပါသွားရှာလေပြီ။ ကယ်ပါယူပါနှင့် တစာစာအော်သော်လည်း အနီးပတ်လည်တွင် လူမရှိ။ ဆူးခြုံထဲတွင် ရှိနိုးနိုး၊ ဓနုတောထဲတွင် မြင်ရနိုးနိုးနှင့် တောင်ပြေးကာ၊ မြောက်ကူးကာ ဒေါင်းတောက်အောင်ရှာသော်လည်း ဖတဆိုးလူမမည်လေးကို ဘယ်တွင်မျှမတွေ့ရတော့ချေ။ ကံဆိုးမသွားလေရာ မိုးလိုက်လို့ရွာပြီတကား။

“အိုလူကလေးရဲ့၊ ရွှေသွေးရဲ့၊ မင်းဘယ်ကိုသွားလေပြီလဲ။ မင်းအဖေရေနံချောင်းကို မုန့်ပေါင်းသွားဝယ်တာ မစောင့်နိုင်လို့ လိုက်သွားပြီလားကွယ့်။ မပဋာရဲ့သားတွေလို ရေတွင်နစ်၍ဆုံးရှာပြီလား။ စွန်ချီ၍ပျောက်ရှာပြီလား။ ယောက်ျားသေစဉ်က ဖြေစရာသားကျန်သေး၏။ သားသေပြန်တော့မိခင်မှာ ဘယ်လိုခဲလို့ဖြေရပါ့မလဲ။ ရွာပြန်သွားလို့ ညည်းသားဘယ်မှလည်း မေးရင်မိခင်ဘယ်လိုပြောရမယ်။ မိတ္ထီလာကန်တော်အောက်က ဖားကောက်ခဲ့တဲ့လူတွေကိုမှ မစောင့်နိုင်တော့ဘူးလားကွယ်။ လူကလေးအိပ်ချိန်တန်လို့ ဗျိုင်းရှေ့ကပျံပါပြီ။ လူကလေးထွက်ခဲ့ပါတော့။ မြစ်ဧရာနဒီတွင်းမှာ ငါးကြင်းဖမ်းသွားရော့သလားကွယ်။”
မွန်မကလေးမှာ လင်သေရာတွင် သားဆုံးပြန်သဖြင့် အရူးလုံးလုံးဖြစ်ရလေတော့သည်။ “တစ်ပူပေါ်တစ်ပူထပ် မလပ်ကလေးရယ်တဲ့ ဘယ်ညာ“ဆိုသော ဘဝသို့ရောက်ရလေတော့၏။ ထမင်းမှန်း မသိဟင်းမှန်းမသိ၊ ရင်ဘတ်ကလေးထုကာ၊ နဖူးကလေးရိုက်ခါနှင့် ငိုကြွေးမြည်တမ်းလျက် ရေစုန်ရေဆန်လိုက်၍ သားပျောက်ကိုရှာ၏။ တွေ့သမျှ လှေသမားတို့ကိုလည်း “သားငယ်ကလေးတစ်ယောက် မျက်လုံးဝိုင်းကလေးနှင့် ဂဒူးကြီးစီးပြီးသွားတာ မတွေ့လိုက်ကြဘူးလားရှင့်။ တော်ထနီးရွာက သူ့မိခင်ကို ဘာလက်ဆောင်ပါးလိုက်သေးလဲရှင့်”စသည်ဖြင့် မေးမိမေးရာမေးလေတော့၏။ ညဉ့်မှန်မသိ၊ နေ့မှန်းမသိ တငိုငိုတယိုယိုနှင့် သားပျောက်ကိုရှာရင်း ပင်မြစ်ရိုးတွင် ရင်ကွဲ၍ သေပွဲသို့ဝင်ရှာလေတော့၏။ အလွမ်းဇာတ်သိမ်း၍ အပူဇာတ်ဆုံးလေတော့၏။

သို့သော် ထိုမွန်မကလေးသည် သားငယ်ကိုစွဲလန်းသောစိတ်နှင့် သေရှာလေသောကြောင့် နောင်ဘဝ၌ “ကွန်ဂဒူး“ငှက်ကလေးဖြစ်လာသည်ဟု လူကြီးသူမများက ပြောပြန်လေသည်။ သို့ဖြစ်လျင် အပူဇာတ်မဆုံးသေး။ အကြောင်းသော် နေညိုညိုညနေစောင်းအခါများ၌ မြစ်ရိုးတစ်လျှောက်တွင် သနားစဖွယ် အားငယ်သောအသံကလေးနှင့် အော်မြည်နေသော ကွန်ဂဒူးငှက်ကလေးကို ယနေ့ထက်တိုင်အောင် ကြားမြင်ရပါသေးသည်။ ပျောက်ဆုံးရှာသော သားငယ်လေးကို တွေ့ရနိုးမြင်ရနိုးနှင့် မြစ်ရိုးတစ်လျှောက်တွင် ရှာဖွေနေတုန်းပင် ဖြစ်လေရော့သလားမသိ။
(“ကွန်”ကား မွန်အခေါ်ဖြင့် “သားငယ်”ဟု ဆိုလို၏ ။“ဂဒူး”ကားဓနိအင်ဖက်၊ စလူရွက်တို့ဖြင့် ချုပ်စပ်ပြုလုပ်ထားသော ဆောင်းစရာပီလမဖြစ်လေသည်။)

Read more...

မင်းနှင့်ပြည်သူ

>> Thursday, May 15, 2008




ဒီpostလေးကို ကျွန်မချစ်မမ မသီတာဆီက ခွင့်ပြုချက်နဲ့ ကျွန်မတို့ဘလော့ကို လာလည်သူ တွေအတွက် ဝေမျှလိုက်ခြင်းပါ။ ဧရာနဲ့သီတာကတော့ သူတို့ချစ်တဲ့မြန်မာပြည်ကို သူတို့လို လိုက်ဖက်ညီတဲ့အတွဲလေး ရစေချင်နေကြပြီ။

မင်းနှင့်ပြည်သူ
ဧရာ (မန္တလေး)
ဤအ၀ိရောဓေန၊ တရားကိုမကျင့်ဆောင်၊ ပြည်သူတို့နှင့်ဆန့်ကျင်ဘက်ပြုလျှင် ပြည်သူတို့မုန်း၍အလိုရှိရာသခင်ရှာပြီးလျှင် မင်းကိုဖျက်ဆီးသည်။ မင်းအားကြီး၍ ပြည်သူတို့က မဖျက်ဆီးနိုင်လျှင်လည်း အခြားနိုင်ငံသို့သွား၍ ပြည်ပျက်သည်။ ဤကဲ့သို့ပြည်သူနှင့်ဆန့်ကျင်ဘက်ပြု၍ပျက်စီးသည်ကား မရေတွက်နိုင်။ ငါးရာငါးဆယ်ဇာတ်၊ ရာဇ၀င်တို့၌အများပင် ဖြစ်လေသည်။ မျက်မြင်ကိုယ်တွေ့ဖြစ်ရသည်လည်း များလှလေပြီ။

[ရာဇဓမ္မသင်္ဂဟကျမ်း - ယောမင်းကြီးဦးဘိုးလှိုင်]


ဘုရားအလောင်းတော် ဝေဿန္တရာမင်းသည် သဗ္ဗညုတဉာဏ်ကိုရည်သန်၍ ဒါနပါရမီကို ဖြည့်တင်းတော်မူခဲ့ရာ၊ ၀တ္ထုပစ္စည်းတို့ကို မဆိုထားလင့် မိမိနှလုံးသားကိုပင် အလှူခံယူသူရှိက လှူအံ့ဟုငယ်စဉ်ကပင်အဓိဋ္ဌာန်ထားခဲ့သည်။သို့အားလျော်စွာ အခါတစ်ပါးတွင်မိုးခေါင်ရေရှား၍ ဒုဗ္ဘိကန္တရကပ်ဆိုက်ရောက်နေသော ကလိင်္ဂတိုင်းအား များစွာသောကရုဏာသက်၍ ပစ္စယ ဆင်ဖြူတော်အား လှူဒါန်းခဲ့သည်။ ဤသည်ကို မိမိ၏ စေတုတ္တရာတိုင်းသာပြည်သူတို့က သဘောမကျ။ အမျက်ပြင်းစွာထွက်ကြ၍၊ ဝေဿန္တရာမင်းအား တိုင်းပြည်မှ နှင်ထုတ်ပါရန် ခမည်းတော် သိဉ္စည်းမင်းအား တောင်းဆိုကြ၏။ သက်ဦးဆံပိုင်မင်းဖြစ်သော သိဉ္စည်းမင်းက ဝေဿန္တရာသည်လည်း မိမိ၏သားဖြစ်၏။ စေတုတ္တရာတိုင်းသားတို့လည်း မိမိ၏သားသမီးများ ဖြစ်၏။ သားသမီးများ အချင်းများရာတွင် တစ်ယောက်နှင့်အများဖြစ်ပါက အများကို အနိုင်ပေးရမည်။ ထို့ကြောင့် မင်းကြီးသည် သားတော် ဝေဿန္တရာအား ချစ်လျက်နှင့် နိုင်ငံမှထွက်ခွာရန် အမိန့်ထုတ်ခဲ့သည်။
ပစ္စယဆင်ဖြူတော်သည် ဝေဿန္တရာမင်း၏ ဘုန်းကံကြောင့် ပေါ်သော ဆင်ဖြူတော်ဖြစ်သည်။ အလှူသည် ငတ်မွတ်ခေါင်းပါးဘေးဆိုက်နေသည့် လူအပေါင်းအားကယ်တင်လိုသော စေတနာ ဖြစ်သည်။ သဗ္ဗညုတဉာဏ်တော်ကို ရည်စူး၍ပြုသောမြတ်သောအမှုဖြစ်သည်။ မိမိ၏အမှုအပေါ်တွင် စိုးစိမျှ အပြစ်မြင်ဖွယ် မရှိသော်လည်း၊ ပြည်သူ၏ ဆန္ဒကိုလေးစားသောအားဖြင့် မင်းစည်းစိမ်ကိုစွန့်၍ ပြည်နှင်ဒဏ်ကို ကြည်ဖြူစွာ ခံယူခဲ့သည်။
မဟာသုတသောမဇာတ်တွင် ဘုရားအလောင်းတော် သုတသောမမင်း၏ ပညာသင်ဘက် ဗြဟ္မဒတ်မင်းသည် သားစားကြူးသူဖြစ်သည်။ စားတော်ဆက်သည် ‘ရသက’ ဖြစ်သည်။ ရသကသည် ပွဲတော်ဆက်တိုင်း အသားဟင်းကို ထည့်၍ ဆက်ရသည်။ အသားမရသော တစ်နေ့တွင် လူသားကိုချက်၍ ဆက်မိသည်မှစ၍ နောက်ဆုံးတွင် လူသားကို မစားရမနေနိုင်အောင် တပ်မက်သွားသော မင်းဖြစ်သည်။ ထို့ကြောင့်ပင် ပေါရိသာရ (လူသားစားသူ)ဟုအမည်ရသည်။ ရသကနှင့် ပေါင်းကာ ကောက်ကျစ်သောနည်းလမ်းများဖြင့် လူသားရအောင် ဖန်တီးကာ လူသားကို ပွဲတော်တည်သော မင်းဖြစ်သည်။ အကြောင်းစုံကို ပြည်သူတို့သိသောအခါ တိုင်းပြည်မှနှင်ထုတ်ခဲ့သည်။ လူကြမ်းပေါရိသာရမင်းသည် ပြည်သူ၏ ဆန္ဒကို မပယ်ရှားပဲ၊ မင်းအာဏာကို စွန့်ကာ ရသကကိုသာ ခေါ်၍ တိုင်းပြည်မှ ထွက်ခဲ့သည်။ “မရ, ရသက ချိုင်” ဟုဆိုစမှတ်ပြုရလောက်အောင် စားစရာလူသားရှားလာသောအခါ မိမိ၏ စားတော်ဆက်အဖော် ရသကကိုပင် သတ်၍ စားသော မင်းဖြစ်သည်။
နောင်တွင် မိမိဖမ်းမိထားသော သုတသောမမင်းနှင့် ‘သတာရဟ’ ဂါထာလေးဂါထာအား ဟောကြားပါက လိုရာဆုလေးဆုပြန်ပေးမည်ဟု ပေါရိသာရက ကတိစကားပြုသည်။ သုတသောမမင်းက ‘သတာရဟ’ ဂါထာလေးဂါထာ အား ဟောကြားကာ တောင်းဆု လေးဆု တောင်းသည်။ နောက်ဆုံး တောင်းဆုဖြစ်သော ‘လူသားမစားရန်’ အချက်ကို ပေါရိသာရက အလွယ်တကူလက်မခံလို။ ထိုအခါ သုတသောမမင်းက “ခန္ဓာကိုယ်နှင့် စည်းစိမ်ဥစ္စာယှဉ်လာ လျှင်ခန္ဓာကိုယ်အတွက် စည်းစိမ်ဥစ္စာကိုစွန့်ရသည်။ အသက်နှင့် ခန္ဓာကိုယ်ယှဉ်လာလျှင်အသက်အတွက် ခန္ဓာကိုယ်ကို စွန့်ရသည်။ အသက်နှင့် ကတိသစ္စာယှဉ်လာလျှင် ကတိသစ္စာအတွက် အသက်ကိုပင် စွန့်ရ၏” ဟုဟောရာ ပေါရိသာရက မိမိပေးထားသော ကတိကို မပယ်ဖျက်ပဲ မင်းအာဏာနှင့်ပင် လဲခဲ့သောလူသားစားခြင်းကို စွန့်ကာငါးပါးသီလမြဲသွားခဲ့သည်။ ထို့ကြောင့်ပင် ပေါရိသာရသည် ဂေါတမဘုရားလက်ထက်တော်၌် အင်္ဂုလိမာလမထေရ် အဖြစ် ကျွတ်တမ်းဝင်သွားခဲ့လေသည်။
နှလုံးသားနုသော ဝေဿန္တရာမင်းသည် မိမိကမှန်သည့်တိုင် ပြည်သူ့ဆန္ဒကို လေးစားသဖြင့် မင်းစည်းစိမ်ကိုကြည်ဖြူစွာစွန့်ခဲ့ဖူးသည်။ လူသားစားသော လူ့ဘီလူးလူကြမ်းကြီး ပေါရိသာရသည်လည်း ပြည်သူ့ဆန္ဒကိုမလွန်ဆန်ပဲ မင်းအာဏာကို စွန့်ခဲ့သောထုံးရှိ၏။ ပြည်သူကိုဆန့်ကျင်သောမင်းတို့သည် ပျက်စီးရသည်။ မင်းတို့အားကြီး၍ ပြည်သူကမတော်လှန်နိုင်လျှင်လည်း၊ အသိပညာရှိသောရဟန်းရှင်လူတို့ ပြည်ရွာကို စွန့်ခွာကာ တစ်ပါးသောတိုင်းပြည်သို့ ခိုလှုံကြ၍ တိုင်းပြည်ပျက်တတ်ကြောင်း ယောမင်းကြီးဦးဘိုးလှိုင်က သတိပေးခဲ့ဖူးသည်။
[မောင်ထင်၏ “ယောမင်းကြီးဦးဘိုးလှိုင်– အထ္ထုပ္ပတ္တိ နှင့် ရာဇဓမ္မသင်္ဂဟကျမ်း”၊ ဦးရွှေအောင်၏ “ဗုဒ္ဓ– လောကသားတို၏ အနှိုင်းမဲ့ကျေးဇူးရှင်– ကိုယ်တွေ့ဗုဒ္ဓ၀င်” တို့မှ ကောက်နှုတ်ဖော်ပြပါသည်။]
ဧရာ (မန္တလေး)

Read more...

ဘဝတူ

>> Wednesday, May 14, 2008

ဒီနေ့ကသူ့အတွက်အရေးကြီးဆုံးနေ့။ လူတွေမှာအရေးကြီးဆုံးနေ့တွေ ကိုယ်စီကိုယ်ငှရှိကြမှာပါ။ ဒါပေမယ့် သူ့အဖို့တော့ ဒီနေ့လောက်အရေးကြီးတဲ့နေ့ သူ့ဘဝမှာမရှိဘူးလို့ထင်တယ်။ နောင်လဲရှိလာမှာမဟုတ်ဘူးလို့ယုံထားပြီးသား။ ဟုတ်တယ်လေ၊ ခင်ဗျားတို့ပဲစဉ်းစားကြည့်၊ လူငယ်တစ်ယောက်အဖို့ ကောင်မလေးတစ်ယောက်ဆီက အဖြေရမယ့်နေ့လောက် ဘယ်လိုနေ့မျိုးကများပိုအရေးကြီးဦးမှာလဲ။ အီရတ်မှာအမေရိကန်တွေရက်စက်နေတာ၊ လက်ဗ်နွန်မှာ ဟစ်ဇဘိုလာတွေသောင်းကျန်းနေတာ၊ အိုဘားမားနဲ့ကလင်တန်တို့ စကားရည်လုပွဲဆင်နွှဲနေတာ၊ သူ့ကိုဘာမှလာမပြောနဲ့။ အဲဒါတွေထက်အရေးကြီးတာသူ့မှာရှိပြီးသား။ ဒီနေ့လေးကိုရောက်ဖို့ သူ့မှာစောင့်စားလိုက်ရတာ၊ ရင်တွေခုန်လိုက်ရတာ၊ ဆုတွေတောင်းလိုက်ရတာ၊ အကြာကြီးပဲလို့အောက်မေ့မိတယ်။ အဖြေရမယ့်ရက်ကပိုနီးလေ၊ ပိုကြာတယ်လို့ထင်မိလေပဲ။ ကောင်မလေးကလဲ အဖြေမရသေးခင်အတောအတွင်း သူ့ကိုလာမတွေ့ဖို့အမိန့်ထုတ်ထားလေရဲ့။

မေလဆိုတာမျိုးက ဒီနိုင်ငံရာသီဥတုမျိုးနဲ့ သိပ်စိတ်ကူးရင်လို့ကောင်းတာ။ လမ်းဘေးမှာလဲ မြက်ပင်လေးတွေစိမ်းစိုနေပြီ။ မကြာခင် ပန်းပင်တွေစိုက်ဖို့ ဒီဇိုင်းမျိုးစုံနဲ့လမ်းဘေးဝဲယာမှာအကွက်ဖော်နေကြပြီ။ မြက်ပင်လေးတွေကြားမှာ အဝါရောင်ရိုးတံရှည်ရှည်လေးတွေနဲ့ပန်းလေးတွေကလဲလှမှလှ။ မြန်မာပြည်မှာဆိုရင်တော့ စိန်ခြယ်ပန်းလိုမျိုးပေါ့။ ညနေ၊ညနေဆို သူ့မှာစိတ်ကူးတွေယဉ်ပြီး လမ်းလျှောက်ထွက်လိုက်ရတာအမော။ ဘေးဘီဝဲယာက မျက်နှာဖြူအလှပိုင်ရှင်တွေတောင် မငေးမောနိုင်ရှာဘူး။ သူကလဲအရင်တည်းက ရင်ဘတ်လေးကော့ပြီးခပ်ကျော့ကျော့လေးလမ်းလျှောက်လေ့ရှိတာ၊ ခုဆိုရင်ဘတ်ကရှေ့ကိုပိုတောင်ကော့တက်နေသလိုပဲ။ သူကတော့ဘယ်သူ့မှဂရုမစိုက်နိုင်ဘူး။ ကောင်မလေးဆီကအဖြေရဖို့က သူ့အတွက်အရေးကြီးဆုံးသောမစ်ရှင်ပဲ။ ရာသီဥတုကလဲသိပ်မအေးတော့၊ လည်ထောင်ဆွယ်တာအပါးလေးတစ်ထပ်ဝတ်ပြီး၊ အပေါ်ကမိုးကာအင်္ကျိစအပါးလေးတစ်ထည်ကို ရင်ဘတ်လေးဟပြီးဝတ်လိုက်ရင်အဆင်ပြေပီ။ ဘောင်းဘီကတော့ ဂျင်းလိုမျိုးထူထူကြီးဝတ်စရာမလိုတော့ဘူး။ ခပ်ပါးပါးပဲ၊ လမ်းလျှောက်ရတာအဆင်ပြေတာမျိုးပဲဝတ်လို့ရနေပီ။ ဖိနပ်ကလဲ ဖြူစွတ်နေတဲ့ရှူးလေးနဲ့ပေါ့။

ကောင်မလေးဆီကအဖြေမရခင်ရက်ပိုင်းတွေမှာ၊ သူပိုပြီးလမ်းလျှောက်ဖြစ်တယ်။ ကောင်မလေးဆီလဲမသွားရ၊ အခန်းထဲမှာချည်းနေရတာလဲငြီးစီစီဖြစ်နေတော့ ညနေပိုင်းလမ်းလျှောက်ထွက်လိုက်တာကမှ၊ သူ့အတွက်ပိုပြီးအဆင်ပြေတယ်လေ။ လေထဲမှာလွင့်နေတဲ့ အဖြူရောင်ဝါဂွမ်းလိုမျိုးလေးတွေကိုလဲ လက်နဲ့လိုက်ဖမ်းဆုပ်ကစားရင်း သူငယ်ငယ်တုန်းက စာမေးပွဲတွေအပြီး ကျောင်းကနေအိမ်အပြန်လမ်းမှာ ညောင်ပင်ကြီးပေါ်ကကြွေကျတတ်တဲ့ ညောင်ရွက်တွေကိုလိုက်ဖမ်းရင်းနဲ့၊ စာမေးပွဲအောင်မလားဆိုတဲ့အဖြေထုတ်ကစားကြတာကိုလဲ သွားသတိရမိတယ်။ ခုလဲလေထဲမှာလွင့်နေတဲ့ အဖြူရောင်ဝါဂွမ်းလိုမျိုးလေးတွေလိုက်ဖမ်းရင်းနဲ့ ကောင်မလေးဆီကသူလိုချင်တဲ့အဖြေရမှာလားဆိုတာသိချင်နေမိတယ်။

ပြသနာက ကောင်မလေးဆီကအဖြေမရခင် တစ်ရက်မှာစဖြစ်တာ။ အဲဒီနေ့က ပျင်းပျင်းနဲ့အိပ်ယာပေါ်ကနေတီဗွီကြည့်ရင်းနဲ့ သူအိပ်ပျော်သွားတယ်။ အိပ်မက်ထဲမှာ သူ့ချစ်သူလောင်းလျာလေးက ဖြူဖွေးသန့်စင်နေတဲ့ဂါဝန်လေးကိုဝတ်ထားတယ်။ နက်မှောင်နေတဲ့ဆံပင်ရှည်တွေကို နောက်ဘက်ကိုဖားလျားချလို့၊ ခေါင်းထက်မှာက အဝါရောင်ပန်းတွေကိုပန်းကုံးလုပ်ပြီးပန်ထားတယ်။ ချစ်သူရဲ့ခေါင်းသေးသေးလေးနဲ့ ပန်းကုံးအဝါလေးကအရမ်းလိုက်ဖက်လိုက်တာ။ အဲဒီနောက် ကောင်မလေးက သွယ်လျလျလက်ကလေးတစ်ဖက်နဲ့ရမ်းပြရင်း သူ့ကိုခေါ်တယ်။ သူလဲကောင်မလေးဆီအပြေးလိုက်မိတယ်။ အနားရောက်တော့ ကောင်မလေးက ဂါဝန်ဖားဖားလေးနဲ့ အဝေးကိုပြေးသွားပြန်ရော။ သူကနောက်ကလိုက်လိုက် ကောင်မလေးကတစ်ဖက်ကိုပြေးထွက်သွားလိုက်နဲ့ သူ့မှာအရူးတစ်ယောက်လိုချာချာလည်နေတယ်။ နောက်ဆုံးကောင်မလေးက ခိုးခိုးခစ်ခစ်ရီရင်းနဲ့ အဝါရောင်ပန်းတွေအများကြီးပေါက်နေတဲ့အခင်းဆီကိုပြေးတယ်၊ သူကလဲနောက်ကလိုက်တယ်။ ပန်းခင်းအလယ်ကိုအရောက်မှာ အဝါရောင်ပန်းတွေက ရှည်မျှောလာပြီး စုန်းမကြီးတစ်ယောက်ရဲ့လက်တံတွေလိုဖြစ်လာတယ်။ အဲဒီလက်တံတွေက ကောင်မလေးရဲ့တစ်ကိုယ်လုံးကိုရစ်ပတ်ဖို့ကြိုးစားနေတယ်။ သူ့ကောင်မလေးက လက်တံရှည်တွေကြားထဲမှာ ရုံးကန်ရင်းနဲ့သူ့ကို အော်ဟစ်အကူအညီတောင်းနေတယ်။ သူလဲကောင်မလေးဆီကို အရဲစွန့်ပြီးလိုက်တော့ စုန်းမကြီးရဲ့လက်တံရှည်တွေက သူ့ကိုပါလိုက်ရစ်ပတ်လိုက်ကြတယ်။ သူ့ခြေထောက်တွေကို မပြေးနိုင်အောင် ဖမ်းချုပ်ထားကြတယ်။ ကောင်မလေးရဲ့ပန်းကုံးကပန်းဖူးတွေကလဲ မြွေဟောက်ခေါင်းတွေအဖြစ်ပြောင်းသွားပြီး သူ့ဘက်ကိုတရှူးရှူးနဲ့လှမ်းပေါက်နေကြတယ်။ အဲဒီအချိန်မှာပဲ သူလန့်နိုးလာခဲ့တယ်။

လန့်နိုးလာတဲ့အချိန်မှာ သူ့တစ်ကိုယ်လုံးချွေးဒီးဒီးကျနေပြီ၊ အာခေါင်တွေလဲခြောက်ပြီးရေငတ်နေတယ်။ ရေတစ်ခွက်လောက်ကမန်းကတမ်းထသောက်လိုက်ရတယ်။ အဲဒီအချိန်မှာတီဗွီက အဝါရောင်ပန်းခင်းကြီးနဲ့ကြော်ငြာလာနေတယ်။ ဆေးကြော်ငြာတစ်ခုပဲ။ သူလဲဘာကြော်ငြာလဲသေချာမကြည့်အားဘဲ တီဗွီကိုပိတ်ပစ်လိုက်တယ်။ မနက်မိုးလင်းတော့ သူနှာတွေစေးနေပြီ။ သက်သာလာမလားလို့ကုတင်ပေါ်မှာအသာမှေးနေလဲ သူ့အခြေအနေကပိုဆိုးလာတယ်။ နှာရည်တွေရွှဲရွဲနစ်နေတာ သူ့လက်ကိုင်ပုဝါတစ်ခုလုံးစိုနေပြီ။ မျက်လုံးတွေကလဲယားနေသလိုပဲ။ လက်နဲ့ပွတ်လိုက်တော့ မျက်လုံးတစ်ခုလုံးနီရဲလာတယ်။ မှန်ထဲမှာကိုယ့်ရုပ်ကိုယ်ပြန်ကြည့်ရတာတောင်၊ လန့်လာသလိုပဲ။ သူဖျားနေပြီလား၊ ဘာမှလဲမလုပ်ရပါဘဲနဲ့ ဘာလို့ဖျားတာပါလိမ့်။ ဘာပဲဖြစ်ဖြစ် biogesic တစ်လုံးဖောက်ပြီး ရေနဲ့မျောချလိုက်တယ်။ သိပ်မကြာဘူး၊ နှာကတခွီးခွီးနဲ့ဆက်တိုက်ကိုနှာချေတော့တာ။ ကျောင်းသားဘဝလေ့လာရေးခရီးထွက်တုန်းက သူအိပ်နေတုန်းသူငယ်ချင်းတွေက ပုပ္ပါးကဝယ်လာတဲ့ကတိုးနှာချေဆေးတွေ သူ့နှာခေါင်းထဲထည့်တာတောင် ဒီလောက်မချေဘူး။ ခုဟာက တကယ့်ကိုအဆက်မပြတ်ဘဲ။ နှာချေလိုက်၊ နှပ်ညစ်လိုက်နဲ့ ခဏခြင်းဆိုသလို လူကလူမမာရုပ်ပေါက်သွားတယ်။ သူလဲကျန်းမာရေးသိပ်ကောင်းတဲ့လူတော့မဟုတ်ဘူး။ ရေချိုးမှားရင်လဲ နှာစေး၊ချောင်းဆိုးဖြစ်တယ်။ အအေးမိရင်လဲဖျားတာပဲ။ ခုဟာက သူဘာမှမလုပ်ပါဘူး၊ အညောင်းမိတောင်ခံတာမဟုတ်ဘူး။ ညနေတိုင်းလမ်းထွက်လျှောက်နေတာ။ ရောဂါဇစ်မြစ်ကို ဘယ်လိုမှစဉ်းစားလို့မရဘူး။ အဲဒါကအရေးမကြီးဘူး၊ အရေးကြီးတာနက်ဖြန်ကိစ္စ။ နက်ဖြန်ကောင်မလေးက သူ့ကိုအဖြေပေးမယ်လို့ ပန်းခြံထဲမှာချိန်းထားတာ။ ခုလိုမျိုးလူကနေမကောင်းဖြစ်နေရင်တော့ သိပ်တောင်မလွယ်ဘူး။ မြန်မြန်နေကောင်းပါစေလို့ပဲဆုတောင်းရမှာပေါ့။ ဒီည biogesic လေးတစ်လုံးလောက်သောက်ပြီး စောစောကွေးလိုက်ရင်တော့ မနက်ဖြန်အခြေအနေကောင်းလောက်ပါရဲ့လေ။ လူကဆုသာတောင်းနေတာ၊ နှာခြေလိုက်၊နှပ်ညစ်လိုက်နဲ့လက်ကအလုပ်မပြတ်ဘူး။ ဒီလိုနဲ့ အဲဒီနေ့ဆေးသောက်ပြီးစောစောအိပ်ယာဝင်လိုက်တော့တယ်။

သူပြောတဲ့အရေးကြီးဆုံးနေ့ကြီးကိုရောက်လာပါပြီ။ ထုံးစံအတိုင်းမနက်စောစောဘုရားခန်းဝင်တယ်၊ ပရိတ်ရွတ်တယ်၊ သူအလွတ်ရတဲ့ဂါထာတွေအကုန်ရွတ်တယ်၊ ခါတိုင်းနေ့ထက်ဘာမှမထူးခြားပါဘူး။ ဆုတောင်းတာလေး ဆယ်မိနစ်လောက်ပိုကြာသွားတာတစ်ခုပဲ။ ဒါတောင်ကောင်မလေးရဲ့ မြန်မာလိုမွေးနေ့မေ့နေလို့ ဆုတောင်းရင်းနဲ့မနည်းစဉ်းစားလိုက်ရသေးတယ်။ ဘုရားဝတ်ပြုပြီးတော့ ဝတ်ကောင်းစားလှလေးတွေဝတ်ပြီး ချိန်းထားတဲ့ပန်းခြံလေးဆီထွက်လာခဲ့တယ်။ လက်ထဲမှာတော့ လက်ကိုင်ပုဝါလေးတစ်ထည်ကိုင်လို့ပေါ့။ ဒီလက်ကိုင်ပုဝါက မကြာခင်အချိန်အတွင်းမှာ ရွှဲရွှဲစိုတော့မယ်ဆိုတာ သူသိတယ်။ ဒါပေမယ့်ကိစ္စမရှိဘူး၊ စစ်ထွက်တဲ့စစ်သူကြီးတစ်ယောက်အဖို့၊ ချပ်ဝတ်တန်ဆာကအရေးကြီးတယ်ဆိုတာ သူသဘောပေါက်ပြီးသားလေ။ ဘောင်းဘီအိပ်ဝဲယာမှာ လက်ကိုင်ပုဝါတစ်ထည်စီအပိုဆောင်းထည့်ထားပြီးသား။ ဒီပန်းခြံလေးကတော့ အတော်သာယာသား။ မြက်ပင်လေးတွေလဲဖြတ်ထားတာ ညီနေတာပဲ။ ကြိုကြားကြိုကြားမှာတော့ အဝါရောင်ပန်းလေးတွေတော့ရှိတာပေါ့။ ဒီအဝါရောင်ပန်းတွေမြင်မှ သူ့အိပ်မက်ကိုပြန်သတိရပြီး ကျောတောင်နည်းနည်းတွန့်သွားတယ်။ သိပ်ကြာကြာမစောင့်လိုက်ရပါဘူး၊ ကောင်မလေးရောက်လာတယ်။ ဒါမျိုးကအချိန်သိပ်ဆွဲရင်မကောင်းဘူးဆိုတာ သူသဘောပေါက်ထားတော့ ကောင်မလေးကို ချက်ချင်းပဲအဖြေတောင်းဖို့စိတ်ကူးလိုက်တယ်။

“ကိုယ့်ကို….”လို့ပဲရှိသေးတယ်၊ နှာခေါင်းကယားတက်လာတယ်။ အယားပြေလိုပြေငြား လက်ကိုင်ပုဝါနဲ့နှာခေါင်းကိုအသာလေးဖြစ်လိုက်တယ်။ လက်ကိုင်ပုဝါလေးကွက်ခနဲစိုသွားတယ်။ အေးစက်စက်အထိအတွေ့တစ်ခုက သူ့လက်ဆီကူးစက်လာတယ်။ အယားကတော့မပြေပါဘူး။ သူ့စိတ်ထဲပိုတောင်ယားလာသလိုပဲ။ ကောင်မလေးကိုမချိပြုံးလေးပြုံးပြရင်းနဲ့
“အဟဲ.. နှာနဲနဲစေးနေတယ်”
“အော်”တဲ့။ ကောင်မလေးကတစ်လုံးပဲပြန်ပြောရင်း သူ့လက်ထဲကလက်ကိုင်ပုဝါလေးကို လုံးချေနေတယ်။ အော်သူလဲ လက်ကိုင်ပုဝါလေးကိုင်ထားတာကိုး။ နောက်တစ်ကြိမ်သူကြိုးစားလိုက်တယ်။
“ကိုယ့်ကို……” ဒီတစ်ကြိမ်တော့ နှာခေါင်းကအတော်ကိုယားတာ၊ ဘယ်လိုမှသည်းခံနိုင်စရာမရှိဘူး။ စကားကလဲပြောလက်စဖြစ်နေပြီ၊ နောက်တစ်ကြိမ်ထပ်ပြောနေရင်မဖြစ်တော့ဘူး။ နှာကလဲချေချင်နေတယ်၊ သူဘာလုပ်ရမှန်းမသိဘူး။ နောက်ဆုံးမထူးတော့ဘူးဆိုပြီးပြောချလိုက်တယ်။
“ကိုယ့်ကို…….ဟပ်…..ဟပ်…….ဟပ်ချစ်လားဟင်”တဲ့။ အဲလိုပြောပြီးတာနဲ့ အားရပါးရနှာကဆက်တိုက်ချေတော့တာ။ သူလဲချေကောင်းကောင်းနဲ့ချေနေမိတယ်။ ပြီးမှကောင်မလေးကမျက်နှာကိုအသာကြည့်လိုက်မိတယ်။ ကိုယ့်ဟာကိုယ်လဲရှက်တဲ့စိတ်ကို ထိန်းထားရတယ်။ ကောင်မလေးကသူ့ကိုကြည့်နေရင်းနဲ့၊ မျက်လုံးတွေကနီလာတယ်၊ မျက်နှာကလှုပ်လာပြီး၊ နောက်တော့နှာခေါင်းထိပ်လေးက ပွစိပွစိဖြစ်လာတယ်။ ပြီးတော့မှသူ့ကိုအဖြေပေးလိုက်တယ်။
“ဟပ်…..ဟပ်……ဟပ်ချစ်တယ်”တဲ့။ ပြောပြီးပြီးချင်း မျက်နှာလေးနီရဲပြီး ပါးစပ်လေးဟလို့ ဆက်တိုက်ကိုချေတော့တာ။ သူလဲမနေနိုင်တော့ပဲလိုက်ချေတယ်။ တစ်ယောက်တစ်လှည့်ချေလိုက်၊ နှစ်ယောက်တစ်ပြိုင်တည်းချေလိုက်နဲ့၊ ဘယ်လောက်ကြာအောင်ချေနေမိကြမှန်းကိုမသိပါဘူး။ သူတို့ချေအားကောင်းလိုက်ပုံများတော့ သူတို့ဘေးနားက ပန်းဝါဝါလေးတွေတောင် တစ်ချက်တစ်ချက်လှုပ်လှုပ်သွားတယ်။ ။
(allergic ဖြစ်နေတဲ့သူငယ်ချင်းကြီးများ အမြန်ကျန်းမာပါစေဗျာ။ အဝါရောင်ပန်းတွေကနေဖြစ်တတ်တဲ့ pollen allergy အကြောင်းကို ဒီမှာဖတ်လို့ရပါတယ်ခင်ဗျာ။)

Read more...

မိုး

>> Tuesday, May 13, 2008


အပြင်မှာ မိုးတွေရွာနေတယ်။ မိုးရောလေရောပဲ။ အိမ်ကိုသတိရလိုက်တာ။ ကျွန်တော်တို့အရပ်က မြန်မာပြည်အောက်ပိုင်းဆိုတော့ မိုးများတဲ့အရပ်။ ငယ်ငယ်ကနေရတဲ့အိမ်ရှေ့မှာ ရေကန်ကြီးရှိတယ်။ မိုးတွေအရမ်းသည်းရင် အမေရယ်၊ ကျွန်တော်တို့မောင်နှမတွေရယ်၊ အဖေ့ကိုမျှော်ရင်း ရေကန်ထဲကိုပလုံစီကျနေတဲ့ မိုးစက်တွေကို အိမ်ထဲကနေ ကုပ်ချောင်းချောင်းလေးနဲ့ ငေးစိုက်ကြည့်နေဖူးတယ်။ အဲဒီတုန်းက ညီအငယ်ဆုံးလေး မမွေးသေးဘူး။ ညီမလေးက အမေ့ရင်ခွင်ထဲမှာ ခေါင်းမှီပြီး ထိုင်နေတယ်။ ကျွန်တော်က အမေ့ဘယ်ဘက်မှာ ဒူးကိုထောင်၊ ထောင်ထားတဲ့ဒူးကို လက်နှစ်ဖက်နဲ့ ပြန်ပိုက်ရင်းနဲ့ထိုင်နေတယ်။ အစ်ကိုကတော့ အမေ့ညာဘက်ပုခုံးကို မှီထားတယ်။ မိုးတွေအရမ်းရွာလာပြီဆိုရင်၊ မီးကလဲမလာတော့ဘူး။ အိမ်မှောင်မှောင်မဲမဲထဲမှာ သားအမိလေးယောက် ငုတ်တုတ်လေးတွေထိုင်လို့၊ အငြိုးကြီးတဲ့မိုးကို အဓိပ္ပါယ်မဲ့ငေးစိုက်ကြည့်နေကြတယ်။ အမေကတော့ အဖေဘာလို့ အိမ်ပြန်နောက်ကျနေပါလိမ့်လို့ တွေးနေမလားမသိဘူး။ ညီမလေးကတော့ ကြောက်နေပုံပဲ၊ အမေ့ရင်ခွင်ထဲမှာ သူ့ကိုယ်လုံးသေးသေးလေးကို ကွေးပြီးထားလိုက်ပုံများ တကယ့်ပုစွန်ထုပ်လေးပဲ။ အစ်ကိုကတော့ မိုးရွာရင်ကမ်းကပ်တတ်တဲ့ငါးတွေကို ကိုင်းထောက်ဖို့များ စဉ်းစားနေမလားပဲ။ ကျွန်တော်ကတော့ ရေကန်ကြီးရေပြည့်ရင် အော်တတ်တယ်ဆိုတဲ့အကြောင်းစဉ်းစားရင်း ကျောချမ်းနေတယ်။


ဟုတ်တယ်လေ၊ အဲဒီရေကန်ကြီးက ရေတွေပြည့်လျှံတက်လာရင် အော်တယ်တဲ့။ ပြီးရင်ကလေးတွေကို စားတယ်တဲ့။ အဲဒါကြောင့် တစ်နှစ်တစ်ခါ ကန်တော်ရှင်မဆိုတာကိုခေါ်ပြီး အမဲသားကျွေးရတယ်။ မိုးရာသီဆိုရင် ရေကန်ကြီးက အဝါရောင်မှော်တွေနဲ့ ပြည့်နေတော့တာ။ အနီးအနားကလူတွေကလဲ ဒီရေကန်ကိုပဲအမှီပြုနေရတယ်။ အဲဒီတုန်းက ရေစုပ်စက်ဆိုတာတွေကလဲ ဒီလောက်ခေတ်မစားသေးဘူး။ ရေကန်ကရေကိုပဲခပ်ပြီးသုံးကြတယ်။ ကျွန်တော်အပျော်ဆုံးကတော့ ရေကန်ကြီးထဲကမှော်တွေကို ဆယ်တဲ့အချိန်ပေါ့။ အဲဒီအချိန်မှာဆို ရေကန်ထဲကို တရားဝင်ဆင်းလို့ရတယ်။ နို့မို့ဆိုရင်ဆင်းလို့မရဘူး။ ရပ်ကွက်ထဲက လူငယ်တွေက ရေကန်ထဲကိုဆင်းပြီး ရေမှော်တွေကို ဝါးတန်အရှည်ကြီးတွေနဲ့စုပိုက်ပြီး ကမ်းကိုကပ်ပေးတယ်။ ကမ်းရောက်တော့ ကလေးတွေ၊ မိန်းမတွေက ခြင်းတောင်းကိုယ်စီနဲ့ မှော်တွေကိုသယ်ရင်း ကန်ဘောင်ပေါ်ကို သွားပစ်ကြတယ်။ တကယ်တော့ မှော်ကအရမ်းယားတာ၊ ဒါပေမယ့် အဲဒီအချိန်တုန်းကတော့ ယားတာလဲသတိတောင်မရပါဘူး။ ကျွန်တော်တို့ကလေးတွေက ရေမှော်တွေကို ကူဆယ်ပေးလိုက်၊ ရေမှော်တွေကမ်းကို မရောက်သေးရင်၊ ရေစပ်ကိုဆင်း၊ ကမ်းစပ်မှာရေခပ်လို့ရအောင် ခင်းထားတဲ့တံတားကို လက်နှစ်ဖက်ကကိုင်၊ ခြေထောက်နှစ်ဖက်ကိုနောက်မှာ ဘောင်ဘင်ခတ်ပြီးရေကူးတယ်။ ခြေထောက်နဲ့ရေခတ်သံက တဗွမ်းဗွမ်းနဲ့ တကယ့်ပျော်စရာကြီး။ လူကြီးတွေကလဲ သူတို့မျက်စိအောက်မှာတင် ရေကစားနေကြတော့ ဘာမှမပြောကြဘူး။ ဘယ်လောက်များ လွတ်လပ်ပျော်ရွှင်စရာကောင်းတဲ့ အချိန်တွေလဲနော်။ နောက်ထပ်ပျော်စရာကောင်းတာက အဖေ့လက်ရာမော်တော်ဘုတ်ကို ကျွန်တော်တို့ညီအစ်ကိုနှစ်ယောက် အပြိုင်လွှတ်ကြတာ။ အဖေက သစ်သားပြားနောက်မှာ သားရေကွင်းနဲ့ရေဒလက်လေးလုပ်ပြီး၊ မော်တော်ဘုတ်လေးလုပ်တယ်။ မော်တော်ဘုတ်ကိုမလွှတ်ခင် သားရေကွင်းကိုပတ်ထားရတာ။ ရေထဲချလိုက်တော့မှ ပတ်ထားတဲ့သားရေကွင်းက ပြန်ပြေပြီး ဒလက်ကိုလှဲ့တော့ မော်တော်ဘုတ်ကပြေးရော။ တစ်ခါတလေတော့ မော်တော်ဘုတ်ပေါ်မှာ ရမ်ဘိုလိုက်တယ်၊ တစ်ခါတလေစက်ရုပ်လိုက်တယ်။ တစ်ခါတလေတော့ ကျွန်တော်တို့မော်တော်ဘုတ်က စစ်ရေယဉ်ကြီးဖြစ်သွားရော။

ခုလိုမိုးဦးကျဆိုရင် ကျွန်တော်တို့အရပ်မှာ ငါး၊ဖားအရမ်းပေါတယ်။ အရပ်ထဲကို ငါးတောင်စေးလို့ခေါ်တဲ့ ငါးအသေးလေးတွေ လာရောင်းတယ်။ ဘာအလေးချိန်မှမလိုဘူး၊ နို့ဆီဗူးနဲ့ချင်ရောင်းတာ။ ကျွန်တော်မှတ်မိတဲ့အရွယ်မှာ၊ ငါးတောင်စေးတစ်ဗူးကို ငါးကျပ်ပဲရှိတယ်။ အမေကအဲဒါကို အိုးကပ်လေးချက်တယ်။ ငါးတောင်စေးအိုးကပ်လေးကို ရေနွေးနဲ့မြည်းရင်း ငါးတောင်စေးအိုးကပ်က ဆီလျှော့ထည့်ထားတော့ ကျန်းမာရေးအတွက်ကောင်းတာပေါ့ကွာလို့ အဖေကအမေ့ကိုစလေ့ရှိတယ်။ အဖေက ငါးတောင်စေး တအားကြိုက်တာ။ ပုစွန်ဆိတ်အသေးလေးတွေကို ပဲသီးနဲ့ကြော်တာမျိုးလဲ မိုးဦးကျမှာစားရလေ့ရှိတယ်။ ပြီးတော့ဖားသား။ ကျော်စံကေးလို့ခေါ်တဲ့ဖားသေးသေးလေးတွေကို စင်းကောကောပြီး အမွှေးအကြိုင်အစုံအလင်နဲ့ချက်တာ၊ အဲဒီလိုနေ့မျိုးကတော့ ထမင်းအတော်မြိန်တယ်။ ဗိုက်ကားသွားရင် သွပ်ပြားပေါ်တဖျောက်ဖျောက်နဲ့ကျနေတဲ့ မိုးရာသီရဲ့ဂီတသံကို နားသောတဆင်ရင်းနဲ့ တရေးတမောအိပ်ပေတော့။ ညဘက်တွေဆိုရင်တော့ အုံး၊ဂွမ်လို့အော်တဲ့ ဝသန်ဦးရဲ့အဆိုရှင်တွေက ဖျော်ဖြေတတ်သေးတာ။ မိုးရာသီရဲ့ညတွေမှာ အိပ်များမပျော်ရင် တစ်နှစ်သုံးလေးလဲမရေနဲ့၊ ဝင်လေ၊ထွက်လေလဲမရှုနဲ့၊ အုံး၊ဂွမ်ကိုသာနားဆင်နေ၊ အဟုတ်အိပ်ပျော်တယ်။ ကျွန်တော်ကကိုယ်တွေ့။

တစ်ခါတလေ မနက်အစောကြီးမိုးရွာရင် အဖေက ထပြီးရေခပ်တယ်။ ရေခပ်တယ်ဆိုတာက ရေတလျှောက်ပေါ်ကနေ ကျောက်စည်ထဲကို ကျတဲ့ရေတွေက များပြီးလျှံကျလာတော့ တခြားစည်တွေထဲကိုခပ်ပြီး ပြောင်းထည့်ပေးရတယ်။ ရေနွေးတည်ရင် မိုးရေမှသောက်လို့ ကောင်းတာမို့လား။ တစ်မိုးလုံးလှောင်ထားတဲ့ရေက တစ်နှစ်စာလုံးသောက်မကုန်ဘူး။ အက်ဆစ်ဓာတ်တို့၊ ဘာဓာတ်၊ ညာဓာတ်တို့တော့ မသိဘူး၊ မိုးရေသောက်ရတာ ကျန်တဲ့ရေသောက်ရတာနဲ့ မတူဘူး၊ အရသာတစ်မျိုးထူးတယ်။ အဖေက မြောင်းတွေထဲမှာ ပိတ်နေတတ်တဲ့ အမှိုက်တွေကို ပေါက်ပြားတစ်လက်နဲ့ ဖယ်တယ်။ ရေမြောင်းကကောနေရင်လဲ ပေါက်ပြားနဲ့ရေလမ်းကြောင်းဖော်ပေးရတယ်။ အကုန်လုပ်ပြီးပြီဆိုရင် ကျွန်တော်တို့ညီအစ်ကိုတွေကို မိုးရေချိုးဖို့အတင်းနှိုးတော့တာ၊ အိပ်ယာထကာစကတာပျင်းနေတာ၊ မိုးရေလဲထိရော လူကလန်းသွားပြီး ပျော်သွားတော့တာ။ မိုးရေက ဆပ်ပြာတိုက်လို့လဲ အရမ်းကောင်းတယ်၊ အမြုပ်တွေ အများကြီးထွက်တယ်။ မိုးရေချိုးပြီး၊ နွေးနွေးထွေးထွေးဝတ်ထားရင်း အမေပြင်ထားတဲ့ မနက်ထမင်းကြမ်းစားရတာ ဘာနဲ့မှမလဲနိုင်ဘူး။

လွမ်းကောင်းကောင်းနဲ့ လွမ်းရတာ အပြင်မှာမိုးတောင် တိတ်သွားပြီး နေပြန်ပူနေပြန်ပြီ။ ဆောင်းရာသီကုန်သွားပြီမှတ်တာ အရင်ရက်က အတော်ပြန်အေးနေတယ်။ ခုနောက်ရက်တွေတော့ ပူတော့မယ်တဲ့။ ဒီအချိန်က အတော်နေလို့တော့ ကောင်းတယ်။ ပန်းသီးပင်လေးတွေလဲ အဖူးဖူးကုန်ကြပြီ။ ဒီလိုနဲ့နွေဦးပေါက်ရာသီလေးလဲ အသက်ဝင်လာပြန်ပြီပေါ့။ ဒီနှစ်မိုးတော့ အိမ်မပြန်နိုင်တော့ဘူး၊ နောက်နှစ်မိုးဦးကျတော့ အိမ်ပြန်ရကောင်းပါရဲ့လေ။ ။

Read more...

အိုးဝေရဲ့ ဆုတောင်း(၂)

>> Saturday, May 10, 2008


မုန်တိုင်းစဲတော့ထကြည့်မိတယ်……။
ပတ်ပတ်လည်မှာ အလောင်းတွေတန်းစီ
ငါရောက်နေတာ ငရဲပြည်များလား
ဂယောင်ချောက်ချားနဲ့အော်ဟစ်
ကျန်ရစ်သူတွေရဲ့ငိုသံတွေ
နားထဲမှာလျှံ ဘယ်လိုမှမခံစားနိုင်ပါဘူး။

မြေပြင်မှာလည်းသွေးတွေရဲ
ကောင်းကင်မှာလည်းမိုးတွေမည်းလို့
တို့အသည်းတွေလည်း
ဗြန်းဗြန်းကွဲလို့ကျန်ရစ်တယ်။

ကလေးလေးက အမေကိုလှုပ်ခါနှိုး
ကံဆိုးလှချည်လားကွယ်
အသက်သေနေတဲ့သူ့အမေ “မအိပ်နဲ့တော့လေတဲ့”
ငါဘယ်လိုဝင်ဖြေရမလဲ။

“အဘရေ အဘရေ” အော်ကာခေါ်နေပေမယ့်
အဘရဲ့ ရုပ်အလောင်းကို ရေစီးကြောင်းကသယ်
မြစ်လယ်မှာ တစ်ချက်ရပ်ပြီး
ရက်စက်တဲ့ကမ္ဘာကြီးကို အပြီးတိုင်နှုတ်ဆက်သွားတယ်။

ထမင်းနပ်မမှန်တာကို
အဖန်ဖန်ပြောတဲ့အမေ့သား
ခုတော့ဘယ်ရောက်သွားလဲတဲ့…
သားပျောက်ရှာနေတဲ့အမေကို
ရေအောက်ကနေ “အမေရေ၊ အမေရေ”လို့ခေါ်နေတယ်။
……..
……..
……..
ငိုသံတွေရဲ့အလယ်မှာ…
တကယ်ကိုနားမလည်နိုင်ပါဘူး..
ဘယ်အပစ်တွေကြောင့်များ
ဒီအဖြစ်တွေကိုရှောင်မသွားနိုင်ရတာလဲ?
တကယ်စစ်တဲ့ တရားခံတွေကတော့
အခုထိအလံမလဲဘူး အသံမစဲဘူး။
ကံကြမ္မာနလန်မထူတဲ့ ပြည်သူတွေပဲ မုန်းတိုင်းကမဲတယ်။

သမ္မာဒေ၀နတ်တွေ
ဘယ်မှာရောက်နေပါသလဲ…?
တို့များ ဘုရားသာသနာ
မြန်မာပြည်က အပြီးခွါသွားခဲ့ပြီလား?
ဒီလိုဆိုလည်း ပြည်သူတွေကိုပါ
တပါတည်းခေါ်သွားတော်မူပါ
ဘိုးတော်သိကြားမင်းဘုရား။

အဲ့လိုမှမဟုတ်ရင်…….
သူတော်စင်နတ်မင်းတွေ
နတ်ပြည်ကနေဆင်းကာလာပါတော့
ပြည်သူတွေခေါင်းမော့လို့
ကမ္ဘာအလယ်မှာ မြန်မာရယ်ဆိုပြီး
ရွှေထီးနဲ့ တင့်တယ်ပါရစေတော့ဘုရား။

ကိုလူအေး

Read more...

စိန်ကက်ဆက်

>> Friday, May 9, 2008

ကိုဇနိက ညီပုလေးရဲ့ “ရွှေမန်ကျည်းခုနှစ်စင်” (အဲဒီဝတ္ထုတိုက ဒီလင့်မှာကိုဇနိတင်ပေးထားပါတယ်) ဆိုတဲ့ ဝတ္ထုတိုလေးပို့ပေးတော့ ငယ်ငယ်တုန်းကကျွန်တော်စက်လိုက်ဖွင့်တာကိုသတိရတယ်။ ညီပုလေးထဲကပုဂ္ဂိုလ်တို့ခေတ်ကဓါတ်ပြားခေတ်။ ကျွန်တော်ဖွင့်ဖူးတဲ့ခေတ်ကတော့ ၉၅-၉၆လောက်ကဆိုတော့ ကာရာအိုကေကက်ဆက်ခေတ်လို့ပြောရမလိုပဲ။ မြို့၊ရွာမရွေး အလှူမင်္ဂလာမကျန်အကုန်ဖွင့်ဖူးတယ်။ ကိုယ်တိုင်ဖွင့်ရတာတော့မဟုတ်ဘူး။ အဒေါ်ယောက်ျားက သူ့ညီနဲ့အတူအကူလိုက်ပေးပါဆိုလို့ သူ့စက်ကိုအကူလိုက်ဖွင့်ပေးရတာ။ ကျွန်တော်တို့နှစ်ယောက်နဲ့အတူ ‘ကိုသူတော်’ဆိုတဲ့အကူတစ်ယောက်လဲပါတယ်။ ဒီလူက နာမည်ကသာ ကိုသူတော်၊ တစ်ချိန်လုံးအရက်မူးနေတာ။ ထန်းရည်ပေါတဲ့ရွာများရောက်လို့ကတော့ စက်သိမ်းလို့ပြန်ကာနီးမှသူ့လိုက်ခေါ်ရတာ။ ရွာတိုင်းမှာသူနဲ့မသိတဲ့ကာလသားကလဲ ခပ်ရှားရှား။ အဒေါ်ယောက်ျားညီက ကိုဆန်းတဲ့။ သဘောကတော့အရမ်းကောင်းတယ်။ လူကတော့လူပွေ၊ တစ်ရွာတစ်ယောက်လောက်ကိုရည်းစားရှိတယ်။ ကွမ်းကတော့အသေစားတဲ့လူ၊ သူ့ပါးစပ်ကိုကြည့်လိုက်ရင် အမြဲရဲပတောင်းခပ်နေတာ။ ကျွန်တော်လိုက်ရတဲ့အချိန်က သိပ်တော့မကြာလိုက်ပါဘူး၊ နွေရာသီကျောင်းတွေပိတ်နေတဲ့အချိန်ပေါ့။ ကျွန်တော်လဲပျင်းတာနဲ့ သီချင်းလဲဝါသနာပါတော့ သူတို့သွားတဲ့နေရာတိုင်းလိုက်တယ်။ ဖားယားကြီး၊ရေဆည်ကြီးစတဲ့အရှေ့ဘက်ကရွာတွေကအစ၊ ဆင်နင်းဗိုလ်၊ပေါက်မှော်စတဲ့အနောက်ဘက်ရွာတွေအဆုံး ကျွန်တော်တို့စက်ကအနှံ့ရောက်တယ်။ မြို့မှာလဲ မြို့တော်ခန်းမ၊ ၁၁-လမ်း အ.မ.က၊ အရှေ့လမ်းခန်းမစသည်ဖြင့် မင်္ဂလာဆောင်တဲ့နေရာတွေအကုန်လုံးရောက်တယ်။ တွေ့ဖူးမြင်ဖူးတာတွေလဲစုံသွားတယ်။ အဲဒီတုန်းက ကျွန်တော့်အသက်ကရှိလှ ဆယ့်ခြောက်နှစ်ပေါ့။ ဘာမှလဲသိသေးတာမဟုတ်။ တွေ့ရတဲ့လူတွေက ရွာကာလသား၊ မြို့ကာလသားတွေ။

ပြောလို့ပြောတာမဟုတ်ဘူး၊ ကျွန်တော်တို့အနီးတစ်ဝိုက်မှာတော့ ကျွန်တော်တို့စက်ကနာမည်သိပ်ရတာ။ ရွာကြိုက်၊မြို့ကြိုက်ပေါ့ဗျာ။ စက်ဆရာအတော်များများကတော့ သူတို့စက်ကိုနာမည်လေးတွေပေးထားကြတယ်။ ပေးထားတဲ့နာမည်ကိုလဲ စက်ထည့်တဲ့သေတ္တာထဲမှာအသေအချာရေးထားကြတယ်။ ကျွန်တော်တို့စက်ကတော့နာမည်မရှိဘူး။ ကိုသန်းဦးစက်ဆိုရင်အကုန်သိတယ်။ အဒေါ်ယောက်ျားကလဲ ရန်ကုန်ကိုသူကိုယ်တိုင်သွားပြီး ကောင်းပေ့ဆိုတာမျိုးတွေချည်းရွေးဝယ်တာ။ တစ်ခုခုဖြစ်ရင်လဲရန်ကုန်ပဲသွားပြင်တယ်။ ကက်ဆက်ခွေဆိုတာကလဲ အကုန်မာစတာခွေတွေချည်းပဲ။ ကက်ဆက်သေတ္တာမှာထွက်သမျှအခွေအကုန်အပြည့်။ ကြိုက်တဲ့အယ်လ်ဘန်ရွတ်လိုက်၊ အကုန်ရှိတယ်ဆိုတဲ့အပေါက်မျိုး။ ဟင်္သာတထွန်းရင်၊ တွံတေးသိန်းတန်၊ တွံတေးစိုးအောင်၊ မာမာအေး၊ တင်တင်မြအစ မင်းအောင်၊အောင်သူ၊စိုးလွင်လွင်အလယ်၊ လေးဖြူ၊အငဲ၊မျိုးကြီးအဆုံး အကုန်ရှိတယ်။ ကလေးကြိုက်၊လူငယ်ကြိုက်၊လူကြီးကြိုက်၊ ကြိုက်ချင်သလိုသာကြိုက်၊ ကျွန်တော်တို့စက်မှာကပါပြီးသား။ ပြက္ခဒိန်ပေါ်မှာစက်လိုက်ရမယ့်ရက်တွေ ကြက်ခြေခတ်ထားလိုက်တာ၊ မင်နီအိုးမှောက်ထားလားထင်ရအောင် တစ်နွေလုံးရဲပတောင်းခပ်နေတာ။
စက်ငှားရင် ငှားတဲ့အိမ်က အကြိုအပို့အကုန်တာဝန်ယူရတာ။ ရွာတွေဆိုရင်တော့ နွားလှည်းနဲ့အိမ်တိုင်ယာရောက်လာခေါ်တယ်။ စက်သေတ္တာတင်တာကအစ သူတို့ကိုယ်တိုင်တင်ပေးတယ်။ ကျွန်တော်အမုန်းဆုံးကတော့ အလှူတွေမှာ မနက်အစောကြီးထပြီးစက်ဖွင့်ရတဲ့ဒုက္ခ။ မနက်လေးနာရီလောက်တည်းက မင်္ဂလာရှိအောင်ဆိုပြီး၊ မေတ္တာပို့တို့၊ ဗျောသံ၊ စည်သံတွေပါတဲ့သီချင်းတွေဖွင့်ပေးရတာ။ အဲဒါတွေကလဲ ခုခေတ်စီဒီခွေတွေလို လိုချင်တဲ့သီချင်းကိုတန်းသွားလို့ရတာမဟုတ်။ ကက်ဆက်ခွေကိုအဆင်သင့်ဖွင့်လို့ရအောင် အစတည်းက ကြိုရစ်ထားရတာ။ ကျွန်တော်ကတော့ ဖွင့်ပေးပြီးရင်ပြန်အိပ်တာပဲ။ ဘေးနားက စောင်းဘောက်ကြီးက တဒုန်းဒုန်းထုနေလဲ စောင်ခြုံပြီး မရရအောင်ကွေးတာ။ အဲဒီကက်ဆက်ခွေရစ်ရတဲ့ဒုက္ခကလဲ ကိုးဆူကပ်ဆရာတို့၊ ဘိတ်သိပ်ဆရာတို့နဲ့တွေ့ရင် အတော်လက်ပေါက်ကပ်တယ်။ သူတို့က ဘယ်အခွေထဲကဘယ်သီချင်းကို၊ သူတို့ဟောပြောပြီးတာနဲ့ တန်းဖွင့်ပါဆိုတာမျိုးလုပ်ခိုင်းတယ်။ ဥပမာ ဘိတ်သိပ်ဆရာဆိုရင် သူဟောပြောပြီးတာနဲ့ မင်္ဂလာစည်တော်တီးတဲ့တီးလုံးဖွင့်ခိုင်းပြီး၊ သတို့သားနဲ့သတို့သမီးကို လမ်းတွဲလျှောက်ခိုင်းတာမျိုးပေါ့။ ကိုးဆူဆရာဆိုရင်လဲ စည်တော်ယွန်းပေးရတာမျိုးပေါ့။ အဲဒါမျိုးက ခွေမှားမှာလဲကြောက်ရတယ်။ မှားလဲမှားတတ်ပါတယ်။ စည်တော်ယွန်းရမယ့်နေရာမျိုးမှာ၊ ရွာကာလသားတွေက ကက်ဆက်ခွေသေတ္တာကို ကိုယ်မသိအောင်ဝင်မွှေထားတော့၊ နေရာတွေကလွဲနေရော၊ အဲဒါနဲ့ ဗဒင်ရဲ့”သူနဲ့ကြမှတိုက်တိုက်ဆိုင်ဆိုင်”ဆိုတာကြီးကထွက်လာတာမျိုးလဲကြုံဖူးတယ်။
ရွာကာလသားတွေဆိုတာကလဲ သူတို့လက်ထဲမိုက်ကရိုဖုန်းရောက်လို့ကတော့ ပြန်လွှဲပေးချင်ကြတာမဟုတ်ဘူး။ ဟိုသီချင်းလေးမရှိဘူးလား၊ ဇော်ဝင်းထွဋ္ဋ်ရဲ့ဆေးဆိုးပန်းရိုက်မျက်နှာလေးမရှိဘူးလားနဲ့၊ အနားမှာတသီသီလုပ်တော့တာ။ တချို့ဆိုရင် မရှိလဲနေဗျာ၊ မိုက်ကရိုဖုန်းသာကျွန်တော့်ကိုပေးဆိုပြီး၊ နောက်ကတီးလုံးသံမပါဘဲနဲ့ ဒီတိုင်းဆိုတာ။ အတီးပိုက်ရောက်ရင်လဲ သူ့ဘာသာပါးစပ်နဲ့လိုက်တီးသေးတာ။ တစ်ခါတလေများဆို ကိုယ်ကအိပ်ချင်နေပြီ၊ သူတို့ကဆိုကောင်းတုန်း၊ နောက်ဆုံးတစ်ပုဒ်၊ နောက်ဆုံးတစ်ပုဒ်နဲ့ မနက်သုံးနာရီထိုးရော။ လေးနာရီလောက်ကျ ပြန်ထပြီးဖွင့်ရပြန်ရော။ တစ်ခါတလေများဆို ဒီဘက်ရွာဖွင့်ပြီးတာနဲ့ ဟိုဘက်ရွာကိုချက်ချင်းကူးရတာ။ စက်တွေထည့်ထားတဲ့သေတ္တာကိုလှည်းတွေပေါ်တင်၊ အဲဒီသေတ္တာတွေပေါ်ကမှ လူကတက်စီးရတာ။ အိပ်ရေးကလဲပျက်လားတော့ သေတ္တာတွေပေါ်မှာကွေးပြီးလိုက်ရတာ၊ လှည်းကကစင်းရိုးကျော်လို့လှုပ်လှုပ်သွားတာများ ပုခက်နဲ့အိပ်နေရတဲ့အတိုင်းပဲ။ တစ်ခါတလေ ညဖက်ကြီးကို ဒီဘက်ရွာကနေဟိုဘက်ရွာကို သင်္ချိုင်းကုန်းဖြတ်ပြီးကူးရတာ။ သင်္ချိုင်းကုန်းထဲအဖြတ်ရောက်မှ နွားကရပ်နေလို့ဒုက္ခရောက်ဖူးသေးတယ်။
စက်ဆရာဆိုတာကတော့ ရွာမှာမျက်နှာအပွင့်ဆုံးပဲ။ အထူးသဖြင့်အလှူ့ရှင်နဲ့ရွာကာလသားတွေက သိပ်မျက်နှာသာပေးကြတာ။ ဆေးလိပ်၊လက်ဖက်မပြတ်ဘူး။ ဆေးလိပ်သောက်တတ်လို့ကတော့ ဖင်မီးခိုးထွက်အောင်သောက်လို့ရတယ်။ လက်ဖက်ဆိုတာများ လက်ကြိတ်ဆုံနဲ့ကြိတ်ထားတဲ့နှမ်းဆီစစ်စစ်ကိုဆမ်းပြီး ငါးကျည်းခြောက်နမ်းခြင်းနဲ့သုပ်ထားတာ၊ ကြိုက်သလိုခပ်၊ ငါးကျည်းခြောက်ကပါပြီးသားပဲ။ ကျွန်တော်ကဆေးလိပ်မသောက်တော့၊ လက်ဖက်ချည်းလှိမ့်စားတာ။ စက်ဆရာတွေကဝက်သားတော့မစားရဘူး။ စက်ကနတ်ကိုအပ်ထားတော့၊ ပေါင်တိုသားရှောင်ရတယ်ဆိုလား။ ကျွန်တော်တော့ကောင်းကောင်းနားမလည်ဘူး၊ မစားနဲ့ဆိုတော့လဲ မစားဘဲနေလိုက်တာပေါ့။ ကိုသူတော်ကတော့ ခိုးကျိတ်တာပဲ။ ကိုဆန်းသိရင်တော့ သူ့ကိုဆူတော့တာ။ ဒီလူကလဲ ဝက်သားဆိုသွားဖုံးမြုပ်အောင်ကိုက်ချင်တဲ့လူ။ ကာလသားတွေကလဲ သူတို့ညဖက်မှာ ကာရာအိုကေဟစ်ရဖို့က စက်ဆရာတွေကိုမျက်နှာလုပ်ချင်သလို၊ အလှူရှင်ကလဲဧည့်ဝတ်ကျေချင်တော့ ယမကာလေးကလဲပါတတ်တယ်။ ကျွန်တော်ကငယ်သေးတော့ အဲဒါတွေကကိုယ်နဲ့မဆိုင်ဘူး။ ဒါတောင်တစ်ခါမိလိုက်သေးတယ်။ ဖြစ်ပုံကဒီလို၊ နေ့ခင်းနေ့လည် နေတွေကလဲအရမ်းပူနေတော့စက်ကနားထားရတယ်။ လူတွေလဲတစ်ရေးတစ်မောအိပ်နေကြတာ။ ရွာကာလသားအချို့ကတော့ကွပ်ပစ်ပေါ်မှာ ဒန်ရေနွေးအိုးလေးတစ်လုံးနဲ့ဝိုင်းဖွဲ့နေကြတယ်။ ရေနွေးအိုးဘေးမှာက ပဲကြီးလှော်အကြီးကြီးတွေကို ရှောက်ရွက်၊ကြက်သွန်နီ၊ ငရုတ်သီးစိမ်းတောင့်လေးတွေပါးပါးလှီးပြီးသုပ်ထားတဲ့ပန်းကန်လေးကချလို့။ ကျွန်တော်လဲပျင်းပျင်းရှိတာနဲ့ သူတို့ဝိုင်းထဲဝင်ထိုင်ပြီး ရေနွေးသောက်မယ်ဆိုပြီးစက်နားကထလာခဲ့တာ။ ပန်းကန်လုံးအသေးလေးတစ်လုံးကလဲလွတ်နေတော့ အသာလေးငှဲ့လိုက်တယ်။ ရှေ့ကပဲကြီးလှော်သုတ်ပန်းကန်ကိုမျက်လုံးကရောက်နေတော့ ပန်းကန်လုံးထဲရောက်လာတဲ့ရေနွေးက အငွေ့မထွက်တာတောင်သတိမထားလိုက်မိဘူး။ ပဲကြီးလှော်သုပ်လေးတစ်ဇွန်းနှိုက်စားပြီး၊ ဝါဖန့်ဖန့်ရေနွေးလေးတစ်ခွက်ကျိုက်လိုက်တာ ချိုခါးခါးကြီးနဲ့ဘယ်လိုကြီးဖြစ်သွားမှန်းကိုမသိလိုက်ဘူး။ လက်စသပ်တော့ ဒင်းတို့က ရေနွေးအိုးထဲကို တောအရက်နဲ့ဘာလီရည်နဲ့စပ်ပြီး ပဲကြီးလှော်သုတ်နဲ့ ဟန်မပျက်ဆော်နေကြတာလေ။ တချို့ရွာတွေမှာတော့ ကာလသားတွေကနည်းနည်းဆိုးတယ်။ တစ်ခါကဆို ကျွန်တော်တို့ကိုအရက်သောက်ခိုင်းတာ မသောက်လို့ဆိုပြီးရန်လုပ်တယ်။ ကိုဆန်းကလဲစိတ်ကလက်တစ်ဆစ်ဆိုတော့ သူနဲ့စကားများကြတာ၊ နောက်ဆုံး အလှူအိမ်ကလူကြီးက သူ့ရွာသားကိုဆွဲခေါ်သွားမှပွဲသိမ်းသွားတယ်။ တချို့ကာလသားတွေကလဲရီရတယ်။ သူငယ်ချင်းမင်္ဂလာဆောင်မှာ “သူများနဲ့ညားတဲ့ငါ့ရည်းစား”ဆိုတဲ့သီချင်းမျိုးကို ကာရာအိုကေဟစ်ချင်ဟစ်သေးတာ။ တစ်ခါတလေအလှူက တစ်ရွာတည်းမှာနှစ်ခုတစ်ပြိုင်တည်းဖြစ်နေတတ်တယ်။ အဲဒီအခါမျိုးဆိုရင် ဟိုဖက်နဲ့ဒီဖက် စက်ကိုအပြိုင်ဖွင့်ကြတာ။ ကျွန်တော်တို့ကစက်ကို ဘယ်လောက်ပဲအကျယ်ကြီးဖွင့်ပေးပေး အလှူ့ရှင်ကတိုးတယ်ချည်းပြောတာ။ လော်စပီကာနှစ်ခုကို သစ်ပင်ပေါ်တက်ချိပ်ပြီး၊ ဟိုဘက်အလှူရှိတဲ့ဘက်ကိုပဲလှည့်ထားပေးရတယ်။ စောင်းဘောက်နှစ်လုံးကိုလဲ တစ်ဖက်အလှူရှိတဲ့နေရာလောက်မှာအသံသွားဆုံအောင်မျက်နှာခြင်းဆိုင်ပေးရတယ်။ တစ်ခါတစ်လေ တစ်ရွာတည်းသားချင်းမင်္ဂလာဆောင်ကြပြီး၊ မိန်းကလေးအိမ်နဲ့၊ ယောက်ျားလေးအိမ်က မင်္ဂလာဆောင်ကိုတစ်ပြိုင်တည်းလုပ်ကြတာလဲကြုံဖူးတယ်။ သတို့သားနဲ့သတို့သမီးကနှစ်နေရာလုံးကို ဧည့်ခံပေးရတာ။ အဲဒီအခါမျိုးဆိုရင်လဲစက်ကိုအပြိုင်အဆိုင်ဖွင့်ကြတယ်။ ခုနောက်ပိုင်းကတော့ စီဒီစက်၊ဒီဗွီဒီစက်တွေပေါလာတော့ အဲဒါတွေပဲသုံးကြတော့မယ်ထင်တယ်။ ညီပုလေးဝတ္ထုတိုဖတ်ပြီး ကျွန်တော်လဲ တစ်ခါလောက်တော့ အလှူဖြစ်ဖြစ်၊မင်္ဂလာဆောင်ဖြစ်ဖြစ်၊ တစ်နေရာရာမှာတော့စက်ပြန်ဖွင့်ချင်သေးတယ်။ ကိုဇနိ၊မဇနိရဲ့မင်္ဂလာဆောင်မှာပဲဖြစ်ဖြစ်၊ ကိုမောင်လုံးကြီးရဲ့ကလေးရှင်ပြုမှာပဲဖြစ်ဖြစ်ပေါ့။ အကြောင်းသာကြားလိုက်ပါဗျာ၊ အဟုတ်ရောက်အောင်ကိုလာပြီးဖွင့်ပေးဦးမှာ။

Read more...

ကြားဖူးနားဝ ရီစရာများ(၁၀)

>> Thursday, May 8, 2008

ကျွန်တော်တို့ နိုင်ငံရဲ့ မိုးလေ၀သနှင့်ဇလဗေဒ ညွှန်ကြားမှူးဦးစီးဌာနရဲ့ တိကျမှန်ကန် မြန်မြန်ဆန်ဆန်နဲ့ အချိန်နဲ့ တပြေးညီ သတင်းပေးပုံလေးကို ဂုဏ်ပြုလို့ ဒီဟာသလေးကို ရေးလိုက်ပါတယ်။ ဖတ်ကြည့်ကြပါဦး…
ပင်လယ်ပြင်သို့ ငါးဖမ်းထွက်မည့်သင်္ဘောမှ မိုးလေ၀သဌာနသို့ ရာသီဥတု အခြေအနေနှင့်ပတ်သက်ပြီး တယ်လီဖုန်းဖြင့် သတင်းမေးမြန်းစုံးစမ်းလေသည်။
ငါးဖမ်းသင်္ဘော။ ။ ဟဲလို…မိုးလေ၀သဌာနကပါလားခင်ဗျာ… ပင်လယ်ပြင်ရာသီဥတုအခြေအနေကို သိချင်လို့ပါ။
မိုးလေ၀သဌာန။ ။ ဟဲလို…ဟုတ်ပါတယ်…မိုးလေ၀သဌာနကပါ…ပင်လယ်ပြင်မှာ မုန်တိုင်းရှိပါတယ်…အခု ကျွန်တော်တို့ဌာနနဲ့ မိုင် ၅၀၀ အကွာ ဘင်္ဂလားပင်လယ်မှာပါ…နာဂစ်လို့ အမည်ခေါ်ပါတယ်…အခု မြောက်စူးစူးကို ရွှေ့လျားသွားနေပါတယ်။
ငါးဖမ်းသင်္ဘော။ ။ နောက်တစ်နေ့သော်…ဟဲလို…မိုးလေ၀သဌာနကပါလားခင်ဗျာ…မုန်တိုင်း ဖြစ်တဲ့နေရာနဲ့ ရွှေ့လျားရာလမ်းကြောင်းကို သိပါပြီ။ ဘယ်လောက် လေတိုက်နှုန်းရှိပါသလဲခင်ဗျာ။
မိုးလေ၀သဌာန။ ။ ဟုတ်ကဲ့…အခု မြောက်စူးစူးကနေပြီး အရှေ့မြောက်အရပ် မြစ်ဝကျွန်းပေါ်ကို ဦးတည်နေပါတယ်။ စိတ်မပူပါနဲ့ခင်ဗျာ… အားပျော့သွားပါပြီ…မိုးအနည်းငယ်ရွာလိမ့်မယ်။
ငါးဖမ်းသင်္ဘော။ ။နောက်တစ်နေ့…ဟဲလို…ဟဲလို… မိုးလေ၀သဌာနကပါလား… မုန်တိုင်းအခြေအနေ သိချင်လို့ပါ…. ဟဲလို…ဟာ…ဧရိယာပြင်ဘက်ရောက်နေပီထင်တယ်… ဘာမှလဲမကြားရတော့ဘူး…
မိုးလေ၀သဌာန။ ။ ဟုတ်ကဲ့ပါ…”ကျွန်တော်တို့ကိုယ်တိုင် လေဘေးဒုက္ခသည်စခန်းမှာ ခိုလှုံနေရပါတယ်ခင်ဗျာ”

Read more...

  © Blogger templates Shiny by Ourblogtemplates.com 2008

Back to TOP