လူအေးနှင့် “မသမာသူတစ်စု၏လုပ်ကြံမှု”

>> Sunday, May 4, 2008

ကျွန်တော်လူအေး လူချောလေးကို
ယုတ်ယုတ်မာမာ ငနာများသမုတ်တာ
လူအေး ပူဆွေး အရူးလေးတဲ့။

လားလားမဟုတ် အစုတ်ပလုပ်တို့
လူအေးအကြောင်း သိကောင်းစရာ
မှတ်ပါအသေချာ ရွှေပေပါတွင်
ထင်ထင်ရှားရှား တွေ့လတ္တံ့။

မောင်ငယ်ရွှေသွေး ထိုလူအေးသည်
တည်ကြည်ခန့်ညား ရိုးသားစိတ်နေ
အိနြေ္ဒကြီး ဆွေကြီးမျိုးကြီးဖြစ်တော့သည်။

စိတ်ဝယ်ညစ်ငြီး ကိုလုံးကြီးက
အလစ်ကိုချောင်း ချက်ကောင်းကိုတွယ်
ပို့စ်အဟောင်းတွေကြည့် သိနိုင်သည်။

ထိုနှယ်တစ်မူ ကိုမောင်ဖြူက
ငစနူတွေး လေပြေအေးနှင့်
ဖေးမသယောင် ဗြောင်မပြောပဲ
ကွယ်ကွယ်ဝှက်ဝှက် နှပ်တတ်သည်။

ဟိုကောင်ငတိ မောင်ဇနိက
ယောင်တိယောင်ချာ Gtalk မှာလည်း
အသိခေါက်ခက် အ၀င်နက်ပြီး
ဘလိုင်းကြီးခေါ် အော်အော်ပြီးတော့ဖြဲတတ်သည်။

အခိုင်းထူတဲ့ စစ်ကိုင်းသူလည်း
ကြင်သူမရှိ ငြူဆူမိပြီး
အပျိုကြီးဒေါသ အပစ်ပုံချ
ဒေါသူပုန်ထပြီး မဲတတ်သည်။

အစ်မမေအောင် ခပ်ကြောင်ကြောင်က
မကြခဏ အချွန်နဲ့မပြီး
ရန်ကြီးဖြစ်အောင် ဖွတတ်သည်။

ဆရာပီဆာ ဖိုးသောကြာနှင့်
ငြိမ်ချမ်းအေးဆေး ကိုငြိမ်းအေးတို့
အမှန်ကိုမြင် လူအေးကိုခင်တော့
ရွှင်ရွှင်ပြပြ ရှိကြသည်။

Read more...

ဘကြီးအောင်ညာတယ်


စာရေးဆရာကြီးမင်းသုဝဏ်ရဲ့ ၁၉၃၂ခုနှစ်က တက္ကသိုလ်ကျောင်းတိုက်မဂ္ဂဇင်းမှာ ရေးသားခဲ့တဲ့ဝတ္တုပါ။ ခေတ်အလိုက် အင်မတန်လူကြိုက်များတဲ့ ဒီတ္တုလေးဟာခုထိလဲ တစ်ချို့ဘဝတွေနဲ့ထပ်တူနေဆဲမို့ ဝေမျှလိုက်ခြင်း ဖြစ်ပါတယ်။ စွဲလန်းခြင်းဟာလောင်မြိုက်စေတဲ့ မီးတစ်ပါးပါ။ ဆင်ခြင်သုံးသပ်တတ်မှု့ကို အရာရာတိုင်းအတွက် အချိန်ပေးနေပြန်တော့လဲ သံသယကြီးသူလို့ ထင်မြင်ယူဆကြပြန်ရော။ ဒီဝတ္တုလေးဖတ်ပြီးရင်(ဖတ်ပြီးသားသူတွေလည်းပြန်နွှေးပြီးရင်)………ဘယ်လိုခံယူချက်တွေနဲ့ ဘဝကိုရပ်တည်သည်ဖြစ်စေ မိမိကိုယ်ကိုရောသူတစ်ပါးကိုပါနာကျင်ခြင်း ကင်းတဲ့အတွေးအခေါ်၊ အပြုအမူ၊ အပြောအဆိုကိုတတ်နိုင်သမျှ မွေးမြူကျင့်သုံးခြင်းဖြင့် ဆရာကြီးမင်းသုဝဏ်ကို ဂါရဝပြုကြရအောင် လို့ပြောပါရစေ.......


ထိုနေရာတွင် ဒေါင်းလုပ်လုပ်၍ ဖတ်နိုင်ပါသည်။

Read more...

နတ်မင်းများတောင် မနေနိုင်ပေါင်

>> Saturday, May 3, 2008

အင်ဂျင်နီယာကျောင်းဆင်းလျင် နတ်ပညာအစုံအလင် နှင့် ခြောက်ကြိုးကဝေကို အလိုလိုတတ်စေရမည် ဆိုသော ရည်ရွက်ချက်နှင့်အညီ... စစ်ကိုင်းသူ ဦးဆောင်သော ၀ုန်းဒိုင်းကျဲ။ အော်ကြောလန်အဖွဲ့သည် ဖန်ခွက်စောင့်နတ်၊ ဖျာလိပ်နတ်၊ ကျောက်ပျဉ်နတ်…စသည့် စသည့် နတ်အပေါင်းကို မကြာမကြာ ခေါ်ယူ နှိပ်စက်တတ်ပုံအား စာဖတ်သူ ဖတ်ရူပြီးသည့်အတိုင်းပင်ဖြစ်ပေသည်။
ကျွန်တော်လူအေးသည်လည်း တစ်ညသောအခါ အိပ်မပျော်ပါသောကြောင့် လသာသောလမ်းမတွင် ထွက်ခါလျောက်မိ၏။ အမှတ်မထင်... ညသန်းခေါင် လရောင်အောက်တွင် အူယားဖားယား ပြေးလွှားကာလာကြသော ဖျာလိပ်။ ဖန်ခွက်။ ကျောက်ပျဉ်။ တံမျက်စည်းတို့အားတွေ့သဖြင့် အကြောင်းစုံကိုမေးမြန်းရာ။ နတ်မင်းများတောင် မနေနိုင်အောင် ခေါ်ယူနှိပ်စက်တတ်သော စစ်ကိုင်းသူ၏ စနက်ကြောင့်ဖြစ်သည်ကို သိရှိရသဖြင့် များစွာစိတ်မကောင်းဖြစ်မိလေသည်။
သို့သော် ထိုထိုပေါင်းစုံသောနတ်မင်းတို့သည်လည်း စစ်ကိုင်းသူအား တန်ပြန်ကျိမ်စာခတ်လေရော။ စစ်ကိုင်းသူမှာ ဘယ်သောအခါမှ ကြင်သူမရှိ ဖြစ်နေရမည့်အဖြစ်ကိုလည်း သိရှိရလေသည်။
ဇာတ်ပေါင်းသော်.. အားလုံးမျှတသော အကြောင်းဖြစ်လေသဖြင့် ကျွန်တော်လူအေးသည် “ကောင်းလေစွ နတ်မင်းတို့” ဟု.... အားပေးစကားဆိုကာ။ အခန်းသို့ပြန်ပြီး ကွေးလေတော့သတည်း။
အမှတ်မထင် အိပ်မက်ထဲတွင်လည်း စစ်ကိုင်းသူအခန်း၏ ၀ရန်တာရှေ့မှသစ်ပင်ဗိမာန်တွင် စံမြန်းတော်မူသော ရုက္ခစိုးနတ်မင်းမှာ သနားစဖွယ်နတ်သံနှောကာ လူအေးကိုပြောလေတော့သည်။ “အမယ်မင်း… ကိုလူအေးရယ်… ပြောရတော့မယ်ရယ်တဲ့မှ…ပြောရတော့မယ်… ဟီးရွှတ်… အဲ့ဒီ အခိုင်းထူတဲ့။ စစ်ကိုင်းသူရယ်ပေါ့လေ…။ ညမှောင်မှောင်မှာ ဂစ်တာသံဒေါင်ဒေါင်ကြားရင်ဖြင့်၊ ၀ရန်တာကိုထွက်ကာ… အတောမသတ်အောင် ပြုံးပြုံးပြတာရယ်ကြောင့်။ ကျွန်တော်မျိုးနတ်မင်းမှာ ဒင်းရဲ့အပြုံးကို မြင်တိုင်းကြောက်လာပြီး နှလုံးရောဂါကြီး ကောက်ရပါပေါ့လား….” ဟုဆိုကာ ငိုချင်းချလေတော့၏။ လူအေးလည်း မည်သို့မည်ပုံလုပ်ရမည်မသိ။ နတ်အခွင့်အရေးဆိုင်ရာရုံးသို့ဖုန်းဆက်ကာ နတ်မင်းများအားညှင်းပန်းနှိပ်စက်မှုဥပဒေအရ စစ်ကိုင်းသူကို အရေးယူစေရန် တိုင်ကြားပေးပါ့မည်ဟု ၄င်းနတ်မင်ကိုးလည်း ချော့မော့ဖြေသိမ့်ပေးလိုက်ရလေတော့သတည်း။

ထိုကြောင့်…စစ်ကိုင်းသူ ဆိုသည်မှာ
နတ်မင်းများကိုပင် အခိုင်းထူ တတ်သူ
သူငယ်ချင်းမျာကိုလည်း blind ကြီးဆူ တတ်သူ
..............
.............
အာဂမိန်းမဖြစ်ကြောင်း စာဖတ်သူအပေါင်းအား ကျွန်တော်လူအေးမှ မိတ်ဆက်ပေးလိုက်ပေသည်တကား။

မိတ်ဆက်စာ ဤတွင်ပြီး၏တည်း။

ပုံ
လူအေး
၁၃၇၀ ပြည့်နှစ်၊ ဦးတန်ခူးလပြည့်ကျော် ၁၃ ရက်။ မွန်းတည့် ၃ ချက်တီး။

Read more...

စစ်ကိုင်းသူ၊ ဖျာလိပ်နတ်နှင့် ချောက်ခြားဖွယ် ညတစ်ည


ဖန်ခွက်နတ်အကြောင်းပြီးတော့ ဖျာလိတ်နတ်အကြောင်း ရေးပါဦးမယ်။ ဖျာလိတ်နတ်ကိုတော့ တော်တော်များကြားဖူးကြမယ် ထင်ပါတယ်။ မအောင်ဖြူလို့ ခေါ်ပါတယ်။ သူက တနင်္ဂနွေ သမီးပါ။ မိန်းကလေးဆိုတော့ အလှအပကလဲ ကြိုက်ပါတယ်။ အဲဒီတော့ကာ သူ့ကို မခေါ်ခင်မှာ အရင် အလှပြင်ပေးရပါတယ်။ ပထမဆုံး အဝတ်အစားဆင်ပေးရပါတယ်။ အနီကြိုက်တော့ အနီဖြစ်ရင် ပိုကောင်းပါတယ်။ ပြီးရင် သနပ်ခါးလိမ်းပေးရပါတယ်။ နှုတ်ခမ်းနီဆိုးပေးရပါတယ်။ မှန်ကိုလဲ အဆင်သင့်ယူထားရပါတယ်။ သူဝင်လာရင် မှန်ကြည့်ချင်လို့ပါ။ မေးနေတုန်းလဲ မှန် ခဏ ခဏ ပြပေးရပါတယ်။ အဲဒါဆို သူပိုပျော်ပါတယ်။ သြော် နောက်အရေးကြီးတဲ့ တစ်ချက်ရှိပါသေးတယ်။ မအောင်ဖြူက ယောက်ျား အရမ်းမုန်းပါတယ်။ ယောက်ျားလေး အသံကြားရင် လုံးဝမဝင်ပါဘူး။ ဝင်ပြီးမှ ယောက်ျားလေး အသံကြားရင်လဲ လုံးဝ မလှုပ်တော့ပါဘူး။ တခါတလေ စိတ်တောင်ဆိုးပါတယ်။ ဒါကတော့ ဖျာလိပ်နတ်အကြောင်း အကျဉ်းချုပ်ပါ။ အခု စစ်ကိုင်းသူတို့နဲ့ ပတ်သက်ခဲ့တဲ့ အကြောင်းလာပါမယ်။

အဲဒီနေ့က ကျောင်းပိတ်ရက်ကြီးပါ။ ထုံးစံအတိုင်းပဲ အပူဒဏ်ကြောင့် အိပ်လို့ မရကြပါဘူး။ အစောပိုင်းမှာတော့ အေးအေးဆေးဆေး စကားထိုင်ပြောနေကြတာပါ။ ဒီတစ်ခေါက်က လူအုပ်တော်တော်တောင့်ပါတယ်။ အခန်း ၃ ခန်းပေါင်းမိနေတာပါ။ စစ်ကိုင်းသူတို့ အခန်းမှာတော့ မဟုတ်ပါဘူး။ ၃ ခန်းဆိုတော့ကာ အစွန်နှစ်ခန်းက အလယ်ခန်းကို လာစုကြတာပါ။ ဟိုရောက် ဒီရောက် ပြောရင်းကနေ တစ်ယောက်က စကားပြောရတာ ပျင်းလာလို့ဆိုပြီး တစ်ခုခု လုပ်ကြဖို့ အကြံပြုပါတယ်။ အဲဒီမှာတင် ဖျာလိတ်နတ်မေးကြဖို့ ဆုံးဖြတ်လိုက်ပါတယ်။ အချိန်ကလဲ တကယ့် အချိန်ကောင်းပါ။ ည ၁၂ နာရီပါ။ ဒီတစ်ခါမှာတော့ အခက်အခဲ မရှိပါဘူး။ ဘာလို့လဲ ဆိုတော့ စစ်ကိုင်းသူက အရင်က ခေါ်ဖူးလို့ပါ။ အဲဒါနဲ့ပဲ ခေါ်ဖို့ ပြင်ဆင်ကြတော့ ရန်ကုန်သူ ဖြူဖြူသေးသေးလေးက သူ့ရဲ့ ဝမ်းဆက် အနီရောင်ကို ထုတ်ပေးပါတယ်။ ဖျာကိုတော့ စတည်းချရာ အခန်းက တစ်ယောက်ကပေးပါတယ်။ ဘယ်သူလဲလို့ မမှတ်မိတော့ပါဘူး။ မိတ်ကပ်ကိုတော့ ဝိုင်းဝန်း လက်စွမ်းပြလိုက်တာ ခဏချင်းမှာပဲ မအောင်ဖြူတစ်ယောက် အပျံစား ဖြစ်သွားပါတော့တယ်။ အဲဒါနဲ့ပဲ စပြီး ခေါ်ကြပါတော့တယ်။ အဆင်သင့်ပြင်ထားတဲ့ ဖျာလိတ်(မအောင်ဖြူ)ကို အနည်းဆုံး ၃ ယောက်က ကိုင်ထားပေးရပါတယ်။ ဖျာလိတ် အခြေကနေ ကိုင်ရတာပါ။ (လူလဲ လဲပြီးကိုင်ရပါတယ်။ အကြာကြီးမ မထားနိုင်လို့ပါ။)
စစ်ကိုင်းသူ : တနင်္ဂနွေသမီး ဖျာလိတ်နတ် မအောင်ဖြူ ညီမလေးတို့နဲ့ ကစားရအောင်လာပါ။
(၂ ခါ ၃ ခါလောက် ခေါ်ပါတယ်)
စစ်ကိုင်းသူ : မအောင်ဖြူရောက်ပြီ ဆိုရင် စကောဝိုင်း ဝိုင်းပြပါ။
ဖျာလိတ်နတ်: ဖျာကို ဆန်ပြာတဲ့အခါ ဝိုင်းသလို ဝိုင်းပြပါတယ်။
စစ်ကိုင်းသူ : မအောင်ဖြူရောက်ပြီ ဆိုရင် မှန်ကြည့်လိုက်ပါဦး။
ဖျာလိတ်နတ်: မှန်ထောင်ထားတဲ့ဖက်ကို ဖျာကို လှဲချပါတယ်။
(တခါတလေ အဲလို မှန်ကြည့်ပြီဆိုရင် တော်တော်နဲ့ ဖျာကို ပြန်မတ်လို့ မရပါဘူး)
စစ်ကိုင်းသူ : မအောင်ဖြူ ညီမလေးတို့နဲ့ ဆော့ရတာ ပျော်သလား။ ပျော်ရင် အရှေ့အနောက်
ယိမ်းပြပါ။
ဖျာလိတ်နတ်: အရှေ့အနောက် ယိမ်းပြပါတယ်။
စစ်ကိုင်းသူ : မအောင်ဖြူ ဒီထဲမှာ ဘယ်သူ့ကို အချစ်ဆုံးလဲ။
ဖျာလိတ်နတ်: သူပြောချင်တဲ့လူရဲ့ခေါင်းကို ဖျာလိတ်နဲ့ ရိုက်ပြပါတယ်။
(အများအားဖြင့် တနင်္ဂနွေသမီးကို အချစ်ဆုံးလို့ ပြောတတ်ပါတယ်)
စစ်ကိုင်းသူ : မအောင်ဖြူ ဒီထဲမှာ ဘယ်သူ အချောဆုံးလဲ။
ဖျာလိတ်နတ်: သူပြောချင်တဲ့လူရဲ့ခေါင်းကို ဖျာလိတ်နဲ့ ရိုက်ပြပါတယ်။
စစ်ကိုင်းသူ : မအောင်ဖြူ ဒီထဲမှာ ရည်းစားရပြီးသားလူပါလား။ ပြောပါဦး။
ဖျာလိတ်နတ်: နှစ်ယောက် သုံးယောက်လောက် ရိုက်ပြပါတယ်။
(အဲဒီတုန်းကတော့ တက္ကသိုလ်စတက်ခါစ ရှိသေးတာကိုး၊ အခုနေများ ရိုက်ခိုင်းရင် ဘယ်လိုနေမယ်မသိ။ မရှိသေးတဲ့လူရိုက်ရတာ ပိုသက်သာတယ်လို့ ပြောမယ်ထင်တယ်။)
စစ်ကိုင်းသူ : မအောင်ဖြူ ဒီထဲမှာ ဘယ်သူ အရင်ဆုံး အိမ်ထောင်ကျမလဲ။ အစဉ်အလိုက်
ရိုက်ပြပါ။
ဖျာလိတ်နတ်: တစ်ယောက်ပြီးတစ်ယောက် အစဉ်အလိုက် ရိုက်ပြပါတယ်။
(စစ်ကိုင်းသူတို့ တသိုက်ကတော့ တစ်ယောက်ရိုက်လိုက်၊ တစ်ခါ စလိုက်၊ ဆူလိုက်နဲ့ပေါ့)
စစ်ကိုင်းသူ : မအောင်ဖြူ မရိုက်ဘဲ ထားခဲ့တဲ့ သူတွေ ရှိတယ်နော်။ အဲဒီလူတွေက
အပျိုကြီးဖြစ်မှာမို့လား။ ဟုတ်ရင် စကောဝိုင်း ဝိုင်းပြပါ။
ဖျာလိတ်နတ်: ဝိုင်းလိုက်တာမှ သွက်သွက်ကို ခါနေတာပါပဲ။
(စိတ်မကောင်းစရာကတော့ ဖျာလိတ်နတ် ထိပ်မပုတ်တဲ့ထဲမှာ စစ်ကိုင်းသူက ထိပ်ဆုံးက ပါနေတာပါပဲ။)
စစ်ကိုင်းသူ : မအောင်ဖြူ မှန်ကြည့်လိုက်ပါဦး။ ပြီးရင် အိမ်ထောင်ကျမဲ့လူတွေထဲမှာ ဘယ်သူ
ကလေးအများဆုံးရမှာလဲ ပြောပါဦး။ ရမဲ့ အရေအတွက်ကို ရိုက်ပြပါ။
ဖျာလိတ်နတ်: တစ်ယောက်ပြီးတစ်ယောက် တန်းစီပြီးရိုက်ပါတော့တယ်။
(တစ်ယောက်ဆို ၇ ချက်ထိ အရိုက်ခံလိုက်ရပါတယ်။ စစ်ကိုင်းသူတို့တွေလဲ တဟားဟားပေါ့။ အဲဒီ သူငယ်ချင်းကိုလဲ စလို့ မဆုံးတော့ပါဘူး။)
အဲဒီလိုနဲ့ မေးလိုက်ဖြေလိုက်လုပ်နေကြရင်းကနေ ရုတ်တရက်၊ အသည်းငယ်တတ်တဲ့ ရန်ကုန်သူတစ်ယောက်က ”အား ဘာကောင်ကြီးလဲ” ဆိုပြီး ငယ်သံပါအောင် အော်လိုက်ပါတယ်။ ကျန်တဲ့ သတ္တိခဲတော်တော်များများကလဲ ဘာမှန်းမသိ ညာမှန်းမသိနဲ့ ငယ်သံပါအောင် လိုက်အော်ကြပြီး၊ ဝရုန်းသုန်းကား ဖြစ်သွားပါတော့တယ်။ ဆိုးသွားတာက အဲဒီအချိန်မှာ ဖျာလိပ်ကို ကိုင်ထားတဲ့ ကျန်တဲ့ ၃ ယောက်ကလဲ အဲဒီ သတ္တိခဲတွေထဲမှာ ပါနေပါတယ်။ ရလဒ်ကတော့ ဖျာလိတ်ကိုင်ထားတဲ့လက်တွေကို လွှတ်ချလိုက်တဲ့အတွက် စစ်ကိုင်းသူခမျာ ဖျာလိတ်ကြီးကို တစ်ယောက်တည်း မနိုင်မနင်းဖြစ်ပြီး မအောင်ဖြူခမျာမှာလဲ ကြမ်းပြင်ပေါ်ကို ဂျွမ်းပြန်ပြီး ကျပါတော့တယ်။ အဲဒီကျမှ အကုန်လုံးလဲ ထိတ်ထိတ်ပျာပျာဖြစ်ပြီး မအောင်ဖြူကို ကမန်းကတမ်း ထူကြရပါတော့တယ်။ မအောင်ဖြူလဲ တော်တော်ကို စိတ်ဆိုးသွားပါတယ်။ ပြန်မေးတဲ့အခါ အကုန် ကိုးလိုးကန့်လန့်တွေ လုပ်ပါတော့တယ်။ အဲဒီ အချိန်မှာ တစ်ယောက်က ”ဒုက္ခပါပဲ ကြောက်လိုက်တာ” လို့ ပြောလိုက်ပါတယ်။ စစ်ကိုင်းသူလဲ အဲဒီ တစ်ယောက်ကို ကမန်းကတမ်းလှမ်းဟန့်ပေမဲ့ မမီတော့ပါဘူး။ အကောင်တွေ့လိုက်လို့ အော်လိုက်တဲ့ သူငယ်ချင်းခမျာလဲ မျက်နှာငယ်လေးနဲ့ သူ့ကို စိတ်မဆိုးဖို့ တတွတ်တွတ် တောင်းပန်ပါတော့တယ်။ သူက စကားပြောလဲ ကောင်းပါတယ်။ အသံလေးကလဲ ချိုပါတယ်။ အဲဒီတော့ နောက်ဆုံးတော့ မအောင်ဖြူလဲ သူ့ကို စိတ်ဆိုးပြေပြီး ခွင့်လွှတ်လိုက်ပါတော့တယ်။ အဲဒီမှ စစ်ကိုင်းသူလဲ သက်ပြင်းချနိုင်ပြီး နောက်ထပ် ပြသနာမပေါ်ခင် မအောင်ဖြူကို မှန်ကြည့်ခိုင်းပြီး ပြန်ခိုင်းပါတယ်။ ဒါပေမဲ့ မအောင်ဖြူက မထွက်ပါဘူး။ အဲဒါနဲ့ မအောင်ဖြူက ညီမလေးတို့နဲ့ ဆော့ချင်သေးတာလားလို့ မေးတော့လဲ မဟုတ်ဘူးတဲ့။ စစ်ကိုင်းသူခမျာလဲ ဘာလုပ်ရမှန်း မသိပေါ့။ နောက်မှ ဖျတ်ကနဲ သတိရလိုက်တာက တစ်ယောက်က သူ့ကို ကြောက်တယ်လို့ ပြောလိုက်တာကိုပါ။ အဲဒါနဲ့ပဲ အဲဒါကြောင့်လားလို့ မေးလိုက်တော့ ဟုတ်ပါသတဲ့။ အဲဒါနဲ့ပဲ အဲဒီ တစ်ယောက်ကို တောင်းပန်ခိုင်းရပါတယ်။ ဖြစ်ချင်တော့ အဲဒီ တစ်ယောက်က အရမ်း စကားနည်းတဲ့ တစ်ယောက်ဖြစ်နေပါတယ်။ သူလဲ တတ်သမျှ မှတ်သမျှတော့ တောင်းပန်ရှာပါတယ်။ စစ်ကိုင်းသူတို့ အကုန်လုံးလဲ ဝိုင်းပြီး တောင်းပန်ကြပါတယ်။ ဒါပေမဲ့ နာရီဝက်လောက် ကြာတဲ့ထိ မအောင်ဖြူက လုံးဝ မထွက်ပါဘူး။ စစ်ကိုင်းသူကိုယ်တိုင်လဲ ချွေးပြန်စ ပြုလာပါပြီ။ ကျန်တဲ့သူတွေ ကြည့်လိုက်တော့လဲ အကုန်လုံး မျက်နှာငယ်လေးတွေနဲ့ပါ။ တကယ်တမ်းမှာတော့ အကုန်လုံး တော်တော်ကြောက်နေကြပါပြီ။ ဖျာလိတ်နတ်နဲ့ ပတ်သက်တဲ့ ဇာတ်လမ်းတွေကလဲ ကြားဖူးထားတာ အများကြီးကိုး။ ကြောက်သာ ကြောက်တာ တစ်ယောက်မှ ကြောက်တယ်လို့ ပြောဖို့နေနေသာသာ မျက်နှာ မပျက်အောင်တောင် သတိထားနေရပါတယ်။ သူ့ကို ကြောက်တယ်လို့ ပြောလို့ စိတ်ဆိုးနေတာကိုး။ တောင်းပန်ရင်း တောင်းပန်ရင်းနဲ့ အကုန်လုံးလဲ တော်တော် သွေးပျက်နေကြပါပြီ။ ဖျာလိတ်ပိုင်ရှင်ဆို မျက်နှာလေးကို ဇီးရွက်လောက်ပဲ ကျန်ပါတော့တယ်။ အသက်တောင် ပြင်းပြင်းမရှူရဲကြပါဘူး။ နောက်ဆုံး ရှိသမျှလူအကုန်ဝိုင်းတောင်းပန်ပြီး၊ အကုန်လုံး မောသလောက်ရှိတော့မှ (၁နာရီနီးနီး ကြာပါတယ်) မှန်ကို အားရအောင် ကြည့်ပြီး ထွက်သွားပါတော့တယ်။ အဲဒီတော့မှ အကုန်လုံး အသက်ကိုဝအောင်ရှူ၊ တစ်ယောက်မျက်နှာ တစ်ယောက်ကြည့်၊ ဖွင့်မပြောဘဲနဲ့ သဘောတူညီမှု့တစ်ခု ရလိုက်ကြပါတော့တယ်။ ဘာသဘော တူညီချက်လဲ ဆိုတာတော့ ပြောစရာမလိုတော့ဘူး ထင်ပါတယ်နော။ သြော် ပြောဖို့ တစ်ခု ကျန်သွားတယ်။ ဖျာလိတ်ပိုင်ရှင် သူငယ်ချင်းခမျာ အဲဒီညအဖို့ သူ့ဖျာကို ပြန်မဖြန့်ရဲတော့ပဲ သူများကုတင်မှာ ပူပူအိုက်အိုက် ကြပ်ကြပ်ညပ်ညပ်နဲ့ သွားအိပ်လိုက်ရတာပါပဲ။

စစ်ကိုင်းသူ

Read more...

ဖန်ခွက်နတ်နှင့် အင်တာဗျူးခြင်း

>> Friday, May 2, 2008


စစ်ကိုင်းသူ : နာမည် ဘယ်လိုခေါ်ပါသလဲ။
ဖန်ခွက်နတ်: Hein Aung
စစ်ကိုင်းသူ : ကိုဟိန်းအောင်က ဘယ်ဇာတိပါလဲ။
ဖန်ခွက်နတ်: Insein, Yangon
စစ်ကိုင်းသူ : အသက်ရော ပြောလို့ရမလား။
ဖန်ခွက်နတ်: 28
စစ်ကိုင်းသူ : ပညာအရည်အချင်းကရော။
ဖန်ခွက်နတ်: Y.I.T Third Year


စစ်ကိုင်းသူ : ဘယ်တုန်းက ဆုံးတာလဲ မသိဘူးနော်။
ဖန်ခွက်နတ်: Last 9 Years
စစ်ကိုင်းသူ : သြော် ကြာပြီပဲ။ အရင်ကရော ဒီလိုမျိုး အမေး အဖြေလုပ်ဖူးပါသလား။
ဖန်ခွက်နတ်: No
စစ်ကိုင်းသူ : ဘာလို့လဲ မသိ။
ဖန်ခွက်နတ်: None call like that.
စစ်ကိုင်းသူ : အခုလို အမေးအဖြေလုပ်ရတာရော ပျော်ပါသလား။
ဖန်ခွက်နတ်: Yes
စစ်ကိုင်းသူ : သြော် အဲဒါဆို နောက်ခေါ်ရင်ရော လာမှာလား။
ဖန်ခွက်နတ်: Yes
စစ်ကိုင်းသူ : ကိုဟိန်းအောင် ဘာပြောချင်ပါသေးလဲ။
ဖန်ခွက်နတ်: Contact my home and tell them I am here.
စစ်ကိုင်းသူ : အိမ်ကို၊ ဘယ်လိုပြောပေးရမှာလဲ။
ဖန်ခွက်နတ်: By phone. ---------
(ဖုန်းနံပါတ်တစ်ခုပေးပါတယ်။)
စစ်ကိုင်းသူ : ကိုဟိန်းအောင်အတွက် တစ်ခုခု အလှူဒါနပြုပြီး အမျှဝေပေး ရမလား။
ဖန်ခွက်နတ်: No
စစ်ကိုင်းသူ : ဘာလို့လဲ။
ဖန်ခွက်နတ်: I don’t want to be human being nowadays.
(ဒီခေတ်ကြီးထဲမှာ လူပြန်မဖြစ်ချင်ဘူးလို့ ဖြေတဲ့ အဖြေကို စစ်ကိုင်းသူတို့တတွေလဲ ဘယ်လိုနားလည်ရမှန်းမသိ ဖြစ်သွားပါတယ်။ လူက ဝိညာဉ်ထက် ပိုအဆင့်မြင့်တာကို။ အင်းပါ ကိုယ် လိုက်မမီတဲ့ ကိစ္စ မစဉ်းစားတာပဲ ကောင်းပါတယ်။)
အဲဒါနဲ့ပဲ အင်တာဗျူးကို လက်စသတ်နိုင်အောင် ကြိုးစားရပါတော့တယ်။ တော်ကြာ ကိုယ်နားမလည်တာတွေ ထပ်ပါလာရင် ဝိညာဉ်လောက်တောင် မသိဘူး ဖြစ်နေမှာ စိုးရတယ်။ ဒီလိုနဲ့ပဲ ကိုယ်မမေးတော့ဘဲ သူ့ကို ပြောဖို့ အလှည့်ပေးလိုက်ပါတော့တယ်။

စစ်ကိုင်းသူ : တခြားရော ဘာပြော စရာ ရှိသေးလဲ။
ဖန်ခွက်နတ်: No
စစ်ကိုင်းသူ : အခုလို ဖြေပေးတဲ့ အတွက် ကျေးဇူးတင်ပါတယ်။

ပထမဆုံး တစ်ယောက်နဲ့ ပထမဆုံး အခေါက် အင်တာဗျူးခြင်းကို နမူနာ အနေနဲ့ ဖော်ပြလိုက်ပါတယ်။ နောက်ပိုင်းတော့ အဲဒါတွေတင်ဘယ်ကမလဲ အကုန် ပေါက်တတ်ကရ လျှောက်မေးကြတော့တာပါပဲ။ မောင်နှမ ဘယ်နှစ်ယောက်ရှိလဲကအစ၊ ရည်းစား ရှိလား အဆုံး၊ ရည်းစားက ချော မချောကပါသေး။ နောက်လူတွေကိုလဲ ထုံးစံအတိုင်းမေးကြတာပါပဲ။ ထူးဆန်းတာကတော့ ဝင်လာသမျှ Y.I.T က ချည်းပဲ ဖြစ်နေတာပါပဲ။ တစ်ခါပဲ Y.I.T က မဟုတ်တာ ဝင်လာဖူးပါတယ်။ အဲဒီတစ်ယောက်ကတော့ ဘာမှကို မေးလို့ မရပါဘူး။ မှန်ပေါ်မှာ လျှောက်ပြေးနေတော့တာပါပဲ။ စစ်ကိုင်းသူတို့လဲ ဘာလုပ်ရမှန်း မသိပေါ့။ နဲနဲကြာလာတော့ ပြန်ထွက်ပါဆိုတော့လဲ မထွက်။ အကုန်လုံးလဲ နည်းနည်းတော့ ကြောက်လာကြပြီ။ အဲဒီ အချိန်မှာပဲ တစ်ယောက်က ဘာစိတ်ကူးပေါက်လဲ မသိ၊ အသက် ဘယ်လောက်ရှိပြီလဲလို့ ကောက်မေးလိုက်ပါတယ်။ အဲဒီ တစ်ခုပဲ သူပြန်ဖြေပါတယ်။ ၂ လ တဲ့။ ရီရခက် ငိုရခက်။ အဲဒါကြောင့် မေးသမျှကို ဘာမှ ပြန်မဖြေနိုင်တာကိုး။ Glass Spirit ဖြစ်ဖို့ကလဲ အင်္ဂလိပ်စာ တတ်ဖို့လိုပါတယ်။ ဘာလို့လဲ ဆိုတော့ မေးသမျှကို အင်္ဂလိပ်လို စာလုံးပေါင်းပြရတာမို့ပါ။ မယုံတဲ့ လူက မယုံလောက်ပေမဲ့ ထူးဆန်းတာတော့ တော်တော့်ကို ထူးဆန်းတာပါ။ ဘာလို့လဲ ဆိုတော့ တချို့ ကိုဟိန်းအောင် ရေးလိုက်တဲ့ စာလုံးတွေကို စစ်ကိုင်းသူတို့ တစ်အုပ်စုလုံး တစ်ယောက်မှ မသိပါဘူး။ အဲဒါနဲ့ပဲ မှားပေါင်းသလားလို့ ထပ်မေးတော့လဲ အဲဒီ စာလုံးကိုပဲ ထပ်ခါ ထပ်ခါ ပေါင်းပြပါတယ်။ စစ်ကိုင်းသူတို့ကလဲ နားမလည်။ နောက်ဆုံး Glass Spirit လဲ စိတ်မရှည် ဖြစ်လာဟန်တူပါတယ်။ Use dictionary လို့ ရေးလာပါတယ်။ အဲဒီကျမှ ဟုတ်သားပဲ ဆိုပြီး အပြေးအလွှား စာအုပ်ရှာပြီး ကြည့်ရပါတယ်။ ရှိမယ်လို့တော့ မျှော်လင့် မထားမိပါဘူး။ ဒါပေမဲ့ အဲဒီ စာလုံးက တကယ်ကို ရှိနေပါတယ်။ တော်တော်အံ့သြစရာ ကောင်းတာပါ။ Glass Spirit ကလဲ ဝင်ရင် ဒေသစွဲလေးတော့ ရှိရှာဟန်တူပါတယ်။ စစ်ကိုင်းသူတို့ အုပ်စုခေါ်ရင် ကိုဟိန်းအောင် ဝင်တာ များပါတယ်။ အခန်းမှာက အင်းစိန်က တစ်ယောက်ရှိတယ်လေ။ ရှမ်းအုပ်စုခေါ်ရင်က တောင်ကြီးက တစ်ယောက်ဝင်တာ များပါတယ်။ ပုံမှန် ဝင်တာက ၃ ယောက်ရှိပါတယ်။ တစ်ယောက်ကတော့ သူ့နာမည်ကို အောင်ကျော်လို့ ပြောပါတယ်။ တောင်ကြီးက တစ်ယောက်ကိုတော့ သေချာ မမှတ်မိတော့ပါဘူး။ ကိုဦးဟန်လို့ ထင်ပါတယ်။ သြော် အင်တာဗျူးထဲမှာ ပြောထားတဲ့ ကိစ္စကို ဆက်ရဦးမယ်။ ကိုဟိန်းအောင်က ဖုန်းနံပါတ်ပေးတော့ စစ်ကိုင်းသူတို့ ခေါ်ကြည့်ကြပါသေးတယ်။ ကိုင်မဲ့လူ မရှိပါဘူး။ တကယ်တမ်း ကိုင်လာရင်တော့ ဘယ်လိုပြောကြမလဲ မသိ။ အခု ပြန်စဉ်းစားမှ မကိုင်တာပဲ တော်သေးတယ်လို့ အောက်မေ့ရပါတယ်။ မဟုတ်ရင် အလကားနေရင်း ဟုတ်လား မဟုတ်လားလဲ မသေချာ၊ ဟုတ်ရင်တောင်မှ အဲလိုဆို သူ့မိသားစုကရော ကြိုက်ပါ့မလား မသိ။ အဲဒီတုန်းကတော့ ငယ်သေးတော့ ဘာမှ မစဉ်းစားပါဘူး။ အထူးအဆန်းဖြစ်နေတာရယ်၊ သူက ဆက်ပေးပါဆိုတော့ သူများကို ကူညီရပါတယ်ဆိုပြီး ဆက်ကြတာလေ။ နောက်ပိုင်းလဲ ပျင်းတိုင်း ခေါ်ခေါ်မေးနေကြတော့ ကြာလာတော့ သူတို့တွေကို စိတ်ထဲမှာ ရင်းနှီးလာသလိုပဲ။ တခါတလေဆို ဝရန်တာမှာ ဖန်ခွက်သံ တဂျီးဂျီးတောင် ကြားနေရသလိုပဲ။ ဒါပေမဲ့လဲ ဘယ်သူမှ သိပ်မကြောက်ကြပါဘူး။ နောက်ပိုင်း အဆောင်မှူးသိသွားပြီ ဆူလို့သာ သိပ်မခေါ်ဖြစ်ကြတော့တာပါ။ နောက်တစ်ခေါက် MTU ကို ပြန်ရောက်တော့ ခေါ်ကြည့်မလို့ လုပ်ကြပါသေးတယ်။ မအောင်မြင်လိုက်ပါဘူး။ အဲဒီတော့ သူတို့တွေ ရှိသေးလား၊ မရှိတော့ဘူးလား မသိတော့ပါဘူး။ နောက်ကြုံရင်တော့ ပြန်တွေ့ချင်ပါသေးတယ်။

စစ်ကိုင်းသူ

Read more...

စစ်ကိုင်းသူနှင့် MTU ဘဝခရီးအစ

>> Thursday, May 1, 2008


ကိုလူအေး ကျောင်းတုန်းကအကြောင်းတွေ ရေးထားတာ ဖတ်ရတော့ ကျောင်းကို သတိရတယ်။ ပျော်ခဲ့ရတာတွေ၊ စိတ်တိုခဲ့ရတာတွေ၊ ဘာလုပ်လို့ လုပ်ရမှန်းမသိ ယောင်ချာချာ ဖြစ်ခဲ့ရတာတွေကိုပေါ့။ ကျောင်းကို အလွမ်းပြေ သူရေးထားတာတွေကို ဖတ်ရတယ်။ အဲဒါ ထပ်ရေးပါဦးပြောတော့ ဈေးကိုင်နေတယ်လေ။ ရေးခိုင်းလို့ မရဘူး။ ကိုယ့်ဘာသာကိုရေးတဲ့။ ကျောင်းနဲ့ပတ်သတ်ပြီး အမှတ်ရစရာတွေကတော့ အများကြီးပဲပေါ့။ ဒါပေမဲ့ မရေးတတ်ဘူးဟ ဆိုတော့ ရေးကြည့်ပါဦးတဲ့။ အဲဒါနဲ့ပဲ ချရေးကြည့်လိုက်တာ။ ဖတ်လို့မကောင်းဖို့က များမယ်ထင်တယ်။ ဘယ်က စရေးရပါ့။


MTU ကို ယောင်ချာချာနဲ့ စရောက်လာတာက စရေးရင် ကောင်းမယ်ထင်တယ်။ စစ်ကိုင်းသူတို့များ ကျောင်းနဲ့ အဆင်ပြေတယ် မပြေတယ်တော့ စကတည်းက ပြသနာနဲ့ စတာပဲ။ သူများတကာတွေက ကျောင်းတက်ဖို့ လှမ်းခေါ်တဲ့ စာတွေ တကိုင်ကိုင်နဲ့ သွားဖို့ ဟန်ရေးပြင်နေကြပြီ။ စစ်ကိုင်းသူဆီကို စာက မရောက်သေး။ ငါပဲ အရွေးမခံရလို့လား စဉ်းစားလိုက်တော့လဲ မဟုတ်နိုင်ပါဘူးပေါ့။ အဲဒါနဲ့ပဲ ပျာယာတွေခတ်ပြီး ရန်ကုန်ကို ဖုန်းဆက်မေးတော့ စစ်ကိုင်းသူနာမည် စာရင်းထဲမှာ ပါ ပါတယ်တဲ့။ ဝင်ရမဲ့ရက်ကို MTU ကို သွားလိုက်ပါတဲ့။ စာမပါလို့ လက်မခံဘူးဆိုရင် သူတို့ဆီကို ဖုန်းပြန်ဆက်ပါဆိုပဲ။ အဲဒါနဲ့ပဲ တခြား ကိုယ့်မြို့က အရွေးခံရတဲ့ သူတွေနဲ့ အတူ သွားကြတာပေါ့။ သူတို့တွေကတော့ ပြုံးလို့၊ ပျော်လို့။ ကိုယ့်မှာသာ မျက်နှာငယ်လေးနဲ့။ ဘာမှန်းမှ မသိတာကိုး။ ဟိုရောက်ပြီး နာမည်ပြောလိုက်တော့ ကံကောင်းထောက်မစွာပါပဲ ဘာမှ ပြသနာ မတတ်ပါဘူး။ နေရမဲ့ အဆောင်နဲ့ အခန်းကို ပြောပါတယ်။ အဲဒါနဲ့ နေရမဲ့ အဆောင်ကို ချီတက်ရတာပေါ့နော။ အခန်းက ၇ ယောက်ခန်းပါ။ စစ်ကိုင်းသူ အပါအဝင် အညာသူ ၃ ယောက်နဲ့ ရန်ကုန်ဖက်က ၄ ယောက်ပါ။ အဲဒီမှာ ပထမဆုံး စပြီး ရင်ဆိုင်ရတာတော့ MTU ရဲ့ နာမည်ကျော် လေပြင်းပါ။ ရောက်ခါစဆိုတော့ အကြောင်းက မသိဘူးလေ။ စစ်ကိုင်းသူတို့ အခန်းက သုံးထပ်မှာပါ။ အဲဒါ ရောက်ရောက်ချင်း ခေါင်းရင်းက ပြတင်းပေါက်ကို ဖွင့်ပြီး ဘောင်ပေါ်ကို မှန်လေး တင်လိုက်မိပါတယ် တစ်မိနစ်တောင် မကြာဘူး အနိစ္စသဘောနဲ့ ကိစ္စချောသွားပါရောလား။ နှမျောစိတ်နဲ့ ငုံ့ကြည့်လိုက်မိတော့ အဆောင်အောက်မှာ မှုန်မှုန်လေးပဲ မြင်ရတယ်။ တစ်စစီလဲ ဖြစ်ရောပေါ့။ (နောက်မှ သိတာက မှန်ကွဲတာ နိမိတ်မကောင်းဘူးဆိုပဲ။ ရောက်တဲ့နေ့မှာပဲ အိမ်ကတောင် မပြန်သေးဘူး မှန်ကွဲတယ်ဆိုတော့ စဉ်းစားသာ ကြည့်ကြပါတော့။) အိမ်ကလဲ နောက်တစ်ခါ အဲဒီ ပြတင်းပေါက်ကို မဖွင့်နဲ့တော့ဆိုပဲ မှာသွားတယ်။ သူတို့က ဖွင့်ပါလို့ မှာသွားရင်တောင် ဖွင့်လို့လဲ မရပါဘူး။ ဒီလောက်တောင် လေတဟူးဟူးတိုက်နေတာ။ လူပါပါသွားမလား မှတ်ရတယ်။ အဲဒီတုန်းကတော့ ပိန်ပိန်ပါးပါးပဲ ရှိသေးတာကော။ အခုနေတော့ ဝရန်တာ ထွက်ရပ်နေတောင် လေနတ်မင်းလဲ စစ်ကိုင်းသူကို ဘယ်နိုင်ရှာတော့မလဲ။ အဲဒီတုန်းကတော့ ဝရန်တာထွက်ချင်ရင် တံခါးဖွင့်ဖို့ကို တခါတလေ နှစ်ယောက်တောင် မရဘူး၊ ၃ ယောက်လောက်ဖွင့်မှ ကိုရွှေတံခါးက ပွင့်တော်မူတယ်လေ။ ဒုတိယမြောက် ရင်ဆိုင်ရတာတော့ စစ်ကိုင်းသူတို့ သင်တန်းရဲ့ နာမည်ကျော် ပဲဟင်းပေါ့။ ရောက်ခါစဆိုတော့ အိမ်က ဟင်းတွေတော့ ပါလာပါတယ်။ ဒါပေမဲ့ စားဖိုထဲကို ဘာဟင်းမှ အပြင်ကနေ မယူရဘူးဆိုတော့ ကျောင်းပါးကလဲ မဝသေးတော့ ကြောက်တာပေါ့။ နောက်ပိုင်းတော့ သိတဲ့ အတိုင်းပေါ့။ ထမင်းကလဲ အဲဒီတုန်းက ဆန်က ဝန်ထမ်းဆန်ပဲဆိုတော့ကာ စဉ်းစားသာ ကြည့်ကြပါတော့။ တော်သေးတာက စစ်ကိုင်းသူက အညာသူပီပီ ပဲကြိုက်တော့ နည်းနည်းခံသာသေးတယ်။ ရန်ကုန်က သူငယ်ချင်းတစ်ယောက်ဆို စားဖိုထဲကိုရောက် ထမင်းစားပွဲထိုင်ပြီး ထမင်းနဲ့ ဟင်းမြင်တာနဲ့ ငိုတော့တာပဲ။ ကျန်တဲ့သူတွေလဲ ဘာလုပ်လို့ လုပ်ရမှန်းမသိ။ ဆက်ပဲ စားရမှာလား။ သူ့ပဲ ချော့ရမှာလားနဲ့ တော်တော် ဗျာများသွားကြတယ်။ သူကလဲ သူငယ်ချင်းတွေ အားနာလို့နဲ့ တူပါတယ် ကြာကြာတော့ ဆက်မငိုရှာပါဘူး။ အဆောင်ပြန်ရောက်မှပဲ သူ့ကို စိတ်မချလို့ တစ်ရက် နှစ်ရက် စောင့်ကြည့်ဦးမယ်ဆိုပြီး နေ နေတဲ့ သူ့အမေကို ဖက်ပြီး ချုံးပွဲချ ငိုပါတော့တယ်။ အဲ နောက် နှစ်ရက်လားပဲ နေတယ် အောင်မြင်စွာ ဆုတ်ခွာပြီး သူ့အမေနဲ့ ပြန်ပါသွားပါတော့တယ်။ စစ်ကိုင်းသူတို့ အခန်းလဲ အင်အား တစ်ယောက် လျော့သွားပါတော့တယ်။ နေပူ လေတိုက် မြွေပွေးကိုက် ဆိုတဲ့ စာဆိုအတိုင်း တတိယမြောက်ခံစားရတာကတော့ အပူဒဏ်ပါပဲ။ အညာသူဖြစ်တဲ့ စစ်ကိုင်းသူတောင် MTU အပူဒဏ်ကို လှိမ့်နေအောင် ခံရတာ၊ တခြား ရာသီဥတု မျှတတဲ့ ဒေသက လာတဲ့ သူငယ်ချင်းတွေဆိုတာတော့ ပြောနေနဲ့တော့။ ဘယ်သူမှကို ကောင်းကောင်းမအိပ်နိုင်ကြဘူး။ အဲဒီမှာတင် ဇာတ်လမ်းက စတာပါပဲ။ အိပ်လို့ကမရ၊ ရောက်ခါစဆိုတော့ စာကြည့်စရာကလဲ သိပ်မရှိသေး၊ ဒီအတိုင်းထိုင်နေရမှာကလဲ ပျင်းစရာဆိုတော့ကာ စစ်ကိုင်းသူတို့ တစ်သိုက် မိန်းကလေးတွေ ပီပီ Glass Spirit ခေါ်ဖို့ ကြံစဉ်ကြတော့တာပါပဲ။ ဘယ်သူက စလိုက်လဲတော့ မမှတ်မိတော့ပါဘူး။ ဒါပေမဲ့ တကယ်တမ်းခေါ်မယ်လဲ လုပ်ရော ဘယ်လို ခေါ်ရမှန်း ဘယ်သူမှ မသိကြဘူး။ အချိန်ကလဲ ည ၁၂ နာရီ ကျော်နေပါပြီ။ ခေါ်ကလဲ ခေါ်ချင် ခေါ်လဲ မခေါ်တတ်၊ ဘာလုပ်ရမှန်း မသိ ဖြစ်နေကြတဲ့ အချိန်မှာ တစ်ယောက်ကပြောပါတယ်။ တခြားအခန်းက တောင်ကြီးသူက ခေါ်တတ်တယ်တဲ့။ အဲဒါနဲ့ ဝမ်းသာအားရပဲ အဲဒီတောင်ကြီးသူကို သူများအခန်း ၂ ခန်းဖြတ်၊ မိန်းကလေး ပီပီသသ ဝရန်တာကျော်ပြီး သွားခေါ်ကြပါတယ်။ ည ၆ နာရီ ကျော်ရင် အဆောင်အောက်ကို ဆင်းခွင့် မရှိတော့လို့ပါ။ (အမှန်ကတော့ နေ့ခင်းလဲ အောက်ဆုံးထပ်ထိဆင်း၊ ပြီးရင် ၃ ထပ်၊ ဒါမှမဟုတ် ၄ ထပ်ထိ ပြန်တတ်ရတာမို့ တော်တော်တန်တန် ဘယ်သူမှ မဆင်းပါဘူး။ ဝရန်တာက ကျော်လိုက်ကြတာပဲ များပါတယ်။ ဝရန်တာကလဲ နိမ့်နိမ့်လေးကိုး။) အဆင်သင့်ချင်တော့ အဲဒီတောင်ကြီးသူကလဲ မအိပ်သေးပါဘူး။ (အညာသူတွေတောင် ပူလို့ အိပ်မရတာ၊ တောင်ကြီးသူက ဘယ်အိပ်နိုင်မလဲ။) သူကို ဘယ်လိုခေါ်ရမလဲ မေးတော့ သူကလဲ သိပ်စိတ်မဝင်စားရှာပါဘူး။ ငါလိုက်ခေါ်ပေးမယ်တဲ့။ အဲဒါနဲ့ပဲ အခန်းကို တိုက်ပွဲအောင်ပြီးပြန်လာတဲ့ စစ်သူကြီးတွေလို မင့်မင့်ကြီး ပြန်လာပါတော့တယ်။ အခန်းကလူတွေကလဲ ဝမ်းသာအားရ ကြိုကြပါတယ်။ အဲဒါနဲ့ အခန်းထဲမှာပဲ ပြင်စရာရှိတာတွေ ပြင်ပြီး စခေါ်ပါတယ်။ ၃၊ ၄ ခါ ခေါ်ပေမဲ့လို့ ဖန်ခွက်က တုတ်တုတ်မှ မလှုပ်ပါဘူး။ တောင်ကြီးသူလဲ စဉ်းစား မရ ဖြစ်နေရှာပြီး၊ နောက်တော့ အခန်းထဲက ခေါ်လို့လား မသိဘူး ဆိုပြီး၊ ပြတင်းပေါက်ဘောင်ပေါ်မှာ ထိုင်နေတဲ့ သူငယ်ချင်းကို နင်ခေါ်ကြည့်စမ်းပါလို့ အကြံပေးပါတယ်။ သူလဲ ခေါ်လိုက်ရော စောစောက အိနြေ္ဒကြီးနဲ့ ငြိမ်သက်နေတဲ့ ဖန်ခွက်က စပြီး လှုပ်ရှားပါတော့တယ်။ အဲဒီ သူငယ်ချင်းခမျာ လန့်ဖျတ်ပြီး ချက်ချင်းပဲ အခန်းထဲကို အပြေးအလွှား ဝင်လာရှာပါတယ်။ ဝင်ပြီးတဲ့ နောက်မှာတော့ ဖန်ခွက်နတ်ခမျာလဲ တစက်ကလေးမှ မနားရရှာပါဘူး။ တစ်ယောက်တမျိုး သိချင်တာတွေ အတည်ရော ပေါက်ကရရော မေးလိုက်ကြတာ တော်တော်ကြာမှ ပြန်ထွက်ခွင့်ရပါတော့တယ်။ မေးလိုက်ကြတဲ့ အထဲမှာ ကိုယ့်အကြောင်းတောင် မကဘူး။ ဖန်ခွက်နတ်ကိုတောင် အင်တာဗျူးလုပ်လိုက်ကြပါသေးတယ်။ နောက်ကြုံမှ ဖန်ခွက်နတ် အင်တာဗျူးကို သတ်သတ်ရေးပါဦးမယ်။ MTU ရဲ့ ပထမဆုံး အမှတ်ရစရာ အဖြစ်တစ်ခုပေါ့။

စစ်ကိုင်းသူ

Read more...

စာတွေသင် ဘွဲ့တွေရ၊ အလုပ်တွေလုပ်တဲ့အခါမှာ


သူငယ်ချင်းတစ်ယောက်နဲ့ စကားတွေပြောရင်းက သူက ပြောလာပါရော.. ငါက လူကြီးကြိုက်ကိုကွ တဲ့။ ကဲပါ စကားက အပြည့်အစုံမပြောလိုက်တော့ စာဖတ်သူလည်း သူငယ်ချင်းကို လူကြီးက ဘာလို့ကြိုက်တာလဲဆိုတာ သိကြမှာ မဟုတ်ဘူး။ ပြီး သူ့လူကြီးကြိုက်က ငယ်ငယ်တုန်းကပါ။ ကြီးလာတော့ လူကြီးကြိုက်အောင် သူလည်း မနေတတ်တော့ပါဘူး။



သူငယ်ချင်းနဲ့ စကားပြောဖြစ်တဲ့ အကြောင်းအရာက ဒီလိုပါ၊ သူက ငယ်ငယ်တုန်းကတည်းက စာတော်သတဲ့၊ အတန်းစဉ်တိုင်းလောက်မှာလည်း ဆုတွေရခဲ့ရှာမှာပေါ့။ ဆယ်တန်းမှာလည်း သူက လောက်လောက်လားလား အောင်ခဲ့တာကိုး။ သဘောက သူ့မှာ ပိုက်ဆံရယ်၊ ၀ါသနာရယ်ရှိလို့ကတော့ ဗမာပြည်ပညာရေးစနစ်မှာ အဆင့်အမြင့်ဆုံးဆိုတဲ့ တက္ကသိုလ်တွေမှာ တက်ချင်ရင် တက်ခွင့်ရှိတာကိုး။ သူ့အကိုကကျတော့ ဆယ်တန်းတောင်မအောင်ဘူးလေ။ ညီကျတော့လည်း ဒုတိယံတွေ၊တတိယံတွေ ပိကာမှ ဆယ်တန်းက ကျွတ်တာကိုး။ ဟကောင်ရ မင်းကလည်း ဘယ်လိုဖြစ်ရတာလဲကွ၊ မင်းက အတန်းတွေ ဟုတ်တိပတ်တိအောင်ပြီး၊ အကိုတွေ၊ညီတွေကတမျိုးကိုးဆိုလို့ “ငါက လူကြီးကြိုက်ကိုကွ”ဆိုတာကို ပြောတာပါ။

လူကြီးကြိုက်ရတဲ့သဘောက ဒီလိုပါ၊ သူက အိမ်မှာ ငြိမ်ငြိမ်ကုတ်ကုတ်နေတယ်၊ ပြဿနာကောင်မဟုတ်ဘူး၊ စာတွေလုပ်စရာ ရှိရင် အေးအေးဆေးဆေးပုံမှန်လုပ်တော့ လူကြီးတွေက သဘောကျတာကိုး။ အဲဒီ လူကြီးကြိုက်ပါပဲ တက္ကသိုလ်တွေတက်၊ ပြီး စာချုပ်စာတမ်းကလည်း ရှိနေတော့ကာ အစိုးရ၀န်းထမ်းလုပ်ရတော့တာကိုး။ ကိုယ်ဝန်ထမ်းဖြစ်တော့ကာ လခပိုက်ဆံလေး မလောက်မငှနဲ့၊ စာတတ်ရင် လူချမ်းသာဖြစ်မယ်လို့ ငယ်ငယ်ကထင်ခဲ့တာလည်း တက်တက်စင်အောင် လွဲတော့တာပေါ့လေ။ မိဘကိုထောက်ပံ့နိုင်ဖို့ဝေးရော၊ ရတဲ့လခနဲ့ တစ်ယောက်တည်း အနိုင်နိုင်စားရတာ။ သူငယ်ချင်းပြောပြတာကို ပြန်ပြောလိုက်ရင် မျက်ရည်တောင် ၀ဲ သွားမလားပဲ။ ၀ဲ ချင်မှလည်း ၀ဲမှာပါလေ။ မင်းသူငယ်ချင်း မျက်ရည် ၀ဲတာလောက်တော့ တို့က ရီတာပေါ့၊ ရီတာပေါ့ လို့များ ပြောပြီး ငိုပြမယ့် သူက ပိုများနေမလားပဲ။

ကျောင်းတက်ခဲ့စဉ် တစ်လျှောက်လုံး မိဘအထောက်အပံ့နဲ့ တက်ခဲ့တာဆိုတော့ကာ တိုင်းပြည်တာဝန်ထမ်းဆောင်တဲ့ အချိန်ရောက်လာတော့ မိဘတွေကို တိုင်းပြည်တာဝန်တွေ ကူမထမ်းစေချင်တော့ဘူးလေ။ ကြုံတုန်းပြောရဦးမယ် သူငယ်ချင်းတစ်ယောက်အိမ်မှာဆို သားသမီးတွေက ၀န်ထမ်းတွေချည်းပဲတဲ့၊ ဘွဲ့ရပြီးကာစလေးတွေပေါ့၊ အကုန်လုံးက ရတဲ့လခမလောက်တော့ အိမ်ကိုပြန်ပြန်ပြီး ပိုက်ဆံတောင်းရတာတဲ့။ မင်းတို့ကလည်းကွာ မိဘတွေကိုပဲ တိုင်းပြည်တာဝန်အထမ်းဆောင်ခိုင်းနေကြတယ်လို့ ပြောပြောပြီးရီရသေးတယ်။

ခေါင်တဲ့ဒေသ သွားပြီး တာဝန်ထမ်းဆောင်ရ၊ ရတဲ့လခကို တစ်လစာ စားလို့ရအောင် ခွဲခြမ်းစိတ်ဖြာရတာကိုး။ ကြက်ဥ မနက်တစ်ခြမ်း၊ ညနေတစ်ခြမ်းဆိုတာ နေ့တိုင်းစားရတာမဟုတ်ဘူး။ တစ်လစာ ဆန်က ဘယ်နှစ်ပြည်၊ ကြက်သွန်နီဆိုတာတောင် ဘယ်နှစ်ဥသုံးမယ်ဆိုတာကို တွက်ရတာကိုး။ မင်းကွာ ငါ့မှာ သေမယ့်ရက်ကို ထိုင်စောင့်နေရသလိုပဲတဲ့။ ဒီနေရာကနေ ထွက်ပြေးသွားလို့ကလည်း မဖြစ်။ ရှေးဘ၀ ၀ဋ်ကြွေးတွေလို့ပဲ ပြောရမလိုပါပဲ။ ငယ်ငယ်တုန်းက ဒါတွေ နားမလည်ခဲ့ဘူး။ တစ်ရစ်တစ်ရစ်နဲ့ ချည်နှောင်တတ်တယ်ဆိုတာ သံယောဇဉ်တင်မဟုတ်ဘူး၊ အစိုးရအလုပ်ရောပါတယ်ဆိုတာကို။ နောက်များ မတော်တဆ မိန်းမရလို့ သားမမီးတွေများရှိလာရင် သူတို့ကို အစိုးရ၀န်ထမ်းမလုပ်စေချင်ဘူးတဲ့။ ဒီလိုခေတ်ထဲ လုပ်ရကိုင်ရတာ ပိုကျပ်သေးတယ်တဲ့။ အနေမတတ်ရင် ဟိုကမုန်း၊ ဒီကမုန်းနဲ့။

သူငယ်ချင်းက ဆက်ပြောပြပါတယ်။ ဘွဲ့ရအောင်စာမသင်ဘဲ တစ်ခြားနိုင်ငံသွားပြီး အလုပ်လုပ်တဲ့ ညီက အလုပ်အကိုင်အဆင်ပြေပြီး မိဘတွေဆီကို ပိုက်ဆံတွေပို့လို့တဲ့။ စာတွေတသီကြီး သင်ထားတဲ့ အကိုက မိဘတွေဆီ ညီပို့တဲ့ ပိုက်ဆံထဲကနေ နောက်ကျပြန်ဆပ်မှာပါအမေလို့ပြောပြီး ပိုက်ဆံချေး၊ ခေတ်နဲ့အဆက်မပြတ်အောင် နေချင်လို့ဆိုပြီး ကွန်ပြူတာကို ၀ယ်ရတာပါ။ ညီလေးကလည်း အကိုကြီးကို လေးစားဓာတ်အခံရှိတော့ အကိုကြီးက ဒီလိုလုပ်သွားတယ်ဆိုတော့လည်း အပြစ်အထူးမမြင်ပါဘူး။ ဒါတောင် ညီလေးလုပ်ကိုင်နေရတာက အလုပ်ကြမ်းတဲ့။ သူငယ်ချင်းပြောတာတော့ ငါတော့ကွာ ယူထားတဲ့ ဘွဲ့တွေကိုတောင် လွှင့်ပစ်ချင်စိတ်တွေ ပေါက်နေပါပြီတဲ့ဗျာ။

Read more...

  © Blogger templates Shiny by Ourblogtemplates.com 2008

Back to TOP